Hafnarfjörður - Garðabær - 01.05.2014, Blaðsíða 6
6 1. maí 2014
Bækurnar sem maður verður að eiga
Erlendar rannsóknir sýna að alnetið hefur breytt því hvernig við notum
matreiðslubækur og uppskriftir. Skipta má þessari notkun í þrennt. Í fyrsta
lagi notar fólk netið heilmikið, en þá kannski fyrst og fremst þegar það er að
leita að einhverju sérstöku, t.d. ákveðinni uppskrift. Í öðru lagi notar fólk
það sem kalla mætti „fínni“ matreiðslubækur við að undirbúa matarboð
eða stórhátíðir. Þetta eru fallegu myndabækurnar sem fólk flettir til að fá
hugmyndir og innblástur.
Það sem þú átt að
vita en mannst ekki
Í þriðja lagi eru svo uppflettiritin.
Þetta eru bækurnar sem maður
grípur til að sjá hversu margar mín-
útur þarf til að eggin verði linsoðin,
hvernig búa á til gamaldags plokkfisk
o.s.frv. Í þessum flokki eru bækur
eins og Við matreiðum eftir Önnu
Gísladóttur og Bryndísi Steinþórs-
dóttur, Unga fólkið og eldhússtörfin
eftir Vilborgu Björnsdóttur og Þor-
gerði Þórgeirsdóttur og Matur og
drykkur eftir Helgu Sigurðardóttur.
Allar hafa verið endurútgefnar trekk í
trekk en bók Helgu kom fyrst út árið
1947 og hinar á áttunda áratugnum.
Allar eru þær til á Bókasafni Hafnar-
fjarðar.
Ný, ódýr og nauðsynleg
Nú hefur ný og handhæg bók bæst
í þennan flokk ómissandi hand-
bóka í eldhúsið. Sú er eftir Magnús
Inga Magnússon matreiðslumann
og heitir Eldhúsið okkar – Íslensku
hversdagskræsingarnar. Þetta er lítið,
fallegt og handhægt kver smeð upp-
skriftum að fiskibollum, grjónagraut,
grís með puru og ýsu í raspi. Bókin
er einföld, aðgengileg og ódýr – er
víðast til sölu á um þúsund krónur.
Áratugareynsla
í litlu kveri
Magnús Ingi hefur áratuga reynslu
sem matreiðslumaður. Hann hefur
unnið á ýmsum veitingastöðum bæði
hér og erlendis – og rekið nokkra
þeirra síðan 1988. Þá hefur hann
eldað ofan i gesti í veiðihúsum og
hann sá um tíma um tólf opinber
mötuneyti. Nú er Magnús Ingi með
Sjávarbarinn og Texasborgara úti á
Granda, auk þess að stjórna sjón-
varpsþáttum á ÍNN. Þættirnir eru
orðir 120 talsins.
Fyrir alla sem vilja
venjulegan mat
Matarblaðamaður hitti höfundinn og
spurði hann út í það fyrir hverja bókin
væri hugsuð? „Fyrir fólk sem vill geta
borðað venjulegan, einfaldan, hollan
og gamaldags mat“ svavar Magnús
Ingi. „Matur er mitt líf og hvaða kokk
langar ekki að gefa út bók og miðla
reynslu sinni?“ bætir hann við. Bókin
er búin að vera í þrjú ár í bígerð en
hver einast réttur er hins vegar þraut-
reyndur og prófaður á þúsundum við-
skiptavina í gegnum árin.
Ætti að vera til
á hverju heimili.
Bókin er skemmtilega uppsett á ein-
faldan og aðgengilegan hátt eins og
hæfir efninu. Auðvelt er að leita, enda
bókinni skipt í efniskafla eins og fisk-
meti, sósur og meðlæti og sunnudags-
steikin. Góð ráð og ábendingar frá
höfundi og skemmtilegar teikningar
Halldórs Baldurssonar bæta svo enn
um betur. Þetta er löngu tímabært
framhald eldri bóka þeirra Önnu, Vil-
borgar og Helgu. Engir foreldrar ættu
að hleypa börnum sínum út í lífið án
þess að vera með eintak þessari ágætu
bók í farteskinu. Eiginlega má segja
að hún ætti að vera til á hverju heimili.
HREINSUNAR
5. og 6. maí
DAGAR
Hafnarfjarðarbær hvetur Hafnfirðinga til að hreinsa lóðir sínar og garða
á árlegum hreinsunardögum bæjarins. Jafnframt eru íbúar hvattir til að hreinsa
nærumhverfi sitt í leiðinni. Hjálpumst að við að halda bænum okkar hreinum.
Starfsmenn þjónustumiðstöðvar Hafnarfjarðar fara um bæinn á
meðan á hreinsunardögum stendur og fjarlægja garðaúrgang sem
settur hefur verið út fyrir lóðamörk. Vinsamlegast athugið að
setja ekki of mikið í pokana svo þeir verði hvorki of þungir eða geti rifnað.
Að hreinsunardögunum loknum er hægt að fara með garðaúrgang
til endurvinnslustöðva SORPU og Gámaþjónustunnar.
Nánari upplýsingar eru á www.hafnarfjordur.is.
FAllEGUR bæR ER okkUR kæR!
GRæNUPPlAGT!
MatarSíða SvavarS svavar@islenskurmatur.is
„matur er mitt líf,“ segir magnús Ingi magnússon matreiðslumaður sem hefur
gefið út kver með íslenskum hversdagskræsingum.
Þessar bækur eru ómissandi og séu þær ekki til heima er hægt að fá þær á
bókasafninu.
Fjölbreytt dagskrá
Verkalýðsfélagið Hlíf stendur fyrir fjölbreyttri dagskrá í
Hafnarfirði í dag, á baráttudegi
verkalýðsins. Safnast verður saman
framan við ráðhúsið í Strandgötu
klukkan hálftvö en kröfuganga
leggur af stað klukkan 14. Fundur
verður haldinn í Hraunseli, Flata-
hrauni 3, klukkan hálfþrjú, en ræður
flytja Linda Baldursdóttir varafor-
maður Hlífar og Karl Rúnar Þórs-
son, formaður Starfsmannafélags
Hafnarfjarðar. Eftir það verða flutt
ýmis skemmtiatriði, en grínistinn
Ari Eldjárn stígur á stokk, svo eitt-
hvað sé nefnt.