Hafnarfjörður - Garðabær - 21.02.2014, Blaðsíða 4

4 21. febrúar 2014
Mikið um að vera í Flensborg
Mikið er um að vera í Flens­borgarskólanum þessa vikuna. Árshátíð nemenda
var haldin í gær, en framan af vikunni
hefur ýmis dagskrá verið í skólanum.
Þannig hefur skólinn verið skreyttur
hátt og lágt og tíundubekkingar grunn­
skólanna í Hafnarfirði hafa heimsótt
framhaldsskólann. Kór skólans hefur
meðal annars komið fram og forystu­
fólk úr nemendafélaginu hefur sýnt
gestum skólans. Nóg hefur verið um
að vera eins og þessar myndir bera
með sér.
HAFNARFJÖRÐUR / gARÐAbæR
4. TbL. 4. ÁRgANgUR 2014
Útgefandi: Fótspor ehf. Ábyrgðarmaður: Ámundi Ámundason, sími: 824 2466,
netfang: amundi@fotspor.is. framkvæmdastjóri: Ámundi Steinar Ámundason, netfang:
as@fotspor.is. auglýsingastjóri: Ámundi Ámundason, Suðurlandsbraut 54, 108 Reykjavík.
Auglýsingasími 578 1190, netfang: auglysingar@fotspor.is, Veffang: fotspor.is, Ritstjóri:
Ingimar Karl Helgason, sími: 659-3442 netfang: ingimarkarlhelgason@gmail.com,
Matarblaðamaður: Svavar Halldórsson. Sími. 869-4940. Netfang. svavar@islenskurmatur.is,
Umbrot: Prentsnið, Prentun: Ísafoldarprentsmiðja, 13.500 eintök. dreifing: Póstdreifing.
Fríblaðinu er dreiFt í 13.500 e intökum
í allar íbúðir í HaFnarFirði / Garðabæ
Nú er búið að einkavæða stóran hlut í veitufyrirtækinu HS orku. Fyrir­tækið hefur það hlutverk að miðla neysluvatni, heitu vatni og rafmagni; allt saman grundvallarnauðsynjar í samfélaginu. Réttur til drykkj­
arvatns telst til mannréttinda. Það lifir enginn í köldu landi án kyndingar, þvottar
eru heilbrigðismál og allt okkar nútímasamfélag byggist á notkun rafmagns.
Það kemur í sjálfu sér ekki á óvart að einhverjir sjái gróðavon í því að eignast
einokunarfyrirtæki í grunnþjónustu. Það er hins vegar óskynsamlegt. Og hvar
er umræðan? Hvenær var ákveðið í íslensku samfélagi að „fagfjárfestar“ ættu
að eignast grunnþjónustuna?
Svarið er að það var ákveðið í miðri bólunni á Íslandi fyrir hrun – þegar
frjálshyggjuæðið stóð hvað hæst. Málið var rætt á Alþingi, en í samfélaginu og
fjölmiðlunum eru litlar heimildir um umræðu. Hugmyndir um einkavæðingu
vatns voru raunar gagnrýndar, en niðurstaða meirihlutastjórnmálanna hefur
hins vegar verið önnur.
Nú er það svo, að sjálfstæðismenn hafa haft forgöngu um þessa einkavæðingu
grunnþjónustunnar, gjarnan í samstarfi við Framsóknarflokkinn. Mest áberandi
hefur verið bæjarstjórnarmeirihluti sjálfstæðismanna í Reykjanesbæ, með Árna
Sigfússon í broddi fylkingar. Maður skyldi ætla að íbúar sveitarfélagsins myndu
einhvern tímann læra af reynslunni, þar sem einkavæðingarævintýrið þar syðra
hefur mistekist í öllum greinum. Þannig hefur bærinn til dæmis þurft að taka
aftur við öllum húsunum sem voru lögð inn í eignarhaldsfélagið Fasteign,
með bæði veseni og kostnaði fyrir bæjarbúa, sem íbúa annarra sveitarfélaga.
Það má um leið undrast að sjálfstæðismenn í Hafnarfirði hafi hvatt til þess að
hlutur Hafjarfjarðarbæjar í HS veitum yrði seldur.
En sjálfstæðismenn eru ekkert einir hér að verki. Þannig tekur meirihluti Besta
flokksins og Samfylkingarinnar í Reykjavík þátt í þessari lotu á einkavæðingu
grunnþjónustunnar, með stuðningi Sjálfstæðisflokksins, með því að selja hlut
Orkuveitu Reykjavíkur í þessu mikilvæga fyrirtæki, HS veitum.
Athygli vekur að málið kemst varla á dagskrá fjölmiðla og stjórnmálamenn sýna
ekki nokkurt einasta frumkvæði í því að ræða þetta grundvallarmál.
Það er ekki langt síðan heilt bankakerfi hrundi til grunna hér á landi. Frá
haustinu 2008 hefur þorri almennings búið við mikla kjararýrnun, margir við
atvinnuleysi og allir við óvissu.
Hvað ætlum við að gera í næsta hruni ef grunnþjónustan verður öll komin í
hendur „fagfjárfesta“? Eiga þá íbúar landsins að kaupa vatnið sitt og hitaveituna
aftur af einhverjum skilanefndum? Eða greiða erlendum vogunarsjóði fyrir
vatnið úr krananum?
Hér gildir einu þótt lífeyrissjóðir taki þátt í leiðangrinum. Aðkoma þeirra þýðir
ekki að almenningur ráði för þrátt fyrir að eiga peningana. Það er forstjóraklúbb­
urinn sem ræður. Þannig var það í bönkunum fyrir hrun og hefur ekki breyst.
