Hafnarfjörður - Garðabær - 07.03.2014, Blaðsíða 14

14 7. mars 2014
Leikfélag Hafnarfjarðar stefnir á stórvirki í íslenskri leiklist:
Fjörutíu frumsýningar á nýjum verkum í mars og apríl
Á bilinu 25-40 ný íslensk leikverk verða frumsýnd hjá Leikfélagi Hafnar-
fjarðar í þessum mánuði og næsta. Verkin verða sýnd í Gaflaraleikhúsinu.
Þetta verður gert í tengslum við svonefnda höfundasmiðju hjá leikfélaginu,
en höfundar fá viku til að semja verkin, en leikhópar fá svo aðra viku til
þess að setja verkið upp, æfa og sýna. Blaðamaður ræddi um verkefnið við
Gísla Björn Heimisson, formann leikfélagsins.
Stuttur aðdragandi
- Út á hvað gengur þetta þrekvirki?
„Hið vikulega mun koma til með
að spanna fjórar vikur, þar sem við
skrifum, leikstýrum og leikum nokkur
stuttverk í hverri viku. Höfunda-
smiðjan okkar fær viku til að skrifa
og leikstjórar og leikarar fá leikritin
í hendur og setja upp sitt verk á einni
viku. Það er síðan frumsýnt á laugar-
degi, og leikarar og leikstjórar koma
daginn eftir til að fá ný verk til að setja
upp laugardaginn næsta,“ segir Gísli.
Hann segir að aðdragandinn að
verkefninu hafi ekki verið ýkja langur.
Halldór Magnússon, sem er í hópi
reyndari leikara í Hafnarfirði, hafi lengi
gengið með hugmyndina; að skrifa verk
og setja það upp á einni viku.
„Við ákváðum að slá til af því að
okkur gafst tími og rými í Gaflaraleik-
húsinu til að hrinda því í framkvæmd,“
segir Gísli.
Krefjandi en ekki brjálæði
- En er þetta ekki hálfgert brjálæði?
„Ég myndi líklega skilgreina þetta
frekar sem krefjandi verkefni heldur
en brjálæði. Brjálæði myndi ég frekar
flokka það ef verk væru sett upp á
nokkrum klukkustundum, en það er
til dæmis gert í leiklistarskóla Banda-
lags Íslenskra Leikfélaga ár hvert, og
afraksturinn af því hefur oftar en ekki
verið stórkostlegur,“ segir Gísli.
Mikill tími fer í starf af þessu tagi.
Áhugaleikarar eru oftar en ekki í fullri
vinnu eða við ýmis önnur störf. Gísli
segir að þeir sem taki þátt í verkefnum
af þessu tagi, sem og almennu starfi
leikfélagsins, geri það af áhuga.
„Þetta er það sem þau gera í frí-
stundum, þannig að fólk er að stunda
leiklist á kvöldin og um helgar. Það er
helst að leikarar og leikstjórar taki sér
frí frá öðrum áhugastörfum, hver svo
sem þau eru, á meðan á uppsetningu
á leikriti stendur.“
Hvað hann sjálfan varði, þá eigi
hann inni frídaga og geti gert hlé á
annarri vinnu á meðan lota af þessu
tagi stendur yfir. „Ég er reyndar hluti
af höfundasmiðjunni, sem skrifar
verkin, ásamt því að vera með byrj-
endanámskeið í leiklist hér hjá Leik-
félagi Hafnarfjarðar, þannig að það er
nóg að gera fyrir mig þessa dagana. Ég
mun síðan bjóða mig fram til að leik-
stýra þegar þar að kemur. En þetta er
auðvitað áhugamálið mitt, þannig að ég
vil gera þetta í mínum frístundum, og
ef ég hef tækifæri til þess, geri ég það.“
Mikið mæðir á leikurum
Það mun mikið mæða á leikurum og
öðrum sem taka þátt í verkefninu. Gísli
segir að líklega muni upp undir eða um
tuttugu leikarar taka þátt í uppfærsl-
unum og sex til átta leikstjórara. Þetta
fari raunar eftir því hversu mörg verk
verða sett upp þegar upp er staðið, og
hversu mörg hlutverk verða í þeim
verkum sem sett verða upp í hverri viku.
Fjölmargir taka þátt í starfi leikfé-
lagsins. Um tuttugu eru virkir í félaginu
að jafnaði, en félagið tekur einnig við
nýju fólki. „Við vissum að við þyrftum
nýtt og ferskt blóð í félagið og settum
því af stað byrjendanámskeið, sem
vonandi á eftir að skila sér á sviðinu.“
Fyrstu skrefin
Félagar í Leikfélagi Hafnarfjarðar
munu sjá um leikstjórn verkanna og
sumir þar stíga sín fyrstu skref á þeim
vettvangi, en Gísli bætir því við að ekki
hafi verið neglt niður endanlega hverjir
muni sjá um leikstjórn.
- Hefur eitthvað þessu líkt verið gert
áður?
„Þegar leikfélagið flutti sig um set
yfir í Lækjarskóla var ákveðið að hefja
starf þar af miklum krafti og voru sett
upp fimm verk í fullri lengd þar á einu
ári. Það var auðvitað gert yfir lengra
tímabil, en örugglega meira krefjandi,
og jaðraði jafnvel við brjálæði,“ segir
Gísli og kímir við.
Fyrir ánægjuna
- En fylgir svona fyrirtæki ekki einhver
kostnaður?
„Það er nú einmitt málið með
áhugaleikhús, það þarf ekki að kosta
mikið. Við sem vinnum í áhugaleik-
húsinu gerum það að sjálfsögðu frítt.
Við erum að þessu fyrir ánægjuna
eina saman. En það er auðvitað alltaf
einhver kostnaður sem fylgir upp-
setningum: höfundalaun, leikmynd,
leikstjóralaun og fleira, þó það eigi ekki
allt við í þessu tilviki. Hafnarfjarðarbær
hefur styrkt leikfélagið ár frá ári því
þeim er akkur í því að í bæjarfélaginu
sér starfandi öflugt áhugaleikhús,
sem starfar með Gaflaraleikhúsinu,
atvinnuleikhúsi Hafnfirðinga,“ segir
Gísli Björn Heimisson að lokum. Hann
hvetur fólk til að kynna sér starfsemi
leikfélagsins með því að fara á heima-
síðu þes: www.leikhaf.is
Frá sýningu leikfélagsins á Fúsa froskagleypi.
Gísli Björn Heimisson
Frá sýningunni sjóræningjaprinsessan.
Fjöldi fólks hefur sótt byrjandanámskeið hjá leikfélaginu.
Frá Fúsa froskagleypi.