Stígandi - 01.07.1944, Blaðsíða 19

STÍGANDI
KVIKMYNDIR. . . .
177
kvikmyndir, sem byrjað er að nota í íslenzkum skólum, en er ekki
orðið almennt enn sem komið er. Tilgangur fræðslumynda er
hnitmiðaður. Efnisval og meðferð við hæfi nemenda. Skýringar
bæði á undan og eftir látnar í té af kennurum. Fróðleiksþrá og um
leið að nokkru leyti skemmtanaþrá barnanna er fullnægt á hollan
hátt.
Um sjálfa kennsluaðferðina er þess að geta, að sterkar líkur
benda til, að hún muni ryðja sér æ nieir til rúms í hirium ýmsu
námsgreinum. Auk fjölda kvikmynda, sem hver um sig getur
frætt, ýtarlegar og á margfalt skemmri tíma en áður var unnt, um
iðnframleiðslu, ferðalög, lifnaðarhætti annarra þjóða o. fl. o. fl.,
koma þær að góðu haldi í námsgreinum, svo sem jarðfræði, dýra-
fræði, grasafræði, líkams- og heilsuflræði, sögu, í bindindis- og
íþróttakennslu, svo og alls konar verklegu námi.
Margt furðulegt hefir uppgötvazt í hinni hamslausu baráttu
stríðsþjóðanna fyrir sigrinum. Margt gamalt orðið að víkja fyrir
öðru nýju. Hér á eftir verða tilfærðar nokkrar niðurstöður, sem
nýir kennsluhættir í Bandaríkjaher hafa leitt í ljós.
í ameríska tímaritinu „Science Digest“, marzhefti þ. á., er
smágrein eftir Wesley Price. Yfirskrift hennar er: Nýjar leiðir til
að iæra fljótar." Þar segir m. a.:
„Eftir styrjöldina munu líklega verða kenndar fleiri námsgrein-
ar fleiri nemendum á skemmri tíma og með minni tilkostnaði en
stjórnendum fræðslumála hefði getað órað fyrir.“
„Skólagengnir menn eru æfðir í lestri, þangað til þeir geta
lesið prentað mál á helmingi skemmri tíma en venjulegt er.“
„Hermenn, sjómenn og stjórnarembættismenn nema erlend
tungumál fjórum sinnum hraðar, en hinir færustu menn töldu
hugsanlegt fyrir stríð.“
Rík áherzla er lögð á kennsluútbúnað og aðferðir, sem hjálpar
sjónar- og heyrnarskynfærum. Vænta má fullkomnari þróunar í
þá átt að stríði loknu. Námskeið í sjónæfingum, sem starfrækt er
í her og flota Bandaríkjanna, telur greinarhöfundur horfur á að
verði gert að skyldufræðslu í Bandaríkjunum. Þetta námskeið, sem
upprunalega varð til í sambandi við athuganir á mannsauganu —
er kennt við prófessor Samuel Renshaw, forstöðumann sálarfræði-
deildar háskólans í Ohio. Nemendur eru látnir byrja á því að lesa
röð tölustafa, sem leiftrar snöggt'ast á tjaldi frá sýningarvélinni.
Fyrst læra þeir að lesa 6 tölustafi á 1/25 úr sekúndu. Það er auð-
vitað óhugsandi að komast yfir 6 tölustafi (t. d. 718429) á þeim
12