Vesturland - 06.11.2014, Blaðsíða 14

14 6. Nóvember 2014
Öflugt starf Sundfélags Akraness
Enn eitt sundárið er hafið hjá Sundfélagi Akraness. Sund-menn eru komnir til baka eftir
sumarfrí, úthvíld og tilbúin að takast
á við æfingar og keppni vetrarins. Þau
sem eru að hefja sínar fyrstu æfingar
hafa verið boðin sérstaklega velkomin
og vonast er eftir að allir eigi ánægju-
legt starf fyrir höndum hjá Sundfé-
laginu. Sundfélagið snýst ekki bara um
að synda fram og til baka daginn út og
daginn inn. Það þarf að vera gaman,
félagsstarfið þarf líka að vera öflugt í
hópunum. Í góðu félagsstarfi verður
hópurinn samhentari og sterkari, sem
aftur skilar öflugri einstaklingum.
Sundmenn, þjálfarar og ekki síst for-
eldrar þurfa að leggja sitt af mörkum
til að byggja upp hópana, bæði á æf-
ingum og æskilegt er að gera eitthvað
skemmtilegt saman utan æfingatím-
anna.
Það er gaman á sundmótum þegar
góð stemning er á pöllunum. Við
þurfum öll að leggja okkar af mörkum
til að ná upp slíkri stemningu. Gott
stuðningslið er ómetanlegt og hvetur
sundmennina okkar til að leggja sig
fram til góðra afreka. Allt sem gert
er hefur áhrif á frammistöðu sund-
mannanna, en rétt mataræði er eitt af
því sem hefur langmest að segja, hvort
sem er til lengri eða skemmri tíma. Góð
og næringarrík fæða er nauðsynleg til
að ná hámarksárangri. Keppendur
komu frá Akranesi á sundmót Ægis
um sl. helgi en næsta mót er bikarmót
í Laugardalslaug 10. og 11. okóber nk.
og Erlingsmót 12. október.
Brynhildur Traustadóttir
og Una Lára Lárusdóttir í
sérverkefnum fyrir SSÍ
Í haust valdi Sundsamband Íslands,
SSÍ, 41 unga sundmenn, fædda á ár-
unum 1999 – 2001 til að taka þátt í
sérverkefnum fyrir SSÍ. Hópurinn
hefur fengið nafnið Tokyo kynslóðin
2014 en sem kunnugt er verða sumar-
ólympíuleikarnir haldnir í Japan 2020.
Skilyrði fyrir að komast í hópinn var
að sundmennirnir þurftu að hafa synt
á á árinu sund sem gæfi frá 400 – 500
FINA sundstigum. Sundfélag Akraness
á tvo sundmenn í þessum unglingahópi
en það eru þær Brynhildur Trausta-
dóttir og Una Lára Lárusdóttir. Fyrsta
verkefni hópsins var síðan um liðna
helgi þegar hann kom saman til æf-
inga í Hveragerði en æfingarnar voru
undir leiðsögn landsliðsþjálfara Íslands
í sundi, Jacky Pellerin. Honum til að-
stoðar voru Mladen Tepacevic sund-
þjálfari unglinga hjá SH og Skagakonan
Ragnheiður Runólfsdóttir, þjálfari
Óðins. Auk æfinganna fékk hópurinn
fræðslu um leiðir til að ná árangri í
sundíþróttinni. Sundsambandið væntir
mikils af þessum hópi unglinga sem
eru sannarlega framtíðarsundmenn
Íslands.
Næsta sundmót er Íslandsmeistara-
mót í 25 metra laug, ÍM25, sem fram
fer í Ásvallalaug í Hafnarafirði 14. til
16. nóvember nk. Væntanlega verður
sundfólk frá Akranesi þar meðal þátt-
takenda.
Víkingur Ólafsvík:
Viðurkenningar veittar á lokahófi
Lokahóf Víkings Ólafsvík var haldið í síðasta mánuði. Þar ríkti glaumur
og gleði þótt karlaliði félagsins tækist
ekki að endurheimta sætið í úrvals-
deild karla.
Markahæsti leikmaður Víkings sum-
arið 2014 var Eyþór Helgi Birgisson
sem skoraði 11 mörk í 18 leikjum, þar
af 3 úr víti. Efnilegastur 2014 var valinn
Kristófer Jacobson Reyes, fæddur 1997
og besti leikmaður 2014 Tomasz Luba,
en hann er kosinn af leikmönnum og
forráðamönnum Víkings. Aðrar viður-
kenningar voru nokkar en Eyþór Helgi
Birgisson fékk viðurkenningu fyrir 50
spilaða leiki fyrir félagið, Alfreð Már
Hjaltalín og Emir Dokara fyrir 100
spilaða leiki fyrir félagið og Brynjar
Kristmundsson og Eldar Masic fyrir
150 spilaða leiki fyrir félagið.
Þeir þóttu skara fram úr á sl. sumri.
Hressir krakkar á sundmóti.
Sundskólinn fyrir yngstu iðkendur hefur lengi verið eitt að aðalsmerkjum
Sundfélags Akraness.
Ágúst Júlíusson úr Sundfélagi Akraness á verðlaunapalli.