Vesturland - 06.11.2014, Blaðsíða 10
10 6. Nóvember 2014
Burtu
með
lúsina!
Því miður reyndist nauðsynlegt að hengja upp þessa beiðni í anddyri Brekkubæjarskóla á
Akranesi. Lúsin er auðvitað vágestur
en með þrifnaði og eftirliti er auðveld-
lega hægt að vinna bug á henni. Hún
er einfaldlega óvelkomin í hár grunn-
skólabarna.
Samstaða á Alþingi um forgangs-
röðun í þágu umferðaröryggis
Vilhjálmur Árnason, þing-maður Sjálfstæðisflokksins, hóf fyrir skömmu sérstaka
umræðu um umferðaröryggismál á
Alþingi. Kom þar fram að kostnaður
samfélagsins vegna umferðarslysa væri
mikill, bæði félagslega og fjárhagslega.
Á síðasta ári létust 15 í umferðinni,
177 slösuðust alvarlega og 1040 minni-
háttar eða 1232 einstaklingar. Á sama
tíma urðu 12.300 manns fyrir áfalli, þ.
e. aðstandendur þessara einstaklinga.
Útreikningar sýna að þetta eru á milli
40 og 50 milljarðar króna í peningum
fyrir utan samfélagslega þáttinn sem
slysin kosta.
Almenn samstaða var meðal þing-
manna að auka þyrfti fjármagn til
samgöngumála með áherslu á um-
ferðaröryggi og að það mætti gera
með aukinni forgangsröðun við gerð
fjárlaga og nýrra leiða í fjármögnun,
til dæmis í samvinnu við einkaaðila og
lífeyrissjóði. Þá voru líka til umræðu
aðgerðir í umferðaröryggismálum
sem þyrftu ekki að kosta mikið eins
og betri umferðarmerkingar og aukið
eftirlit með því að flytja umferðareftirlit
Samgöngustofu til lögreglunnar, en það
myndi margfalda sýnileika lögreglu.
bílaumferð er víða mikil, einnig í fámennari byggðarlögum. vegna fram-
kvæmda á borgarfjarðarbrú í sumar myndast þar stundum mikil umferð-
arteppa. Hefði ekki mátt vera með þessar framkvæmdir á öðrum árstíma?
„Mikilvægt að rödd
ungs fólks heyrist”
- segir Bergþóra Sveinsdóttir,
formaður ungmennaráðs íslenskra skáta
„Það er virkilega gefandi og lærdómsríkt að vera innan um svona mikið af metnaðarfullu
ungu fólki sem hefur einlægan áhuga
á að gera skátahreyfinguna betri. Það
var sérstaklega mikill innblástur fyrir
mig til að móta markmið og starf nýja
ungmennaráðsins okkar,“ segir Berg-
þóra Sveinsdóttur sem nú í ágúst sótti
alþjóðlegt ungmennaþing skáta. All-
nokkur skátafélög starfa á Vesturlandi
og starfið býsna fjölbreytt.
Bergþóra er formaður ungmenna-
ráðs íslenskra skáta sem kjörið var
á Skátaþingi í vor í fyrsta sinn. Hún
segir heimsþingið hafa boðið upp á
gott tækifæri til að læra af öðrum
og ræða saman margvísleg málefni
er snerta ungt fólk í heiminum í
dag. Einnig voru gerðar margvís-
legar breytingar á framtíðarsýn og
áherslum alþjóðabandalags skáta
næstu þrjú árin. Ungmennaþing skáta
(World Scout Youth Forum) er haldið
af alþjóðabandalagi skáta (World Org-
anization of the Scout Movement –
WOSM) og var það tólfta þingið sem í
ár var haldið í Slóveníu 4. – 7. Ágúst sl.
Ungmennaþingið er haldið í tengslum
við heimþing WOSM til gefa ungu
fólki sterkari rödd innan hreyfingar-
innar. Bergþóra segir að margt af
því sem samþykkt var á ungmenna-
þinginu hafi einnig verið samþykkt á
heimsþingi skáta. Samþykktar voru
þingsályktunartillögur sem fjölluðu
meðal annars um mannréttindi og
skátaheitið.
„„Við unnum saman með okkar
eigin bandalögum og náðum mark-
miðum okkar. Það má því að segja að
við höfum náð að vinna nokkra sigra.
Hins vegar eru þeir smáir samanborið
við þá sem við þurfum að ná í kom-
andi framtíð, en góðir hlutir gerast
hægt. Það er frábært að WOSM leggi
áherslu á að rödd ungs fólks heyrist
og ég finn að það er mjög mikilvægt
en það er alltaf hægt að bæta og gera
hlutina enn betur. Það er alltaf upp-
lifun að taka þátt í alþjóðlegum við-
burðum innan skátahreyfingarinnar
og alltaf er maður að stíga út fyrir
þægindahringinn. Fyrir mig var þetta
mjög lærdómsríkt bæði sem formaður
ungmennaráðs BÍS og sem mann-
eskju, fyrir utan hvað maður kynnist
ótrúlega mikið af fólki og eignast vini
sem maður heldur sambandi við út
ævina,“ segir Bergþóra Sveinsdóttir.
Skátakórinn með
nýjan stjórnanda
Skátakórinn hefur fengið nýjan
stjórnanda, Guðlaug Viktors-
son, en hann er nýlega kominn úr
mastersnámi í Danmörku í ryþmískri
kórstjórn, sem leggur áherslu á rokk,
popp og dægurlög. Guðlaugur, eða
Gilli eins og hann er oft kallaður,
hefur áratuga reynslu af kórstjórn.
Nýir félagar eru velkomnir en hann
hefur æft í Hraunbyrgi, skátaheimili
Hraunbúa í Hafnarfirði. Nýi stjórn-
andi Skátakórsins hefur áratuga
reynslu af kórstjórn, en hann hefur í
rúm 20 ár starfað sem kórstjóri, m.a.
með Kór Menntaskólans í Reykjavík,
Lögreglukór Reykjavíkur og Karlakór
Keflavíkur.
bergþóra Sveinsdóttir.