Vesturland - 06.11.2014, Blaðsíða 2

2 6. Nóvember 2014
Heiðrún Hámundardóttir hlaut
menningarverðlaun Akraness 2014
- hefur unnið einstaklega óeigingjarnt starf í tónlistarmálum á Akranesi
Heiðrún Hámundardóttir tónmenntakennari hlaut menningarverðlaun Akra-
ness árið 2014 en menningarverðlaun
Akraness eru afhent einu sinni á ári á
menningarhátíðinni Vökudögum en
hátíðin stendur yfir til 8. nóvember
nk. Verðlaun þessi eru veitt einstak-
lingi eða hópi sem hefur á einhvern
hátt skarað fram úr í menningarlífi
Akraness. Að þessu sinni er það
einstaklingur sem hefur varið tíma
sínum í að vinna með ungu fólki,
kveikja áhuga þess og hvetja það
áfram sem fær verðlaunin. Heiðrún
Hámundardóttir er menntuð í Tón-
listarskólanum á Akranesi og á Sel-
tjarnarnesi. Hún lauk tónmennta-
kennaraprófi frá Tónlistarskólanum
í Reykjavík árið 1999 og stundaði
nám á árunum 2002 til 2005 í jazz-
söng í Tónlistarskóla F. Í. H. í Reykja-
vík. Auk þess nam hún „Rytmisk
musik og bevægelse“ við Det Jyske
Musikkonservatorium í Árósum og
lauk því námi árið 2009. Heiðrún
kennir tónmennt við þrjá skóla í dag,
í Brekkubæjarskóla, Tónlistarskólann
á Akranesi og í Fjölbrautaskóla Vest-
urlands á Akranesi.
Heiðrún hefur stofnað tónlist-
arbraut á unglingastigi í samstarfi
við Grundaskóla og Tónlistarskól-
ann á Akranesi. Hún er ötul við alla
vinnu með unglingum, skipuleggur
Ungir-Gamlir á Akranesi þar sem
tónlistarnemendur fá að spreyta sig
með eldri átrúnaðargoðum sínum í
tónlist á æfingum og á sviði. Einnig
hefur hún umsjón með Hátóns-
barkakeppninni á Akranesi þar sem
margir góðir söngvarar hafa stigið
sín fyrstu skref á sviði. Hún samdi
og sá um tónlistar- og leikstjórn í
söngleiknum „Elskaðu friðinn” ásamt
Samúel Þorsteinssyni sem settur var
upp í Bíóhöllinni á Akranesi vorið
2012. Þá hefur Heiðrún undirbúið
tónlistaratriði fyrir hátíðir á Akranesi
í gegnum tíðina með lúðrasveitum,
kórum og hljómsveitum og segja má
með sanni að hún sé mentor fyrir
framtíðar listamenn Akraness.
Heiðrún starfar sjálf í hljómsveit í
dag, sem kölluð er Hvísl. Ásamt henni
skipa hljómsveitina þau: Elfa Margrét
Ingvadóttir, Gunnar Sturla Hervars-
son, Gunnhildur Vilhjálmsdóttir og
Samúel Þorsteinsson en þau spila á
bassa, gítar, congas, djembe, cajon-
kassa, klukkuspil, klarinett, melodika,
trompet, harmóniku, píanó, baritón-
horn, urdu og ýmiss slagverk.
Heiðrún vinnur því einstaklega
óeigingjarnt starf en hún hefur náð
árangri með þolinmæði og ástríðu
fyrir tónlist.
Heiðrún Hámundadóttir ásamt regínu Ásvaldsdóttur bæjarstjóra og Ingþóri
bergmann Þórhallssyni formanni menningarmálanefndar Akraness.
Gorbatchev á leið á
Svalbarða frá Bifröst!
Hrútavinafélagið áði á Bifröst á ferð sinni á Norðaustur-horn landsins þar sem
hinn góðkunni hrútur, Gorbachev,
verður afhentur á safn á Svalbarði í
Þistilfirði til varðveislu. Bifröst hafði
á síðustu öld miklu hlutverki að gegna
í viðskiptasögu sauðfjárafurða og
og Hrútavinir vildu rifja upp ýmsa
merka sögulega atburði og sýna
þessari arfleifð virðingu sína. Kynntu
þeir sér sögu skólans og viðfangsefni
hans og markmið í nútíð og fram-
tíð. Gengu Hrútavinir meðal annars
til Jónasarstofu þar sem varðveittar
eru verðmætustu bækur Jónasar frá
Hriflu, stofnanda skólans. Af hinum
gömlu bókum er sérstök lykt, sem
saman við lyktina af sauðfé, býr til
einstakan ilm. Hrútavinir kvöddu
því Bifröst í viðeigandi vímuástandi
og þótti ólíklegt að jafnvel hörðustu
neftóbakmenn í hópnum tímdu
að fá sér í nefið næstu daga. Í ferð
Hrútavinafélagsins er á þriðja tug
valinkunns sómafólks undir styrkri
forystu Guðna Ágútssonar, fyrrum
landbúnaðarráðherra.
