Hafnarfjörður - Garðabær - 07.02.2014, Blaðsíða 4
4 7. febrúar 2014
Flokkum og skilum fyrir framtíðina
Blátunnan hóf innreið sína í Hafnarfjörð síðastliðið haust þegar Fjallabræður komu
færandi hendi með eina tunnu fyrir
hverja íbúð í bænum. Þar með geta
bæjarbúar flokkað heima og svo
sannarlega hafa þeir tekið vel í verk-
efnið og stóraukið flokkun á endur-
vinnanlegum úrgangi. Ennfremur
tóku bæjarbúar vel í kynninguna á
verkefninu en veitt voru verðlaun
fyrir frumlegustu blátunnumyndina
á facebook.
Ný móttökustöð á
gjaldskyldum umbúðum
að Breiðhellu
Einnig er hafinn undirbúningur að
efla endurvinnslustöðina á Breiðhellu
enn frekar með byggingu húss í
samstarfi við Endurvinnsluna þar
sem hægt verður að að koma með
ótalið og ótakmarkað magn af gjald-
skyldum plastflöskum og dósum. Þar
með munu bæjarbúar geta skilað og
flokkað allt í einni ferð.
Urðað sorp frá Hafnarf-
irði minnkar um 100 tonn
á mánuði!
Núna eru um 100 tonn af pappa að
skila sér til endurvinnslu auk þess
að málmur er flokkaður í burtu með
frásogi. Grenndargámar þjóna áfram
hlutverki sínu og töluvert efni berst í
þá 6 gáma sem staðsettir eru víðsvegar
um bæinn. Efla þarf grenndargámana
en þeir taka á móti flokkum svo sem
pappa, plasti, klæðum og gjald-
skyldum umbúðum en bæta þarf við
a. m. k gleri. Samkvæmt heimilissorp-
rannsókn SORPU bs sem unnin er á
hverju ári, hefur pappamagn í gráu
tunnunni farið úr tæpuð 25% í 9%.
Markmiðið er að komast undir 5% í
næstu rannsókn.
Markmiðið er að
gera enn betur
Kröfurnar um minnkun urðunar á
sorpi munu aukast stöðugt næstu 15
árin og stefnt er að því að hætta urðun
á óendurvinnanlegum úrgangi alfarið
(undir 5%) fyrir árið 2025 en í dag eru
urðuð yfir 400 tonn í Álfsnesi í hverri
viku. Að flokka í blátunnu skiptir því
gríðarlega miklu máli til að minnka
sorp og það er ánægjulegt hversu já-
kvæðir og samstarfsfúsir bæjarbúar
hafa verið gagnvart verkefninu. Unnið
er að því að leysa þá hnökra sem upp
hafa komið eins vel og unnt er í sam-
starfi við bæjarbúa. Næsta verkefni til
að minnka sorp eru áform byggða-
samlagsins Sorpu að reisa Gas- og
jarðgerðarstöð í Alfsnesi sem mun
taka við öllum lífrænum úrgangi
frá gráu tunnunni og framleiða úr
honum metangas og moltu . Metangas
er að ryðja sér til rúms sem orkugjafi
í samgöngum og molta nýtist til jarð-
gerðar. Framtíðin í úrgangsmálum er
spennandi og á næsta áratug munu
verða straumhvörf í þeim málaflokki,
umhverfinu okkar til bóta.
HAFNARFJÖRÐUR / gARÐAbæR
3. TbL. 4. ÁRgANgUR 2014
Útgefandi: Fótspor ehf. Ábyrgðarmaður: Ámundi Ámundason, sími: 824 2466,
netfang: amundi@fotspor.is. framkvæmdastjóri: Ámundi Steinar Ámundason, netfang:
as@fotspor.is. auglýsingastjóri: Ámundi Ámundason, Suðurlandsbraut 54, 108 Reykjavík.
Auglýsingasími 578 1190, netfang: auglysingar@fotspor.is, Veffang: fotspor.is, Ritstjóri:
Ingimar Karl Helgason, sími: 659-3442 netfang: ingimarkarlhelgason@gmail.com,
Matarblaðamaður: Svavar Halldórsson. Sími. 869-4940. Netfang. svavar@islenskurmatur.is,
Umbrot: Prentsnið, Prentun: Ísafoldarprentsmiðja, 13.500 eintök. dreifing: Póstdreifing.
Fríblaðinu er dreiFt í 13.500 e intökum
í allar íbúðir í HaFnarFirði / Garðabæ
Það kom ekki að öllu leyti á óvart að Hafnarfjarðarbæ skyldi ekki hafa verið boðinn forkaupsréttur að skipi og aflaheimildum Stálskipa. Stálskip eru mikilvægt fyrirtæki. Útgerðin hefur staðið fyrir miklum umsvifum
í bænum og greitt góð laun. Starfsemin er mikilvæg fyrir bæjarfélagið og
bæjarbúa.
