Fréttir - Eyjafréttir - 12.12.1996, Blaðsíða 2

2
Fréttir
Full ástæða fyrir
sólarhringsvakt
Mikill erill var hjá lögreglunni um
síðustu helgi og bar þar margt til.
Lögreglumaður sem talað var við
sagði að það hefði berlega komið í
Ijós að full ástæða er fyrir
sólahringsvakt á lögreglustöðinni.
Það sem kom upp á voru m.a.
fíkniefnamál og untferðaróhöpp.
Datt út úr bifreið
sem var á ferð
Á fimmtudaginn varð það óhapp að
farþegi datt út úr bifreið á ferð.
Ekki slasaðist hann alvarlega, slapp
með nokkrar rispur. Óhappið átti
sér stað á gatnamótum Flata og
Hlíðarvegar og virðist hurðin hafa
veriðhviklæst.
Vinnuslys
Eftir hádegi á föstudaginn varð það
óhapp að maður féll í stiga í bræðsu
Vinnslustöðvarinnar. Honum var
komið undir læknishendur þar sem
kom í Ijós að hann var hand-
leggsbrotinn.
Of hraður akstur
Sama dag fékk ökumaður bifreiðar
ántinningu fyrir of hraðan akstur.
Vill lögreglan hvetja ökumenn til
að virða reglur um hámarkshraða
og haga akstri sínum miðað við
aðstæður nú þegar svartasta
skammdegið fer í hönd og allra
veðra er von.
Foreldravaktin í
heimsókn
Á föstudagskvöldið komu fimm
manns í heimsókn til lögreglu en
þau höfðu tekið að sér að standa
fyrstu foreldravaktina. Foreldra-
vaktin mun vinna í samráði við
lögreglu en ekkert. mál kom upp á
þessa helgina. En þess má geta að
lögreglan keyrði fjóra unglinga
heim sem voru úti eftir að
útivistartíma þeirra lauk.
Þriggja bíla árekstur
Rétt fyrir miðnætti var tilkynnt um
þriggja bíla árekstur á veginum
austan við Helgafell. Ekki urðu slys
á fólki en einhverjar skemmdir á
bílunum. Lögregla segir að
ógætilegur framúrakstur haft verið
ástæðan.
Hækkun á
fasteignagjöldum
Samkvæmt ákvörðun Fasteigna-
rnats ríkisins hækka fasteignagjöld
í Vestmannaeyjum um 1,67% milli
áranna 1996 og 1997. Samtals
verða fasteignagjöldin 16,97
milljóniránæstaári.
39 fá húsaleigustyrk
Fyrir bæjarráði lágu 39 gildar
umsóknir um húsaleigustyrk til
nemenda utan Vestmannaeyja.
Alls bárust 39 gildar umsóknir og
fær hver nemandi 11.400 krónur í
samræmi við fjárhagsáætlun.
Fréttir
Fimmtudagur 12. desember 1996
Endurskoðuð fjárhag
Reksfrarkostnaður
í endurskoðaðri fjárhagsáætlun
bæjarsjóðs er gert ráð fyrir 50
milljón króna hærri útsvarstekjum
en fjárhagsáætlun ársins gerði ráð
fyrir. Til viðbótar koma 9,5 millj-
ónir úr Jöfnunarsjóði sveitarfélaga.
Á móti kemur lækkun fast-
eignagjalda um 800 þúsund þannig
að nettó hækka tekjurnar um 58,7
milljónir króna umfram fjárhags-
áætlun. En þetta er þó sýnd veiði en
ekki gefin því rekstrarkostnaður fer
32.5 milljónir fram úr áætlun og
eignfærður og gjaldfærður kostn-
aður 12,6 milljónir. Eru þá eftir
13.6 milljónir til að greiða niður lán
umfram það sem áætlað var.
