Hafnarfjörður - Garðabær - 14.11.2014, Blaðsíða 10

10 14. Nóvember 2014
Iðkendum í yngri flokkum Hauka í körfunni hefur fækkað.
Skorað er á bæjaryfirvöld að gera betur við íþróttafélögin:
„Sameiginlegt verkefni sem
allir mættu standa sig betur í“
„Það er því miður stundum fámennt á foreldrafundum, það er eitthvað sem allir
foreldrar sem eiga börn í íþróttum þurfa að hugsa um,“ segir Ívar Ásgrímsson,
íþróttastjóri Hauka í viðtali við Bæjarblaðið Hafnarfjörð/Garðabæ. Hann fer
víða yfir sviðið, en ræðir helst um körfuknattleiksdeild félagsins og starf yngri
flokkanna, en þar hefur iðkendum fækkað, auk aðstöðumála félagsins, sem
hann telur að megi bæta verulega. „Sem dæmi um þetta þá æfa meistara-
flokkar félagsins aldrei á keppnisvellinum, hvorki handboltinn né körfunni.“
Ívar segir aðspurður að nokkuð vel hafi
gengið hjá körfuknattleiksdeildinni.
Stöðug uppbygging hafi verið á undan-
förnum árum. „Tekin var sú ákvörðun
eftir að meistaraflokkur karla féll niður
um deild árið 2009 að byggja upp og
notast við uppalda drengi. Sú stefna
hefur verið að skila sér og nú er meistara-
flokkur karla nánast eingöngu byggður
upp af strákum sem ólust upp innan
félagsins. Meistaraflokkur kvenna er að
sama skapi skipaður ungum stúlkum
sem aldar eru upp innan félagsins. Fyrir
þetta tímabil hurfu 5 leikmenn á braut,
erlendis og annað, sem allar voru í 26
manna hóp A landsliðs Íslands en samt
var tekin sú ákvörðun að spila á mjög
ungu liði sem var til staðar. Bæði lið eru
á toppnum í dag eftir fjórar umferðir.“
Ívar segir einnig að yngri fokkarnir
hafi staðið sig vel. Tveir til þrír Íslands-
meistaratitlar og 1-2 bikarmeistaratitlar
hafi skilað sér í hús síðustu misserin. Auk
þess hafi leikmenn sýnt takta sem tekið
hafi verið eftir. „Deildin átti á síðasta
ári 8 leikmenn sem spiluðu með yngri
flokka landsliðum í lokamóti og um 15
leikmenn sem voru valdir í æfingahóp.“
Fækkun í yngri flokkunum
En það er að fleiru að hyggja, því
iðkendum í yngri flokkunum hefur
fækkað nokkuð frá síðasta tímabili
að sögn Ívars. „Núna eru tæplega 200
iðkendur í körfuknattleiksdeild Hauka.
Við erum núna að vinna markvist að
fjölgun í barna og unglinga starfinu.
Sumir flokkar eru allt of fámennir og
við verðum að ná fjölgun þar, bæði til
að gera æfingar skemmtilegri og til að
krakkarnir ná betri árangri. Nú er byrj-
endahópur í körfunni, 6-7 ára, um 40
krakkar á æfingum en þar hefur verið
unnið markvisst í því að ná inn fleiri
iðkendum. Núna er lögð áhersla á fjölga
iðkendum 8-11 ára.“
Eina atvinnukonan
í körfunni
Ívar segir að ávallt hafi verið lögð jafn
mikil áhersla á meistarflokk kvenna,
til jafns við karlaflokkinn. „Við í
Körfuknattleiksdeild Hauka erum stolt af
því sem við höfum gert fyrir bæði kynin.
Alltaf hefur verið lögð mikil áhersla á
meistaraflokk kvenna, til jafns á við karl-
ana. Við erum einstaklega stolt af því að
eiga eina atvinnumanninn í kvennakörf-
unni, hana Helenu Sverrisdóttur. Við
reynum alltaf að hafa allt jafnt fyrir bæði
kynin, bæði fyrir meistaraflokka og yngri
flokka. Nú hallar aðeins á stelpurnar í
fjölda og má segja að skiptingin sé u.þ.b.
60% hjá strákum á móti 40% hjá stelpum.
