Hafnarfjörður - Garðabær - 21.03.2014, Blaðsíða 8
8 21. mars 2014
Áhyggjur eru af stöðu miðbæjar Hafnarfjarðar í kjölfar þess að ÁTVR lokar verslun sinni í Firði:
Stjórnendur ÁTVR áttu að hlusta á íbúana
Verslunarmiðstöðin Fjörður hefur verið mikið til umræðu í bænum undan-
farið. Brotthvarf verslunar ÁTVR hefur valdið nokkrum áhyggjum hjá
mörgum um verslun og þjónustu í miðbæ Hafnarfjarðar. Til stendur að
færa verslun ÁTVR upp í Hraun, þar sem hún opnar við hlið verslunar
Bónuss eftir nokkra daga.
Bæjarráð Hafnarfjarðar skoraði á
ÁTVR að loka ekki versluninni þar sem
þetta gæti veikt miðbæ Hafnarfjarðar.
Bæjarstjóri átti viðræður við forstjóra
ÁTVR um málið, en allt kom fyrir ekki.
Aðstoðarforstjóri ÁTVR segir að við-
skiptalegar forsendur ráði ákvörðunum
fyrirtækisins.
„Ég hef lýst því yfir áður að þjón-
usta á borð við vínbúð, apótek, banka
og fleira – þess grundvallarþjónusta
sem fólk á að geta gengið að í verslun
– eigi heima í miðbæ. Mér finnst að
þó að önnur vínbúð sé opnuð uppi á
hrauni, að þá sé full þörf á því að hafa
aðra búð hér miðsvæðis,“ segir Albert
Már Steingrímsson, framkvæmdastjóri
verslunarmiðstöðvarinnar Fjarðar í
samtali við blaðið.
Hann er ekki einn um þessa skoðun.
Þannig bókaði bæjarráð Hafnarfjarðar
í lok febrúar að ráðið hefði áhyggjur
af lakara þjónustustigi í miðbænum
yrði vínbúð ÁTVR lokað. „Um er að
ræða verslun og þjónustu sem bundin
er einkarétti ríkisins og í þessu tilviki
gæti brotthvarf verslunarinnar veikt
stöðu miðbæjarins í Hafnarfirði,“ segir
í bókuninni.
Ræddi við ÁTVR
Guðrún Ágústa Guðmundsdóttir
bæjarstjóri, ræddi sérstaklega við
forstjóra ÁTVR og kom á framfæri
bókun bæjarráðsins og áhyggjum
framkvæmdastjóra Fjarðar, en allt kom
fyrir ekki. Hún segir missi að vínbúð-
inni í Firðinum.
Ekkert samráð
Gunnar Axel Axelsson, oddviti Sam-
fylkingarinnar, segir miður að ekkert
samráð hafi verið haft við bæjaryf-
irvöld. „Auðvitað er það réttmætt
sjónarmið að verslunin þurfi að hafa
nægjanlegt rými og aðstöðu til að geta
sinnt sínu hlutverki.“
Hins vegar verði ekki litið framhjá
því að ÁTVR sé í einokunarstöðu og
geti því ekki hagað ákvörðunum sínum
líkt og um einkafyrirtæki á samkeppn-
ismarkaði væri að ræða.
Hlusti á íbúana
„Óánægðir bæjarbúar geta a.m.k. ekki
beint viðskiptum sínum annað, það
ætti öllum að vera ljóst. Ég teldi eðli-
legt í því ljósi að óháð nýrri verslun
annarstaðar í sveitarfélaginu þá ættu
stjórnendur ÁTVR að hlusta á raddir
íbúanna og halda áfram að veita þessa
þjónustu í miðbænum. Það væri besta
niðurstaðan að mínu mati og langt í frá
óraunhæft að gera þá kröfu til ÁTVR,“
segir Gunnar Axel.
„Munar um öll umsvif“
Rósa Guðbjartsdóttir, oddviti Sjálf-
stæðisflokksins í Hafnarfirði, tekur
undir með Gunnari Axel um einok-
unarstöðu ÁTVR. Hún segir að brott-
hvarf vínbúðarinnar geti haft áhrif á
þjónustig og stöðu miðbæjarins.
„Öflugur miðbær býr yfir þjónustu
og verslun af ýmsu tagi og líflegu
menningar- og listalífi. Það er verkefni
okkar allra sem viljum styrkja miðbæ-
inn að leita leiða til að svo megi verði.
Bæjaryfirvöld geta haft talsverð áhrif
þar á og nú erum við sjálfstæðismenn
að skoða hvort boðaðar breytingar á
sýslumannsembættum í landinu gætu
hugsanlega falið í sér möguleika hér í
Hafnarfirði til eflingar miðbæjarins.
