Stígandi - 01.10.1944, Qupperneq 48

STÍGANDI
AÐALSTEINN SIGURÐSSON:
HÁSKÓLANÁM í BANDARÍKIUNUM
Síðan styrjöldin skall á og leiðir til liáskóla í Norðurálfu teppt-
ust, hafa íslenzkir stúdentar, er utan hafa farið til framhaldsnáms,
mestmegnis sótt til háskóla í Vesturheimi. Þegar þær vesturfarir
liófust, vissum við íslendingar sáralítið um ameríska háskóla, til-
liögun þeirra og skilyrði til náms þar, enda rnjög eðlilegt, þar eð
fátt íslendinga hafði áður þangað leitað Jjeirra erinda. Bagaði
Jjetta mjög Jjeim, er fyrst fóru, og enn má segja, að allur þorri
Islendinga viti lítið um Jjessi mál, þó að drepið hafi verið á þau
í blöðunum öðru hverju.
Undanfarin þrjú ár hefi ég dvalizt við University of California
í Berkeley, skammt frá San Francisco í Kaliforníu, og stundaði
ég þar nám í sagnfræði. \7ið sama skóla erix nú um tuttugu ís-
lenzkir stúdentar við nám í ýmsum greinum.
Mun ég í grein Jjessari skýra í aðaldráttum frá Kaliforníuhá-
skóla og tilhögun hans. Þó að hér sé aðallega rætt um einstakan
skóla, mun að mörgu leyti líkt gilda um flesta stærri háskóla í
Bandaríkjunum. Að vísu er rétt að taka það fram, að sameiginlegt
skólakerfi fyrir allt landið er ekki til, en allsherjar stjórnarnefnd
starfar Jjó að því að samræma skólana, en auk Jjess hafa Jjeir all-
náið samband sín á milli.
Háskólar eru á áttunda hundrað í Bandaríkjunum, og eru þó
ekki þar taldir ýmsir sérfræðiskólar, en þeir eru fjölmargir. Skipt-
ast háskólarnir aðallega í tvennt, colleges, sem veita venjulega
ekki nema fjögurra ára nám, oftast í takmörkuðum fjölda náms-
greina, og universities, er auk almennrar háskólamenntunar veita
æ vísindalegra framhaldsnám allt til doktorsprófs í öllum hugsan-
legum greinum. Skólar Jjessir eru ýmist reknir af fylkjunum,
einstökum borgum eða sem sjálfstæðar stofnanir.
Kaliforníuháskóli er fylkisskóli og einn stærsti og fjölþættasti
háskóli (university) í Vesturheimi. Fyrir stríð sóttu hann yfir 20
þús. stúdentar, konur og karlar, flestir úr Kaliforníu, en auk þess
margt manna víðs vegar úr Bandaríkjunum og frá öðrum löndum.