Fréttir - Eyjafréttir - 14.02.2008, Blaðsíða 11
Fréttir / Fimmtudagur 14. febrúar 2008
11
Fjármálamarkaðarinn:
MK 12. stærsti í Landsbankanum
Smáey ehf., eignarhaldsfélag í eigu
Magnúsar Kristinssonar, hefur bæst í hóp
stærstu hluthafa Landsbankans. Samkvæmt
lista yfir tuttugu stærstu hluthafa bankans í
lok janúar er Smáey orðin 12. stærsti
hluthafinn með 1,75% hlut.
Verðmæti hlutarins er ríflega 5,6 milljarðar
króna en gengi hlutabréfa Landsbankans
hefur lækkað um 19% það sem af er ári.
Morgunblaðið greindi frá.
Gísli Hdgason - Eyjapistlar á stafraznt form:
Á einhver pistla í fórum sínum?
Eins og kom fram í Fréttum fyrir skömmu er
Gísli Helgason að yfirfæra Eyjapistlana, sem
hann og Arnþór bróðir hans stjómuðu í gos-
inu 1973, yfir á stafrænt form. Gísli segist
vera búinn að grafa upp alla þætti, sem til eru
hjá Ríkisútvarpinu og í sínum fórum.
Nú spyr hann hvort einhverjar líkur séu á að
einhverjir lumi á gömlum böndum með ein-
hverjum þáttum?
Þeir geta haft samband við Gísla á slóðinni hljodbok@internet.is.
Tímafrekt en skemmtilegt viðfangsefni
-segir söguritarinn, Sigurgeir Jónsson - Hægt verður að kaupa bókina í
Saga Golfklubbsins kemur út í júní
áskrift á hagstæðu verði
VIÐ lögðum upphaflega af stað með það að þetta yrði bók upp á 150
til 200 blaðsíður,“ segir Sigurgeir. „Auðvitað er búið að sprengja þann
ramma og hún verður eitthvað á fjórða hundrað blaðsíður, ríkulega
myndskreytt.
í ár fagnar Golfklúbbur Vestmanna-
eyja 70 ára afmæli sínu en klúbb-
urinn var stofnaður 4. desember
1938 og er þriðji elsti golfklúbbur á
Islandi. Fjölmargt verður á döfinni
á árinu til að minnast þessara tíma-
móta, m.a. verður fslandsmótið í
höggleik haldið hér í sumar. En
viðamesta verkefnið á þessu af-
mælisári er útgáfa á sögu klúbbsins
frá upphafi fram til okkar daga.
Sigurgeir Jónsson, kennari og
okkar maður á Fréttum, hefur unnið
við það verk um nær tveggja ára
skeið og nú sér fyrir endann á því,
þar sem áætlað er að bókin verði
tilbúin í júní og verði þá kynnt á
sérstöku afmælismóti.
Sigurgeir segir að stjóm klúbbsins
hafi ámálgað við sig árið 2006 að
taka saman sögu GV. Upphaflega
hafi sér ekki litist nema rétt mátu-
lega á það, þar sem svo virtist sem
mikið af heimildum, á borð við
fundargerðabækur og kappleikja-
bækur, væri glatað. En svo hafi
það fundist og þá hefði málið horft
öðmvísi við.
„Við lögðum upphaflega af stað
með það að þetta yrði bók upp á
150 til 200 blaðsíður,“ segir
Sigurgeir. „Auðvitað er búið að
sprengja þann ramma og hún
verður eitthvað á fjórða hundrað
blaðsíður, ríkulega myndskreytt.“
Myndimar koma víða að, elstu
myndimar eru í eigu klúbbsins og
eins hafa félagar í GV og fleiri átt
myndir frá gamalli tíð. En myndir
frá seinni ámm eru aðallega úr
safni Sigurgeirs Jónassonar sem og
úr myndasafni Frétta. Mótahaldi
klúbbsins á þessum 70 ámm em
gerð góð skil, sem og öðm starfi, til
að mynda framkvæmdum við
völlinn og húsnæði klúbbsins. Þá
er rætt við nokkra gamla félaga, þar
á meðal eina stofnfélagann sem enn
er á lífi, Gissur O. Erlingsson, sem
er 99 ára og enn í fullu fjöri. Sögur
af golfvellinum era einnig rifjaðar
upp í bókinni. Bókin mun verða
góð viðbót í sögu Eyjanna og efni
hennar tengist mörgum fjölskyldum
í Eyjum.
Akveðið hefur verið að selja bók-
ina í áskrift. Þeir sem vilja eignast
hana á hagstæðu verði, geta pantað
eintak í áskrift og fá þá nafn sitt
skráð á heiðursnafnalista, er verður
í bókinni. Sigurgeir segir að
lokafrestur til þess sé til 10. mars
nk. „Við erum að vinna í umbroti
og lokafrágangi þessa dagana og
áætlum að því verði lokið og allt
klárt til prentunar þann 10. mars og
þá þurfum við að vera búnir að fá
nöfnin," segir Sigurgeir. Þetta
áskriftarverð er 5000 kr. og hægt er
að panta áskrift með því að senda
tölvupóst á golf@eyjar.is eða hafa
samband við framkvæmdastjóra
klúbbsins í síma 481-2363 og 893-
1068.
