Hafnarfjörður - Garðabær - 03.10.2014, Blaðsíða 14

14 3. OKTÓBER 2014
Eldhús Meistaramánaðar
Nú er október genginn í garð í enn eitt skiptið. Rok og rign-ing einkenna þennan haust-
mánuð í hugum margra og maður gæti
haldið að drunginn væri skipulagður
sem þáttur í einhvers konar andlegum
undirbúningi fyrir jólin. Það er auð-
vitað fagnaðarefni þegar jólaljósin fara
að blika í skammdeginu, sérstaklega
eftir nokkrar vikur af veðri eins og við
höfum mátt þola síðustu daga og vikur.
En svona til að létta okkur biðina er
orðið vinsælt að gera október að Meist-
aramánuði.
Meistaramánuður snýst fyrst og
fremst um að efla eigin heilsu og dáð,
taka sig saman í andlitinu, vakna
snemma, hreyfa sig og sitthvað í þeim
dúr. En hann getur verið miklu meira.
Margir strengja heit sem koma heils-
unni ekki beinlínis við, heldur ákveða
að vera duglegir á einhverjum öðrum
sviðum í október; læra betur heima,
eyða meiri tíma börnunum, færa bók-
haldið reglulega o.s.frv. Ein hugmyndin
er að vera duglegri í eldhúsinu. Þá er
Meistaramánuðurinn orðinn að Eld-
húsi Meistaramánaðar.
Okkur er nefninlega öllum hollt að
skoða matarvenjur okkar öðru hverju.
Hversu oft kaupum við tilbúin mat?
Hversu oft fá börnin snarl í kvöld-
mat? Hversu hollan mat borðum við
og gefum fjölskyldunni í amstri hins
daglega lífs? Svörin eru auðvitað æði
misjöfn, en hjá flestum eru þau öðru
vísi en við vildum. Það er nefninlega
frekar flókið að vera manneskja og
þegar við erum búin að eyða megninu
af kröftum okkar í vinnu, þrif, sjón-
varpsgláp og annað daglegt amstur.
Stundirnar sem við eyðum í það sem
við helst vildum – svona ef við værum
spurð – eru ævinlega allt of fáar hjá
okkur flestum.
Þess vegna er Meistaramánuðurinn
kærkominn áminning. Við þurfum
stundum að setjast niður og hugsa
um hvað það er sem skapar bestu
minningarnar úr daglega lífinu fyrir
okkur og fjölskylduna? Hjá mér, og
vonandi fleirum, eru margar af bestu
minningunum af því þegar fjölskyldan
hefur komið saman og eldað góðan mat
og borðað hann. Fátt er betra en að líta
yfir kvöldverðarborð með hollum og
góðum mat sem maður ber á borð fyrir
fjölskylduna. Það er að minnsta kosti
skoðun matarblaðamanns.
Í Eldhús Meistaramánuði er því hægt
að ákveða að elda allan mat frá grunni
þennan mánuð, ekki borða skyndibita,
gæta að hollustu og reyna að fá alla með
í matargerðina. Innst inni vitum við
flest hvað er hollt og gott fyrir okkur.
Þess vegna er stóra málið varðandi
hollt mataræði að vita hvað við erum
að láta ofan í okkur. Það getur verið
erfitt með tilbúnum mat sem ekki er
eldaður frá grunni. Það er líka erfiðara
að vita með vissu hvað er í innfluttum
mat en íslenskum, einfaldlega af því
framleiðslan er svo langt frá okkur.
Af því nú er brostið á með sláturtíð,
er tilvalið að borða íslenskt lambakjöt á
meðan það fæst ferskt. Svo er líka gott
að nýta sér það mikla úrval sem til er
af íslensku grænmeti á þessum árstíma.
Hér á síðunni fylgir uppskrift að ein-
faldri kjötsúpu þar sem uppistaðan er
íslenskt lambakjöt og íslenskt græn-
meti. Þetta er afskaplega einfalt, allir
geta hjálpað til og útkoman er bæði
bragðgóður og hollur kvöldmatur.
Athugið, að því smærri sem bitarnir
eru sem settir eru út í, þeim mún styttri
er eldunartíminn. Verði ykkur að góðu
og eigið gifturíkan Eldhús Meistara-
mánuð.
Svavar
Halldórsson
matarsíða svavars svavar@islenskurmatur.is
Smiðsbúð 10 | 210 Garðabær
Sími: 554 4300 | www.solskalar.is
hf
Sólskálar
Svalaskjól
Gluggar og hurðir
Smiðsbúð 10 | 210 Garðabær
Sími: 554 4300 | www.solskalar.is
hf
Sólskálar
Svalaskjól
Gluggar og hurðir
HrÁEFNI:
1 kíló af íslensku lambakjöti (má
alveg vera feitt)
300 grömm af íslenskum gul-
rótum
300 grömm af íslenskum rófum
Þrír íslenskir sellerístilkar
Einn og hálfur lítri af vatni
Lúka af ferskri íslenskri steinselju
Þrjár sætar íslenskar paprikur
Íslenskt sjávarsalt
Svartur pipar
aðFErð:
Setjið vatnið í pott. Skerið lamba-
kjötið niður í bita og setjið út í.
Mjög gott getur verið að setja bein
út í veiða þau upp úr í lokin, til að
fá aukin kraft. Látið malla í 20 -30
mínútur.
Skerið grófa grænmetið niður (gul-
rætur, rófur og sellerí) og bætið því
út í. Látið malla í 10-15 mínútur í
viðbót.
Saxið steinseljuna og sætu
paprikurnar og bætið út í. Saltið
og piprið eftir smekk. Látið malla í
10-15 mínútur.
Berið fram með grófu brauði og
íslensku smjöri.
Myndir: Kristján Maack