Vesturland - 11.09.2014, Blaðsíða 2

2 11. SEPTEMBER 2014
Sími 544 4222 • girding@girding.is
BÓMUHLIÐ
• Tilvalin lausn fyrir stjórn vega og bílastæða
hjá fyrirtækjum, sumarhúsaeigendum o.fl.
• Hannað fyrir allt að 12 m opnun
Sjá nánar á
girding.is
• Símaopnun
• Aðgangskort
• Fjarstýring
• Talnalás
Einnig fáanleg
með sólarrafhlöðu
Viðskiptasvið
Háskólans á Bifröst eflt
Viðskiptasvið Háskólans á Bifröst og Þekkingarsetur um þjónandi forystu hafa
ákveðið að hefja samstarf með það að
markmiði að efla starf beggja aðila. Í
tilefni af þessu samstarfi verður haldin
ráðstefna þann 31.október nk. þar sem
Gary Kent þjónustustjóri hjá Schneider
Corporation í Bandaríkjunum verður
aðalfyrirlesari og meðal annarra sem
einnig munu halda erindi er Sigríður
Björk Guðjónsdóttir nýráðin lögreglu-
stjóri höfuðborgarsvæðisins. Sam-
starfið verður á breiðum grunni og
nær til kennslu, rannsókna og ýmissa
verkefna t.d. funda og ráðstefna. Há-
skólinn á Bifröst mun sem dæmi nýta
sér kenningar um þjónandi forystu í
kennslu í nýju meistaranámi sem ber
heitið MS í forystu og stjórnun sem
hlaut fádæma viðtökur en yfir 60 nem-
endur hófu það nám núna á haustönn.
Eitt lykilatriði í samstarfinu verður
að vinna saman að framþróun á þekk-
ingu og færni á sviði þjónandi forystu.
Annar mikilvægur hluti af samstarfinu
er að skiptast á þekkingu og reynslu
og t.a.m. verður Háskólinn á Bifröst
hluti af stóru þekkingar- , reynslu- og
tengslaneti baklands Þekkingarset-
ursins. Að sama skapi verður Þekk-
ingarsetrið virkur þátttakandi í starfi
Háksólans á Bifröst. Fjölmörg fyrirtæki
nýta sér kenningar um þjónandi for-
ystu í sínu starfi og eru mörg á lista
Fortune 500. T.a.m. eru fyrirtæki eins
og Southwest Airlines, Ritz Carlton,
Whole Foods og Starbucks sem nýta
sér þjónandi forystu.
Vinna saman að
framþróun og þekkingu
Sigurður Ragnarsson var spurður
hvernig hvernig samstarfi Háskólans
á Bifröst og Þekkingasetursins yrði
háttað og sagði hann að samstarfið
yrði á mjög breiðum grunni og nái
til kennslu, rannsókna og ýmissa
verkefna, þ.á.m. funda og ráðstefna.
„Samstarfið gengur meðal annars út á
þekkingarleit og miðlun til fólks, fyr-
irtækja og stofnana af ýmsum toga.
Mikilvægur hluti af samstarfinu er
að skiptast á þekkingu og reynslu og
t.a.m. verður Bifröst hluti af gríðarstóru
þekkingar- , reynslu- og tengslaneti
baklands Þekkingarsetursins. Að sama
skapi verður Þekkingarsetrið virkur
þátttakandi í starfi Bifrastar. Lykil-
atriðið er að við vinnum saman að
framþróun á þekkingu og færni á sviði
þjónandi forystu sem á að hafa jákvæð
áhrif á samfélag okkar.
- Hvað er Þekkingasetur um þjónandi
forystu?
„Þekkingarsetur um þjónandi for-
ystu starfar samkvæmt samningi við
bandarísku Greenleaf samtökin um
þjónandi forystu og er í hópi fjögurra
annarra Greenleaf miðstöðva í Evrópu
og Asíu sem starfa að kynningu á hug-
myndafræði og hagnýtingu þjónandi
forystu. Starf Þekkingarsetursins hófst
árið 2007 þegar unnið var að undirbún-
ingi fyrstu ráðstefnunnar um þjónandi
forystu hér á landi. Í framhaldi ráð-
stefnunnar var samstarfssamningur
við Greenleaf samtökin undirritaður
sem m.a. felur í sér að starfið hvílir á
grunni Áhugamannafélags um þjón-
andi forystu með þriggja manna fram-
kvæmdateymi sem hefur hönd í bagga
með kynningum, fræðslu og ýmsum
viðburðum til að vekja athygli á og þróa
þekkingu um þjónandi forystu,“ segir
Sigrún Gunnarsdóttir.
- Hverjir geta nýtt sér innihald og að-
ferðafræði þjónandi forystu?
„Þjónandi forysta er hugmyndafræði
samskipta, stjórnunar og forystu. Allir
sem hafa einlægan áhuga á velferð
annarra geta tileinkað sér hugmynda-
fræðina, óháð starfi og stöðu. Slíkir
einstaklingar hafa skýra sýn á tilgang
starfa, leggja sig fram við sjálfsþekk-
ingu og auðmýkt og hafa líka sérstakt
lag á að skapa öryggi og aga. Rann-
sóknir sýna að uppbyggileg samskipti
og samfélagsleg ábyrgð tengjast góðum
árangri fyrirtækja og vellíðan starfs-
fólksins,“ segir Sigrún.
Sigrún Gunnarsdóttir leiðir starf Þekkingarseturs um þjónandi forystu og
Sigurður Ragnarsson er sviðsstjóri viðskiptasviðsins á Bifröst.
