Vesturland - 13.03.2014, Blaðsíða 4

13. mars 2014
Náttúruminjasafnið fær nýtt einkennismerki
Nýtt einkennismerki Náttúru-minjasafns Íslands var kynnt í lok
febrúarmánaðar þegar úrslit í opinni
samkeppni um merkið voru gerð kunn
við hátíðlega athöfn í Þjóðminjasafn-
inu. Vinningshafinn er Stefán Einars-
son grafískur hönnuður hjá Hvíta hús-
inu og hlaut hann að verðlaunum 1
milljón króna. Umsjón með samkeppn-
inni hafði Hönnunarmiðstöð Íslands
og var nýja merkið valið af fimm
manna dómnefnd skipuð grafískum
hönnuðum og náttúrufræðingum.
Þátttaka var mjög góð í samkeppninni
og bárust alls 122 tillögur.
Táknræn skírskotun
í náttúruna
Merkið fellur mjög vel að hlutverki
Náttúruminjasafnsins. Helstu kostir
merkisins eru að saman fer stílhreinn
einfaldleiki og margvísleg táknræn
skírskotun í náttúruna. Gott samræmi
er milli lögunar og stærðar merkisins
og leturgerðar í heiti safnsins. Letur-
gerðin (Akzidenz-Grotesk) er sígild og
tímalaus. Í merkinu er tvinnað saman
tilvísun í jurta- og svepparíkið, dýra-
ríkið, steinaríkið og vistfræðina sem
tengir náttúruna saman og heldur utan
hana.
Grænn litur merkisins vísar til hins
ljóstillífandi þáttar náttúrunnar og er
sóttur í smiðju listamannsins Birgis
Andréssonar. Úr lögun merkisins má
einnig lesa blóm og hattsvepp. Tilvísun
í dýrafræðina felst í spírallöguninni, þ.
e. sniði kuðungs sem vindur sig utan
um snigil inni í skel (húsi). Sniglar til-
heyra lindýrum, stærstu fylkingu núlif-
andi hryggleysingja í sjó jafnt hér við
land sem annars staðar. Sniglar tengj-
ast jafnframt jarðfræðinni sterkum
böndum sem steingervingar. Jarðfræði-
leg skírskotun merkisins felst einnig í
grábrúnum lit letursins, sem sóttur er
í smiðju Birgis Andréssonar, og vísar
til jarðvegsins.
Spírallinn hefur einnig stærðfræði-
lega skírskotun og vísar til Fibonacci-
talnarununnar og gullinsniðs sem
koma víða fyrir í náttúrunni. Tilvísun í
vistfræði felst í kuðungslaginu og hinni
bogadregnu hurð í miðju merkisins.
Hér er hús sem á forngrísku heitir oi-
kos og er rótin að heiti þeirrar vísinda-
greinar sem fæst við tengsl og samspil
í náttúrunni ‒ vistfræðinnar. Húsið
getur líka táknað safn sem varðveitir
og verndar náttúruna. Þá vísar merkið
í bókstafinn „n“ sem hvort tveggja er
upphafsstafur í heiti safnsins og hug-
taksins „náttúra“. Verði Perlan valin
sem safnahús getur hvelllaga merkið
vísað í hana.
Vonandi er að svo verði og þar með
verður þessu merka safni loks sýnd
tilhlýðanleg virðing. Landsmenn allir
hafa þá aðgang að því sem þar er að
sjá, sem margt er afar fróðlegt, og stutt
væri t. d. fyrir skólana á Vesturlandi að
heimsækja safnið.
4
Vesturland
4. tBl. 3. ÁrGanGur 2013
Útefandi: Fótspor ehf., Suðurlandsbraut 54, 108 Reykjavík. Ábyrgðarmaður: Ámundi
Ámundason, auglýsingastjóri: Ámundi Ámundason sími 824-2466, netfang:
amundi@fotspor.is. auglýsingar: Sími: 578-1190 & netfang: auglysingar@fotspor.is.
ritstjóri: Geir A. Guðsteinsson, sími: 898-5933 & netfang: geirgudsteinsson@simnet.is.
umbrot: Prentsnið, Prentun: Ísafoldarprentsmiðja, 6.400 eintök. dreifing: Íslandspóstur.
Fríblaðinu er dreiFt í 6.400 eintökum í allar íbúðir á akranesi,
dreiFbýli á akranesi og í borgarnesi. blaðið liggur einnig Frammi
á helstu þéttbýlisstöðum á Vesturlandi
Ríkisstjórnin nýtur ekki mikillar virðingar nú. Þeir stjórnarþingmenn sem kosnir voru til .þingsetu vorið 2013 lýstu því allflestir yfir að nú ætti að snúa blaðinu við, nú ætti heimilin að verða í forgangi.
