Fréttir - Eyjafréttir - 17.01.2008, Blaðsíða 11

Fl'gttir / Fimmtudagur 17. janúar 2008
11
Vestmcmnaeyjar
BÆJARSTJÓRINN í Vestmannaeyjum þarf víða að koma við. Hér er Elliði á
Vestmannaeyjasýningu sem haldin var í Smáralind fyrir réttu ári.
má. Áætlaður kostnaður er um 280 milljónir
með jarðvegsframkvæmdum.
Utivistarsvæði við íþróttamiðstöð
Þegar hefur verið samþykkt að ráðast í algerar
endurbætur á útivistarsvæði við Iþrótta-
miðstöð og eru arkitektar að vinna að hönnun
þess í samráði við Vestmannaeyjabæ.
Fyrirhugað er að þar verði að finna fyrsta
flokks aðstöðu fyrir böm og aðra sundlaug-
argesti með vatnsrennibrautum, gosbrunnum,
fossum og öðm. Þá verða þar setulaugar og
sólbaðsaðstaða og er áhersla lögð á að hönnun
svæðisins endurspegli náttúru og menningu
Vestmannaeyja.
Um leið verður unnið að endurbótum á bún-
ingsklefum sundlaugar. Áætlaður kostnaður
er um 60 milljónir.
Nýtt gólf í „gamla sal“ íþróttamiðstöðvar
Gólfefni í gamla íþróttasalnum er fyrir löngu
orðið úrelt og hefur í raun verið skaðlegt iðk-
endum í of langan tíma. Á árinu verður nýtt
gólfefni lagt á salinn enda er hann besti
kennslusalurinn og því mikilvægur skólastarfi
og íþróttalífi okkar Eyjamanna. Áætlaður
kostnaður er um 14 milljónir.
Upptökumannvirki hafnarinnar
Vestmannaeyjabær er útgerðarbær og stoltur
af þeirri nafnbót. Hluti af því að viðhalda og
hvetja þann vöxt sem er í sjávarútvegi er að
þjónusta hafnarinnar sé ætíð eins mikil og góð
og mögulegt er. Einn af homsteinum þjón-
ustunnar er upptökumannvirki. Eftir að
vemlegt tjón varð á upptökumannvirkinu á
árinu 2006 hefur ekki verið hægt að taka skip
upp til viðhalds.
Vestmannaeyjabær hefur þegar lýst eindregn-
um vilja sínum til aðkomu að því gefnu að
ríkið standi við loforð um fjárhagslega þátt-
töku vegna framkvæmdarinnar. Þvf miður
hefur ESA komið í veg fyrir framkvæmdir en
vonir standa til að hægt verði að ráðast í
verklegar framkvæmdir á árinu.
Stórskipahöfn
Undanfama mánuði hefur Siglingastofnun
íslands unnið að rannsóknum og úttektum
vegna stórskipahafnar enda ljóst að vöntun á
slíkri aðstöðu fer að verða okkar Akkilesar-
hæll.
Til athugunar hafa verið þrír kostir og er
beðið eftir áliti Siglingastofnunar. Ljóst er að
aðkoma nkisins er forsenda þess að hægt verði
að ráðast í framkvæmdir og standa vonir okkar
til þess að slíkt verði auðstótt. Forsendur
Vestmannaeyjabæjar gera ráð fyrir að verkleg-
ar framkvæmdir geti hafist á næsta ári og því
þarf að koma málinu í formlegan farveg sem
fyrst.
Samgöngur
Áfram verður unnið að framtíðarsamgöngum
og þurfa heimamenn að vanda sig sérstaklega
á næstu mánuðum enda þá gengið frá hnúlum
sem þurfa að halda a.m.k. næstu 15 árin.
Vestmannaeyjabær hyggst á árinu taka þátt í
útboði á ferjunni í því sjónarmiði að við höl-
dum sjálf utan um lífæð þá sem felst í sam-
göngum.
Þá verður einnig unnið að því að bæta
samgöngur til skemmri tfma og enn ein
tilraunin gerð til þess að efla siglingar á sigl-
ingaleiðinni Vestmannaeyjar - Þorlákshöfn, til
að mynda með næturferðum. Enn eru rúm 2
ár í að hægt verði að hefja siglingar í
Landeyjahöfn og núverandi ástand er óþol-
andi. Við því þarf að bregðast.