Sigurgeir segir að þetta starf haft
verið mun tímafrekara en hann átti
von á. „Menn hafa verið misjafn-
lega duglegir að halda saman heim-
ildum og sum árin er harla lítið
skráð um starf klúbbsins. Ég þurfti
t.d. að fletta í gegnum ansi marga
árganga af Fréttum og öðrum ritum
til að fá upplýsingar um sum árin,“
segir hann. „Engu að síður er þetta
búið að vera skemmtilegt við-
fangsefni og ég er orðinn margs
vísari eftir þetta, bæði um klúbbinn
og félaga hans,“ bætir hann við.
Éins og áður segir, er áætlað að
bókin verði tilbúin í júní og verður
þá afhent þeim sem pantað hafa
hana í áskrift. Sigurgeir vill hvetja
fólk til að panta áskrift, enda
verður bókin dýrari í almennri sölu.
Spurning vikunnar:
Horfðir
Hú ð leik
íBVog
Haukaí
Slðn-
varpinu?
Sveinbjörn
Guðmundsson
- Nei, nema að ég
náði síðustu mín-
útunum..
Harpa
Björgvinsdóttir
- Nei.
Guðmundur
Magnússon
- Nei.
Ágústa
Hafsteinsdóttir
-Nei, en ég heyrði
að ÍBV hefði
staðið sig mjög
vel.
Eyjafréttir.is
- fréttir millí Frctta
Attatíu ár frá frækilegu afreki Jóns í Holti
VIÐ MINNISVARÐANN á Ofanleitishamri um þetta frækilega afrek Jóns í Holti. Afkomendur hans minnt-
ust þess síðasta sumar að þá voru 100 ár frá fæðingu Jóns.
í gær, 13. febrúar, vom liðin 80 ár
frá því Jón Vigfússon frá Holti
vann frækilegt björgunarafrek með
því að klífa Ofanleitishamar og
bjarga þannig sér og skipsfélögum
sínum.
Sl. sumar þ.e. 22. júlí fór fram
athöfn við minnisvarðann við
Ofanleitishamar en þann dag var
100 ára afmælisdagur Jóns sem lést
árið 1999.
„Bæjarstjóm Vestmannaeyja lét
fyrir nokkmm ámm setja upp
þennan minnisvarða og emm við í
fjölskyldunni þakklát fyrir að þessu
björgunarafreki hafi verið sýndur sá
sómi,“ segir sonur Jóns, Sigurður,
sveitarstjóri í Gnúpveijahreppi.
í Morgunblaðinu 14. febrúar 1928
segir um þennan atburð:
„Um miðnætti vom allir bátar
komnir nema m.b. Sigríður og gaf
Þór sig þá eingöngu til að leita að
þessum báti. En snemma í morgun
fréttist að þessi bátur hefði siglt á
land undir Ofanleitishamri í byln-
um og þegar brotnað í spón, en
menn bjargast. Mennimir komust á
sillu í bjarginu en þar er snarbratt
upp og létu þeir fyrirberast þar.
Einn bátsverja, Jón Vigfússon að
nafni, ungur Vestmannaeyingur,
kleif hamarinn, komst til bæja og
sagði til félaga sinna. Þegar birti
fóm sigmenn í böndum til mann-
anna og fengu bjargað þeim upp á
hamarinn.
Það er talið frábært hreystiverk af
Jóni að hann skyldi rennblautur
klífa þritugan hamarinn.sleipan og
þverhníptan."
Þetta björgunarafrek mun ömgg-
lega lifa í sögu Vestmannaeyja hér
eftir sem hingað til.
Dísel í stuði
Stuðboltarnir í Dísel komu í fyrsta
sinn til Eyja í stormasömu veðri
þann 8. febrúar síðastliðinn.
Með dúndrandi sjóriðu skutu þeir
upp kollinum í Lundanum og léku
fyrir gesti og gangandi bæði á
föstudeginum 8. febrúar og einnig á
laugardeginum 9. febrúar.
Vegna mikilla vinsælda hafa þeir
ákveðið að skella sér aftur til Éyja
helgina 22. til 24. febrúar og spila á
Lundanum
Þeir mæla því sterklega með því
að öll skip og bátar verði fast
bundin við höfn og að enginn fái að
fara neitt nema beinustu leið á
Lundann þar sem músíkin verður í
algleymingi og stuðið ekki langt
undan. Láttu þig ekki vanta á þetta
magnaða ball sem án alls vafa
verður ekki það síðasta hjá Dísel í
Vestmannaeyjum!
Fréttatilkynning.