Forstjórar með tug­
föld árslaun á við
venjulegt launafólk
Fyrir bankahrun sáust í ís-lensku atvinnulífi ævintýraleg kjör stjórnenda í fjármálafyr-
irtækjum sem þegar verst lét voru
slík að það tæki 5-6 verkamenn alla
starfsævina að vinna sér inn laun sem
samsvara árslaunum eins manns. Þessi
tími virðist kominn aftur. Ný athugun
Alþýðusambands Íslands sýnir að
nokkrir forstjórar fyrirtækja á hluta-
bréfamarkaði eru með tugföld árslaun
venjulegs launafólks. Til að setja kjör
æðstu stjórnenda í samhengi er gagn-
legt að skoða þau í samanburði við
aðra hópa. Til að gera það hefur ASÍ
reiknað svokallað launahlutfall for-
stjóra í öllum íslenskum fyrirtækjum
sem skráð voru á hlutabréfamarkaði
í júlí 2014. Launahlutfallið er skoðað
annars vegar út frá meðallaunum
fullvinnandi verkafólks í landinu
- sem segir til um hversu marga
fullvinnandi verkamenn þarf til að
vinna fyrir launum æðsta stjórnanda
fyrirtækisins og hins vegar launahlut-
fallið út frá meðallaunum starfsmanna
í viðkomandi fyrirtæki – sem segir
til um hversu marga almenna starfs-
menn viðkomandi fyrirtækis þarf til
að vinna fyrir launum æðsta stjórn-
andans. Skoðaðar eru tölur fyrir árin
2011 – 2013. Upplýsingar um launa-
kjör æðstu stjórnenda eru fengnar úr
ársreikningum fyrirtækjanna. Til að
skoða hlutfall á milli tekna stjórn-
endanna og verkafólks eru notaðar
launaupplýsingar frá Hagstofu Íslands
um meðaltal heildarlauna fullvinnandi
verkafólks á almennum vinnumark-
aði.
Meðaltal heildarlauna
fullvinnandi verkafólks
2011 2012 2013
Alls 366.000 406.000 428.000
Karlar 388.000 423.000 447.000
Konur 309.000 350.000 371.000
Tugföld árslaun
Fyrir bankahrun sáust íslensku at-
vinnulífi ævintýraleg kjör stjórnenda
í fjármálafyrirtækjum sem þegar verst
lét voru slík að það tæki 5-6 verka-
menn alla starfsævina að vinna sér
inn laun sem samsvara árslaunum
eins manns. Þessi tími virðist kominn
aftur. Ný athugun ASÍ sýnir að nokkrir
forstjórar fyrirtækja á hlutabréfamark-
aði eru með tugföld árslaun venjulegs
launafólks.
Til að setja kjör æðstu stjórnenda í
samhengi er gagnlegt að skoða þau í
samanburði við aðra hópa. Til að gera
það hefur Alþýðusamband Íslands
reiknað svokallað launahlutfall forstjóra
í öllum íslenskum fyrirtækjum sem
skráð voru á hlutabréfamarkaði í júlí
2014. Launahlutfallið var skoðað annars
vegar út frá meðallaunum fullvinnandi
verkafólks í landinu - sem segir til um
hversu marga fullvinnandi verkamenn
þarf til að vinna fyrir launum æðsta
stjórnanda fyrirtækisins. Hins vegar
var skoðað launahlutfallið út frá meðal-
launum starfsmanna í viðkomandi fyr-
irtæki – sem segir til um hversu marga
almenna starfsmenn viðkomandi fyr-
irtækis þarf til að vinna fyrir launum
æðsta stjórnandans. Upplýsingar um
launakjör æðstu stjórnenda fékk ASÍ úr
ársreikningum fyrirtækjanna.
Sú mynd sem hér birtist endurspeglar
að mestu leyti það sem rakið hefur verið
en í öllum fyrirtækjunum, að Högum
og N1 undanskildum, eru meðallaun
starfsmanna hærri en verkamannalaun
og launahlutfallið innan fyrirtækjanna
því lægra en í samanburði við laun
verkafólks. Forstjóri Haga hafði laun
tæplega 35 starfsmanna fyrirtækisins á
árinu 2011 en í fyrra nam hlutfallið ríf-
lega 17. Hjá N1 er launahlutfallið innan
fyrirtækisins svipað og í samanburði við
verkamannalaun en forstjórinn hafði í
fyrra laun 10,5 starfsmanna fyrirtæk-
isins.
LOGO ASÍ.
Grímshússins bíður upplyfting
Settar hafa verið fram hugmyndir um að bjarga gamalli vöru-skemmu, Grímshúsinu í Brák-
arey í Borgarnesi frá eyðileggingu
en til stóð að rífa það, svo dapurt er
ástand hússins orðið. Það er Sigur-
steinn Sigurðsson arkitekt sem hefur
haft forgöngu um að húsið komist til
fyrri virðingar og hefur hann birt hug-
myndir sínar sem sjá má á facebook.
Húsinu hefur því líklega verið
bjargað en stofnuð hafa hollvinasam-
tök, Grímshúsfélagið ,il að bjarga hús-
inu og það hefur nú tekist. Grímshúsið
verður því ekki rifið úr þessu! Við það
rankaði fólk við sér og sá hversu merki-
legt hús Grímshúsið er og hve fjölbreytt
saga þess er. Hlutverk hússins er að
halda utanum atvinnusögu Brákareyjar
og sýna þá muni sem nú eru í geymslu
tengd því. Í víðara samhengi mun húsið
þjóna þeim tilgangi að vera kaffihús
fyrir þá starfsemi sem nú er að skjóta
rótum í Brákarey.
Vöruskemman Grímshús eins og það lítur úr í dag. Mikið verk er greinilega framundan að koma því í nothæft ástand.