Stígandi - 01.01.1944, Side 43

Stígandi - 01.01.1944, Side 43
STÍGANDI ARNÓR SIGURJÓNSSON: INDRIÐI ÞÓRKELSSON Á FIALLI Kveðja, flutt að Syðra-Fjalli við útför skáldsins, 18. janúar 1943 Þó að ég segi fáein orð á þessari skilnaðarstund, þá er ekki svo, að ég finni mig þess umkominn að bera fram kveðjuorð í umboði okkar allra til hans, sem við erum að kveðja. Hins vildi ég heldur freista að skila kveðja hans til þeirra, er eftir standa á ströndinni hérna megin. Ég get ekki vænzt þess, að þið skiljið, við hvað ég á, fyrr en ég hefi gert ljósari grein fyrir því. Og ef til vill verður það, sem ég segi fyrst, aðeins til þess, að þið skiljið mig ennþá síður. Ég ætla að segja frá nokkrum minningum, sem ég á, og geri það fyrst og fremst til þess að fá ykkur hvert og eitt til að blaða í bókum minninga ykkar og bera bækurnar saman. Þó að erfitt sé að ákveða blaðsíðutal í bók minninga sinna frá barnsárum, þá held ég víst, að fyrsta minning mín um hann, sem nú er að kveðja okkur, sé af því, er unga fólkið á Sandi kom af Geislafundi eða skemmtifundi ofan úr dal og sagði frá mikilli og heitri deilu, sem þar hefði orðið milli hans og sóknarprestsins. Hún var út af kvæði um Maríu guðsmóður, kvæði, sem nú er lík- lega með öllu týnt. Þetta kvæði hafði prestinum þótt hneykslan- legt. Um þetta man ég það eitt nákvæmlega, sem mér þótti und- arlegast, að það hefði hneykslað prestinn ákaflega, að María var í kvæðinu kölluð „hin rauða rós, rós og liljan hvíta". Einhvern veginn skildi ég, óljóst að vísu, að það, sem raunverulega hafði hneykslað prestinn, var, að honum þótti sem blandað væri saman því, er óskylt var, því mannlega og guðdómlega, því að milli þess væri geysidjúp staðfest. Þegar þeir, sem nú eru gamlir orðnir, voru ungir, var það ef til vill heitasta og djúpstæðasta deilumálið milli gamals og nýs tíma, hvort hið mannlega væri hinu guðdómlega andstætt, erfðasyndinni ofurselt og þyrfti að endurleysast frá grunni, eða það væri runnið af guðlegum aðli í djúpstæðustu rót sinni. Enginn þeirra, er þá var ungur,

x

Stígandi

Direkte link

Hvis du vil linke til denne avis/magasin, skal du bruge disse links:

Link til denne avis/magasin: Stígandi
https://timarit.is/publication/1085

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.