Hafnarfjörður - Garðabær - 12.12.2014, Blaðsíða 14
14 12. Desember 2014
Gleðileg jól
Nú eru tæpar tvær vikur til jóla, Hafnarfjörður er kominn í jólafötin og
jólaþorpið á sínum stað. Smákökur, skata, hangikjöt, hamborgarhryggur
og allt hitt er innan seilingar – svo ekki sé nú talað um pakkaflóð og
fjölskyldutíma. Hafnfirðingar fyllast flestir stolti þegar þeir aka í gegnum
miðbæinn baðaðan jólaljósum og skrauti. Daglegt amstur og ergelsi mun
bráttverða gleymt og grafið í fáena dag. Allir eru með einhvers konar hefðir
í mat og drykk og flestir komnir á fullt í undirbúningi.
Hlökkum til
En því miður eru ekki allir jafn sælir
um jólin eða á aðventunni. Sumir þurfa
að leita sér aðstoðar til að geta haldið
hátíðleg jól og alltof margir tapa sér
í streitu í jólaundirbúningnum. Fyrir
ári var vitnað á þessum síðum til
könnunar sem þá var ný. Þar kom fram
að þótt flestir hlakki til jólanna, þá eru
þeir lika margir sem kvíða jólunum.
Matarblaðamaður benti þá á að þetta
er ekkert nýtt og rifjaði upp frásögn
af þunglyndi og ógleði Eiríks Rauða
á jólaföstunni, sem helgaðist af því að
hann átti ekki það sem þurfti til að
halda jólin hátíðleg fyrir sig og sitt fólk.
Verum glöð
Þá kom Þorfinnur karlsefni til bjargar
og sigldi með fullt skip af góðum kosti
til Grænlands. Þannig að jólakvíði
vegna efna- eða bjargarleysis er ekki
nýr af nálinni. En hvaða ráð eru til við
því? Jú, kannski fyrst og fremst að temja
sér hófsemd og nægjusemi um jólin
eins og endranær. Því andi jólanna er
hinn sami hvort sem borð eru drekk-
hlaðin veislukosti eða jólatréð falið
bak við fjall af pökkum. Sem betur fer
hlakka lang flest okkar til jólanna. Þau
eru tími gleði og hamingju, heimsókna
og faðmlaga.
Okkar eigin jólasiðir
Nokkrir siðir eru sérstaklega ein-
kennandi fyrir íslensk jól. Uppruna
þeirra má annað hvort rekja aftur fyrir
landnám, til séríslenskra aðstæðna fyrr
á öldum eða danskra áhrifa síðar. Hvað
matinn varðar þá hefst jólahald margra
með skötuáti. Þetta er góður og gildur
sem flestir kenna við Vestfirðina. Að
norðan hefur svo laufabrauðið breiðst
út um allt land og hangikjötið er ómis-
sandi hjá flestum. Margir vilja líka hafa
rjúpu á borðum og svo eru smákökur
kryddið sem gerir jólin svo einstök.
Veljum okkur það úr nægtarbúri jóla-
siðanna sem okkur líkar og sleppum
hinu. Þar er engin kvöð að gera allt
saman.
Jólin þurfa
ekki að vera dýr
Matarblaðamaður ætlar sér ekki þá
goðgá að segja Hafnfirðingum og Garð-
bæingum hvernig á að halda gleðileg
jól. En ef litlir peningar og lítill tími
virðast vera að setja strik í jólareikn-
inginn, þá lumar hann á nokkrum
ráðum. Fyrst og fremst verðum við
öll að hafa í huga að jólin eru gleði-
hátíð. Það skiptir bara engu máli þótt
ekki hafi tekist að þrífa allt og skúra út,
mála eða leggja nýja parketið. Við bara
slökkvum ljósin og kveikjum á kertum
-jólin koma samt. Það þurfa heldur
ekki allar jólagjafir að vera fokdýrar,
frábærar og hitta beint í mark. Bara
það fá einhvern pakka dugar flestum.
Einfaldleiki er góður
Fyrir ári síðan var á þessum síðum að
finna uppskrift að humarhamborgara
úr Íslensku hamborgarabókinni. Frá-
bærlega jólalegur og einfaldur réttur,
sem tekur stutta stund að útbúa.
