Fréttir - Eyjafréttir - 10.01.2008, Blaðsíða 12
12
Fréttir / Fimmtudagur 10. janúar 2008
MIKIÐ var um að vera í Landakirkju allan desembermánuð enda margt í boði. Hér eru gestir í poppmessu sem var vel sótt.
Framúrskarandi námsárangur
Eyjastúlkan Elfa Ásdís Ólafsdóttir, sem út-
skrifaðist úr eðlis- og efnafræðiskor Háskóla
íslands, hlaut verðlaun að upphæð 500 þúsund
kr. fyrir framúrskarandi námsárangur í líf-
efnafræði 2007. Elfa Ásdís er um þessar
mundir í kennararéttindanámi við Háskólann
en kennir einnig við Menntaskólann í
Reykjavík. Hún sagði að sig langaði til að
leggja stund á nám í veirufræði en óvíst með
það, þar sem það væri svo gaman að kenna.
Gull spratt úr lófum
Á fornurn bókum er sagt frá Mídasi konungi
sem hafði þá náttúru að allt varð að gulli er
hann snerti og varð honum raunar ekki til
hamingju. En Eyjakonan Árný Heiðarsdóttir
varð fyrir því á kristilegri samkomu í Kanada
að gulllitað efni spratt fram í lófum hennar.
Síðan endurtók það sig á samkomu hér heima.
Vitni voru að þessum atburðum. Árný lét
rannsaka þetta efni og kom í Ijós að hér var
ekki um gull að ræða. Engu að síður taldi
Árný að heilagur andi vildi með þessu gera sig
sýnilegan fólki á þennan hátt.
434 vildu kosningar
Nokkrir andstæðingar ferjusiglinga í
Bakkafjöru stóðu fyrir undirskriftum þar sem
farið var fram á að bæjarstjórn efndi til
íbúakosninga um viðhorf fólks til væntanlegra
siglinga í Bakkafjöru eða annarra möguleika.
Alls skrifuðu 434 undir listann og voru
bæjarstjóra afhentar þær undirskriftir.
Vatnsútflutingur frá Eyjum
Fyrir svo sem 50 árum, þegar vatnssparnaður
var ein æðsta dyggð í Eyjum, hefðu þeir lík-
lega verið taldir léttruglaðir sem hefðu látið
sér detta í hug að hefja útflutning á vatni frá
Vestmannaeyjum. En síðan hefur mikið vatn
runnið til sjávar og margt breyst í vatnsbúskap
Eyjamanna. Fyrirtækið Iceland Global Water
ehf. fékk úthlutað lóð inni á Eiði þar sem
ætlunin er að koma upp vatnsverksmiðju og
flytja út vatn í gámum til Evrópu og Ameríku.
Guðjón G. Engilbertsson, einn þeirra er standa
að verkefninu. sagði ætlunina að hefja bygg-
ingaframkvæmdir í febrúar á næsta ári.
75 ára afmæli
Sjálfstæðismenn í Eyjum fögnuðu 75 ára
afmæli Sjálfstæðisfélags Vestmannaeyja með
samsæti í félagsheimili sínu. Þar rifjaði Arnar
Sigurmundsson m.a. upp sögu félagsins í máli
og myndum.
A
Asgeir hættur
Ásgeir Lýðsson, sem starfað hefur sem
lögreglumaður í Vestmannaeyjum í rúmlega
30 ár, ákvað að hætta enda orðinn 65 ára.
Gamlir og nýir starfsfélagar hans héldu honum
veislu á lögreglustöðinni í tilefni þess.
Vosbúð tekin til starfa
Á síðustu árum hafa verið gerðar ýmsar til-
raunir með að koma upp menningarmiðstöð
fyrir fólk á aldrinum 16 til 25 ára, síðast við
Vestmannabrautina þar sem Húsið var rekið
um tíma. Þær tilraunir tókust ekki sem skyldi.
En nú var enn reynt og opnuð menn-
ingarmiðstöð í húsinu Vosbúð við Strandveg.
Þótti eðlilegt að miðstöðin fengi sama nafn og
verið hefur á húsinu frá upphafi, Vosbúð.
