Fréttir - Eyjafréttir - 04.01.2008, Blaðsíða 7
Fréttir / Fimmtudagur 4. janúar 2008
7
Fulltrúar gefenda, Eyjólfur Guðjónsson, Ágúst Guðmundsson, Leifur Ársælsson, Hörður Óskarsson, Guðný Bjarnadóttir, Guðbjörg Matthíasdóttir, Margrét og Drífa Kristjánsdætur,
Stefanía Ástvaldsdóttir, María S. Sigurbjörnsdóttir, Ellý Gunnlaugadóttir, Kristín Gísladóttir og Bjarni Sighv atssson.
Mjög stór dagur fyrir bæjarbúa
-Sjúkrahúsið þjónar okkur öllum og það skiptir miklu að þurfa ekki að sækja
þjónustu til Reykjavíkur, segir Drífa Kristjánsdóttir, formaður Líknar
STARFSFÓLK horfir björtum augum fram á veginn. Hjörtur yfirlæknir, Eydís hjúkrunarforstjóri og
Gunnar framkvæmdastjóri.
Þökkum frábæran
stuðning
Drífa Kristjánsdóttir, formaður
Kvenfélagsins Líknar, sagði að
athöfnin á Heilbrigðisstofnuninni á
laugardaginn hafi verið sérstaklega
skemmtileg.
„Þarna var stjórn Líknar, fulltrúar
frá sjúkrahúsi og bænum, gefendur
og fulltrúar frá Krabbavöm sem af-
hentu einnig gjöf til sjúkrahússins
við þetta tækifæri," sagði Drífa.
„Þetta var mjög stór dagur fyrir
bæjarbúa því sjúkrahúsið þjónar
okkur öllum. Það skiptir miklu að
þurfa ekki að sækja þjónustu til
Reykjavíkur og hafa þennan búnað
á sjúkrahúsinu.
Eg vil þakka öllum sem hafa stutt
Líkn og þá sérstaklega útgerðar-
menn og einstaklinga sem gáfu í
söfnunina. Samvinna okkar Bjama
Sighvatssonar hefur gengið mjög
vel. Hann gekk hreint til verks, var
ötull og ýtinn við að koma þessu
áfram. Ég væri búin að skrá hann í
kvenfélagið ef hann væri kona, það
er ekki spurning. Við þökkum
frábæran stuðning á liðnu ári,“
sagði Drífa.
Ómetanlegt að eiga svona
fólk
Hjörtur Kristjánsson, yfirlæknir,
sagði ómetanlegt að eiga að ein-
staklinga sem bera hag samfélags-
ins fyrir brjósti.
„Stuðningur Líknar, útgerðar-
manna og annarra velgjörðarmanna
er gríðarlega mikilvægur fyrir
stofnun eins og þessa. Þetta gerir
það að verkum að stofnunin getur
betur sinnt hlutverki sínu. Tækni-
framfarir em örar og kostnaður við
heilbrigðisþjónustu vaxandi. Því er
erfiðara fyrri minni stofnanir að
fylgja framþróuninni eftir, bæði
hvað varðar greiningartækni og
meðferð. Með þeim búnaði sem
bæst hefur við á þessu ári eflist
stofnunin og getum við boðið upp á
aukna þjónustu við bæjarbúa,
þjónustu sem annars þyrfti að
sækja til Reykjavíkur. Við geram
nú t.d. ýmsar aðgerðir sem ekki var
hægt að gera áður. Tölvusneið-
myndatækið hefur þegar sannað
gildi sitt varðandi greiningu og
krabbameinssjúklingar geta að
miklu leyti gengist undir lyfja-
meðferð hér heima. Sjúkrarúmin
vora að syngja sitt síðasta og eitt
og eitt rúm farið að detta úr lest-
inni. Þessar gjafir eru því afar
mikilvægar."
