Stígandi - 01.01.1944, Blaðsíða 27
STÍGANDI
HÁSKÓLANÁM í ENGLANDI
25
velja þeir öll verkefni og prófa stúdentana. Prófdómendur við
þetta próf voru prófessor Lascelles Abercrombie frá Lundúnahá-
skóla, frægur ritskýrandi og skáld, prófessor Tolkien frá Oxford
og Mr. Wrenn, dósent frá Oxford. Þá kom munnlega prófið.
Voru stúdentar, einn og einn, látnir mæta fyrir prófdómendum
og háskólakennurum, er sátu í fullum skrúða við langt borð, en
hinum megin við borðið voru jafnmargir stólar og prófdómarar
og kennarar voru margir. Settist stúdentinn á þann stól, er næstur
stóð dyrunum, og hófst þá yfirheyrslan. Er sá fyrsti hafði lok-
ið að kryfja hann sagna, færði hann sig innar. — Stóð yfir-
heyrslan mismunandi lengi, en greinarhöfundur var uppi í 1V2
klukkutíma. Spurðu prófessorar og prófdómarar á víxl. Síðastur
prófaði prófessor Abercrombie og var hann liinn ljúfmannlegasti.
Hann hafði áð.ur kennt við Leeds og var alls staðar að góðu
kunnur. Eftir nokkra daga voru svo úrslitin birt og þá lesin upp
samtímis því, sem þau voru birt á prenti í hátíðasal háskólanS.
Um kvöldið var mikið um dýrðir hjá stúdentum í tilefni dags-
ins, en allt fór fram með spekt, og velsæmis var gætt í hvívetna,
því að menn kunnu vel að virða sóma háskóla síns.
Honours stúdentum var skipt í flokka eftir úrslitum, og þeini
gefnar þessar einkunnir: I. einkunn, II. einkunn betri (a top
second), II. einkunn lakari og III. einkunn, og var I. einkunn
mjög sjaldgæf og fengu liana ekki nerna afburða námsmenn. II.
einkunn betri þótti góð einkunn eins og sjá má af því, að þeim,
er kennslu stunda, er veitt laun eftir svokölluðum „Burnham
Scale“, og fá þeir þar hæst laun, er I. einkunn og II. einkunn
betri hafa, og jafnhá, en svo fara launin lækkandi úr því.
Þegar rnenn falla á fullnaðarprófi í Honours School, kemur
fyrir, að mönnum er veitt Pass Degree senr sárabót. Sá er fallinn
á þessu prófi, er ekki fær nægan stigafjölda í einhverri einni grein,
og þeir, sem einu sinni hafa fallið í slíku prófi, fá ekki að taka
Honours próf aftur. Eru þau ekki fyrir taugaóstyrkt fólk, eins
og oft sýndi sig.
Erfitt er fyrir útlendingana að ná nægilegum hraða til þess að
geta leyst úr skriflegum verkefnunr á viðunandi hátt, enda fátt af
þeim. Margir Indverjar voru þarna sanrt, en þeir höfðu vanizt
enskunni frá blautu barnsbeini. Þeir lásu einkum lragfræði og
uppeldisfræði. Nokkrir Arabar eða Egyptar tóku próf í ýmsunr
fræðigreinum og voru taldir góðir námsmenn. Voru Egyptar og
Indverjar þeir einu, sem voru nógu mannmargir til að stofna