Hafnarfjörður - Garðabær - 16.05.2014, Blaðsíða 8
8 16. maí 2014
María grétarsdóttir
– M-Listi fólksins í bænum
María Grétarsdóttir er fimmtug. Hún
er viðskiptafræðingur og bæjarfulltrúi
í Garðabæ. Hún hefur sinn trúnaðar-
störfum fyrir Garðabæ frá árinu 1998,
þegar hún varð varabæjarfulltrúi Sjálf-
stæðisflokksins. Hún í flokknum til
2006, en hefur síðan starfað með M-
lista fólksins í bænum.
1. Skólamál, skipulags- og umhverfis-
mál, aukið lýðræði og almenn vel-
ferð fólksins í bænum.
2. FÓLKIÐ- í bænum mun hafa það
að leiðarljósi að gera góðan bæ enn
betri.
3. Talsvert svigrúm er til að bæta lýð-
ræðisleg vinnubrögð hjá meirihlut-
anum auk þess sem efla má raf-
ræna upplýsingagjöf til bæjarbúa í
gegnum vefinn. Styrkja þarf félags-
lega velferð fólksins í bænum og
ekki hefur ríkt sátt um umhverfis-
málin. FÓLKIÐ- í bænum hefur
lagt fram nokkra tugi bókana og
tillagna á kjörtímabilinu sem er
að líða sem nálgast má á vefnum
xm.is.
Steinþór Einarsson
– S-listi Samfylkingarinnar
Steinþór er 49 ára gamall. Hann er
skrifstofustjóri ÍTR og hefur verið bæj-
arfulltrúi Samfylkingarinnar í átta ár.
1. Þjónusta við fjölskyldurnar,
meirihlutinn stærir sig af lágu
útsvari en í Garðabæ eru gjöld
fyrir þjónustu þau hæstu á höfuð-
borgarsvæðinu. Gjaldskrár fyrir
leikskóla, tómstundaheimili og
fæði eru einhver þau hæstu á höf-
uðborgarsvæðinu. Húsnæðismál,
biðlistar hafa lengi verið eftir fé-
lagslegu húsnæði. Umhverfismál,
átak þarf að gera í endurnýjun
gatna og gangstíga í eldri hverfum
og halda áfram góðri vinnu við
tengingar sveitarfélag með göngu
og hjólastígum. Fylgja þarf eftir á
næsta kjörtímabili þeim stefnum
sem nýlega hafa verið samþykktar
svo sem varðandi aðstöðu íþrótta-
og tómstundafélaga.
2. Ég er bjartsýnn fyrir okkar hönd.
Við höfum unnið vel á kjör-
tímabilinu í bæjarstjórn og í þeim
nefndum sem við eigum fulltrúa
í. Margar af okkar góðu tillögum
hafa náð fram að ganga og okkar
áherslur hafa komist viða inn.
3. Margt hefur verið vel gert og það
er nú í flestum tilfellum í sveitar-
stjórnarstarfi að ágæt sátt er um
mjög mörg málefni. Síðan er
áherslumunur í öðrum málum svo
sem gjaldskrármálum í þjónustu
við barnafjölskyldur. Biðlistar eftir
félagslegu húsnæði hafa verið lengi
og er bæjarfélaginu til vansa.
guðrún Elín Herbertsdóttir
– æ listi bjartrar framtíðar
Guðrún Elín er 36 ára, sérfræðingur í
innri upplýsingaþjónustu Seðlabanka
Íslands. Hún hefur ekki starfað í stjórn-
málum fyrr og segist líta á það sem
styrkleika sem bjóði upp á nýtt og
ferskt sjónarhorn.
1. Fjölbreytni, samstaða og aukin
þjónusta án meiri tilkostnaðar eru
okkar helstu áherslur. Fjölbreytni á
öllum sviðum þjónustu við bæjar-
búa, aukna samstöðu um framtíð
og skipulag bæjarins og betri nýt-
ingu tekna bæjarins. Við teljum að
það sé rými til að lækka kostnað í
ýmsum málaflokkum með betra
aðhaldi í rekstri.
2. Við erum nokkuð bjartsýn og
skynjum aukna þörf bæjarbúa á
samráði í ákvörðunartöku.
3. Núverandi meirihluti hefði getað
náð meiri samstöðu um hitamál
sem komið hafa upp á síðasta kjör-
tímabili. Það er eitt að sameina árs-
reikning tveggja sveitarfélaga en
annað að ná góðri samstöðu íbúa.
Þetta á einnig við um önnur mál
eins og veginn gegnum hraunið.
