Fréttir - Eyjafréttir

Tölublað

Fréttir - Eyjafréttir - 04.01.2008, Blaðsíða 1

Fréttir - Eyjafréttir - 04.01.2008, Blaðsíða 1
HEfjr BÍLAVERKSTÆÐIÐ BrAGGINNsf. Flötum 20 Viðgerðir og smurstöð - Sími 481 3235 Réttingar og sprautun - Sími 481 1535 35.árg. I Ol.tbl. I Vestmannaeyjum 4. janúar 2008 I Verð kr. 200 I Sími 481-1300 I Fax 481-1293 I www.eyjafrettir.is SKOTGLEÐIN hófst með brennunni við Hástein. Friðsælt um jól og áramót Ekki standa Eyjamenn öðrum landsmönnum að baki þegar kemur að því að skjóta upp flugeldum á gamla- árskvöld. Allt kvöldið logar himininn yfir Heimaey en að loknu Skaupinu hefst leikurinn fyrst fyrir alvöru. Þvert ofan í veðurspá var veður þokkalegt og þá fengu þeir útrás sem vilja vera mestir og bestir á þessu sviði. Allt fór þetta vel fram og segir lögregla að jól og áramót hafi verið friðsæl. Veðrið setti þó strik í reikninginn og lögregla aðstoðaði fólk vegna veðurofs- ans 30. desember og aðfaranótt gamlaársdags. Tryggvi Kr. Olafsson sagði að maður hefði lent í ryskingum í heimahúsi aðfaranótt nýársdags en engin kæra hefði borist vegna málsins. Þá hefði bifreið verið ekið fram af flugbrautinni aðfaranótt 3, janúar, ökumaður var einn í bílnum og slapp með lítils háttar meiðsl. Fréttapýramídinn Salurinn í Kiwanishúsinu var þéttsetinn þegar Fréttir kynntu val á Eyjamanni ársins 2007 og þeim sem ritstjórn blaðsins fannst hafa staðið upp úr á árinu sem er að líða. Fimleikafélagið Rán fékk Fréttapýramídann fyrir framlag til íþrótta í Vestmannaeyjum og Félag um TVrkjaránssetur fékk hann fyrir framlag til menningarmála á síðasta ári. Eyjamaður ársins 2007 eru 14 útgerðarmenn sem hafa sýnt það og sannað að þeir hafa trú á Vestmannaeyjum. Kom það ekki síst fram á síðasta ári þegar sex ný skip bættust í flota Eyjamanna og skrifað var" undir samning um kaup á þrem- ur nýjum skipum. Icelandair kom að þessu með okkur með sínum árlegu frumkvöðla- verðlaunum auk þess sem Bjarni Sighvatsson og Leifur Ársælsson, fyrrum útgerðarmenn, voru kallaðir upp til að taka við viðurkenningum fyrir framlag sitt til endurnýjunar á tækjum fyrir Sjúkrahúsið. Margrét Lára Viðarsdóttir, íþróttamaður ársins 2007, var líka heiðruð. Fjölskylda Bjarna Sighvatssonar hafði ástæðu til að fagna því þrjú komu við sögu. Margrét Lára, foreldrar hennar Viðar Elíasson, sem er einn útgerðarmannanna fjórtán, Guðmunda Bjarnadóttir og Bjarni, faðir Guðmundu og afi Margrétar Láru. Nánar í miðopnu. Þrettánda- gleði með hefðbundnu sniði Þrettándagleði ÍBV-íþróttafélags hefst á Hánni klukkan 19.00 á morgun, laugardag en að þessu sinni fara hátíðahöldin fram 5. janúar, degi fyrr en venjulega. Hátíðahöldin verða með hefð- bundnu sniði. Bæjarbúar taka á móti jólasveinunum þegar þeir koma ofan af Molda og fylgja þeim upp á malarvöll þar sem kveikt verður í brennu og álfar og púkar fara um víðan völl. Friðbjörn Valtýsson, fram- kvæmdastjóri IBV, sagði að nú væri unnið að því að vekja upp tröllin sem hefðu sofið í ár en vonandi tækist að koma þeim á lappir í tæka tíð. Grýla, Leppa- lúði og jólasveinarnir bíða spennt eftir að hitta krakkana áður en þau halda á fjöll aftur þannig að þetta verður örugglega gaman. Þrettándagleðin er haldin degi fyrr en venjulega og það er gert til að gefa fleirum kost á að vera með og bærinn styður félagið á móti. Það eru allir jákvæðir, bæði starfsmenn bæjarins og okkar frábæru sjálfboðaliðar sem hafa starfað við þetta í áratugi. Á næsta ári verða 60 ár síðan Týr byrjaði með Þrettándagleðina þannig að það er löng hefð fyrir þessari skemmtan," sagði Frið- björn. Spá fyrir morgundaginn er góð. Grímuball Eyverja: Allir sem mæta fá verðlaun Eyverjar standa fyrir grímuballi fyrir yngstu kynslóðinni í Höllinni á laugardag. „Ballið hefst klukkan 15.00, jólasveinar mæta á svæðið og það verður dansað kringum jóla- tré. Allir sem mæta fá verðlaun og síðan verða veittar viðurkenn- ingar fyrir flottustu búningana og líflegustu framkomuna. Við hvetjum alla krakka til að mæta í búningum og það verður örugg- lega mikið fjör," sagði Margrét Rós Ingólfsdóttir, formaður Eyverja. Samkvæmt fréttatilkynningu frá Höllinni er komið leyfi fyrir þrettándaballi í Höllinni á laug- ardag. Hljómsveitin SSSÓL mun halda uppi fjörinu með Helga Björns í broddi fylkingar. Nánar á bls 2. VIÐ LÁTUM BÍLINN GANGA... ...SVOÞÚÞURFIRÞESSEKKI SMURSTÖÐ OG ALHLIÐA BÍLAVIÐGEÐIR / ® ÞJÓNUSTUAÐIUTOYOT/- í EYJUM ne Cp^rí^ amar VÉLA-OGBfLAVERKSTÆÐI FLATIR21 / S.481-1216 / GSM.864-4616

x

Fréttir - Eyjafréttir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttir - Eyjafréttir
https://timarit.is/publication/977

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.