Fulltrúar Vestmannaeyjalistans,
Guðmundur Þ.B. Ólafsson og Hörður
Þórðarson, létu bóka á síðasta
bæjarstjómarfundi að fulltrúar listans
hefðu bent á að áætlanagerð sjálf-
stæðismanna í bæjarstjóm væri mjög
ónákvæm. Væri tillaga þeirra að
endurskoðaðri fjárhagsáætlun stað-
festing á því. „Fjárhagsáætlunin var
alfarið unnin af sjálfstæðismönnum
eins og undanfarin ár. Við höfum á
hverju ári bent á þessa ónákvæmni en
þvf hefur ekki verið sinnt. Tillaga
sjálfstæðismanna að endurskoðaðri
fjárhagsáætlun, sem lögð var fram á
fundinum, sýnir að þeim virðist ekki
veita af aðstoð við áætlunargerðina og
við höfum alltaf verið tilbúnir til
þess,“ sagði Guðmundur við Fréttir
eftir fundinn.
Hann segist fagna auknum tekjum en
stóra málið sé að reksturinn fari 32,9
milljónir fram úr áætlun. I gjald-
færðum stofnkostnaði er framúr-
keyrslan 6,9 milljónir nettó og segir
Guðmundur að kostnaður vegna nýs
tölvukerfis stingi þar mest í augu. „í
tölvukerfi bæjarins var gert ráð fyrir
9,8 milljónum og 4,5 milljónum í
tölvukerfi Bæjarveitna og hafnarsjóðs
eða samtals 14,3 milljónum króna.
Niðurstaðan er að kostnaður verður
tæplega 18 milljónir sem er 3,6
milljónum meira en gert var ráð fyrir
þegar ákveðið var að fara út í þessa
framkvæmd."
Þegar einstaka liðir rekstrar eru
skoðaðir kemur í ljós að kostnaður við
yfirstjóm og bæjarráð er 400 þúsund
krónum lægri en gert var ráð fyrir. Er
ástæðan sú að bæjarstjóri er pólitískt
kjörinn. Fjárhagsaðstoð lækkar um
sömu upphæð og er það rakið til betra
ástands í bænum í atvinnumálum.
Leikskólamir fara allir fram úr áætlun
og er framúrkeyrslan samtals 6.6
milljónir króna. Ástæðumar em raktar
til hærri launakostnaðar, viðhalds á
lóðum og húsum og lægri daggjalda
en gert var ráð fyrir.
Af öðrum liðum sem fara fram úr
má nefna Sorpeyðingarstöð 1,5
milljón, viðhald holræsa 3 milljónir,
áhaldahús 2,5 milljónir, rekstur
fasteigna 2,8 milljónir, framlag vegna
Þróunarfélags Vestmannaeyja og
ferðamálafulltrúa 3 milljónir og
sáning og uppgræðsla 2,5 milljónir.
Samtals fer reksturinn tæplega 43
milljónir fram úr áætlun en á móti
kemur lækkun á nokkrnm liðum upp á
samtals 10,5 milljónir þannig að
hækkunin er 32,5 milljónir nettó.
I eignfærðum stofnkostnaði verður
talsverð tilfærsla vegna samninga við
íþróttahreyfinguna. Á árinu var gert
ráð fyrir 27 milljónum vegna ramma-
samnings um byggingu íþróttahúss.
Því hefur verið slegið á frest en í
staðinn er gert ráð fyrir 37 milljónum
vegna kaupa á íþróttamannvirkjum
íþróttafélaganna. Ibúðir voru seldar
fyrir 4 milljónir og tæki fyrir 250
þúsund. Samtals fer eignfærður
kostnaður því 5,8 milljónir fram úr
áætlun.
Breytingar á einstökum liðum eru því
eftirfarandi:
Tekjur
Rekstur
Gjaldfært
Eigfært
Niðurgreiðsla lána
Hækkun
43.056.000
42.970.000
7.700.000
37.000.000
13.580.000
144.306.000
Lækkun
101.756.000
10.500.000
800.000
31.250.000
144.306.000
Af skólafólki
Fyrir ekki margt löngu kom fram á
sjónarsviðið skýrsla, sem mörgum þótti heldur
svört. Greindi hún frá námsárangri íslenskra
grunnskólanenenda í raungreinum, saman-
borið við árangur jafnaldra þeirra annars
staðar í heiminum. Og árangur Islendinganna
var svo sannarlega ekki til að hrópa húrra
fyrir. Við lentum heldur aftarlega á merinni,
meðal þjóða sem við hingað til höfum ekki
viljað vera með í hópi og taldar vanþróaðar á
flestum sviðum. Aftur á móti vakti athygli
góður árangur ýmissa Asíuþjóða, svo sem
Singaporemanna og Japana og þá voru Tékkar
framarlega í röðinni þegar mæld var kunnátta í
stærðfræði og náttúrufræðigreinum á borð við
eðlis- og efnafræði.
