Hafnarfjörður - Garðabær - 04.04.2014, Blaðsíða 2

2 4. apríl 2014
Segja kynbundinn launamun innan skekkjumarka:
Karlar fá þrettánda mánuðinn
Enda þótt launamunur kynj-anna í Garðabæ mælist innan skekkjumarka, fá karlar sem
starfa hjá bænum að jafnaði hálfum
til heilum mánuði meira í árslaun en
konur.
Fram kemur í fréttatilkynningu frá
Garðabæ að launakönnun Capcacent
sýni að kynbundinn launamunur hjá
starfsmönnum bæjarins sé innan
skekkjumarka. Karlar í fullu starfi
hjá bænum fái rúmlega þremur pró-
sentum hærri heildarlaun en konur í
fullu starfi, þegar tillit hafi verið tekið
til annarra þátta en kyns. Raunar var
ekki tekið tillit til menntunar. Sam-
kvæmt könnuninni eru grunnlaun
kvenna hins vegar um 2 prósentum
hærri en grunnlaun karla.
Þegar kannað er hversu mikið
skilar sér í launaumslagið fá karlar
hins vegar nokkru meira en konur
að jafnaði. Þannig fá karlar í 70-100
prósent starfi heilum mánaðarlaunum
meira en konur á ári. Þannig munar að
jafnaði 34 þúsund krónum á heildar-
launum karla og kvenna á mánuði, eða
um 408 þúsund krónum á ári, sem eru
meðalmánaðarlaun kvenna í 70-100
prósenta starfi hjá bænum.
Þegar eingöngu er miðað við 100
prósenta starf, er munurinn minni, en
þó körlum í hag. Meðal karlinn fær að
jafnaði sem nemur hálfum mánaðar-
launum meira en meðalkonan á ári.
Munurinn skýrist einkum af hærri
greiðslum til karla fyrir yfirvinnu og
öðrum greiðslum.
Könnuð voru laun hjá fólki í 70-100
prósent starfi í október í fyrra. Þetta
átti við 112 karla og 449 konur.
www.eignaumsjon.is
S. 585 4800, Suðurlandbraut 30.
Aðalfundur framundan?
Heildarlausn í
rekstri húsfélaga.
Heildarlausn í
rekstri húsfélaga.
Átak
gegn
heimilis-
ofbeldi
Bæjarstjórn Hafnarfjarðar sam-þykkti í vikunni að undirbúið yrði í sértakt átak gegn heim-
ilisofbeldi. Í því skyni verði leitað
samstarfs við sveitarfélög, lögregluna,
auk grasrótar- og stuðningssamtaka.
Hugmyndin er að auka samtarf og
bæta verklag til að taka á þessum
málum. Sérstaklega á að horfa til
árangurs á Suðurnesjum í þessum
efnum.
Framsóknarmenn
útiloka ekkert
Ágúst Garðarsson, oddviti framsóknarmanna fyrir bæj-arstjórnarkosningarnar í vor,
segir að Framsóknarflokkurinn vilji
fyrst og fremst hafa áhrif í bænum „og
taka þátt í því samvinnuverkefni að
gera bæjarfélagið að betra samfélagi.“
Spurður um hvort hann stefni á bæjar-
stjórastólinn segir hann að framboðið
fyrir sér snúist ekki um að „sækja völd“.
Framsóknarflokkurinn mælist með
upp undir tíu prósenta fylgi í Hafnar-
firði, ef marka má könnun Félagsvís-
indastofnunar Háskólans, sem birtist í
Morgunblaðinu fyrir mánuði.
Ágúst segir að framsóknarmenn
muni ekki útiloka samstarf með
neinum fyrir kosningar. „Það er ein-
faldlega af þeirri ástæðu að við lítum
svo á að þetta sé samvinnuverkefni að
gera bæjarfélagið betra. Við verðum
að vinna saman að því verkefni,“ segir
Ágúst Garðarsson.
Sjá viðtal bls.8.
Bilið milli fæðingarorlofs og leikskóla:
Skiptar skoðanir bæjarfulltrúa
Skiptar skoðanir eru meðal bæj-arfulltrúa um hvernig brúa eigi bilið milli þess þegar fæðingar-
orlofi lýkur og þegar leikskólinn tekur
við. Alþingi hefur samþykkt þingsá-
lyktunartillögu um að sveitarfélög vinni
áætlanir um hvernig þessu verði háttað.
„Mér finnst að það sé eðlilegt að brúa
bilið, en spurningin er um fjármagn
til þess,“ segir Guðrún Ágústa Guð-
mundsdóttir, bæjarstjóri og bæjarfull-
trúi Vinstri grænna.
