Hafnarfjörður - Garðabær - 28.11.2014, Blaðsíða 4
4 28. Nóvember 2014
Ríkissaksóknari kærði ákvörðun um að loka réttahöldum yfir vændiskaupendum:
Lögregla og ríkissaksóknari
á öndverðum meiði við Hæstarétt
Hæstiréttur hafnaði kröfu ríkis-saksóknara um að réttarhöld í málum 40 karla sem ákærðir
hafa verið fyrir vændiskaup verði
haldin í heyranda hljóði. Hæstiréttur
klofnaði í afstöðu sinni. Tveir dómarar
af þremur vildu ekki hafa réttarhöldin
opin vegna hagsmuna „brotaþola“ eins
og segir í dómnum. Konan sem talin
er hafa seld körlunum vændi, mun
vera farin úr landi fyrir nokkru. Ekki
er refsivert að selja vændi hér á landi.
Vændiskaup eru hins vegar bönnuð
og refsiverð.
Meginregla í íslensku réttarfari er að
réttarhöld séu haldin í heyranda hljóði,
en öll réttarhöld í vændiskaupamálum
hafa verið lokuð, samkvæmt ákvörðun
dómara.
Héraðsdómur hefur vísað til heim-
ildar í lögum um meðferð sakamála
um að hafa réttarhöldin lokuð. Vísað
er til ákvæða um að hlífa sakborningi,
brotaþola, vandamanni þeirra, vitni
eða öðrum sem málið varðar, eða af
velsæmisástæðum. Þá væru réttarhöld
í kynferðisbrotamálum ávallt lokuð, en
bann við vændiskaupum sé að finna í
kynferðisbrotakafla almennra hegn-
ingarlaga. Meirihluti hæstaréttar lítur
einkum til þess að hlífa eigi konunni
sem seldi vændið. Guðrún Erlends-
dóttir Hæstaréttardómara telur hins
vegar að réttarhöldin eigi að vera opin.
Löggan vill opið þinghald
„Mín skoðun er sú, sama og ríkissak-
sóknari núna, að krefjast þess að það
sé opið þinghald,“ segir Alda Hrönn
Jóhannsdóttir aðstoðarlögreglustjóri
á höfuðborgarsvæðinu í samtali við
blaðið.
Aðstöðumunur
Vændiskaup voru bönnuð með lögum
árið 2009. Í greinargerð með frumvarp-
inu sem Alþingi samþykkti, segir meðal
annars að hlutverk löggjafans sé að
sporna við sölu á kynlífi, „enda sé ekki
ásættanlegt að líta á mannslíkamann
sem söluvöru“. Þá sé gengið út frá því
að ábyrgðin á slíkum viðskiptum séu
á herðum kaupanda en ekki þess sem
selur. Aðstöðumunur sé enda mikill.
Það sé kaupandinn í krafti peninga eða
annarar greiðslu sem hafi eiginlegt val
í þessum aðstæðum og í lang flestum
tilvikum sé staða hans mun sterkari en
þess sem selur aðgang að líkama sínum
til kylífsathafna. Þá er í greinargerðinni
einnig bent á neyð seljenda og tengsl
vændis og mansals.
Vill draga úr eftirspurn
„Það að viðkomandi sé ekki nafn-
greindur, gerir að verkum að forvarnar-
gildið er ekki það saman. Þá höfum
við of mikla eftirspurn. Við þurfum að
stemma stigu við eftirspurninni. Það
gerum við með því að það sé ekki lokað
þinghald í málum af þessu tagi,“ segir
Alda Hrönn Jóhannsdóttir
Tugir dóma
Vændismálin sem nú eru fyrir héraðs-
dómi hófust með mansalsrannsókn.
Stúlkan sem seldi körlunum vændi er
farin úr landi, en hún mun hafa komið
hingað til lands frá Austur-Evrópu.
Nokkrir tugir dóma hafa fallið í
vændiskaupamálum hérlendis, frá því
að lög sem banna kaup á vændi tóku
gildi. Flestir munu hafa játað brot sín
og verið sakfelldir. Sektir hafa numið á
bilinu 80-120 þúsund krónur.
Fjórir dómar héraðsdóms hafa verið
birtir þar sem eingöngu hefur verið
fjallað um vændiskaup. Tveir sekt-
ardómar og tveir sýknudómar. Rétt-
arhöld í öllum þessum málum hafa
verið lokuð.
HAFNARFJÖRÐUR / gARÐAbæR
22. TbL. 4. ÁRgANgUR 2014
Útgefandi: Fótspor ehf. Ábyrgðarmaður: Ámundi Ámundason, sími: 824 2466,
netfang: amundi@fotspor.is. framkvæmdastjóri: Ámundi Steinar Ámundason, netfang:
as@fotspor.is. auglýsingastjóri: Ámundi Ámundason, Suðurlandsbraut 54, 108 Reykjavík.