Nokkrir lesendur höfðu samband og
söðgu skemmtilegar frá vel heppn-
uðum jólamáltíðum þar sem þessi
skemmtilegi og einfaldi réttur var í
öndvegi. Jólasmákökurnar er hægt að
taka svipuðum tökum. Ein eða tvær
tegundir duga alveg og það þurfa ekki
að vera flóknar uppskriftir. Spesíur
eru alltaf vinsælar og einfaldari verða
smákökur varla. Svo eru líka til leiðir
til að gera baksturinn einfaldari, t.d.
má nota Sushezi eða aðra sushi græju
til að búa til fallegar og fullkmlega
kringlóttar jólakögur á mettíma. Svo
má auðvitað kaupa tilbúið deig úti
í búð, svona til að hafa a.m.k. eina
smákökutegund á boðstólum.
Minni skötulykt
Ef fólk er hrifið af skötu á Þorláksmessu,
en lætur lyktina fara í taugarnar á sér,
getur verið sniðugt að sjóða skötuna
í vacuum poka. Matarblaðamaður
gerði velheppnaða tilraun með þetta á
dögunum. Best er að velja bita sem ekki
er of kæstur, því við venjulega suðu
útvatnast skatan í leiðinni. En með því
að sjóða hana í vacuumpoka er hægt að
lágmarka lyktina, alveg fram að borð-
haldi – og fá ekta fína og vel sterka
skötu. Skatan þarf svona korter í suðu
og tíminn er ekkert lengri í vacuum-
poka. Gætið þó að því að velja poka
sem eru sérstaklega gerðir fyrir til að
elda mat í.
Hægeldaður jólamatur
– Sous Vide
Svipaða aðferð er hægt að nota við
eldun á rjúpu, gæs, kalkún eða öðru
fuglakjöti, vilji fólk hafa það um jólin.
Að elda fuglinn með svokallaðri Sous
Vide aðferð, tryggir nánast fullkomna
eldun og er að auki fyrirhafnarlítil
leið til að elda. Þá er matnum pakkað
í vacuum poka og hann svo hægeld-
aður í vatnsbaði þar sem hitastiginu er
stýrt nákvæmlega. Þetta gefur frábæran
árangur í hvert sinn. Gúgglið Sous Vide
og kynnið ykkur málið. Sous Vide
eldað hangikjöt er líka frábært. Laufa-
brauðið má svo bara kaupa í búð. Með
því að nýta sér þetta er hægt að dúlla
sér í áhyggjuleysi með fjölskyldunni á
meðan jólamaturinn mallar.
Ánægjuleg og einföld jól
Með því að nýta sér þessar aðferðir
sem til eru til að stytta sér leið við við-
matseldina, vera með fáar tegundir og
einfaldar máltíðir, má gera matseldina
að ánægjulegasta hluta jólahátíðar-
innar. Hófsemi og nægjusemi í
skreytingum og gjöfum minnkar svo
álagið á buddunni. Ein leið er að pakka
jólagjöfunum inn í gömul dagblöð og
tímarit. Á mínu heimili höfum við
gert þetta árum saman og börnunum
þykir það nánanast furðulegt að kaupa
ráðndýran pappír og henda honum svo.
Svo er ekki verra að börnin fá sjálf að
pakka inn flestum gjöfunum. Annar
siður á mínu heimili er að hafa pitsudag
á annan í jólum, þar sem fjölskyldan
kemur saman, býr til pitsur og notar af-
gangana frá stóru jólamáltíðunum sem
álegg. Það þarf ekki allt að vera tipp
topp eins oá ljósmynd í matreiðslubók
eða tímatiti. Aðal málið er að njóta.
Gleðileg jól.
Svavar
Halldórsson
matarsíða svavars svavar@islenskurmatur.is
Við kynnum nýjan
möguleika
í mat og gistingu.
Verið velkomin
Hlið á Álftanesi
w w w . f j o r u k r a i n . i s - P ö n t u n a r s í m i 5 6 5 1 2 1 3
Fjörukráin og Hótel Víking óska viðskiptavinum sínum
sem og landsmönnum öllum gleðilegra jóla
og farsældar á komandi ári.
HLIÐ ÁLFTANESI
Veitingar og gisting
Skötuveislan verður á
sínum stað á Þorláks-
messu frá kl. 11:30
og frameftir kvöldi.
Verð: 3.900 kr. pr. mann
Þú færð jólagjöfina
hjá okkur
NONNI GULL
Handverk í sérflokki
Strandgötu 37 · Hafnarfirði · Sími 565-4040
www.nonnigull.is