Málefni fatlaðra
Unnið er að samningi við nkið um málefni
fatlaðra en enn hafa þeir ekki tekist. Vest-
mannaeyjabær stefnir þó að þvf að ljúka þess-
um samningum eins fljótt og verða má. Þörf
er fyrir bæði stefnumótun og aukna þjónustu í
málaflokknum og þá ekki síst í því er snýr að
búsetumálum.
Málefni aldraðra
Vestmannaeyjar eru frábært samfélag að búa í.
Þeir sem skópu samfélagið eiga því algeran
rétt á að málefnum þeirra sé sinnt af kost-
gæfni. Á árinu 2008 verður ráðist í stefnumót-
unarvinnu í málefnum aldraðra og standa
vonir til þess að hægt verði að gera verulegar
bragarbætur í þeim málaflokki. Sérstaklega
þarf að huga að heilbrigðisþjónustu og búsetu-
málum í málaflokknum.
Þjónusta dagmæðra
Ríkur vilji er hjá Vestmanneyjabæ til að efla
og bæta dagmæðrakerfið sem fyrir er nokkuð
gott hjá okkur. Athuga þarf vel hvort hægt sé
að auka niðurgreiðslu og fjölga úrræðum.
Stefnan er sú að dagvistun bama sé ekki
fyrirstaða þegar fólk velur að flytja með böm
á leikskólaaldri til Vestmannaeyja.
Grunnskólar
Gmnnskóli Vestmannaeyja hefur verið í mik-
illi endurskoðun seinustu ár. Vestmanna-
eyjabær telur að rekstrarform hans sé nú
komið í nútímalegra horf um leið og ákveðin
hagræðing hefur átt sér stað. Þessi hagræðing
gefur okkur nú kost á að ráðast í endurskoðun
á innra starfi skólans á árinu 2008. Mark-
miðið er m.a. að bæta árangur nemenda í sam-
ræmdum mælingum og auka gæði skóla-
starfsins.
Menningarmál
Vestmannaeyjabær hefur mikinn metnað í
menningarmálum. Talverð endurskoðun hefur
þegar átt sér stað og Ijóst er að bygging menn-
ingarhúss kemur til með að verða mikil
vítamínsprauta í allt menningar- og safnastarf
í Vestmannaeyjum.
Fyrirhugað er að samtvinna safnastarf á nátt-
úrusviði sem allra mest við rannsókna- og
fræðastarf. Þannig sjá menn t.d. fyrir sér sam-
eiginlega aðstöðu fyrir náttúrusafn (fiskasafn)
og vísindastarf á vegum Setursins. Mark-
miðið er að slíkl safn verði einstakt á lands-
vísu.
Surtseyjarstofa verður stolnuð og verður
henni ætlað að hýsa bæði safna- og vísinda-
starf. Fyrirhugað er að endurskoða allt starf
byggðasafns og horfa til sérhæfingar þess.
Tónlistarskólinn er einn sá öflugasti á Iandinu
og verður þess gætt að þeirri stöðu verði
haldið. I Vestmannaeyjum á að skapa um-
hverfi og aðstæður þar sem bæjarbúar og
gestir þeirra geta notið lífsins með þátttöku í
ríkri og sérstæðri menningu.
Pompei Norðursins
I ár eru 35 ár liðin frá upphafi og lokum eld-
gossins. Unnið er að samstarfi við hönnuði til
að skerpa á heildarmynd svæðisins og til
stendur að á goslokahátíðinni í byrjun júlí
verði lokið við fyrsta áfanga verkefnisins.
Pompei Norðursins hefur nú þegar hlotið
talsverða athygli innanlands og utan, enda
verkefnið einstakt.
Fræðslu- og þekkingarsetur
Eitt af lykilatriðum búsetuþróunar er sá
kraftur og frumkvæði sem fylgir háskólasam-
félagi. Vestmannaeyjabær leggur mikla
áherslu á uppbyggingu háskólasamfélags hér í
Vestmannaeyjum. Landsvæði hér á landi, eins
og svo víða erlendis, eru í óða önn að þróast í
átt til enn frekari þekkingarhagkerfa og í því
viljum við taka þátt. Hér í Eyjum eigum við
gríðarlega möguleika á sviði háskólastarfs,
bæði hvað varðar rannsóknir og kennslu.
Á árinu 2007 var því ráðist í mikla -og löngu
tímabæra- vinnu við endurskipulagningu
slíkrar starfsemi hér Vestmannaeyjum. Stefna
Vestmannaeyjabæjar er að stórefla allt
rannsókna-, fræða- og menntastarf á
háskólastigi og markið sett á að fjölga starfs-
mönnum sem starfa innan rannsókna- og
fræðasetursins úr 14 í 44 á kjörtímabilinu.