Málið varpar ljósi á alvarlega galla í kerfinu hjá okkur. Það virðist vera hægt að
vippa marg milljarða kvóta burtu úr einu bæjarfélagi, og fara lagalegar krókaleiðir
til þess að komast hjá því að virða ákvæði laga um forkaupsrétt sveitarfélags.
Þetta er stórmál sem varðar ekki aðeins hagsmuni Hafnfirðinga, heldur lands-
manna allra. Við sjáum það til dæmis í Vestmannaeyjum þar sem bæjaryfirföld
hafa þurft að leita til dómstóla til þess að fá virt ákvæði laga um forkaupsréttinn,
raunar gagnvart hinum sömu aðilum og nú hafa keypt kvótann úr Hafnarfirði.
Vonandi er að kjörnir fulltrúar standi saman um að gæta hagsmuna bæjarbúa
í þessu risastóra máli.
En það er fleira um að vera. Framhaldsskólarnir í Hafnarfirði hafa ekki riðið
feitum hesti frá fjárlögunum, eins og fjallað hefur verið um hér í blaðinu, og nú
hafa kennarar fengið nóg. Nýlega voru kjarasamningar á almennum markaði
felldir. Þá voru boðin 2,8 prósent og ljóst má vera að enda þótt samið verði til
skamms tíma, þá dugar það vart launafólki að semja um launalækkun, þegar
verðbólgan er umfram hækkun.
Kjarabarátta framhaldsskólakennara hefur staðið lengi og þeir hafa lengi beðið
eftir sanngjörnum kjarabótum eftir að síðasti samningur var felldur. Þolinmæði
þeirra er nú brostin og raddir heyrast jafnvel um verkfall. Það eru samt sem
áður góðar fréttir að nemendum þykir vænt um kennarana sína og standa við
bakið á þeim.
Það er svo aftur umhugsunarmál fyrir samfélag að manneskjur sem telja má
á fingrum annarrar handar séu falin margmilljarða verðmæti, sem þau geta á
einhverjum tímapunkti stungið í vasann; hugsanlega með mjög neikvæðum
afleiðingum fyrir allt samfélagið. Á meðan aðrir þurfa að leggja afkomu sína
að veði, með neyðaraðgerðum á borð við verkfall, til þess að berjast fyrir örlítið
fleiri krónum í launaumslag sem þunnt var fyrir.
Ingimar Karl Helgason
Afkoman að veði
Leiðari
NÆSTA BLAÐ KEMUR ÚT
föstudaginn 21. febrúar
Þakkir að loknu prófkjöri
Þegar litið er yfir niðurstöður prófkjörs okkar sjálfstæðis-manna fyrir bæjarstjórnar-
kosningar í vor getum við vel við
unað. Yfir 1.300 Hafnfirðingar tóku
þátt í að velja fólk á framboðslistann,
sem er talsverð aukning frá þátttök-
unni fyrir fjórum árum. Þá náðu
konur eftirtektarverðum árangri,
almennt var frambjóðendahópurinn
vel skipaður og ljóst að þar eiga allir
erindi við Hafnfirðinga, hvort sem
verður með störfum í bæjarstjórn,
ráðum eða nefndum.
Ég þakka það traust sem því fylgir
því að hafa hlotið afgerandi kosningu
í 2. sæti framboðslistans og met það
mikils, en samtals hlaut ég flest at-
kvæði frambjóðenda, eða yfir 1.000,
sem staðfestir víðtækan stuðning
meðal allra þáttakenda. Rósu Guð-
bjartsdóttur óska ég til hamingju með
kjörið í fyrsta sæti listans og öllum
frambjóðendum þakka ég samstarfið
í prófkjörinu.
Síðast, en ekki sízt, þakka ég öllum
þeim sem störfuðu með mér, hvöttu
mig og studdu í prófkjörinu. Sá ár-
angur sem náðist var frábær og hann
tryggir rödd okkar og sjónarmið inn
í forsystusæti í bæjarstjórn, þar sem
ég mun beita mér fyrir hönd okkar og
gera mitt til þess að sjónarmið mín
og stuðningsmanna minna skili sér
í stefnumálum og ásýnd Sjálfstæð-
isflokksins í kosningastarfinu og á
komandi kjörtímabili. Ég treysti á
stuðningsfólk mitt að leggja mér lið
og hvatningu í þeim störfum sem við
eigum fyrir höndum.