Þetta er kannski í samræmi við aðrar
íþróttir og jafnvel ívið betra. Það er
því miður mun erfiðara og mun meiri
vinna að halda stúlkunum í íþróttinni
og minnka brottfall hjá þeim heldur en
drengjum. Það er líka erfiðara að fá þær
til að mæta á æfingar,“ fullyrðir Ívar.
Meiri kraft þarf
í foreldrastarfið
Foreldrastarfið er gott að mati Ívars.
En það mætti samt sem áður vera
betra. „Þarna kemur til að bæði
Körfuknattleiksdeildin þarf að gera
betur í að virkja foreldra og svo auðvitað
að foreldrar stígi fram og bjóðist til að
starfa fyrir deildina og sín börn. Þetta er
sameiginlegt verkefni sem allir mættu
standa sig betur í. Hver flokkur á að hafa
foreldrastjórn sem sér um flokkinn að
mestu leyti, þ. e. að sjá um æfingaferðir,
leiki og þessi stóru mót sem farið er á.
Það er því miður stundum fámennt á
foreldrafundum, það er eitthvað sem allir
foreldrar sem eiga börn í íþróttum þurfa
að hugsa um.“
Ýmsir mælikvarðar
á árangur
Árangur Haukanna í yngri flokkunum
hefur verið góður í körfunni hjá Hauk-
unum. Ívar gat um titla hér að framan,
en segir að það séu ýmsir fleiri mæli-
kvarðar á árangur. „Hjá eldri iðkendum
er árangur mældur að miklu leyti með
árangri, þ. e. sigurleikjum, titlum og svo
hve margir komast í landsliðsverkefni.
Í yngstu aldurshópunum er ekki verið
að mæla út frá sigrum eða einstaklings-
verkefnum. Þarna skiptir miklu máli
að iðkendum finnist gaman að mæta á
æfingar og að það séu verkefni fyrir alla
sem eru að æfa og að hver iðkandi fái að
spila og taka fullan þátt í öllu starfinu.“
Aðstöðuvandræði
„Við í Haukum erum í miklum vand-
ræðum með aðstöðuna,“ segir Ívar,
spurður um þau mál. „Haukar eru eitt
stærsta, ef ekki stærsta, íþróttafélag á
landinu ef mælt er útfrá vetraríþróttum.
Við erum með 4 meistaraflokka,“ segir
Ívar og vísar til karla og kvennaflokka í
bæði handbolta og körfu sem allir leika
í efstu deild, og sem tóku þátt í úrslita-
keppni á síðasta ári.
Gengur ekki til lengdar
„Bæði handknattleiksdeildin og
körfuknattleiksdeildin eru stærstu
deildir landsins ef mælt er útfrá árangri
og fjölda. Sem dæmi um þetta þá æfa
meistaraflokkar félagsins aldrei á keppn-
isvellinum, hvorki handboltinn né körf-
unni. Það eru um 3 meistaraflokksleikir
að meðaltali á viku í húsinu og þá þarf
að notast við báða salina og þá falla æf-
ingar niður í þrjá klukkutíma. Það geta
allir séð að það getur ekki gengið upp til
lengdar,“ segir Ívar.
Hann tekur dæmi af því þegar meist-
araflokkur karla átti sinn fyrsta leik gegn
Njarðvík í úrslitakeppninni í fyrra. „Þá
áttu þeir ekki æfingu í húsinu þrjá daga
fyrir leik. Nú erum við búnir að vera að
berjast fyrir því í nokkurn tíma að byggt
verði annað íþróttahús hér á svæðinu og
erum við búnir að láta teikna það hús og
gera kostnaðaráætlun sem er mjög hag-
kvæm fyrir alla aðila. Samstaða er innan
íþróttahreyfingarinnar hér í Hafnarfirði
um að þessi framkvæmd eigi að vera í
forgangi og hefur ÍBH [Íþróttabanda-
lag Hafnarfjarðar, samstarfsvettvangur
íþróttafélaganna í bænum] gefið það
út og bent á þörf fyrir annað löglegt
íþróttahús hér í Hafnarfirði. Því miður
hafa stjórnmálamenn dregið það að taka
„Þarna skiptir miklu máli
að iðkendum finnist gaman
að mæta á æfingar og að
það séu verkefni fyrir alla
sem eru að æfa og að hver
iðkandi fái að spila og taka
fullan þátt í öllu starfinu.“
Ívar Ásgrímsson stendur á hliðarlínunni. Hann gagnrýnir bæjaryfirvöld og vill að meira verði gert fyrir íþróttafélögin.