Fréttir - Eyjafréttir - 31.01.2008, Blaðsíða 13

Fréttir / Fimmtudagur 31. janúar 2008
13
Lögreglan - fiðstoð í ófazrð:
Losuðu rær af hjólbarða
Lögreglan hafði í nógu að snúast í vikunni sem
leið við að hjálpa fólki sem komst ekki leiðar
sinnar sökum veðurs og ófærðar. Jafnframt var
Björgunarfélagið lögreglu til aðstoðar við að ferja
fólk á milli staða og losa bifreiðar sem sátu fastar.
Skemmdarverk voru tilkynnt til lögreglu í vik-
unni. Rær höfðu verið skrúfaðar af hjólbarða með
þeim afleiðingum að hjólbarðinn datt undan
bifreiðinni og urðu skemmdir á aurhlíf sökum þess.
Ekki er vitað hver þama var að verki. Hvetur lögreglan þá sem einhverjar
upplýsingar hafa um hver losaði ræmar að hafa samband við lögreglu.
Lögreglan:
Stálu trommudiskum í Fiskiðjunni
Þjófnaður var tilkynntur til lögreglu í vikunni
en um er að ræða þjófnað á trommudiskum
(cymbölum) sem talið er að hafi verið stolið úr
hljómsveitaraðstöðu Fiskiðjunnar um það leyti
sem bruni varð þar um miðjan desember.
Stolið var tveimur diskum sem eru af gerðinni
Paiste, annar 17" og er letrað á diskinn „Dark
ener“ en hinn 14" og er letrað á þann disk
„Signature thin China“. Eru þeir sem upplýs-
ingar hafa um hver stal þessum diskum beðnir um að hafa samband við
lögreglu.
35 ár frá upphafi Eyjagoss
Grein
Sigurður Jónsson skrifar: Höfundur er sveitarstjóri í Skeiða- og Hruna- K 4
23. janúar 2008 klukkan 18:02.
í dag 23. janúar eru liðin 35 ár frá
upphafi gossins á Heimaey.
Tímamótanna verður minnst í
Eyjum með blysför og þakkargjörð.
Eldgos í byggðinni okkar Eyja-
manna var mikil lífsreynsla. Það er
einkennileg tilfinning að vera
vakinn upp og sagt að það sé
komið eldgos alveg í næsta ná-
grenni. Ótrúlegt fyrir fjölskylduna
að þurfa að yfirgefa heimabyggðina
á þennan hátt.
Heimaey er ekki mjög stór um sig
og því hreint ótrúlegt að eldgosið
skyldi koma upp austast á eyjunni
þannig að hægt var að bjarga öllum
íbúum. Hefði þetta skeikað nokkr-
um metrum sæti ég hér ekki við
tölvuna að skrifa þennan pistil.
Það er eðlilegt að Eyjamenn hafi
þakkargjörð þennan dag. Þrátt fyrir
gífurlegt eignatjón, breytingu á
landslaginu og mikilli röskun á
högum Vestmannaeyinga megum
við þakka Guði fyrir að allir björg-
uðust.
Þegar við fórum að átta okkur á því
að næstu mánuðina færum við ekki
til Eyja og reyndar á fyrstu mán-
uðum ársins 1973 vorum við ekkert
EYJAMENN minntust þess með eftirminnulegum hætti að 35 áru frá
upphafi gossins 1973.
viss um að til Eyja væri yfir höfuð
hægt að fara í framtíðinni.
Eg held að þetta óvissuástand hafi
verið mjög erftitt fyrir okkur mörg.
Þegar líða fór á veturinn reiknuðum
við með að þurfa að setjast til fram-
búðar uppi á fastalandinu. Við
hjónin fengum því kennarastarf og
húsnæði á Stokkseyri. Reyndar
kom aldrei til þess því ákveðið var
að hefja kennslu haustið 1973 í
Eyjum.
Það voru einkennilegir dagar
þegar kennsla hófst að nýju. Örfáir
nemendur voru í hverri bekkjar-
deild en með viku hverri fjölgaði
nemendum. Menn reyndu að gera
gott úr öllu þótt þetta skapaði
vissulega mikla erfíðleika í
kennslunni.
Mikið lifindis ósköp var þetta nú
skrítið ástand í byrjun. Allt kolsvart
og ef vind hreyfði var skafrenn-
ingur nema að það var svart vikur-
fok.
Af mikilli bjartsýni og áræðni
hófst svo uppbyggingin. Menn voru
staðráðnir í því að láta byggð á
Heimaey aftur verða að raun-
veruleika. Allt var byggt upp miðað
við að bærinn gæti aftur náð sinni
fyrri stærð en í gosbyrjun voru
Vestmannaeyingar rúmlega 5300.
Af ýmsum ástæðum hefur það
markmið ekki enn náðst, en mér
finnst að það fólk sem stjórnar nú í
Eyjum sé fullt af bjartsýni og muni
á næstu árum ná að efla samfélagið
enn frekar.
Vestmannaeyjabær stendur nú vel
fjárhagslega og á því meiri mögu-
leika en áður til að gera góða hluti.
Menn sjá fram á byltingu í sam-
göngumálum á næstunni. Það á
eftir að verða mikil vítamínsprauta
fyrir Eyjasamfélagið.