Sjúkraflutningar á
höfuðborgarsvæðinu í uppnámi
Stjórn Slökkviliðs höfuðborgar-svæðisins (SHS) hefur hafnað því að hefja vinnu við gerð nýs samn-
ings, eins og núverandi heilbrigðisráð-
herra vill. Sú ákvörðun stjórnarinnar
byggir á því að búið var að ná niður-
stöðu með undirritun samkomulags-
grundvallar þann 1. febrúar 2013 eftir
fimmtán mánaða viðræður og vinnu
stjórnar SHS, fulltrúa velferðarráð-
herra, sáttanefndar og óháðs aðila um
sjúkraflutninga. Samkomulagsgrund-
völlurinn var undirritaður bæði af
fulltrúum SHS og þeim fulltrúum sem
velferðarráðherra fékk í verkefnið með
samþykki þáverandi ráðherra.
Samkomulagsgrundvöllurinn frá
því í febrúar 2013 byggir á þrotlausri
vinnu, faglegum úttektum og útreikn-
ingum. Samkomulagsgrundvöllurinn
lýsir eindregnum vilja allra sveitarfé-
laganna á höfuðborgarsvæðinu til að
ná niðurstöðu í þessu mikilvæga máli.
Ástæðan fyrir uppnámi málsins nú er
sú að heilbrigðisráðherra hefur látið
í veðri vaka að öll sú vinna sem fram
hefur farið og þær niðurstöður sem
samkomulagsgrundvöllurinn byggir
á sé marklaus. Að útreikningarnir séu
rangir og að ríkinu sé gert að greiða
of mikið fyrir þjónustuna og að það
sé jafnvel rétt að finna annað rekstr-
arform.
Ábyrgðin er ríkisins
Ábyrgð á sjúkraflutningum hefur verið
hjá ríkinu frá því 1. janúar 1990. Fram
að þeim tíma höfðu sjúkraflutningar á
höfuðborgarsvæðinu verið í höndum
sveitarfélaganna sjálfra frá upphafi – í
nær hundrað ár. Frá því að ríkið tók við
ábyrgð sjúkraflutninga og hóf að greiða
sveitarfélögunum á höfuðborgarsvæð-
inu fyrir þjónustuna hafa sveitarfélögin
reynd að fá sanngjana greiðslu fyrir
þjónustuna. Strax í upphafi árs 1990
lá fyrir að ráðuneyti heilbrigðismála
var ekki tilbúið til að samþykkja
raunkostnað við þjónustuna. Á end-
anum var ákveðið að fara með málið
í gerðardóm sem endaði með því að
1994 staðfesti gerðardómur að kröfur
sveitarfélaganna væru sanngjarnar og
að 48% kostnaðar við rekstur slökkvi-
liðs væri sjúkraflutningar.
Ríkið virðist ekkert hafa lært af
þessari reynslu frá 1994, því að nú eftir
ríflega tuttugu ára samstarf þá er sagan
að endurtaka sig. Á tímabilinu hefur
sjúkraflutningum fjölgað verulega á
meðan að útköll vegna slökkvistarfa
hafa nánast staðið í stað. Raunkostn-
aður vegna sjúkraflutninga hefur því
aukist í samræmi við það. Niðurstaða
óháðrar úttektar KPMG vegna samn-
ingaviðræðna SHS og velferðarráðu-
neytisins um sjúkraflutninga frá því
2. október 2012 sýnir að 53% rekstr-
arkostnaðar slökkviliðsins sé vegna
sjúkraflutninga.
Reiðubúin að ræða útfær-
slur á samningsgrundvelli
Stjórn SHS hefur lýst sig reiðubúna til
að ræða við ráðuneytið um útfærslur
á þeim samningsgrundvelli sem fyrir
liggur og undirritaður var 1. febrúar
2013, en ekki að fara í nýjar samninga-
viðræður frá grunni. Það verður að
vera hægt að treysta því, þegar unnið
er að samkomulagi á milli aðila, að
borin sé virðing fyrir allri þeirri vinnu
sem fram hefur farið frá því síðla árs
2011 og ekki síst að borin sé virðing
fyrir undirrituðum samkomulags-
grundvelli. Það geta ekki talist ásætt-
anleg vinnubrögð að neita því að taka
mark á allri þeirri vinnu sem fram
hefur farið, ekki síst af óháðum aðila
og ætlast til þess að byrja samninga-
ferlið upp á nýtt.
Höfundur er
Guðrún Ágústa Guðmundsdóttir,
bæjarstjóri í Hafnarfirði og vara-
formaður stjórnar Slökkviliðs
höfuðborgarsvæðisins
Höfundur er
Kristinn Andersen,
verkfræðingur og bæjarfulltrúi
Sjálfstæðisflokksins í Hafnarfirði
Höfundur eru:
Helga Ingólfsdóttir,
bæjarfulltrúi Sjálfstæðisflokksins
Margrét Gauja Magnúsdóttir,
bæjarfulltrúi Samfylkingarinnar