Grunnþjónustan á að vera í eigu fólksins og í umsjón fólksins og fulltrúa þeirra.
Ekki forstjóra og auðmanna. Ef fólk vill endilega einkavæða grunnþjónustu
samfélagsins og framtíð barnanna sinna, þá verður svo að vera. En það má
ekki gerast án umræðu.
Ingimar Karl Helgason
Einkavæðingin
og umræðan
Leiðari Hvenær kemur nýtt
hjúkrunarheimili í
Hafnarfjörð?
Árið 2009 gerði Hafnarfjarðar­bær samning við ríkið um byggingu nýs hjúkrunarheim­
ilis samkvæmt svokallaðri „leiguleið“
en hún felst í því að bærinn mun byggja
og reka nýtt hjúkrunarheimili en ríkið
greiðir leigu fyrir húsnæði og daggjöld
til að standa undir rekstri. Gerður
var samskonar samningur við alls 11
sveitarfélög sem nú hafa flest hafið
starfsemi. Sá dráttur sem orðið hefur
á byggingu nýs hjúkrunarheimilis í
Hafnarfirði er tilkominn vegna seina­
gangs núverandi meirihluta sem sinnti
ekki framgangi verkefnissins í 3 ár eftir
að í ljós kom að forval um bygginguna
var gallað auk þess sem efasemdir voru
um fjárhagslegt hæfi bæjarins til þess
að taka við svo umfangsmiklu verkefni
og þeirri skuldsetningu sem því fylgir.
Staðsetning hjúkr-
unarheimilis skiptir máli
fyrir íbúa og rekstur
Haustið 2012 var skipaður starfshópur
að nýju til að koma verkefninu af stað
undir formennsku Gunnars Axels
Axelssonar. Undirrituð var skipuð í
þennan starfshóp af hálfu Sjálfstæð­
isflokksins og eftir að hafa yfirfarið
verkefnið lagði ég til að farið yrði í
endurmat á þeirri staðsetningu sem
ákveðin var í upphafi og ennfremur
metin hagkvæmni þess að byggja nýtt
hjúkrunarheimili sem viðbyggingu
við Sólvang þar sem núverandi hjúkr­
unarheimili er staðsett. Megin ástæða
fyrir tillögu minni var tvíþætt: Í fyrsta
lagi vegna þess að mikil samstaða er
meðal bæjarbúa að standa vörð um
Sólvang sem „Miðstöð öldrunarþjón­
ustu í Hafnarfirði“ og besta leiðin til að
tryggja að svo verði er að nýtt hjúkr­
unarheimili verði byggt á Sólvangs­
reitnum og í öðru lagi sýna útreikn­
ingar á rekstrarforsendum að útilokað
er að reka 60 rýma húkrunarheimili
á þeim daggjöldum sem ríkið leggur
til miðað við núverandi forsendur.
Reynslan sýnir að heimilin þurfa að
vera stærri og nálægð við stoðþjónustu
skiptir ennfremur miklu máli varð­
andi möguleika á hagkvæmni. Tillögu
minni var hafnað að hálfu meirihluta
Samfylkingar og Vinstri grænna, bæði
í starfshópnum og í bæjarstjórn en þar
var málið á dagskrá þann 27. Febrúar
2013.
Nægilegt landrými er á
Sólvangsreitnum fyrir
nýtt hjúkrunarheimili
Það er síðan í þriðja lagi nokkuð ljóst
að eldri borgarar bæjarins eru mun
fremur hlynntir því að nýtt hjúkr­
unarheimili rísi miðsvæðis í bænum
heldur en í útjaðri byggðar. Á með­
fylgjandi mynd sést vel að nægi­
legt landrými er á Sólvangsreitnum
fyrir nýtt húkrunarheimili sem gæti
tengst eldri byggingu og heilsugæsl­
unni. Ennfremur er til staðar fullbúið
mötuneyti á Sólvangi, sjúkraþjálfun
og þjónustuíbúðir eru á svæðinu. Ná­
lægð við miðbæ, grunn og leikskóla og
upphitaðar gönguleiðir ásamt aðgangi
að innisundlaug í Lækjarskóla gætu
svo sannarlega skapað nýju hjúkr­
unarheimili kjöraðstæður og það er
miður að ekki hefur náðst samstaða um
að skoða þennan kost Hafnfirðingum
til hagsbóta en öll ákvarðanataka í
þessu mikilvæga hagsmunamáli er lituð
af pólitík vinstri manna í bænum sem
leggja höfuðáherslu á að nýtt hjúkr­
unarheimili verði byggt í hverfi þar sem
ekki eitt einasta hús hefur risið og allt
útlit er fyrir að uppbygging verði með
mun hægari hætti en reiknað var með
þegar staðsetning hjúkrunarheimilisins
var ákveðin í stefnumótun frá árinu
2005 eða fyrir 9 árum síðan.
Höfundur er
Helga Ingólfsdóttir,
bæjarfulltrúi Sjálfstæðisflokksins
Pollapönk til Danmerkur. Pollapönk vann sigur í undankeppni eurovision
hér heima með laginu enga fordóma og verða strákarnir fulltrúar Íslands
í keppninni sem haldin verður í Kaupmannahöfn í vor. Piltana þarf ekki að
kynna fyrir Hafnfirðingum. Mynd: Árni Svanur Daníelsson.