Frægur fundur forystumanna ríkisstjórnarinnar, þeirra Sigmundar Davíðs
Gunnlaugssonar og Bjarna Benediktssonar í Hörpu þar sem m.a. lánamál
þeirra sem verst eru settir væru tekin til gaumgæfilegrar athugunar, gerði
það að verkum að nú hugsuðu margir, jæja, nú á loks að vinna að velferð
almennings í landinu. Síðan hefur reyndar lítið heyrst, en kannski er verið
að vinna baki brotnu á lausn málsins í reykfylltum bakherbergjum. Eigum
við ekki bara að trúa öllu fögru og trúa því að svo sé. Virðingarleysið við
ríkisstjórnina er ekki síst Sjálfstæðisflokknum að kenna. Fyrir síðustu kosn-
ingar gaf flokkurinn út að þjóðin ætti að ráða ferð hvort halda ætti áfram
viðræðum við ESB eða stöðva þær. Lögð var áhersla á að svona ætti að standa
að málum, sem sagt þjóðin fengi að ráða framhaldinu enda sagði formaður
Sjálfstæðisflokksins að vilji væri til þess að opna fyrir þjóðaratkvæðagreiðslu
á fyrri hluta kjörtímabilsins. Þetta voru skýr kosningaloforð. Helmingur fyrri
hluta kjörtímabilsins er liðinn, en það stígur utanríkisráðherra, sem reyndar
kemur úr röðum Framsóknarmanna, fram með frumvarp þar sem slíta á
samningaviðræðunum við ESB. Mótmæli á Austurvelli sýna ljóslega hvað stór
hluti vill í þessu máli. Staðreyndin er sú að það verður aldrei friður um ESB-
aðild ef við fáum ekki að kjósa um samning. Skoðanakannanir sýna að hann
verði sennilega ekki samþykktur en það er að afdráttarlaus vilji þjóðarinnar,
og þá þarf ekki að fjasa lengur um það. Bændasamtökin og mikill meirihluti
bænda er mótfallinn aðild en mörg samtök í atvinnulífinu krefjast þess að
þjóðin fái að greiða atkvæði um samning. Af hverju óttast stjórnvöld svo mjög
slíka atkvæðagreiðslu og þá niðurstöðu hennar?
Það mætti stundum halda að það væri þjóðaríþrótt að þvarga um allt mögulegt.
Árum saman er búið að rífast um tilvist Reykjavíkurflugvallar sem er mikil-
vægur fyrir landsbyggðina hvað sem formaður borgarráðs segir, en nú flýtir
meirihluti borgarstjórnar sér að skipuleggja byggingarsvæði í Vatnsmýrinni
á síðustu vikum valdatíma hennar. Það er öllu rólegra yfir öllu á Vesturlandi,
ekki fréttist af neinum beinskeyttum ágreiningsátriðum í sveitarstjórnunum,
allt á að gera á næsta kjörtímabili, enda kannski ekki miklir fjármunir til til
að fara í fjárfrekar framkvæmdir. Þó virðist fjárhagur flestra sveitarfélaga
á Vesturlandi vera í góðum farvegi, skuldir flestra þeirra eru undir 150%
af ráðstöfunartekjum sveitarfélaganna, sem er viðmið Sambands íslenskra
sveitarfélaga. Samkvæmt því teljast þau sveitarfélög sem ekki ná því viðmiði
ekki bjargálna. Framboðslistar til sveitarstjórna á Vesturlandi fara senn að
birtast, kannski verða sameiginlegir framboðsfundir haldnir og þá hljóta
frambjóðendur að bítast um eitthvað til að ná athygli kjósenda. Það getur
sannast sagna verið hin skemmtilegasta kvöldskemmtun. Bíðum bara spennt.
Geir A. Guðsteinsson ritstjóri
ESB-viðræður og
traust þjóðarinnar á
ríkisstjórninni
Leiðari
Minningarsjóður Jóns Gunnlaugssonar:
Eignum sjóðsins ráðstafað til Björg­
unarfélagsins, byggðasafnsins og og
til endurbóta á gamla vitanum
Andvirði 120 milljóna króna til slysavarna og samfélagsmála á Akranesi
Í dag, þann 28. febrúar var Minn-ingarsjóði Jóns Gunnlaugssonar útvegsbónda og Guðlaugar Gunn-
laugsdóttur húsmóður frá Bræðaparti á
Akranesi formlega slitið en sjóðurinn
var stofnaður árið 1969. Stjórn minn-
ingarsjóðsins ákvað að ráðstafa eignum
sjóðsins, 54 milljónum króna í reiðufé
og lóðum að verðmæti 66 milljónum
króna samkvæmt fasteignamati, með
eftirfarandi hætti:
• 15 milljónir króna fara til Björg-
unarfélagsins á Akranesi til endur-
nýjunar á björgunarbát félagsins.
