Vesturland - 06.11.2014, Blaðsíða 8
8 6. Nóvember 2014
Leyndardómar
vetrarferðar
um Ísland
- nýr áfangi Share the Secret, vetrarherferð markaðsverkefnisins Ísland – allt árið
Nýr áfangi vetrarherferðar markaðsverkefnisins Ís-land – allt árið hófst nýlega
með birtingu á nýju myndbandi á vef
Youtube. Gerð myndbandsins hefur
þegar vakið mikla athygli en 100 þús-
und aðdáendur Íslands settu saman
ferðaáætlun fyrir einn heppinn ferða-
mann sem valinn úr hópi um 4500 um-
sækjenda síðastliðinn vetur. Ferðamað-
urinn heppni er Jennifer Asmundson,
matreiðslumeistari frá Bandaríkjunum,
en hún er af íslensku bergi brotin. Afi
Jennifer fluttist ungur til Ameríku og
hafði sagt henni sögur af landi og þjóð
þegar hún var barn. Þetta var hennar
fyrsta ferð til Íslands. „Þetta er ótrúlegt
tækifæri,“ sagði Jennifer við komuna til
landsins. „Afi minn var Íslendingur.
Hann dó þegar ég var ung, áður en
hann gat kennt mér neitt um tungu-
málið, eða íslenskar matarhefðir. Ég er
mjög spennt að fræðast um Ísland, og
læra um jarðhita og íslenskar matar-
venjur og uppgötva leyndarmál Íslands
frá fyrstu hendi.“
Myndbandið nefnist á ensku „The
Ultimate Secret Tour“ og lýsir ferðalagi
Jennifer um Ísland og þeim leyndar-
dómum sem hún uppgötvaði hérlendis.
Myndbandið er hluti af „Share the
Secret“ herferð Ísland – allt árið sem
upprunalega var sett af stað haustið
2013 undir formerkjum Inspired by
Iceland. Herferðin byggir á því að nýta
staðbundna þekkingu Íslendinga og hið
glögga auga erlendra gesta til að benda
á að Ísland búi yfir fjölda ýmis konar
ævintýra um land allt til viðbótar við
þau sem þegar eru hvað þekktust, og
hafa ef til vill ekki enn komist á kortið
hjá erlendum ferðamönnum.
Á ferðalaginu fékk Jennifer að
upplifa ýmis ævintýri sem rúmlega
100.000 fararstjórar á samfélagsmiðlum
Inspired by Iceland völdu fyrir hana.
Má þar nefna hellaskoðun, jeppaferðir,
listasöfn, sundlaugar, vélsleðaferðir á
jöklum, sjósund, og mikilfengna fossa
sem voru meðal viðfangsefna sem
Jennifer fékk að upplifa, auk þess sem
hún fékk að njóta íslenskrar matar-
gerðar, sem henni sem matreiðslumeist-
ara þótti með eindæmum góð. „Það er
afar mikilvægt fyrir okkur Íslendinga
að halda áfram að skapa tækifæri til
að draga úr þeirri árstíðarsveiflu sem
hefur einkennt íslenska ferðaþjónustu,
og nýta þannig innviði og mannauð
með jafnari hætti yfir árið en nú er
gert“ segir Inga Hlín Pálsdóttir, for-
stöðumaður ferðaþjónustu og skapandi
greina hjá Íslandsstofu. „Markaðsstarf
okkar gengur út á það að kynna Ísland
á erlendum mörkuðum sem ákjós-
anlegan áfangastað allan ársins hring
með sérstakri áherslu á vetrartímann.
Þannig styðjum við best við þá atvinnu-
grein sem aflar hvað mestra tekna fyrir
þjóðarbúið næst á eftir sjávarútvegi.“
Sérkennileg náttúra eins og blasir við þegar ekið er um Heydal og fram hjá
Oddstaðavatni getur verið hluti leyndardómanna sem blasa við þeim sem
njóta vetrarferða um náttúru Íslands.
Hamar er framsækið
málm- og véltæknifyrirtæki
- krafa um viðhalds- og viðgerðarþjónustu í hæsta gæðaflokki
Hamar ehf. er í dag eitt áreið-anlegasta og framsæknasta þekkingarfyrirtæki á sviði málm og véltækni hér á landi. Öflug starfsemi er á Grundartanga, en einnig á Akureyri, Eskifirði, Þórshöfn og í Kópavogi. Á liðnum árum hefur mannauður og fjölbreytileiki í verk-efnum aukist til muna og við rekum í
dag fimm fastar starfstöðvar og þjón-
ustuverkstæði hringinn í kringum
landið. Hamar ehf. leggur áherslu á að
þjónusta viðskiptavini á sviði málm
og véltækni, allt frá vöruhönnun til
framleiðslu, jafnt nýsmíði sem og
viðhaldsverkefni. Þegar kemur að
reglubundnu viðhaldi og þjónustu
í málmiðnaði er Hamar ehf. afar
sterkur kostur fyrir þau fyrirtæki sem
krefjast þess að fá örugga og skjóta
þjónustu og þá óháð staðsetningu.
Hamar ehf. hefur öfluga sérfræðinga
og starfsfólk með víðtæka og góða
reynslu á öllum sérsviðum fyrirtæk-
isins, helstu verkefni má finna á eft-
irfarandi sviðum:
• Vél og málmsmíði fyrir sjávarútveg
• Vél og málmsmíði fyrir matvæla-
iðnað
• Vél og málsmiði fyrir stóriðju
• Alhliða þjónusta fyrir tjakkasmíði
og tjakka viðgerðir
• Sérhæft renniverkstæði fyrir alhliða
rennismíði hvort sem unnið er með
málm eða önnur efni.
Hamar er með öfluga og vaxandi starfsemi á Grundartanga í Hvalfirði.Sýningarbás Hamars á sjávarútvegssýningunni í Kópavogi vakti verðskuldaða athygli.
Kirkja mánaðarins:
Kolbeinsstaðakirkja
Kolbeinsstaðakirkja er í Staðarstaðarprestakalli í Vesturlandsprófastdæmi.
Hún var byggð úr steinsteypu 1933
og vígð 1934 en Þórarinn Ólafsson
var yfirsmiður. Meðal góðra gripa
kirkjunnar er silfurkaleikur frá 14.
-15. öld, altaristafla eftir Brynjólf
Þórðarson, listmálara, patína og
brauðöskjur frá 1725, gotneskt
Kristslíkneski úr kopar og forna
koparstjakar. Skírnarskálin er frá
1732 og útskorinn umbúnaður
hennar er eftir Friðrik Friðleifsson.
Katólsku kirkjurnar voru helg-
aðar Guði, Maríu guðsmóður, Pétri
postula, Magnúsi eyjajarli, heilögum
Nikulási, heilögum Dóminíkusi og
öllum heilögum mönnum. Kol-
beinsstaðir voru prestssetur til 1645,
þegar sóknin var lögð til Hítarnes-
þinga og síðar Sölulholtsprestakalls.
Prestur á Staðarstað er sr. Páll Ágúst
Ólafsson.
KOLbeINSSTAÐAKIrKJA. Athygli vekur hlaðinn veggur utan garðsins sem
auðveldar aðgengi að kirkjunni, en hleðslan er auk þess listavel gerð.