Stígandi - 01.01.1944, Qupperneq 24

22 HÁSKÓLANÁM í ENGLANDI STÍGANDÍ
skólans, og hann veitir stúdentnm lærdómsstig þeirra. Kanslari
Leeds háskólans er hertoginn af Devonshire, og var faðir hans
í embættinu á undan honum. í háskólaráði eru ýmsir tignir
menn, og eru þeir Halifax lávarður og Harewood lávarður þekkt-
astir þeirra, en um langt skeið var núverandi erkibiskup af Can-
terbury í ráði þessu, en þá var hann erkibiskup af York.
Eins og áður er getið, hafði það orðið að samningum milli há-
skólanna í Leeds og Reykjavík, fyrir forgöngu prófessor Gordons
og Sigurðar Nordals prófessors, að íslenzkir stúdentar skyldu
sleppa við skólagjald í Leeds gegn því að kenna íslenzku, en enskir
stúdentar skyldu fá sarns konar hlunnindi við háskólann í Reykja-
vík. Hefir þessu lítt verið lialdið á lofti, en samningar þessir eru,
að því er ég bezt veit, enn í fullu gildi, þótt enginn íslenzkur
stúdent hafi fært sér þessi hlunnindi í nyt síðan 1931. Hafa 2 sótt
um inntöku í háskólann, en báðir hætt við að stunda nám af ó-
vissum orsökum, en í bæði skiptin var því vel tekið í Leeds, að
fá þangað íslenzkan stúdent, og er leitt til þess að vita, að ekkert
skyldi verða úr þessu nema umsóknin ein. Skólagjaldið er 34
sterlingspund á ári, svo að um talsvert fé var að ræða á venjuleg-
um tímum.
Nám stundaði ég í Leeds frá því á háskólaárinu 1928—9 og til
1931, er ég að loknu prófi í Leeds fór til Manchester háskóla með
prófessor Gordon, er tók við embætti þar. Naut ég þar sömu
hlunninda um skólagjald og í Leeds, og munu því sants konar
samningar hafa farið fram við þann háskóla. Margt er líkt með
háskólunum í Leeds og Manchester, svo að flest, sem sagt mun
verða um nám í Leeds, gildir einnig um Manchesterháskólann.
Sótti ég um inntöku í háskólann og gekk það greiðlega, enda
hafði ég þá háskólaborgarabréf frá Kaupmannahafnar háskóla.
Valdi ég ensku sem sérgrein með B. A. Hononrs að takmarki. Var
kennslugjald gefið eftir, en ýrnis gjöld þurfti þó að greiða, er
tlámu nokkrum sterlingspundum.
Fyrsta árið er stúdent í Honours Scliool aðeins til reynslu.
Námsgreinar mínar fyrsta árið voru latína, þar með talinn latnesk-
ur stíll og explicanchim eða þýðingar úr ólesinni latínu, þýzka,
heimspeki, ensk tunga, forn og ný, og enskar bókmenntir. Höfðu
Englendingarnir í þessari deild auk stúdentsprófs lesið eitt ár
ensku sérstaklega í framhaldsdeild menntaskóla (Higher Certifi-
cate). Prófin um vorið voru 5, öll skrifleg, eins og öll próf við
enska háskóla, og stóðu 3 tíma hvert. Nefnist þetta próf Inter-