Það munar um öll umsvif í bæjarfé-
laginu.“
Viðskiptalegar
forsendur ÁTVR
Sigrún Ósk Sigurðardóttir, aðstoðarfor-
stjóri ÁTVR, segir að áhyggjur bæjaryf-
irvalda af lakara þjónustustigi í miðbæ
Hafnarfjarðar hafi ekki breytt þeirri
ákvörðun að flytja búðina. „Við höfum
skýrt frá því að þetta húsnæði einfald-
lega hentar okkur ekki. Þá teljum við
ekki rekstrargrundvöll fyrir því að reka
tvær verslanir í Hafnarfirði,“ segir Sig-
rún Ósk í samtali við blaðið
Samningur ÁTVR við verslunar-
miðstöðina Fjörð hafi verið laus og
um nokkurt skeið hafi verið leitað að
stærra húsnæði. „Það hefur lengi legið
fyrir að vínbúðin yrði ekki í Firði til
framtíðar.“
Engar viðræður um að
vínbúðin yrði áfram í Firði
-Blaðinu hefur verið bent á að bæði
Sigrún Ósk og Ívar Arndal, forstjóri,
eru Hafnfirðingar. Hvað með taugar
til bæjarins?
„Við þurfum að taka viðskipta-
legar ákvarðanir og enda þótt við
Ívar tengjumst Hafnarfirði, þá hefur
það ekki áhrif á staðarval búða. Við
höfum litið svo á að það sé mikilvægt
að líta til staðsetningu vínbúða út frá
bæjarfélögum, , en staðsetning og
rekstrarlegir þættir skipta ekki síður
miklu máli. Verslun í Garðabæ var
lokað fyrir nokkrum árum. Þá gáfum
við út að við hefðum hug á að opna
vínbúð sem þjónaði stærra svæði. Það
var alltaf markmiðið að opna stærri
búð á suðursvæðinu þar sem boðið
yrði upp á allt vöruúrval ÁTVR. Við
höfum ekki verið í neinum viðræðum
um að halda áfram með Vínbúðina
í Firði.“
- En nú eru verslanir ÁTVR gjarnan í
svona kjörnum. Nefna má Kringluna,
Smáralind og Eiðistorg á Seltjarnarnesi.
„Þó við séum í Smáralind og
Kringlunni sem eru stórar verslun-
armiðstöðvar þá er ekki þar með sagt
að það henti okkur alltaf bestað vera í
verslunarkjörnum. Við vorum þarna
í húsnæði sem hentaði okkur ekki
miðað við þá þjónustu sem við viljum
veita,“ segir Sigrún Ósk.
„Horfum bjartir
til framtíðar“
Albert Már Steingrímsson, fram-
kvæmdastjóri, ítrekar að Fjörður sé
mikilvæg staðsetning. „Hér er mið-
punktur bæjarins. Til þess að hér sé
miðbær, þá þarf þessi grunnþjónusta
og verslun að vera fyrir hendi.“
Hann telur að til skamms tíma muni
gestum í Fjörð fækka og að það dragi
úr umferð í miðbæinn; líka þeirra sem
fara ferða sinna gangandi og í strætó.
„Það verður seint talið til jákvæðra
áhrifa.“
En nú er það svo að það er nokkuð
um laus verslunarpláss í Firði. Meira að
segja eru dæmi um að pláss hafi farið
á nauðungaruppboð. „Það er vissulega
slæmt ef það er mikið um laus pláss.
Því fleiri pláss sem flosna upp, því verra
fyrir húsið. En þetta er það sem við
gerum, þessu erum við að vinna í. Við
látum eingan billbug á okkur finna
og horfum bjartir til framtíðar,“ segir
Albert Már.
Vill „Beint frá býli“ í Fjörð
Guðrún Sæmundsdóttir, sem hefur rekið verslunina Dala-
kofann um árabil í Firði ásamt systur
sinni, hefur sterkar skoðanir á brott-
hvarfi vínbúðarinnar, en er einnig
með hugmynd um eitthvað sem gæti
komið í staðinn. „Þetta er það vit-
lausasta sem hægt er að gera, að taka
starfsemi úr miðbænum. Það sem
við þurfum að gera er að fá „Beint
frá býli“ hingað inn í Fjörð. Það er
nokkuð sem gæti fengið fólkið til að
koma hingað í miðbæinn.“
Beint frá býli er félag bænd sem
stunda afurðasölu beint frá bónda
til neytenda. Félagið hvetur til
heimavinnslu afurða og er megin-
markmið félagsins að tryggja fólki
gæðavöru og ekki síður að varðveita
hefðbundnar framleiðsluaðferðir og
kynna svæðisbundin hráefni og hefðir
í matargerð.
Guðrún Ágústa Guðmundsdóttir. Gunnar axel axelsson. rósa Guðbjartsdóttir.