Auglýsingasími 578 1190, netfang: auglysingar@fotspor.is, Veffang: fotspor.is, Ritstjóri:
Ingimar Karl Helgason, sími: 659-3442 netfang: ingimarkarlhelgason@gmail.com,
Matarblaðamaður: Svavar Halldórsson. Sími. 869-4940. Netfang. svavar@islenskurmatur.is,
Umbrot: Prentsnið, Prentun: Ísafoldarprentsmiðja, 13.500 eintök. dreifing: Póstdreifing.
Fríblaðinu er dreiFt í 13.500 e intökum
í allar íbúðir í HaFnarFirði / Garðabæ
Nefnd um stjórn fiskveiða, sem frumvarp núverandi sjávarútvegsráðherra
er sagt byggja á, hafði eitt megin markmið: Að yrði sátt meðal þjóðarinnar
um skipan þessara mála.
Aftur á móti virðumst við enn standa í þeim sporum að aðeins einn hópur fólks
á að vera sáttur. Þeir sem fá kvótanum úthlutað. Þeir stærstu og voldugustu.
Orðið „sátt“ hefur mikið verið notað í umræðum um sjávarútvegsmál síðustu
misserin og daga.
Staðan er nefnilega sú að einstaklingar á bak við fyrirtækin sem fá úthlutað
megninu af kvótanum eru fáir. Satt að segja mætti koma þeim fyrir í einum
strætisvagni. Yfir þetta hefur verið skilmerkilega farið í fjölmiðlum og er rifjað
upp í umfjöllun um væntanlegt frumvarp sjávarútvegsráðherra hér í blaðinu.
Niðurstaða „sáttanefndarinnar“ var nefnilega engin sátt. Menn voru í raun
aðeins sammála um eitt: Að áfram yrði veiddur fiskur við Ísland.
Sú leið sem nú hefur verið lögð til, að færa fáum stórútgerðarmönnum áratuga
einkarétt á sameiginlegri auðlind, er ekki afurð sáttar, allra síst við þjóðina
alla. En með þessari aðferð fá þeir voldugustu sínum kröfum framgengt.
Sjávarútvegsfyrirtækjum gengur að sönnu mis vel. En það er ekki röksemd fyrir
því að örfáir tugir manna geti í skjóli sameiginlegra gæða haft tögl og haldir í
öllu samfélaginu. Það var vitlaust gefið í upphafi og það verðum við að laga.
Regluverkið okkar er einnig augljóslega gallað. Það sjáum við glöggt á sölu
kvóta Stálskipa úr Hafnarfirði. Þar var bænum ekki boðinn forkaupsréttur.
Með lagakrókum er hugsanlega hægt að færa rök fyrir því að slík niðurstaða
standist. Það þýðir ekki að hún sé rétt. Það þýðir ekki að hún sé sanngjörn.
Þess vegna er verkefni okkar að taka til í lögunum með hagsmuni alls sam-
félagsins að leiðarljósi. Sú tiltekt getur ekki byggst á brauðmolakenningu
frjálshyggjumanna.
Það viðhorf stjórnvalda sem birtist svo skýrt í órökstuddum flutningi Fiskistofu
gefur aftur á móti ekki tilefni til mikillar bjartsýni.
Allir Íslendingar eru hagsmunaaðilar þegar kemur að fiskveiðum við landið,
ekki aðeins stórútgerðin. Það verða stjórnvöld alltaf að hafa í huga, númer
eitt, tvö og þrjú.
Ingimar Karl Helgason
Sátt við hvern?
Leiðari
Skora á stjórnvöld
Öryrkjabandalagið hefur hafið undirskriftarsöfnun, þar sem skorað er á stjórnvöld að inn-
leiða samning Sameinuðu þjóðanna
um réttindi fatlaðs fólks. Söfnunin fer
fram á vef bandalagsins, obi.is. Banda-
lagið bendir á að 151 ríki hafi þegar
gert þetta, en aðeins fjögur Evrópuríki
eigi það eftir, Ísland þar á meðal.
Auka framlög til einkaskóla um 36 milljónir:
Hjallastefnan færir út kvíarnar
Grunnskóli Hjallastefnunnar hyggst enn færa út kvíarnar og kenna í 6. bekk á næsta
skólaári. Gerður var samningur við
bæinn fyrr á árinu um að Hjalla-
stefnan fengi að hefja kennslu á mið-
stigi í Hafnarfirði, þ. e. í 5. bekk. Ekki
var gert ráð fyrir þessu í fjárhagsá-
ætlun ársins hjá Hafnarfjarðarbæ, en
Hjallastefnan sjálf hugðist greiða mis-
muninn fram að áramótum. Fræðslu-
ráð hefur nú samþykkt að bæta sjötta
bekknum við en það var gert á fundi
í vikunni.
