Harmoníkan - 01.05.2001, Blaðsíða 16

Nokkur ord ó houstdögam 2000
Árið 2000 hefur verið nokkuð við-
hurðaríkt hjá okkur í H.U. H. Við spiluð-
um með Skagfirðingum á dansleikjum
bæði hér á Blönduósi og í Skagafirði. Við
stóðum frammi fyrir því að ekkert not-
hæft píanó var í danssal Félagsheimilis-
ins á Blönduósi. Ákveðið var að standa
fyrir tónlistardegi 22. apríl.
Félagsheimili Blönduóss varð okkar at-
hvarf til æfinga og hefur lengi verið. Því
þótti okkur við hæfi að hrinda af stað
söfnun til kaupa á nýju píanói, við leituð-
um til skólastjóra og kennara tónlistar-
skólans eftir aðstoð.
Allir voru reiðubúnir til aðstoðar því
allir sáu þörfina á að endurnýja píanóið
enda það sem fyrir var ónýtt og ekki
nokkrum manni bjóðandi. Dagurinn rann
upp, bjartur og fagur. Við höldum að það
fylgi H.U.H að ef það fer af stað með
skemmtun, þá sé gott veður.
Skemmtunin hófst klukkan tvö um
daginn. Gestir komu inn í ljúfa tóna frá
harmonikum og röðuðu sér í sæti. Starfs-
fólk félagsheimilisins og aðrir velunnarar
okkar létu ekki sitt eftir liggja við að
hjálpa til með veitingarnar. Nýja píanóið
var komið í hús en ákveðið hafði verið að
félagar úr H.U.H vígðu píanóið og þær
tóku það að sér Linda Björk Gunnars-
dóttir, sem er nemandi í tónlistarskólan-
um og Svanborg Frostadóttir, bankastjóri
Búnaðarbankans. Svanborg gekk til liðs
við okkur í vetur, en hún leikur á saxafón
með okkur á skemtunum, eins leikur hún
á píanó og fer létt með. Þær Linda og
Svanborg léku bæði einleik og fjórhent á
píanóið, við mikinn fögnuð áheyrenda.
Síðan tók við hvert atriðið af öðru og
varð að stytta sum vegna fjölda þeirra
sem vildu koma fram.
Við sem stóðum að þessari samkomu,
eigum fá orð til að þakka öllum sem
studdu okkur þennan dag.
Þann 29. apríl var svo okkar árlega
Hagyrðingakvöld í Félagsheimilinu í
Blönduósi, en þar mættu Eyfirðingar og
aðstoðuðu okkur við dansleik. Hagyrð-
ingakvöld eru orðin árviss viðburður hjá
okkur og er ævinlega fullt hús og mikil
stemning.
Þann 27. maí fórum við til Akureyrar
að þakka hjálpina á Hagyrðingakvöldi.
Við ákváðum að gera þennan dag góðan,
sem hann og varð. Ferðast var með rútu
norður og ekið unt Eyjafjörð, síðan
snæddur kvöldverður á Lindinni við
Leiruveg (mjög góður staður) og að lok-
um skundað á dansleik í Lóni, þar sem
var fullt hús af fólki og mikið fjör. Jó-
hannes formaður Eyfirðinga og hans
kona gerðu ekki endasleppt við okkur
vestanmenn og var ekki um annað að
ræða en að koma og fá hressingu hjá
þeim. Var þar sest að veisluborði og átti
fólk þar saman góða stund. Er þetta
lýsandi dæmi um íslenska gestrisni.
Húnavershátíð var haldin um Jóns-
messu 23.-25. júní og var það mjög góð
helgi, sól og blíða eins og við lofum
alltaf í Húnaveri. Við fórum rík af góð-
um minningum frá helginni. Fengum við
þangað góða gesti, Braga Hlíðberg og
hans konu sem ekki munu hverfa okkur
fljótt úr minni. Að hafa fengið að kynnast
þeim og heyra þennan snilling spila var
eftirminnilegt. Vonum við að þau hafi
líka haft gaman af þessari helgi. Einnig
skiptust þeir á harmonikum, Bragi og
Einar Guðmundsson og spiluðu þeir
saman eins og þeir hefðu aldrei gert ann-
að. Hafði kona Braga orð á því að þetta
hefði hann ekki gert í 40-50 ár. Svona
stundir eru ógleymanlegar þeim sem hafa
gaman af harmonikutónum.
Aðalfundurinn fyrir árið 2000 var
haldinn 15. október. Þar ákvað Svavar
Jónsson að hætta formennsku en hann
hefur átt við vanheilsu að stríða á þessu
ári og var ósk hans tekin til greina.
Nú er það helsta upp talið sem við
framkvæmdum árið 2000. Fjölskylduhá-
tíð í Húnaveri verður haldin um Jóns-
messuna 2001 sem er helgina 22.-24.
júní. Einnig viljum við geta þess að ekki
verður haldið upp á 20 ára afmæli
H.U.H. vegna þess að í haust var farið í
mikil tækjakaup fyrir félagið.
Núverandi st jórn H.U.H. er þannig:
Formaður: Alda Friðgeirsdóttir,
Þverbraut I. Blönduósi. Sími 452-4044
Gjaldkeri: Sigurður Pálsson,
Þverbraut I. Blönduósi. Sími 452-4044
Ritari: Þórir Jóhannsson,
Urðarbraut 8, Blönduósi. Sími 452-4215
Meðstjórnandi: Óli Björnsson,
Urðarbraut 2, Blönduósi. Sími 452-4214
Við sendum okkar bestu kveðjur til
allra harmonikuunnenda á landinu. Með
ósk unt gott gengi í framtíðinni.
Harmonikuunnendur í Húnavatnssýslum
H.U.H.
Þórir Jóhannesson, ritari
llarmonikuhátídin Iðufelli lougoró/i 2001
Eigum skemmtilega og fjöruga verslunarmannahelgi
3.-6. ágúst, við að spila, hlusta á aðra og taka sporið.
Stór húsvagna- og tjaldsvæði • Góð snyrtiaðstaða • Barnaleikvöllur.
Verslun og öll þjónusta á staðnum og næsta nágrenni • Bar og veitingasalur.
Samkomusalur 800 m2 samtengdur útivistarsvæði
Markaðstorg: Þeir sem vilja geta fengið söluborð að kostnaðarlausu.
Aðgangseyrir kr. 1.500.- alla helgina á mann • Óbreytt síðustu þrjú ár • Frítt fyrir börn
Tjaldstæði innifalið.
Allir eru hjartanlega velkomnir, harmonikuunnendur sem aðrir.
Upplýsingar: Iðufelli, Laugarási Biskupstungum.
Ferðaþjónustan Iðufelli Sími: 486 8600
16