Hafnarfjörður - Garðabær - 16.05.2014, Blaðsíða 6
16. maí 20146
SveitarStjórnakoSningar 2014
Einstök gæði á góðu verði
og vaxtalaus greiðsludreifing í 12 mánuði
Eldhúsinnréttingar
Þín veröld
XE
IN
N
IX
1
3
02
0
02
Innréttingar
Skrifstofuhúsgögn
BoConcept
Guðrún Ágústa Guðmundsdóttir, oddviti Vinstri grænna í Hafnarfirði:
Trú hugsjóninni um velferð, jafnrétti og samvinnu
„Það sem skiptir mig mestu máli er að vinna að því að tryggja velferð allra
bæjarbúa og að starfsemi og rekstur bæjarins sé í sátt við umhverfið og
stuðli að góðu mannlífi fyrir alla,“ segir Guðrún Ágústa Guðmundsdóttir,
bæjarstjóri Hafnarfjarðar og oddviti Vinstri grænna.
Guðrún Ágústa er Hafnfirðingur í
húð og hár, fædd á Sólvangi árið 1966
og hefur lengst af búið í bænum. Hún
gekk í Öldutúnsskóla og síðan í Flens-
borg. Hún og maður hennar Einar
Áskelsson eiga saman fimm börn, og
einn ömmustrák. Guðrún Ágústa er
bókmenntafræðingur og á að auki að
baki framhaldsnám í blaðamennsku
og kennsluréttindum. Hún hefur
starfað við blaðamennsku, útgáfu og
kynningarmál, sem forvarnarfulltrúi
auk kennslu við Flensborgarskólann.
Hún var kjörinn bæjarfulltrúi árið
2006 og svo aftur í síðustu kosn-
ingum og hefur síðan unnið að bæj-
armálunum í fullu starfi.
Velferð, jafnrétti
og samvinna
Hún segir að kjörtímabilið hafi verið
erilsamt en góður árangur hafi náðst
í mörgum málum.
„Bæði ég sem bæjarstjóri og full-
trúar okkar Vinstri grænna í nefndum
og ráðum bæjarins höfum lagt okkur
fram um að vera trú hugsjónum
okkar um velferð, jafnrétti og sam-
vinnu. Verkefnin á þessu kjörtímabili
hafa verið bæði flókin og krefjandi
en okkur hefur tekist að stórbæta
fjárhag Hafnarfjarðar með gagn-
gerri endurskipulagningu á rekstri,
stjórnun og endurfjármögnun lána
bæjarins. Ég vona því að bæjarbúar
séu sáttir við það hvernig til hefur
tekist og að okkur gefist tækifæri til
að halda áfram að byggja upp enn
betra samfélag næstu fjögur árin,“
segir Guðrún Ágústa.
Uppeldið mótaði viðhorfin
- En hver er bakgrunnur þinn í stjórn-
málum?
„Ég hef alltaf haft áhuga á stjórn-
málum og verið félagsmálamanneskja.
Ég er líka alin upp á mjög pólitísku
heimili. Móðir mín var bæjarfulltrúi
fyrir Alþýðubandalagið þegar ég var
að alast upp, þannig að stjórnmál
voru alltaf nálæg og mikil umræða
um þjóðmál á heimilinu,“ segir Guð-
rún Ágústa í samtali við blaðið. Hún
segist sjálf ekki hafa hugsað sér að
fara í pólitík, en tók samt sem áður
efsta sætið á lista Vinstri grænna fyrir
átta árum. „Þá brann mikið á mér
ýmislegt sem ég hafði kynnst í starfi
mínu sem kennari, forvarnarfulltrúi
og í foreldrastarfi innan íþróttahreyf-
ingarinnar. Umhverfismálin voru mér
líka ofarlega í huga og ég óttaðist þá
glórulausu þenslu og stóriðjustefnu
sem var allsráðandi árið 2006.“
Spurð um áhrifavalda nefnir Guð-
rún Ágústa móður sína, Rannveigu
Traustadóttur, prófessor í fötlunar-
fræðum við Háskóla Íslands. „Móðir
mín var rétt orðin 16 ára þegar ég
fæddist og bjuggum við hjá ömmu
og afa fyrstu tvö árin. Þar til ég var
níu ára vann mamma aðallega sem
þroskaþjálfi á stofnunum fyrir fatlað
fólk og oftar en ekki bjuggum við þá á
viðkomandi stofnun, t.d. á Skálatúns-
heimilinu og í Heyrnleysingjaskól-
anum. Ég hef því að hluta til alist upp
á stofnunum fyrir fatlað fólk og það
hefur mótað mig og mínar skoðanir,
og viðhorf til lífsins.“
Aukið félagslegt húsnæði
Spurð um brýnustu málin fyrir bæj-
arstjórn Hafnarfjarðar nefnir Guð-
rún Ágústa húsnæðismálin fyrst. Fólk
verði að geta eignast eða leigt sér hús-