Fram kemur í tillögum fræðsluráðs
með fjárhagsáætlun Hafnarfjarðar-
bæjar í fræðslu og uppeldismálum, að
til standi að hefja kennslu í sjötta bekk
á vegum Hjallastefnunnar.
Í tillögunni segir að fyrir liggi ósk
frá Barnaskóla Hjallastefnunnar um að
bæta sjötta bekknum við næsta haust.
Gert er ráð fyrir ríflega 36 milljónum
króna úr bæjarsjóði vegna þessa. Á
móti kemur, segir í tillögunni, að bú-
ast megi við að þriðjungur þessarar
fjárhæðar sparist í grunnskólum vegna
fækkunar bekkjardeilda. Einnig segir
að framlög til miðstigs skólans séu háð
barnafækkun í leikskóladeild og hús-
næði Litla-Hjalla „verði tekið undir
grunnskólastarf.“
Heildarkostnaður Hafnarfjarðar-
bæjar við grunnskóla Hjallastefnunnar
verður 168 milljónir króna á árinu
2015 samkvæmt tillögu fræðsluráðs.
Dráttarvélar á Íslandi – enn og aftur
Út er kominn þriðji DVD diskur Hjalta Stefánssonar og Heiðar Óskar Helgadóttur um eldri
dráttarvélar. Þau voru á ferðinni um
landið í sumar og hittu mann og
annan, segir í fréttatilkynningu. Á
Suðurnesjum hittu þau útgerðarmann-
inn og bóndann Hermann Ólafsson
sem hefur sankað að sér mörgum upp-
gerðum vélum. Á Akranesi fundu þau
annan vélasafnara sem leitar uppi vélar
til að gera upp.
„Við ræddum við Ragnar Jónasson
sem ungur heillaðist af Ferguson og
í fræðsluhorninu kynnumst við ferl-
inu við pólýhúðun. Þá eru safnadeg-
inum á Hvanneyri gerð góð skil. Í
Eyjafirðinum leynast víða dýrgripir
m.a. Lanz Aldog, Kramer og Volvo.
Við fræðumst um starfsemi Búsögu,
búnaðarsögufélags Eyjafjarðar. Harry
Ólafsson sýnir okkur hvernig hann
breytti W4 bensínvél í díselvél. Við
fáum að sjá uppgerðan MF 65 á beltum
og hittum Örnólf í Hólakoti sem hefur
sankað að sér vélum og dreymir um að
gera þær upp. Á Suðurlandi er John
Deere á fimmtugsaldri enn í notkun og
á Síðu fundum við Oliver 60 frá 1947.
Á bæ einum í Jökulsárhlíð eru á annan
tug Ford véla í daglegri brúkun og við
ræðum við Markús Sigurðsson sem
er Deutz-grænn í gegn og hefur gert
upp nokkrar vélar, þ. á m. Diggadigg
sem við heyrum af. Við ræðum við
áhugabónda í Garðabæ og fyrrum
vinnumann á Jarðbrú sem kynntist
einu David Brown vélinni sem kom
í Svarfaðardal,“ segir meðal annars í
lýsingu á framtakinu,
Diskurinn er seldur á 3.800 krónur
með virðisaukaskatti. Hægt er að nálg-
ast DVDS viskinn með tölvupósti:
tokataekni@gmail.com og í síma 471
3898.
Einnig er hægt að fá eldri diskana
á tilboðsverði með þeim nýja segir í
tilkynningu.
Íþróttahreyf-
ingin bregst við
Íþróttasamband Íslands hefur
ákveðið að þeir sem hlotið hafa dóma
á grundvelli kynferðisbrotakafla al-
mennra hegningarlaga megi ekki
starfa hjá íþróttafélögum, hvorki í
launuðu starfi né sem sjálfboðaliðar.
ÍSÍ lét útbúa sérstakt eyðublað sem
umsækjendur þurfa að fylla út, en
þar er meðal annars veitt heimild til
að sækja upplýsingar frá sakaskrá til
að ganga úr skugga um þetta. Íþrótta-
bandalag Hafnarfjarðar fjallaði um
eyðublaðið seint á síðasta ári. Bann
við kaupum á vændi er að finna í kyn-
ferðisbrotakafla hegningarlaganna.
Ekki hefur frést af því að neinum hafi
verið neitað um starf hjá íþróttafé-
lögum vegna þessa.
Alda Hrönn telur að réttarhöld yfir
vændiskaupendum eigi að vera opin.
menn sem hafa verið ákærðir fyrir
vændiskaup vilja ekki láta sjást framan
í sig. myndin var tekin í héraðsdómi
við fyrirtöku í einu af málunum 40.
Mynd: Pressphotos.biz.