Margrét Rós Ingólfsdóttir var ráðin forstöðu-
maður miðstöðvarinnar og sagði hún unnið
við að skipuleggja dagskrá vetrarins.
Eldur í Kaffí Kró
Eldur kom upp í gömlu Tangahúsunum þar
sem m.a. er veitingahúsið Kaffi Kró.
Slökkviliðinu tókst fljótlega að slökkva eldinn
og urðu skemmdir minni en leit út fyrir í
upphaft, t.d. engar skemmdir í veitinga-
aðstöðunni. I ljós kom að ungmenni höfðu
verið að fikta með eld í húsinu með þessum
afleiðingum.
Desember
Miklar fjárfestingar hjá Vinnslu-
stöðinni
Miklar framkvæmdir voru á árinu hjá
Vinnslustöðinni og ekkert lát á næsta ári eftir
því sem forsvarsmenn fyrirtækisins boðuðu. I
sumar var gengið frá hráefnistönkum norðan
Strandvegar, þar sem Sælahúsið stóð áður. Þá
var í haust byrjað á byggingu frystigeymslu
inni á Eiði og nú var tilkynnt að í vor yrði
norðurhús Vinnslustöðvarinnar rifið og nýtt
hús reist á grunni þess, hannað fyrir vinnslu á
uppsjávarfiski.
Herjólfur bilaður
I ljós kom að legur við skrúfuás í Herjólfi
höfðu geftð sig og varð því að taka skipið í
slipp til viðgerðar. Það þýddi að skipið hvarf
úr áætlun í tvo daga, miðvikudag og fimmtu-
dag og voru því engar tryggar samgöngur þá
daga. Viðgerðin gekk að óskum en þrátt fyrir
að aðeins hefðu dottið út tveir dagar, var tekið
að bera á vöruskorti. Þá minnti þetta atvik
menn líka á að Herjólfur er ekkert unglamb
lengur.
Kári endurvakti Krána
Kári Vigfússon, bryti á Herjólfi, og fjölskylda
hans keyptu Krána við Boðaslóð en þar hafði
enginn rekstur verið í nokkur ár. Þar opnuðu
þau skyndibitastað. Kári sagði að hann væri
að hugsa um framtíðina þar sem væntanlega
yrði minna um að vera í veitingasölunni í
Herjólfi ef farið yrði að sigla upp í Bakkafjöru.
Einsdæmi?
Þau eru líklega ekki mörg dæmi þess að átta
mæðgur starfi á sama vinnustaðnum, sérstak-
lega þegar hann er ekki stærri en Heil-
brigðisstofnunin í Vestmannaeyjum. En sex-
tán af starfsstúlkum stofnunarinnar tengjast
einmitt slíkum tjölskylduböndum.
Stofnfé aukið í Sparisjóðnum
Um haustið hafði orðið vart við áhuga ut-
anaðkomandi aðila með að eignast stofn-
fjárhluti í sparisjóðnum og heyrðust raddir um
kauptilboð til stofnfjáreigenda upp á nokkrar
milljónir fyrir hlut þeirra. Samkvæmt lögum
geta slík viðskipti þó ekki farið fram.
Bæjaryftrvöld tilkynntu að af þeirra hálfu yrði
slegin skjaldborg um sjóðinn, svo að hann
gæti áfram þjónað því hlutverki sem hann var
í upphafi stofnaður til. I desember var ákveðið
að bjóða út 350 milljón kr. aukningu á stofnfé,
sem er fyrsti hlutinn af 1000 milljón króna
aukningu. Allir stofnfjáreigendurnir, 70
talsins, notfærðu sér forgangsrétt til kaupa á 5
milljóna kr. hlut, hver fyrir sig.
36 útskriftarnemendur
Mikið var um að vera hjá Visku fyrstu helgina
í desember en þá útskrifuðust átta nemendur af
námskeiði frá Háskólanum á Bifröst og 28
nemendur með 30 tonna skipstjómarréttindi.
Af þeim voru 15 heimamenn en 13 sem stund-
uðu námið í fjarnámi frá Dalvík en komu
hingað til að þreyta prófin og verklega hluta
námsins. Ágúst Einarsson, rektor á Bifröst,
var viðstaddur útskrift nemendanna sem vora í
námi á Bifröst.