Að vonum setti menn hljóða yfir þessum
tíðindum og eðlilega kom upp sú spuming
hvernig á slíku gæti staðið. Fyrir ekki svo
mörgum árum voru íslenskir nemendur taldir
standa flestum framar, ekki aðeins í þessum
greinum heldur og fleirum. íslenskir stú-
dentar, sem til náms fóru ytra, höfðu það orð á
sér, flestir hverjir, að þeir væm afburða
námsmenn. En nú er það sem sagt ekki bara
miðlungsfólk sem kemur úr grunnskólunum
heldur skussar, miðað við jafnaldra þeirra
erlendis.
Ýmsar skýringar hafa komið fram á þessari
leiðindaþróun. Ein er sú að kennarar hafi
dregist svo aftur úr öðrum í launum að það
komi niður á kennslunni. Til starfa veljist ekki
sama úrvalsfólk og fyrr. Nú er skrifari kennari
að mennt og starfi og þykir þessi skýring
heldur fátækleg. Hann kannast ekki við að
hafa slegið af sínum kröfum eða tekið upp
önnur vinnubrögð þrátt fyrir að launin hafi
eitthvað lækkað miðað við aðra. Slíkt væri
heldur óviturleg hefndaraðgerð gagnvart
vinnuveitandanum og ekki líkleg til að skila
árangri í launabaráttu. Þá hefur einnig verið
talið að slök framlög til gerðar námsefnis eigi
þama einhveija sök. Það þykir skrifara einnig
fremur léttvægt, sérstaklega þar sem framlög
til slíks hafa margfaldast á síðasta áratug. Það
sem skrifara þykir hvað hjákátlegast er að það
skuli vera kennarasamtökin í landinu sem
helst halda þessu fram.
í huga skrifara er það einkum tvennt sem
telja rná orsök þessa lélega árangurs. í fyrsta
lagi er það agaleysi í skólum sem mjög hefur
vaxið á undanfömum ámm. í kringum 1970
kom fram ákveðin nýbylgja í kennsluháttum
og boðaði meira frjálslyndi en áður hafði
þekkst. Gömul og gróin gildi vom látin róa
svo sem virðing fyrir kennaranum, sömuleiðis
sem slakað var á námskröfum. Til dæmis
þótti ekki lengur tiltökumál að fólk lærði
margföldunartöfluna eins og sjálfsagt þótti
áður. Helstu rök nýbylgjumanna voru að
reiknitölvur gerðu slíkt óþarft. Þá var talið
einkar óvarlegt að snupra nemendur sem ekki
höfðu lært heima, slíkt var talið geta haft
sálræna kvilla í för með sér. Nemandinn ætti
sjálfur að finna hjá sér hvöt til náms. Nú var
þessi alda frjálslyndis sjálfsagt ekki af illum
hvötum fram sett. hún byggðist enda á
ákveðnum uppeldisfræðilegum hugmyndum
og helstu boðberar hennar í sjálfu
höfuðmenntasetrinu, Kennaraskólanum.
Samhliða þessu aukna frjálslyndi komu fram
aðrar áherslur í náminu. Farið var inn á aðrar
brautir og meiri áhersla lögð á leik en beinhart
nám. Námsefni var breytt, það var kallað að
samhæfa námið, gamalgrónar greinar á borð
við íslandssögu, landafræði, náttúrufræði og
heilsufræði, vom lagðar af, þeim steypt saman
í eina heild og kallað samfélagsfræði. Sú
grein var hinn mesti óskapnaður og þar að
auki hundleiðinleg.