Rósa Guðbjartsdóttir, bæjarráðsfull-
trúi Sjálfstæðisflokksins og oddviti sjálf-
stæðismanna, segir það góðra gjalda
vert að stefna að því að börn komist inn
á leikskóla um tólf mánaða aldur. „En
ég er ekki hlynnt því að sveitarfélögin
verði skikkuð til þess.“
Gunnar Axel Axelsson, oddviti Sam-
fylkingarinnar, segir brýnt að marka
skýra stefnu í málinu. „Við höfum lagt
allt kapp á að halda uppi sama þjón-
unstustigi og áður og færa okkur hægt
i áttina að því að yngri börn geti notið
leikskólagöngu.“ Sjá umfjöllun bls. 12.
Klarínettukvartettinn verðlaunaður
Klarínettukvartett Tónlistarskóla Hafnarfjarðar hlaut verðlaun á lokahátíð Nótunnar sem
haldin var nýlega í Eldborgarsal Hörpu.
Viðurkenning kvartettsins var fyrir
framúrskarandi flutning í flokknum
samspil í framhaldsdeild.
Nótan er uppskeruhátíð tónlist-
arskólanna og komu um 200 tón-
listarnemendur fram á hátíðinni í
Eldborgarsalnum, auk um hundrað
nemenda til viðbótar sem léku tónlist
á göngum Hörpunnar meðan hátíðin
stóð.
Klarínettukvartettinn skipa Eyrún
Björg Guðjónsdóttir, Líf Hallgríms-
dóttir, Markús Bjartur Steinarsson og
Ragnar Már Jónsson. Ármann Helga-
son klarínettukennari hefur verið þeim
til halds og trausts.
Flensborg í úrslit
Ræðulið Flensborgarskólans er komið í úrslit í Morfís, ræðu-keppni framhaldsskólanna
annað árið í röð. Liðið mun keppa
við ræðulið Menntaskólans við Sund
í Háskólabíói.
Flensborg sigraði Menntaskólann á
Akureyri í undanúrslitum. Þar var deilt
um „forræðishyggju“ og mælti Flens-
borg á móti. Katrín Ósk Ásgeirsdóttir,
úr liði Flensborgar, var þá valin ræðu-
maður kvöldsins. Með henni í liðinu
eru Aron Kristján Sigurjónsson, Magni
Sigurðsson, og Jón Gunnar Ingólfsson.
Tvöfalt meira vöruúrval
Vöruúrval í nýrri verslun ÁTVR við Helluhraun er tvöfalt meira
en í versluninni sem nýlega var lokað
í Firði.
Nokkur styrr hefur staðið um-
þennan flutning á ríkinu, enda ljóst
að umferð um verslunarmiðstöðina
Fjörð minnkar verulega í kjölfarið,
sem kemur sér augljóslega illa fyrir
verslunareigendur þar. Ari Blöndal
Eggertsson, verslunarstjóri í nýju
versluninni Álfrúnu, segist hins vegar
ekki finna fyrir neinum pirringi hjá
viðskiptavinunum. „Aðkoman er auð-
veldari og það er strax miklu meira
að gera en var í Firði,“ segir hann. En
söluaukningin helst líka í hendur við
jákvætt viðhorf. „Viðbrögð viðskipta-
vinanna hafa líka verið mjög jákvæð.
Við höfum ekki heyrt í neinum sem
ekki er ánægður með nýju búðina.“
Hann segir starfsfólkið að sama skapi
ánægt og að vinnuaðstaðan á nýja
staðnum sé betri. „Okkur líður öllum
mjög vel og enginn vill fara til baka.“
Sjá bls.10-11.
Úrslit í „Veistu svarið“
Lið Áslandsskóla og Öldutúnsskóla keppa í kvöld til úrslita í spurn-
ingakeppni grunnskólanna „Veistu
svarið“.
Keppnin fer fram í Hamarssal í
Flensborg og hefst klukkan 20.
Í keppninni sem hófst snemma í mars
hafa lið frá unglingadeildum grunn-
skólanna att kappi, ásamt áttunda
liðinu úr Vogum.
Keppt er í hraðaspurningum, vís-
bendingaspurningum, bjölluspurn-
ingum, hljóðdæmi og þríþraut.
Lið Öldutúnsskóla vann lið Hval-
eyrarskóla í undanúrslitum 28-19 og
Áslandsskóli vann Setbergsskóla 31-
24, en undanúrslitaviðureignirnar fóru
fram 24. mars.
Frá undankeppninni.
Þessi mynd úr skýrslu Capacent sýnir samsetningu launa eftir kynjum. Grunnlaun
kvenna eru hærri, en karlar fá umtalsvert hærri yfirvinnugreiðslur og aðrar greiðslur.
Mynd: FSA.
Klarínettukvartettinn hlaut verðlaun.
Morfíslið Flensborgarskóla.