Hjörtur sagði að því miður væri
framlag ríkisins til heilbrigðis-
stofnana til tækjakaupa og endur-
bóta í minna lagi. „I raun er gert
ráð fyrir því að líknarfélög styðji
stofnanir úti á landi sem í sjálfu sér
er umhugsunarvert. Það er því
mjög mikilvægt fyrir stofnunina og
þá sem sækja þjónustu þangað að
eiga sterka bakhjarla. Það er gott
að finna fyrir þeirri samkennd og
samfélagsábyrð sem greinilega er
til staðar hér í okkar ágæta bæjar-
félagi.“
Aukið öryggi fyrir íbúana
Eydís Ósk Sigurðardóttir, hjúkrun-
arforstjóri, sagði að stofnuninni
hefði ekki borist svo myndarlegar
og einstakar gjafir á síðari árum.
„Við höfum nú eflt staðbundna
þjónustu í heimabyggð, aukið ör-
yggi íbúanna og það mun hafa
áhrif á líðan margra sem eiga í
erfiðum veikindum Við erum nú
komin í fremstu röð sjúkrahúsa á
landsbyggðinni hvað tækjakost
varðar og ber þá fyrst að nefna
sneiðmyndatækið og blöndunar-
skáp fyrir krabbameinslyf.
Blöndun krabbameinslyfja er mér
vitanlega fullnægjandi á þremur
stöðum á landinu. Þessar gjafir eru
í raun ómetanlegar fyrir Vest-
mannaeyinga."
Eydís sagði mikilvægt að létta
fólki lífið sem glímir við krabba-
mein sem og aðstandendum þeirra
og það verði seint þakkað að fullu
að þessi þjónusta sé hér til staðar.
Einnig væri mikilvægt að nýta dýr-
mætan tíma til myndgreiningar við
alvarleg áföll og aðrar greiningar.
„Aðstaðan sem nú er fyrir hendi
undirstikar líka hvað frumkvæði og
sókn þeirra einstaklinga sem höfðu
frumkvæði að þessum gjöfum
skiptir miklu máli fyrir bæjarfélag-
ið og hvað við erum rík af mann-
auð hér í Eyjum. Að ógleymdu
Kvenfélaginu Líkn. En ég tel ein-
mitt að öflugt starf líknarfélaga,
mikinn félagsauð hér í samfélaginu,
eitthvað sem eykur samkennd og
sýnir skilning á þörfum okkar sem
búum hérna. Eins og við vitum
höfum við ekki alltaf mætt fullum
skilningi á stöðu okkar hjá hinu
opinbera með marga hluti.“
Eydís sagði einnig að góður
tækjakostur á Heilbrigðisstofn-
uninni laði enn frekar til sín hæft
og áhugasamt starfsfólk og að fólk
sem horfi hingað með búsetu í huga
meti þessa þjónustu til lífsgæða rétt
eins og góða atvinnu, menntakerfi
og aðra hornsteina samfélagsins.
Fækkar ferðum sjúklinga
upp á land
„Stjórnendur og starfsfólk Heil-
brigðisstofnunarinnar eru óendan-
lega þakklát fyrir þær gjafir sem
stofnuninni voru færðar síðastliðinn
laugardag," sagði Gunnar K. Gunn-
arsson, framkvæmdastjóri.
„Tæki þessi gera okkur kleift að
þjóna skjólstæðingum okkar betur
en áður og fækka þeim ferðum
sem Vestmannaeyingar hafa þurft
að fara upp á land til að leita til
lækna. Sá hlýhugur til stofnunar-
innar sem kemur fram í þessum
gjöfum er okkur ómetanlegur og
hvetur okkur til dáða til að gera enn
betur í þjónustu okkar við bæjar-
búa. Mig langar að nota þetta
tækifæri til að koma á framfæri
þakklæti okkar, til allra þeirra sem
komu að þessum gjöfum og þá
sérstaklega Bjarna Sighvatssonar
sem átti frumkvæðið að söfnuninni.
Kvenfélagið Líkn á okkar ævarandi
þakklæti fyrir þeirra framlag og
stuðning nú sem áður fyrr.“