Ýmsir skólamenn af gamla skólanum vöruðu
við þessari stefnu sem þeir kölluðu
útþynningarstefnu og töldu að með þessu væri
verið að minnka þær kröfur sem gerðar væru
til nemenda. Þá vöruðu sömu aðilar einnig
við minnkandi kröfum um aga. Á þá var ekki
hlustað, þeir voru sagðir dragbítar á eðlilega
þróun í kennsiuháttum, staðnaðir í hugsun og
skildu ekki þarfir fólks á nýrri öld. Skrifari var
einn f hópi þessara aðila, sem taldir voru
svona gamaldags. Hann þráaðist lengi vel við
en varð loks að gefast upp og hætti fljótlega
eftir það kennslu á grunnskólastiginu.
Skrifari gleymir því seint þegar hann tók við
stærðfræðikennslu í 8. bekk í gagnfræðaskóla.
Sá sem kennt hafði bekknum, og var úr hópi
nýbylgjumanna, hvarf til annarra starfa á
miðju skólaári og þá tók skrifari við. Þegar
skrifari fór með honum að skoða námsefni,
kennslugögn og yfirferð á námsefninu, sagði
sá fráfarandi þessi gullvægu orð: ,,Það er ekki
höfuðmálið, hvað þessir krakkar læra í
skólanum. Aðalatriðið er að þeim líði vel.”
Nú getur skrifari í sjálfu sér tekið undir það
að nauðsynlegt er að fólki líði vel á vinnustað.
En í hans huga er það ekki aðalatriðið. Starfið
sjálft hlýtur að vera aðalatriðið á hverjum
vinnustað, sama hvort það er verksmiðja eða
skóli. Og þegar sjálft námið í skólanum er
komið í annað eða þriðja sæti, þá er ekki nema
eðlilegt að útkoman verði eins og áðurgreind
könnun sýndi.
Skrifari kenndi lengi með þeim góða
skólamanni, Eiríki heitnum Guðnasyni. Hann
var af gamla skólanum, vildi að menn lærðu í
skólanum og var hlynntur aga í kennslu-
stundum. Hann gerði eitt sinn að umtalsefni
við skólaslit gamalkunnan skólasöng, sem
flestir þekkja, og hefst þannig: „Það er leikur
að læra.” ,JÞetta er tóm andsk... þvæla,” sagði
Eiríkur heitinn. „Það er sko enginn leikur að
læra, það er þrotlaus vinna. Það er Ijótt að
vera að Ijúga svonalöguðu að bömum.”
Skrifari var þá sammála Eiríki og hann er það
ennþá. Það er kominn tími til að skólafólk
hætti að leika sér og fari að vinna. Sigurg.
(FRÉTTIR
Útgefandi: Eyjaprent hf. Vestmannaeyjum. Ritstjóri: Ómar Garðarsson. Fréttastjóri: Þorsteinn
Gunnarsson. Abyrgðarmenn: Ómar Garðarsson & Gísli Valtýsson. Prentvinna: Eyjaprent hf.
Vestmannaeyjum. Aðsetur ritstjórnar: Strandvegi 47 II. hæð. Sími: 481-3310. Myndriti: 481-
1293. Netfang/rafpóstur: frettir@eyjar.is. FRÉTTIR koma út alla fimmtudaga. Blaðið er selt í
áskrift og einnig í lausasölu I Turninum, Kletti, Novu, Skýlinu, Tvistinum, Pinnanum, Kránni, Búrinu,
Vöruval, Herjólfi, Flugvallarversluninni, Eyjakaup, Eyjakjör og Söluskálanum. í Reykjavík: hjá Esso
Stóragerði og í Flugteríunni á Reykjavíkurflugvelli. FRÉTTIR eru prentaðar í 2000 eintökum.
FRÉTTIR eru aðilar að Samtökum bæjar- og héraðsfréttablaða. Eftirprentun, hljóðritun, notkun
Ijósmynda og annað er óheimilt nema heimilda sé getið.