næði. „Það á ekki að vera nauðsynlegt
að eiga fasteign alla ævi og það ætti
líka að vera hægt að leigja húsnæði
alla ævi. Það er líka nauðsynlegt að
auka framboð af félagslegu húsnæði
í bænum.“
Hún nefnir einnig stofnun emb-
ættis umboðsmanns Hafnfirðinga,
sem bæjarbúar eigi að geta leitað
til, séu þeir ósáttir við málsmeðferð
eða ákvarðanatöku bæjarins. „Við
höfum stigið nokkur skref í átt að
gegnsærri stjórnsýslu með birtingu
gagna með fundargerðum og gert
ahna aðgengilegri. Stofnun embættis
umboðsmanns Hafnfirðinga er í raun
eðlilegt skref í kjölfar þeirra sem við
höfum þegar stigið.“
Jöfn tækifæri
Guðrún Ágústa segir að jafnframt þurfi
að jafna tækifæri barna í bænum. „Með
auknu fjármagni til fræðslumála, með
upptöku frístundakorts í stað núver-
andi fyrirkomulags og ekki síst að
skoða hvort við getum ekki sett á stofn
myndlistarskóla hér í Hafnarfirði svo
eitthvað sé nefnt.“
Ný hugsun
Guðrún segir að Vinstri græn boði
nýja hugsun um mótun samfélagsins,
þegar hún er spurð um áherslumál til
lengri tíma. „Þessari hugsun er best
lýst með orðunum „fyrir okkur öll,
á ábyrgð okkar allra“. Meginþættir í
stefnu okkar eru jöfnuður, kvenfrelsi,
umhverfi og lýðræði.“
Hún vill þróa áfram þjónustu við
þá sem nýta sér fjölskylduþjónustu
Hafnarfjarðar „þannig að hún komi
til móts við þarfir hverfs og eins og
vinni gegn því að einstaklingar festist
í óviðunandi aðstæðum.“ Fólki með
skerta vinnufærni verði tryggður
möguleiki á viðeigandi aðstoð til að
komast á vinnumarkað „og að til-
gangur fjárhagsaðstoðar verði að styðja
einstaklinga sem aðstoðar njóta til
sjálfsbjargar og sjálfshjálpar“.
Íbúar í fjárhags-
áætlanagerð
„Við viljum hafa samráð við bæjarbúa
frá fyrstu skrefum fjárhagsáætlunar-
gerðar og fram að samþykkt hennar.
Feta í fótspor þeirra sem lengst eru
komin í gerð þátttökufjárhagsáætlana.
Með því að taka upp þátttökufjárhags-
áætlun aukum við enn frekar lýðræðis-
lega aðkomu bæjarbúa að mikilvægum
ákvörðunum bæjarins,“ segir Guðrún
Ágústa.
Hún nefnir einnig ofbeldi, en skammt
er frá því að bæjarstjórn samþykkti
áskorun gegn heimilisofbeldi. „Hafnar-
fjörður á ekki að líða ofbeldi af neinu
tagi. Allar birtingarmyndir ofbeldis eru
samfélaglegar meinsemdir sem verður
að útrýma með markvissum aðgerðum
í samstarfi við lögreglu, heilbrigðis- og
menntakerfið.“
Störf í dóm kjósenda
- Ertu bjartsýn fyrir hönd Vinstri grænna
í Hafnarfirði nú í vor?
„Ég er alltaf bjartsýn. Kosningarnar
núna í vor verða spennandi. Við erum
óhrædd við að leggja okkar störf í dóm
kjósenda. Við höfum sýnt það að við
erum óhrædd við að takast á við erfið
viðfangsefni, hella okkur út í verkefnin
og skila þeim farsællega af okkur. Við
höfum sýnt það að okkur er treystandi
og við skilum árangri,“ segir Guðrún
Ágústa.
- Stefnirðu á bæjarstjórastólinn?
„Fái ég tækifæri er ég svo sannarlega
tilbúin í að starfa áfram sem bæjarstjóri
og tel mig eiga fullt erindi í það starf. Ég
legg starf mitt sem bæjarstjóra og fulltrúa
okkar Vinstri grænna í dóm kjósenda.
Starf sem ég er afskaplega sátt við og stolt
af,“ segir Guðrún Ágústa, og bætir því
við að markmið Vinstri grænna sé að
halda sínum hlut í bæjarstjórn og helst
að bæta við sig bæjarfulltrúa.
„Við erum óhrædd við að leggja okkar störf í dóm kjósenda. Við höfum sýnt
það að við erum óhrædd að takast á við erfið viðfangsefni, hella okkur út
í verkefnin og skila þeim farsællega af okkur,“ segir Guðrún Ágústa Guð-
mundsdóttir, oddviti Vinstri grænna.
Guðrún Ágústa með 27 þúsundasta
Hafnfirðinginn í fanginu.
í strandgötunni.