Hafnarfjörður - Garðabær - 04.04.2014, Blaðsíða 8

8 4. apríl 2014
Oddviti Framsóknarflokksins:
Bjarsýnn fyrir hönd framsóknar
„Ég tel að það sé vilji hjá bæjarbúum að gefa nýju fólki og nýjum hug-
myndum tækifæri,“ segir Ágúst Garðarsson oddviti Framsóknarflokksins,
sem segist vera bjartsýnn fyrir hönd Framsóknarflokksins. Flokkurinn
hefur mælst með upp undir tíu prósenta fylgi, en í síðustu kosningum hlaut
flokkurinn um 6,6 prósent atkvæða og náði ekki inn manni.
Tímarnir breytast
Ágúst er fæddur og uppalinn í Hafnar-
firði, en hann á föðurætt að rekja til
Ísafjarðar. Hann segist hafa verið
fastagestur í Sjólastöðinni þegar hann
var strákur, en þar vann pabbi hans sem
verkstjóri. „Sú minning, þegar höfnin
iðaði af lífi, er skemmtileg. Það var
gaman að fá að upplifa þennan tíma
þó svo að sjálfur hafi ég ekki verið ýkja
gamall. Það er hálf leiðinlegt að sjá
hvernig komið er fyrir sjávarþorpinu
Hafnarfirði í dag. En svona er þetta,
tímarnir breytast og þróast og ný tæki-
færi myndast,“ segir Ágúst. Hann er
áhugamaður um boltaíþróttir, elda-
mennsku og golf, auk þess að verja tíma
með fjölskyldunni, en hann á soninn
Hafstein Þór, með konu sinni Áslaugu
Maríu Jóhannsdóttur.
Hann er stúdent frá Flensborgar-
skóla, BA í stjórnmálafræði frá HÍ
og stundar nú MPM nám í verk-
efnastjórnun við Háskólann í Reykjavík
og segist líka vel.
Aðspurður um áhrifavalda í lífi hans,
þá nefnir hann annað fólk, foreldra
sína sérstaklega, og það sem hann
hefur tekið sér fyrir hendur fram að
þessu. „Það hefur líka mótað mig og
haft mikil áhrif á mig er að verða faðir.
Það er engin rómantík eða ósannindi á
bakvið það – heldur staðreynd. Að sjá
barnið sitt vaxa og dafna er ólýsanleg
tilfinning. Ég hef alltaf þótt nokkuð
gömul sál, sem hlustar á gamalt íslenskt
gæðapopp og horfi á 10 fréttir með
popp og kók, en við það að vera faðir
er ég viss um að ég hafi elst og þroskast
um mörg ár. Þetta hlutverk er mér mik-
ilvægt, það allra mikilvægasta í lífinu
og ég ætla að standa mig vel í því.“
Frjálslynd hugmyndafræði
En að pólitíkinni. Ágúst segist alltaf
hafa haft mjög mikinn áhuga á þjóðfé-
lagsmálum almennt „og ég hef ákveðna
sýn á samfélagið og hvernig ég sé það
fyrir mér“, segir hann.
En hvernig myndir þú þá lýsa þínum
grundvallarhugsjónum?
„Samvinna og jöfnuður er mín hug-
myndafræði. Sjálfur aðhyllist ég frjáls-
lynda hugmyndafræði og tel best að fá
niðurstöðu með samvinnu ólíkra afla
og hagsmuna. Slík samvinna þarf að
byggjast á virðingu og heiðarleika. Með
þessu getum við breytt rétt og byggt
upp betra samfélag. Fólk og velferð þess
þarf og á að vera í öndvegi þess samfé-
lags sem við ætlum að byggja upp hér
í Hafnarfirði á næstu árum.“
Fjárhagsstaðan slæm
Aðspurður um þrjú brýnustu málin
sem bæjarstjórn Hafnarfjarðar þarf að
takast á við, segir hann erfitt að binda
sig við aðeins þrennt.
„Fjármál, ferðamál, íþrótta- og
tómstundamál, skólarnir, velfarðar-
mál, þjónusta, atvinnu- og skipulags-
mál eru allt mikilvægir málaflokkar.
Fjárhagsstaða bæjarins er slæm. Það
er engum blöðum um það að fletta.
Það er auðvitað mál sem þarf að taka
og bæjaryfirvöld hafa þegar hafið þá
vinnu að einhverju leyti. Þeirri vinnu
verður að halda áfram og ég er viss um
að þeir sem koma til með að taka við
stjórnun bæjarins muni leita allra ráða
til þess að gera rekstur bæjarins eins
hagkvæman og mögulegt er. Skuldir og
skuldbindingar sem hlutfall af tekjum
er um 201% í lok árs 2013 ef horft er
á drög að ársreikningi,“ segir Ágúst.
Vill efla ferðaþjónustu
Hann segir framsóknarmenn jafnframt
vilja auka þjónustu við bæjarbúa og
segir mikið svigrúm til þess, sé tekið
mið af þjónustukönnun Capacent, sem
gerð var í nóvember. Þar hafi bærinn
fengið falleinkunn á mikilvægum
sviðum. „Atvinnu- og skipulagsmál
í bænum er mikilvæg viðfangsefni.
Við höfum einnig mótað mjög skýra
sýn á Krýsuvíkursvæðið til framtíðar.