Ungt fólk þarf húsnæðiskost við
sitt hæfi í Garðabæ og það hefði
mátt huga betur að því til að koma
í veg fyrir flótta þess úr bænum.
Garðabær er með hæstu tekjur á
íbúa, hæstu þjónustugjöldin en
einnig hæsta kostnað á íbúa í helstu
málaflokkum í samanburði við ná-
grannasveitarfélögin. Þar hlýtur að
vera rými til hagræðingar sem hefði
átt að nýta.
gunnar Einarsson
– D-listi Sjálfstæðisflokksins
Gunnar er 58 ára og hefur verið bæjar-
stjóri í Garðabæ undanfarin 9 ár. Hann
var í upphafi ráðinn sem ópólitískur
bæjarstjóri af sjálfstæðismönnum árið
2005 en hefur setið í ýmsum nefndum
og ráðum á vegum Sjálfstæðisflokksins
í gegnum tíðina.
1. Okkar slagorð er Höldum áfram.
Í fyrsta lagi við viljum halda
áfram með traustan fjárhag, lágar
álögur og ráðdeild í fjármálum, á
því byggir öll önnur þjónusta. Í
öðru lagi að vera áfram í forystu
í skólamálum með fagmennsku,
fjölbreytni og raunverulegt val
að leiðarljósi þar sem áhersla er
á aukna samfellu milli skólastiga
í því skyni að allir fái notið sín. Í
þriðja lagi halda áfram með kröft-
ugt íþrótta- tómstunda og félagstarf
þar sem boðið er upp á fjölbreytta
valkosti fyrir alla aldurshópa. Og
í fjórða lagi að efla félagsauð íbúa
Garðabæjar með því að hlúa vel að
frjálsri félagastarfsemi m.a. á sviði
íþrótta-tómstundamála, líknar- og
mannúðarmála sem og menningar
og listar.
2. Já ég er bjartsýnn á að Garðbæingar
vilji halda áfram með þær áherslur
sem við höfum lagt undanfarin
kjörtímabil. Fjárhagur bæjarins
er traustur, málefnastaðan sterk
og ímynd okkar sömuleiðis. Ég sé
ekki hvers vegna ætti að breyta um
meirihluta þegar vel gengur.
3. Fyrir síðustu kosningar voru gefin
88 fyrirheit og nær öll hafa náð
fram að ganga. Að því leyti hefur
bæjarstjórnin staðið sig vel. Það
kemur fram í þjónustukönnunum
okkar að íbúar Garðabæjar eru
ánægðir með þjónustuna og það er
góður mælikvarði á frammistöðu
bæjarstjórnar. Við trúum því
að alltaf megi gera betur og við
viljum það. Við höfum beðið um
ábendingar frá íbúunum um það
sem betur má gera. Í því sambandi
vil ég nefna viðhald mannvirkja,
gatna og gangstétta. Þar getum
við gefið í og munum gera það á
næsta kjörtímabili samanber okkar
stefnuskrá sem inniheldur 91 fyr-
irheiti sem við munum standa við.
Einar Karl birgisson
– b-listi Framsóknarflokksins
Einar Karl er 35 ára, svæðisstjóri hjá
Latabæ. Hann var kjörinn í bæjarstjórn
Álftaness í síðustu kosningum og sat í
stjórn Sambands ungra framsóknar-
manna 2004-2007. Hann er stjórnar-
formaður atvinnuleysistryggingasjóðs.
1. Skipulagsmál og samgöngur. Nú er
að hefjast vinna við gerð nýs aðal-
skipulags fyrir Garðabæ. Samhliða
þeirri vinnu leggjum við mikla
áherslu á að strax verði haldin
hönnunarsamkeppni um nýtt
skipulag á Garðaholti. Þar verði
skipulögð 3-4000 íbúa byggð þar
sem allir hópar íbúa geta fundið
húsnæði við sitt hæfi. Mikilvægt
að ný hverfi verði kláruð og full
frágengin. Viljum að settur verði
þrýstingur á að gatnamótin við Víf-
ilsstaða- og Hafnarfjarðarveg verði
sett á samgönguáætlun strax.
Skólamál. Garðabær á að vera með
bestu skólana. Þar verði áfram lögð
áhersla á góða menntun nemenda
og hafa kennarar náð frábærum
árangri þar. En það er líka mikil-
vægt að efla félagslega þáttinn og
uppræta allt einelti sem á ekki að
líðast. Áfram verði gott framboð
leikskólastarfs og biðlistum í tón-
listarnám verði eytt.
