Fréttir - Eyjafréttir - 10.01.2008, Blaðsíða 18
18
Fréttir / Fimmtudagur 10. janúar 2008
Sjaldan hafa fleiri fylgst með Þrettándagleðinni:
Þar mátti sjá mörg gamalkunnug andlit
Ekki er hægt að slá á það
nákvæmlega hvað margir eltu
Grýlu og Leppalúða og
jólasveinana á laugardaginn og
hver fjöldinn var sem fylgdist
með þrettándagleðinni á
malarvellinum. En þeir voru
margir og ekki ósennilegt að
milli 2000 og 3000 manns hafi
verið í kringum malarvöllinn
sem verður að teljast gott í
bæjarfélagi sem telur liðlega
4000 íbúa.
Og það var ánægjulegt að sjá
mörg gamalkunn andlit í
logunum frá varðeldinum.
Þetta voru brottfluttir Eyja-
menn sem voru mættir til að
gefa börnum sínum kost á að
upplifa þann ævintýraheim sem
þrettándinn í Vestmannaeyjum
er. Og sú ákvörðun IBV-
íþróttafélags að halda sig við
laugardaginn gekk upp.
Það hefur verið tekist á um
það í nokkur ár hvort færa ætti
þrettándagleðina til, þ.e. að
halda hana á sjálfum þrettánd-
anum eða laugardeginuin sem
er næstur honum. A síðasta ári
bar þrettándann upp á laugar-
dag og sýndi sig að gestir sem
hingað komu höfðu sjaldan eða
aldrei verið fleiri. Því var
ákveðið að gera tilraun til
tveggja ára með aðkomu
bæjarins sem hækkar framlag
sitt verulega á þessu ári.
Það er engu líkara en þetta
framtak íþróttahreyfingarinnar
í Eyjum, að gera þrettándanum
góð skil, sé veðurguðunum
þóknanlegt því nú, eins og
stundum áður, gerði hið besta
veður um leið og jólasveinarnir
hófu göngu sína ofan af Hánni
með kyndla sína. Þaðan var
haldið upp Heiðarveg með
Grýlu og Leppalúða í farar-
broddi.
Jólasveinar höfðu viðkomu á
Hraunbúðum en saman kom
hersingin inni á malarvclli. Þar
hófst álfadans og tröllin fóru
mikinn við misjafnar undir-
tektir yngsta fólksins. En eftir-
vænting og ánægja skein úr
flestum andlitum og hámarkið
var þegar öllug flugeldasýning
hófst.
Það er ótrúleg vinna sem fólk
er tilbúið að leggja á sig þegar
kemur að þrcttándanum og
hafa sumir ekki látið sig vanta
einn einasta þrettánda í ára-
tugi. Grunnurinn var lagður
fyrir 59 árum þegar Knatt-
spyrnufélagið Týr hélt sína
EFTIRVÆNTING og gleði skein af hverju andliti.
SUM TRÖLLIN eru þrír til
fjórir metrar á hæðina.
fyrstu þrettándagleði. Jóla-
sveinarnir eru þrettán og álfar
og púkar halda sínu striki en
tröllum hefur fjölgað með ár-
unum og þau stækkað, bæði á
hæð og breidd. Það sýnir að
enn er metnaðurinn fyrir hendi
og sjaldan eða aldrei hefur
flugeldasýningin verið glæsile-
gri. Það hlýtur því að vera til-
hlökkunarefni fyrir unga og
aldna, álfa, púka, tröll, jóla-
sveina og Grýlu og Leppalúða
að mæta að ári því allir héldu
heim til sín með gleði í hjarta
þó þrettándanum hafl verið
þjófstartað um einn dag í ár.
ÁLFAKÓNGUR og álfadrottning fóru fyrir sínu liði í dansinum.
JÓLASVEINAR af öllum gerðum og stærðum voru mættir.
Sést hafa fegurri hjú en Grýla og Leppalúði en þeirra yrði sárt saknað ef þau létu ekki sjá sig á þrettándagieðinni í Eyjum.