Hafnarfjörður - Garðabær - 05.09.2014, Blaðsíða 14

14 5. SEPTEMBER 2014
Hafnfirskum ljóðskáldum gert hátt undir höfði
Staksteinar við fjöruborðið kallast sumarsýning Bókasafns Hafnar-fjarðar sem er um hafnfirsk ljóð-
skáld.
„Okkur fannst tímabært að minna
á kveðskap þekktra sem óþekktra
hafnfirska ljóðskálda,“ segir Brigitte
Bjarnason bókavörður, en hún og
samstarfskona hennar, Sigrún Sigur-
jónsdóttir, sjá um sýningar á vegum
safnsins.
Þær stöllur fundu verk eftir þekkt
ljóðskáld, eins og til dæmis Örn
Arnarson, Stefán Hörð Grímsson og
fleiri, „en einnig nokkra gullmola
eftir minna þekkt ljóðskáld eins og
Jóhannes Jóhannesson og Jón Berg-
mann,“ segir Brigitte og heldur áfram:
„Við vildum gjarnan sýna fleiri verk
eftir skáldkonur, en það fannst því
miður frekar lítið í hillum safnsins.“
En það er ekki bara boðið upp á ljóð
eftir hafnfirsk skáld á bókasafninu því
gestum safnsins gefst líka tækifæri á
að spreyta sig í ljóðlistinni – settur
var upp „ljóðaveggur“ á annarri hæð
safnsins - og hefur það mælst vel
fyrir. „Þar kom margt á óvart og sýnir
með afgerandi hætti að ljóðið er ekki
í dauðateygjunum – fólk hefur verið
duglegt að skrifa á ljóðavegginn. Unga
kynslóðin hefur til dæmis greinilegan
áhuga á að tjá sig um ýmis málefni eins
og ástandið á Gaza, og ætti að fá fleiri
tækifæri til þess.“
Sýninginn er á fyrstu og annari hæð
safnsins og stendur til septemberloka.
Hér má lesa eitt ljóðið sem skrifað
var á vegginn góða, en það er eftir Ísak
Henningsson, sem gaf góðfúslegt leyfi
til birtingar á því.
(Texti frá Bókasafni Hafnarfjarðar).
Ármann Þorgrímsson yrkir um
Siðareglur
Umboðsmann með eðli grátt
ætti að setja á steglur.
Framsókn hefur alltaf átt
eigin siðareglur.
Hreinn Guðvarðarson orti undir
sjónvarpsfréttum:
Oft eg sit við sjónvarpið
þar sýnist andinn slíkur.
Okkur kemur ekkert við
utan Reykjavíkur.
Kristján Runólfsson varð fyrir
handarskaða og orti:
Úlnliðurinn bólginn, blár,
blæðir inn í holdið,
þó að ég sé kappi klár,
kvalinn er ég „soldið“
Davíð Hjálmar Haraldsson orti á
Grenivíkurgleði á Grenivík. Hann
tók þátt í viðburðum dagsins með því
að ganga/skokka í
kringum Þengilshöfða í grenjandi
rigningu og roki:
Oft er hált á Höfðans slóð
og hætt er þar við foki.
Drulluna í ökkla óð
í úrhelli og roki.
Og Davíð Hjálmar Haraldsson yrkir
áfram:
Breti sem við Barentshaf
berja vildi Olgu
hrasaði í hrúgu af
hreindýrstaði volgu.
Kerlingin á Skólavörðuholtinu orti í
vætunni í Reykjavík
Regnið vætir nára og nef,
nauð er við að búa,
ryðskán ég á rumpi hef,
rakaskemmd og fúa.
Gunnar Kr. Sigurjónsson yrkir
Það var eitt sinn rauðhærður Rússi,
sem reiddist í viðskiptastússi.
Hann barði í borðið
og bað svo um orðið,
en fór síðan burtu í fússi.
Sá Gamli yrkir:
Svo var það framsækinn Finni
sem fórnaði konunni sinni;
hnýtti´henni hnút
og henti svo út
því hann vildi vera með hinni.
Ingólfur Ómar Ármannsson yrkir
sléttuband:
Stakan góða léttir lund
lífgar gróður dagsins,
Vakan ljóða styttir stund
styrkir glóðir bragsins.
vísnastund
Pétur Stefánsson
pest@visir.is
Fréttirnar
frá Palestínu
Fólk segir að allt sé í fínu
Þau hafa þá ekki heyrt fréttirnar frá Palestínu
Ísraelsmenn stríð heyjandi
Palestínumenn deyjandi
Við getum ekki bara leyft þessu að gerast
Frekar leyfum við orðinu að berast
Að þetta gengur ekki lengur
Of margir svangir
Veröldin á bláþræði hangir
Slökum ekki á!
Látum þetta ekki á okkur fá!
Ef allur heimurinn leggst saman á eitt
Þá getum við fengið þessu breytt
(Ísak Henningsson)
Smiðsbúð 10 | 210 Garðabær
Sími: 554 4300 | www.solskalar.is
hf
Sólskálar
Svalaskjól
Gluggar og hurðir
Smiðsbúð 10 | 210 Garðabær
Sími: 554 4300 | www.solskalar.is
hf
Sólskálar
Svalaskjól
Gluggar og hurðir