• 5 milljónir króna fara til Slysavarna-
deildarinnar Lífar til umferðarör-
yggismála.•14 milljónir króna verða
settar í uppbyggingu á heitri laug
við Langasand.
• 10 milljónum króna verði varið til
lagfæringar og varðveislu á Sæunni,
Hjallinum og öðrum munum sem
eru á Byggðasafninu í Görðum og
tengjast Bræðraparti.
• 10 milljónir króna renna til Akra-
neskaupstaðar vegna endurbóta á
gamla vitanum á Breiðinni.
Þá fengu Björgunarfélagið og
Slysavarnadeildin úthlutað lóðum á
Breiðinni, fasteignarmat lóðanna er
66 milljónir króna.
Tilgangur með stofnun sjóðsins
var að efla mannlíf og samfélag á
Akranesi og veita ungum fátækum
námsmönnum á Akranesi styrki til
náms sem tengist sjávarútvegi. Með
breyttum aðstæðum og atvinnuháttum
á Akranesi hafa færri sótt um styrk úr
sjóðnum en stofnendurnir hugðu.
Það er því einróma vilji þeirra sem nú
skipa stjórn sjóðsins að leggja sjóðinn
niður og ráðstafa stærstum hluta hans
til málefna tengdum slysavörnum og
samfélagsmálum á Akranesi.
Mikil virðing fjölskyldunn-
ar fyrir slysavörnum
Við athöfn í bæjarþingsalnum á
Akranesi hélt Elín Sigrún Jónsdóttir
sem er barnabarn Jóns og Guðlaugar
og situr í stjórn Minningarsjóðsins
stutta ræðu um ævi þeirra hjóna og
um tilurð sjóðsins. „Hugmyndin um
stofnun Minningarsjóðsins varð til
af tilefni 100 ára árstíðar Jóns árið
1968. Stofnfé sjóðsins var lagt fram af
þálifandi börnum þeirra hjóna, sem
jafnframt voru stofnendur sjóðsins“
sagði Elín í ræðu sinni. Þá greindi
Elín einnig frá ákveðnum atriðum í
skipulagsskrá sjóðsins um hvernig skuli
fara ef sjóðsstjórn ákveður að leggja
sjóðinn niður, „Þar kemur skýrt í ljós
áhersla og virðing fjölskyldunnar fyrir
slysavörnum en þar segir að eignir
skuli renna til deildar Slysavarnarfé-
lags Íslands á Akranesi“. Aðeins einn
af stofnendum sjóðsins er enn á lífi,
Inga M. Freeberg sem er á 91. aldursári
og er það að frumkvæði hennar sem
sjóðnum er núna slitið og lokað, „Hún
er mjög sátt við ráðstöfun eigna sjóðs-
ins. Hennar hugur hefur ætíð verið á
Akranesi og hún biður fyrir kærar
kveðjur til íbúa og stjórnenda síns
gamla bæjarfélags, sem fóstraði hana
svo vel“ sagði Elín ennfremur í ræðu
sinni en Inga býr í Bandaríkjunum.
Regína Ásvaldsdóttir bæjarstjóri sem
jafnframt er formaður sjóðsstjórnar
sagðist mjög ánægð með höfðinglegar
gjafir til slysavarna á Akranesi og eins í
verkefni sem munu nýtast samfélaginu
vel. ,,Gamli vitinn á Breiðinni hefur
verið valinn einn af áhugaverðustu
vitum heims af erlendum ferðavef-
síðum og endurbæturnar á honum
eiga eflaust sinn þátt í því.“
Auk Regínu skipuðu sjóðsstjórnina
þau Sveinn Kristinsson forseti bæj-
arstjórnar Akraness og afkomendur
þeirra Jóns og Guðlaugar, þau Elín Sig-
rún Jónsdóttir, Jón Már Richardsson og
Hildur Guðmundsdóttir.
Við afhendingu þessarar höfðinglegu gjafar.
Nýja einkennismerki eða LOGO Nátt-
úruminjasafnsins.
stefán Einarsson grafískur hönnuður (t.h.) og vinningshafi og Hilmar J.
malmquist forstöðumaður Náttúruminjasafns Íslands.