Þótt það hafí orðið hlutskipti
minnar fjölskyldu að búa frá 1990 á
fastalandinu (sem ég fer ekki frekar
út í í þessu spjalli), get ég vel tekið
undir með Elliða bæjarstjóra að það
eru bæði kostir og gallar að búa á
eyju eins og Heimaey þótt kostirnir
séu fleiri.
Það var gaman að taka þátt í
bæjarpólitíkinni á meðal öll upp-
byggingin átti sér stað. Það var allt
á fullu og smátt og smátt breyttist
bærinn til betri vegar. Auðvitað
verður Heimaey aldrei sú sama og
áður, en þrátt fyrir gosið er nátt-
úrufegurðin í Eyjum alveg einstök.
Eg vona svo sannarlega að
Vestmannaeyjar eigi eftir að eflast
mjög í framtíðinni. Það er hagur
okkar allra.
Spurning vikunnar:
Bortar liú
þorra-
matP
Vignir Stefánsson
-Ekkert súrt, en
annars er áhuginn
ekki mikill.
Þórgunnur
Hartmannsdóttír
-Ég borða engan
súrmat en
hangikjöt og harð-
físk borða ég.
Einar Friðþjófsson
-Ég borða ekkert
súrt en mér þykir
hangikjöt og
saltkjöt gott.
Þórarinn
Vaidimarsson
-Nei, alls ekki.
Sólueig Rut
Magnúsdóttir
-Já, ég borða harð-
fisk og slátur.
Frá Félagi um Tyrkjaránssetur:
Blómlegt starf og fjölmargt framundan
Félag um Tyrkjaránssetur í Vest-
mannaeyjum heldur aðalfund sinn
laugardaginn 2. febrúar nk. kl. 17 í
Bókasafninu. A dagskrá fundarins
eru venjuleg aðalfundarstörf en auk
þess verður horft til framtíðar og
næstu skref í starfi félagsins
ákveðin.
Sem kunnugt er stóð félagið fyrir
viðamikilli dagskrá sl. sumar í
tilefni af því að á árinu 2007 voru
liðin 380 ár frá Tyrkjaráninu sem
markaði djúp spor í sögu Vest-
mannaeyja. Settar voru upp sýn-
ingar í tilefni atburðanna og síðast
en ekki síst var haldin samfelld
dagskrá í vikutíma um miðjan júlí
þar sem boðið var m.a. upp á
fyrirlestra, hljómlist, sýningar af
ýmsu tagi, göngur, leikþætti og
veglega lokadagskrá á Skansinum.
Dagskránni þar lauk með áhrifa-
mikilli kertafleytingu. Mörg-
hundruð bæjarbúa og gesta tóku
þátt í dagskránni sem sannarlega
setti svip á bæjarlífið um miðjan
júlí.
Næstu verkefni félagsins eru
fjölmörg. Áfram verður haldið að
leggja grunn að Tyrkjaránssetri sem
standa á til framtíðar fyrir alla þá
fjölmörgu sem áhuga hafa á sögu
og menningu Vestmannaeyja. Þá
hefur verð ákveðið að halda hér í
Eyjum alþjóðlega ráðstefnu í
tengslum við sögu Tyrkjaránsins.
Reynt verður að fá til hennar þátt-
takendur víða að úr heiminum til
þess að gera hana sem áhuga-
verðasta og íjölbreyttasta. Er ekki
að efa að slík ráðstefna getur átt
sinn þátt í að gera ýmsum þáttum
FÉLAGIÐ fékk Fréttapýramídann fyrir blómlegt starf á síðasta ári. Hér er Þórður Svansson að taka við
viðurkenningunni ásamt Kristínu Ásmundsdóttur formanni Ránar, fimleikafélags.
úr sögu Vestmannaeyja betri skil
en hingað til hefur verið gert.
Ymislegt annað er á döfmni í starf-
semi félagsins.
Fjölmargir aðilar hafa stutt við
bakið á félaginu. Styrkir hafa
fengist víða að. Alþingi hefur veitt
fjárstyrk til starfseminnar, svo og
ýmsir sjóðir og stofnanir. Þá hafa
bæjaryfirvöld í Vestmannaeyjum
sýnt félaginu velvild og stuðning.
Ollum þessum aðilum kann félagið
bestu þekkir.
Félag um Tyrkjaránssetur er öllum
opið. Vestmannaeyingar og aðrir
eru hvattir til að ganga í félagið og
efla þannig starfsemi þess. Þess
vegna eru allir velkomnir á aðal-
fund félagsins 2. feb. nk.
Fréttatilkynning frá Félagi um
Tyrkjaránssetur
Einn stút-
ur og
þrír sem
stungu af
Einn ökumaður var stöðvaður í
vikunni vegna gruns um ölvun
við akstur auk þess sem í Ijós
kom að hann hafði ekki öðlast
réttindi til akstur bifrciðar. Þá
fengu tveir ökumenn sektir fyrir
að leggja ólöglega.
Þrjár tilkynningar bárust
lögreglu um um árekstur þar sem
sá sem tjóninu olli hafði ekki
fyrir því að tilkynna um óhappið.
Fimm önnur umferðaróhöpp
voru tilkynnt lögreglu í vikunni
sem leið en í öllum tilvikum var
um minni háttar óhöpp að ræða
og engin slys á fólki. Flest þess-
ara óhappa má rekja til þeirrar
ófærðar sem verið hefur á götum
bæjarins undanfarna daga.