Harmoníkan - 01.05.2001, Síða 17

sýnisferð til Þingvalla. í Almannagjá tók
Grettir, þrátt fyrir leiðinda veður, upp
nikkuna og lék Þingvallamarsinn eftir
Hartvig Kristoferson fyrir gesti okkar og
síðan ungu íslendingarnir Öxar við ána
við undirleik Grettis, sem var vandlega
varin með regnhlíf. í þjónustumiðstöð-
inni á Þingvöllum léku Lars og Henrý
nokkur lög öðrum ferðamönnum til mik-
illar ánægju.
Næst var Nesjavallavirkjun skoðuð.
Þar tóku þeir Lars Ek og Henry Jonsson
aftur lagið við mikla hrifningu og Lydia
Sharova töfraði okkur enn einu sinni
með söng sínum.
Veðrið þennan dag gat tæpast verið
verra þoka, ausandi rigning og rok. Því
næst var ekið um Grímsnes að Kerinu og
síðan að Gullfossi og Geysi, sem vakn-
aði skyndilega þegar við gengum um
svæðið og skvetti vel úr sér og þótti það
rnikil virðing við gestina. Þrátt fyrir væt-
una ljómaði fólk af gleði og ánægður
hópur renndi í hlað við Hótel Lind um kl.
18:00 um kvöldið.
Ekki náðist mikill tími til hvíldar því
kl. 20:00 hófst kveðjuveisla á Hótel Lind
og var fiskur á borðum í aðalrétt. Menn
tjáðu sig óspart um vel heppnaða ferð og
góðan viðurgjörning. Hljóðfæraleikur-
um og söngkonu voru færðar teikningar
af sér, sem listamaðurinn Árni Elvar
hafði teiknað í Langholtskirkju.
Mikil hátíðarhelgi var á enda. Söngur
og spil hljómaði um hótelið fram undir
miðnættið og loks eftir tregablendna
kveðjustund var gengið til náða enda flug
fyrirhugað snemma næsta morgun.
Fyrir hönd okkar sem að tónleikunum
stóðu vil ég koma á framfæri bestu þökk-
um til allra er studdu okkur og mættu á
tónleikana. Þeir sem misstu af þeim geta
orðið sér út um myndband eins og aug-
lýst er annars staðar í blaðinu. H.H.
Sirrý og Lydia
Framhald Stjörnutónleika í máli og myndum
Svipmyndir úr heimboði og fleira
Kalle Westling og feðgarnir Jon og Magnus Jonsson
Siv Selin og Monika Jonsson
Oleg Sólberg og Lydia
Að loknum Þinvallamarsi var sungið Öxar við ána af innlijun íAlmannagjá. útlendingunum
þótti uppákoman skemmtileg.
17