Gaf Hraunbúðum íbúð sína í
Reykjavík
Guðný Ragnheiður Hjartardóttir, frá Geithálsi
í Vestmannaeyjum, sem lést í sumar, arfleiddi
dvalarheimilið að Hraunbúðum að íbúð sinni
við Espigerði í Reykjavík. Fjölskylduráð
Vestmannaeyjabæjar lagði til að íbúðin yrði
seld og andvirðið notað til að bæta aðbúnað
heimilisfólks á Hraunbúðum.
Full kirkja
Það var setið í hverju sæti og rúmlega það í
Landakirkju þegar Kór Landakirkju hélt sína
árlegu jólatónleika. Að þessu sinni söng
Sigrún Hjálmtýsdóttir, Diddú, með kómum og
hefur það væntanlega aukið aðsókn að tón-
leikunum sem þóttu sérlega vel heppnaðir.
Þá héldu hjónin Óskar Sigurðsson og Lauga
tónleika í Hvítasunnukirkjunni ásamt Kaffi-
húsakómum og fleira tónlistarfólki, rétt fyrir
jól og einnig þétt setinn bekkurinn þar.
Gáfu Biblíur til Landakirkju og
allra skólanna
Hjónin Lóa Skarphéðinsdóttir og Magnús
Kristinsson gáfu Biblíur í alla skóla bæjarins
sem og til Landakirkju. Þau hjón sögðu þetta
þakklætisvott fyrir að hafa fengið að starfa í
Landakirkju, sem þau gerðu lengi.
Veðravíti
Fádæma leiðinleg tíð einkenndi desember-
mánuð og nokkur stórviðri sem gengu yftr.
Fór veðurhæðin nokkrum sinnum yfir 30
metra á sekúndu. Nokkurt tjón varð í fyrsta
hvellinum, m.a. fuku jámplötur á haf út, en
þær áttu að fara í nýju frystigeymsluna inni á
Eiði.
Vildu frekar aura
Það kom ýmsum á óvart þegar formaður IBV
íþróttafélags stakk upp á því að byggingu
knattspyrnuhússins yrði frestað um eitt ár en í
staðinn fengi IBV 15 milljónir frá bænum.
Fjárhagsleg staða félagsins var ekki góð og
þetta hugsað sem leið út úr þeim vandræðum.
Bæjarstjóri sagðist myndi íhuga málið, kæmi
það formlega inn á borð til sín.
Lífeyrissjóðurinn neitaði
Ekkert varð úr því að Isfélag Vestmannaeyja
og Kristinn ehf. keyptu hluti þeirra
Stillubræðra í Vinnslustöðinni. Þeir Isfélags-
menn höfðu sett þann fyrirvara á að þeir vildu
fá hlut sem næmi 35% í Vinnslustöðinni og
urðu því að treysta á að aðrir hluthafar vildu
selja. Falast var eftir hlut Lífeyrissjóðs
Vestmannaeyja en þar á bæ neituðu menn að
selja og því varð ekkert úr þessum kaupum.
14 stúdentar
Alls voru 34 nemendur útskrifaðir frá
Framhaldsskólanum við slit haustannar. Þar
af voru 14 stúdentar, sex úr grunnnámi bygg-
inga- og mannvirkjagreina, 13 vélaverðir og
einn af 2. stigi vélstjómar..
Þessi annáll ársins 2007 er að mestu leyti
unninn upp úr blaðinu Fréttum, stiklað á stóru
í helstu fréttnœmu atburðum ársins. Eflaust
finnst einhverjum sem einhverju hafi verið
sleppt sem átt hefði að vera hér og œtlar skrif-
ari ekkert að þrœtafyrir slíkt, né heldur biðj-
ast afsökunar á því. Það verður bara að hafa
það, enda er þetta ekki sagnfrœðileg úttekt
heldur meira til gamans gert sem og upp-
rifjunar á atburðum ársins. Skrifari vill óska
lesendum Frétta árs og friðar með ósk um að
nýtt ár megi verða uppspretta sem flestra
jákvœðra viðburða.
Gjört á jólaföstu 2007
Sigurgeir Jónsson