Uppbygging í miðbæ og fegrunaraðgerðir
Vestmannaeyjar eru fallegasta svæði í heimi.
Því hvílir enn ríkari ábyrgð á stjómendum
Vestmannaeyjabæjar hvað varðar skipulags-
og umhverfismál. Á árinu 2008 verður ráðist
í næsta skref í uppbyggingu á miðbæ
Vestmannaeyja og sérstaklega horft til
Bárustígs og Strandvegar.
Þá er einnig fyrirhugað að ráðast í
fegrunaraðgerðir víðs vegar um bæinn. Áætl-
að er að stórefla viðhald húsnæðis Vestmanna-
eyjabæjar og áætlaðar 32 milljónir í slíkt
viðhald.
Margt fieira, bæði stórt og smátt, er
fyrirhugað á árinu 2008. Upptalning sú sem
hér hefur farið fram er því hvergi nærri
tæmandi. Vestmannaeyjabær ætlar enda ekki
að láta neins ófreistað í að skapa það fyrir-
myndarsamfélag sem við viljum byggja.
Fylgt úr hlaði
í þróun samfélags er að mörgu að hyggja. Því
miður hefur Vestmannaeyjabær ekki haft bol-
magn til að ráðast í þörf verkefni seinustu ár
en nú er áferðið betra og íbúar eiga að finna að
þeir búa í besta bæjarfélagi á íslandi.
Framkvæmdir næstu ár verða miklar og allar
miða þær að því að stefna samfélaginu til móts
við nýja tíma. Atvinnuhættir okkar hafa verið
að breytast og fyrirsjáanlegar eru enn meiri
breytingar. Sumar til hins betra en af öðrum
stendur okkur ógn.
Mannauður er lykilatriði í samkeppnishæfni,
hagþróun og bættum lífskjörum. Þessi þróun
krefst aukinnar áherslu á uppbyggingu mann-
auðs, s.s. innan menntakerfis, ekki síst
háskólamenntunar, eigi Vestmannaeyjar að
verða samkeppnishæfr í verðmætum og lífs-
kjörum. Framtíðarsýn okkar felur í sér að hér
rísi öfiugt háskólasamfélag sem sérhæfir sig í
rannsóknum og kennslu, tengdri okkar ein-
stöku náttúru og sérstæða mannlífi.
Að því gefnu að vel verði að verki staðið er
framtíð okkar björt. Staðan í dag er sú að
okkur Eyjamönnum hefur fækkað nánast
stöðugt frá árinu 1991. Við þessu verðum við
að bregðast og við þessu höfum við verið að
bregðast. Þetta hefur skilað því að fækkun
ársins í ár er sú minnsta síðan 1993 eða milli
30 og 40 íbúar á móti 100 íbúa fækkun í fyrra.
Sameinað markmið okkar er að árið 2008
skuli þeim fjölga í fyrsta skipti í 17 ár. Þegar
svona árar verða stjórnendur að hafa kjark og
þor til að taka ákvarðanir sem um tíma kunna
að virka umdeildar, ófáar slíkar hafa verið
teknar frá því að núverandi bæjarstjóm tók við
stjórnun Vestmannaeyja eins og skrifin hér
sýna.
í mínum huga er það hafið yfir allan grun að
á næstu árum verður ráðist í stórar
framkvæmdir sem fela í sér byltingu hvað
samgöngur og byggðaþróun varðar. Það er
ánægjulegt fyrir okkur sem staðið höfum í
framvarðasveit 1 baráttunni fyrir bættum
samgöngum þegar slíkur árangur næst. Þessi
bylting í samgöngum hefur þegar haft merkj-
anleg áhrif hér í Vestmannaeyjum. Líflegt
hefur verið á fasteignamarkaði, atvinnulíf er
hér gríðarlega sterkt og fasteignaverð hækkað
verulega. Allt er þetta tekið sem vísbending
um trú á svæðinu og almennt um betra ástand.
Við þetta bætist að atvinnulíf er hér gríðarlega
sterkt og sjávarútvegsfyrirtæki hafa verið að
styrkjast.
Einhvers staðar stendur „Öll él birtir upp um
síðir“. Við Eyjamenn höfum nú staðið af
okkur éljahríð, það hefur stytt upp og spáin er
góð.