Slökkviliðssýningin leiddi margan
manninn í sanni um hversu marg-
brotið starfið getur verið
Um miðjan októbermánuð var opnuð sýning Slökkvi-liðs Akraness og Hval-
fjarðarsveitar á Safnasvæðinu í
Görðum en tilefni sýningarinnar er 80
ára afmæli slökkviliðsins. Sýningunni
lauk 26. október sl. en leiddi margan
sýningargestinn í sanni um hvað starf
slökkviliðs getur verið margbrotið.
Regína Ásvaldsdóttir bæjarstjóri
Akraneskaupstaðar og Skúli Þórðar-
son sveitarstjóri í Hvalfjarðarsveit
opnuðu sýninguna formlega.
Að undirbúningi sýningarinnar
hafa staðið fyrrverandi og núverandi
slökkviliðsmenn ásamt bræðrunum
Friðþjófi og Steini Helgasonum. Til
sýnis eru myndir sem teknar hafa
verið í starfinu og einnig gömul og
ný tæki og tól slökkviliðsins. Sýningin
stendur til 26. október á opnunartíma
safnsins. Allir hvattir til að mæta og
skoða glæsilega sýningu.
Slökkvilið Akraness var stofnað
síðla árs árið 1934.
Fyrsta skipunarbréfið er frá 28. jan-
úar 1935, þá voru 12-14 menn skipaðir
í slökkviliðið.
Fyrsta véldælan kom árið 1934 og er
hún til sýnis á Byggðasafninu.
Fyrsti slökkviliðsbílinn var af
gerðinni Chevrolet og kom hann upp
úr 1950 en fyrsti háþrýstibíllinn var af
gerðinni Mack og kom hann árið 1953.
Stefán Teitsson fyrrum slökkvilis-
stjóri hefur enn sem komið er gengt
því starfi lengst allra eða frá 1962-
1982. Faðir hans Teitur Stefánsson var
fyrsti slökkviliðsstjórinn á Akranesi á
árunum 1935-1939
Elsti bílinn sem slökkviliðið er að
notar í dag er af gerðinni Ford frá ár-
inu 1981 og var tekinn í notkun árið
1982.
Slökkvilið Akraness og Slökkvilið
Hvalfjarðarsveitar sameinuðust árið
2008.
Mest hafa verið 37 slökkviliðsmenn
samtímis í slökkviliðinu frá stofnun.
Fyrsta konan í slökkvilið Akraness
var ráðin árið 2002 – hún heitir Helga
Jónsdóttir.
Mest hafa verið 52 útköll á einu ári
frá stofnun slökkviliðsins.
bílafloti Slökkviliðs Akranesbæjar og Hvalfjarðarsveitar.
Listrænir nemendur í
Grunnskóla Stykkishólms
Börnunum í Grunnskóla Stykk-ishólms er greinilega margt til lista lagt. Þegar gengið er inn
í skólann blasa við nokkrar myndir á
veggjum sem gerðar eru af nemendum,
og er afrakstur þemaviku í skólanum.
Það sem er sérstakt við þessar myndir
er að fyrst rifu börnin pappír niður í
búta sem síðan voru límdir á spjald
eftir ákveðinni forskrift. Niðurstaðan
var svo þessar fallegu myndir sem eru
þessum ungu listamönnum til mikils
sóma.
Í Grunnskóla Stykkishólms eru í
vetur 156 nemendur og 25 kennarar
auk nokkurra annara starfsmanna.
Mjög vel gekk að fá kennara til starfa
í haust.
Tvær af myndunum sem fanga
óskipta athygli þeirra sem í skólann
koma.
Námsframboð fyrir fullorðna á vorönn 2015
Húsasmíði og vélvirkjun
Opið er fyrir umsóknir um nám í húsasmíði og vélvirkjun
á vorönn 2015. Námið er blanda af staðbundnum lotum
utan dagvinnutíma og fjarnámi.
Nánari upplýsingar og innritun eru á skrifstofu skólans.
Fjölbrautaskóli Vesturlands
Fjölbrautaskóli Vesturlands Sími: 433-2500
Vogabraut 5 Heimasíða: http: www.fva.is
300 Akranesi Tölvupóstur: skrifstofa@fva.is
Hrútavinir í Jónasarstofu á bifröst ásamt vilhjálmi egilssyni rektor.