Atvinnuleysi meðal yngri kynslóðar-
innar í Hafnarfirði er eitthvað sem þarf
að bregðast við. Efla þarf ferðaþjón-
ustuna í bænum til muna og þar eru
mikil tækifæri. Við höfum gríðarlegt
magn af fallegum svæðum, flottum
veitingahúsum og fjöldan allan af af-
þreyingu fyrir túrista. Þetta þarf að
nýta mikið mun betur. Þar getum við
nefnt sem dæmi: Helgafellið, Valaból,
Hvarleyrarvatn, golfklúbbinn Keili,
ýmsa afþreyingu og veitingastaði og
margt margt fleira. Nú er stefnumót-
unarvinna í fullum gangi hjá mínum
flokki og ætti sú vinna að klárast um
miðjan apríl.“
Til lengri tíma nefnir Ágúst fjár-
hagsstöðu bæjarsins, menntakerfi,
atvinnulíf, íþrótta- og tómstundastarf
fyrir alla, góða þjónustu við bæjarbúa
og gott velferðarkerfi
„Það er ómögulegt að gera upp á
milli þessara mála. Eflaust væri hægt
að telja upp miklu fleiri málaflokka
sem eru mikilvægir og ekki síður mik-
ilvægari en þessir sem ég hef talið hér
upp.“
Nýtt fólk
- Ertu bjartsýnn fyrir hönd Framsóknar-
flokksins í Hafnarfirði nú í vor?
„Já, ég get ekki sagt annað. Ég tel
að það sé vilji hjá bæjarbúum að gefa
nýju fólki og nýjum hugmyndum tæki-
færi. Ég tel að þegar talið verður upp
úr kjörkössunum í vor muni málefnin
og einstaklingarnir standa uppi. Ég
verð þó að taka það fram að ég ber
fulla virðingu fyrir frambjóðendum
annarra flokka í bænum og fagna þeim
fjölmörgu einstaklingum sem tilbúnir
eru til þess að vinna fyrir bæjarfélagið
og taka þátt í því verkefni að móta sam-
félagið næstu árin. Það er ekkert nema
ánægjulegt – en sýnir jafnframt fram
á ákveðna óánægju með stjórnun bæj-
arfélagsins undanfarin ár. Það verður
bara að segjast eins og er.“
Áhrif ríkisstjórnarinnar
Ágúst segir erfitt að segja til um hvaða
áhrif það hafi á gengi Framsóknar-
flokksins í Hafnarfirði í vor, að flokk-
urinn eigi sæti í ríkisstjórn.
„Ég geri mér ekki grein fyrir því
hvernig þessi mál muni þróast á næstu
vikum. Við hugsum fyrst og fremst um
okkur og málefni Hafnarfjarðar. En
það er auðvitað alltaf þannig að þegar
flokkar setjast í ríkisstjórn þá getur það
gerst að ákveðin óánægja með þeirra
ákvarðanatökur blossi upp og það muni
að einhverju leyti bitna á flokkunum í
sveitarstjórnarmálum. Það er ósann-
gjarnt en að vissu leiti skiljanlegt. Eftir
allt sem undan er gengið í okkar sam-
félagi tel ég mikla köllun eftir heiðar-
leika, rétt- og víðsýni. Það kristallast
kannski í viðbrögðum þjóðarinnar við
ESB málsmeðferðinni. Ég fagna því að
einstaklingar noti þann lýðræðislega
rétt sinn til að mótmæla og láti í sér
heyra. Það er gríðarlega mikilvægt í
lýðræðissamfélögum nútímans.“ Hann
segist hins vegar vera hugsi yfir „hent-
ugleikapólitík“.
„Stjórnarandstaðan ætlar að nota
sér þetta mál til hins ítrasta og hugsar
sér gott til glóðarinnar í sveitarstjórn-
arkosningunum í vor. En ég spyr, hvar
voru þessar sömu raddir árið 2009?
Að hvetja fólk út á Austurvöll og hefja
undirskriftarsöfnun vegna orða Stein-
gríms J. daginn fyrir kjördag? Í þætti á
RÚV tók hann þá skýrt fram að hans
flokkur myndi aldrei fara í viðræður
við ESB. Ekkert gerðist. Hvar voru
þessar sömu raddir í ICESAVE mál-
inu? Það mál átti að keyra í gegnum
þingið án þess að ræða við þjóðina
og ekki þótti það neitt tilkomumál á
þeim tíma. Ég ætla ekki að réttlæta
neitt, heldur er ég einungis að benda
á hræsnina í þessu öllu saman. Það er
að mínu mati gamaldags pólitík að
ætla sér að keyra mál í gegn án þess
að hafa nokkurt samráð við þjóðina í
jafn stórum málum og þeim sem ég hef
talið upp. Ég dreg ekkert undan og skil
engan flokk eftir – þetta á við um alla.“
Vill að fólk sjái
hið jákvæða
Hann segist jafnframt vonast til þess
að fólk sjái „það jákvæða sem ríkis-
stjórnin hefur gert,“ og vísar til þess
að frumvörp ríkisstjórnarinnar um
leiðréttingu skulda séu komin fram.
Hann segir einnig að nú lækki skattar
hóflega og í skrefum. Fjölskyldan finni
fyrir því, til að mynda hafi verð á bl-
eyjum lækkað umtalsvert og það muni
um minna. „Kaupmáttur og hagvöxtur
eru að aukast og atvinnuleysi er að
minnka. Stjórnendur 400 stærstu
fyrirtækja landsins eru jákvæðari og
bjartsýnni en áður. Þetta er jákvæð
þróun fyrir okkur öll og við þurfum að
vera duglegri að auglýsa og kynna þá
góðu hluti sem núverandi ríkisstjórn
stendur fyrir.“
SveitarStjórnakoSningar 2014