Þjónusta. Við viljum að þjónusta
við íbúa Garðabæjar verði bætt.
Garðabær stendur vel og eiga íbúar
að fá að njóta þess í formi þeirrar
þjónustu sem þeir þurfa.
Íþrótta-og tómstundamál. Mikil-
vægur málaflokkur sem við viljum
gera betur í. Viljum sjá hvatapen-
inga hækka í 35.000 fyrir hvert
barn. Afreksstyrkir verði hækkaðir.
Fundinn verði farsæll staður fyrir
fjölnota íþróttahús og gagngert
viðhald og endurbætur verði gerðar
á sundlauginni í Ásgarði. Eins að
gervigrasvöllurinn við Breiðumýri
verði kláraður strax.
2. Fyrir hönd framboðsins er ég
nokkuð bjartsýnn. Finnum góðan
meðbyr og fólk virðist opið fyrir
nýjum röddum í bæjarstjórn.
Setjum óhikað stefnuna á að ná
inn tveimur mönnum.
3. Ekki er fullkomin sátt með núver-
andi meirihluta og mikilvægt að
fleiri raddir heyrist í bæjarstjórn-
inni. Hefði viljað sjá menn halda
betur á skipulagsmálum og sam-
göngumálum, en engin stór slys
hafa verið unnin og eiga Garðbæ-
ingar möguleika að velja sér nýja
forystu næstu fjögur árin. Fram-
sókn Garðabæ er tilbúin í að vinna
fyrir Garðbæinga að betri þjónustu
og uppbyggingu, svo Garðabær
verði ákjósanlegur kostur til að
búa í til framtíðar.
SveitarStjórnakoSningar 2014
Garðbæingar yfirheyrðir
Kosið verður í fyrsta sinn í sameinuðu sveitarfélagi Garðabæjar og Álftaness
nú í mánuðinum. Í síðustu kosningum voru kjörnir sjö bæjarfulltrúar
í hvoru um sig, en að þessu sinni verða kjörnir ellefu bæjarfulltrúar í
sameinuðu sveitarfélagi. Bæjarblaðið Hafnarfjörður/Garðabær kynnir
hér oddvita framboðslistana í Garðabæ.
Veldi Sjálfstæðisflokksins í Garðabæ hefur löngum verið óskorað, en á Álftanes-
inu hafa aðrar fylkingar komist í
meirihluta á síðustu árum.
Fimm fylkingar verða í framboði í
bænum í kosningunum. Sjálfstæðis-
flokkurinn, Samfylking, Framsóknar-
flokkur, M-Listi fólksins í bænum og
Björt framtíð.
Reynt var að mynda sameiginlegt
framboð annarra en sjálfstæðismanna,
en framsóknarmenn vildu ekki. Hjá
hinum gengur þreifingar um sameig-
inlegt framboð ekki eftir.
Val sjálfstæðismanna á lista gekk ekki
þrautalaust. Mikið var deilt um niður-
stöðu uppstillingarnefndar, raunar svo
mjög að einn bæjarfulltrúa flokksins,
Páll Hilmarsson, sagði við mbl.is að
Sjálfstæðisflokkurinn í Garðabæ hefði
skipst í tvær fylkingar og að meirihluti
þeirra væri fallinn. Hann er ekki í fram-
boði fyrir flokkinn að þessu sinni.
Samkvæmt könnun Félagsvís-
indastofnunar HÍ sem birtist í Morgun-
blaðinu í gær, er fylgi við Sjálfstæðis-
flokkinn ríflega 60 prósent, sem skilaði
þeim 8 bæjarfulltrúum. Björt framtíð
mældist með 17 prósenta fylgi sem
myndi skila tveimur fulltrúum. Sam-
fylkingin héldi sínum fulltrúa en fylgið
nú mælist 10 prósent. Listi fólksins í
bænum mældist með 1,3 prósenta fylgi
og Framsóknarflokkur 5,7. Í hvorugu
tilvikinu dygði það til að ná inn manni.
Allir oddvitar fengu sömu spurningar.
1. Hvaða þrjú mál setur framboð þitt
á oddinn fyrir komandi kosningar.
2. Ertu bjartsýn/n fyrir hönd þíns
framboðs?
3. Hvernig hefur núverandi meirihluti
í bæjarstjórn staðið sig á kjörtímabil-
inu að þínu mati? Hvað mátti gera
betur?
Svör oddvitanna má finna hér að
neðan ásamt stuttri kynningu á hverjum
og einum.
Ráðhúsið í Garðabæ. Ellefu bæjarfulltrúar munu starfa þar á næsta kjörtímabli.