Fréttir - Eyjafréttir - 27.02.2008, Qupperneq 1

Bílaverkstæðið
BRAGGINN sf.
Flötum 20
Vlðgerðir og smurstöð - Sími 481 3235
Réttingar og sprautun - Sími 481 1535
35. árg. I 9. tbl. I Vestmannaeyjum 27. febrúar 2008 I Verð kr. 200 I Sími 481-1300 I Fax 481-1293 I www.eyjafrettir.is
Reglugerð um loðnuveiðibann afturkölluð:
Langt síðan það hefur
sést svona mikið af loðnu
-sagði skipstjórinn á Sighvati Bjarnasyni VE - Huginn VE sprengdi nótina - Eru á
veiðum rétt austan við Eyjar - Tæp 16.000 eftir af 27.000 tonna kvóta Eyjamanna
Mikil spenna hefur ríkt í Vest-
mannaeyjum síðan sjávarútvegs-
ráðherra ákvað að stöðva loðnu-
veiðar síðasta miðvikudag. Það var
því mikill léttir þegar regiugerð um
bann við loðnuveiðum var afturköll-
uð síðdegis í gær, miðvikudag.
Þegar veiðar voru stöðvaðar voru
um 80.000 tonn eftir af útgefnum
kvóta sem var 200.000 tonn.
Þegar blaðið fór í prentun var ekki
ljóst hvort meiri kvóti verður gefrnn
út. Mikið er í húfx hér því Eyjamenn
ráða yfir þriðjungi loðnukvótans og
verðmæti loðnuafurða í Vestmanna-
eyjum var 3,3 milljarðar á síðasta
ári. Hver dagur skiptir máli og nú
verður lögð áhersla á að ná sem
mestum verðmætum úr þeirri loðnu
sem eftir er.
Eftir að veiðar voru stöðvaðar gaus
upp mikill ágreiningur sjómanna og
fiskifræðinga um mælingar á loðnu.
Halda sjómenn því fram að miklu
meira magn sé á ferðinni en kemur
fram í niðurstöðum Hafró.
Einnig greip mikil reiði um sig
þegar í Ijós kom að hafrannsókna-
skipunum var siglt til hafnar um leið
og veiðar voru stöðvaðar. Þau fóru
út á sunnudaginn og um borð í Ama
Friðrikssyni, sem leitaði við Suður-
ströndina, voru tveir reyndir loðnu-
skipstjórar. Auk þess vora alltaf ein-
hver loðnuskip á miðunum. Nú gefst
sjómönnum og vísindamönnum
tækifæri á að bera saman bækur
sínar og kemur þá í ljós hvort þeir
síðamefndu er sammála sjómönnum
um að meiri loðna sé á ferðinni nú
en undanfarin ár.
Þegar rætt var við Helga Valdi-
marsson, skipstjóra á Sighvati VE,
sagði hann fjögur skip vera að kasta
rétt fyrir austan Eyjar. Öll á sömu
torfuna. „Þetta kom vel út og við
erum búnir að dæla 600 tonnum úr
nótinni og töluvert eftir enn. Þannig
að þetta lítur vel út og mikið af
loðnu á svæðinu. Það er samdóma
álit skipstjóra að það sé langt síðan
það hefur sést svona mikið af loðnu
þrátt fyrir lélegar mælingar. Þetta
vekur vonir um að við fáum að
veiða meira,“ sagði Helgi.
Huginn VE var á leið í land vegna
þess að nótin rifnaði rétt efir að þeir
voru farnir að dæla. „Nótin rifnaði
því miður og við erum á leið í land
að gera við og förum svo strax út
aftur. Þetta var hellingskast og
skipin fengu öll góð köst,“ sagði
Huginn Guðmundsson skipstjóri.
Héldu að sér höndum
Bæði Isfélag og Vinnslustöð hafa
farið sér hægt í loðnuveiðarnar til að
geta gert úr henni sem mest verð-
mæti sem ræðst af hrognafyllingu.
Þegar hún hefur náð ákveðinni
prósentu er hún fryst á
Japansmarkað og síðar eru hrognin
nýtt. Er góður markaður fyrir þau í
Japan og víðar. Samanlagður kvóti
þeirra var 37.000 tonn og eiga þau
eftir um 26.000 tonn.
„Ég vona að þeir hafi mælt meira
en hingað til en ég hef ekkert fyrir
mér í því,“ Stefán Friðriksson, að-
stoðarframkvæmdastjóri Vinnslu-
stöðvarinnar þegar rætt var við hann
gærmorgun.
Skip Vinnslustöðvarinnar höfðu þá
veitt 2000 tonn af þeim 12.000 tonn-
um sem sem Vinnslustöðin fékk
úthlutað upphaflega.
Eyþór Harðarson, útgerðarstjóri
Isfélasins, sagði að þar biðu menn
eftir niðurstöðu mælinga þegar rætt
var við hann í gærmorgun. „Við
erum búnir að veiða 9.200 tonn og
vorum með um 25.000 tonna
upphafskvóta. Guðmundur er að
landa,“ sagði Eyþór sem auðvitað
vonast til að úr rætist og mælingar
verði hagstæðar.
Sjá nánar inni í blaðinu.
Sjávarút-
vegurinn og
Landakirkja
Núna á sunnudag verður guðs-
þjónusta í Landakirkju þar sem
Íagt verður út frá kraftaverka-
sögunni þegar Jesú mettaði fimm
þúsund manns með byggbrauðum
og tveimur fiskum.
Aherslan verður lögð á þessa
tvo fiska, kraftaverk Jesú, vonina
og siðferðilega umræðu um sjáv-
arútvegsmál á liðandi stundu í
prédikun sr. Kristjáns Björns-
sonar. Lofgjörðin verður í fyrir-
rúmi og þakkir fyrir gjafmildi
Guðs í gegnum tíðina, en hann
mun örugglega vel fyrir sjá í
framtíðinni líka ef fólkið hans
lætur ekki af því að trúa og vona.
Fólk er hvatt til að mæta og taka
þátt í helgihaldinu og sýna þann-
ig í verki að við eigum mikið
undir því að vel gangi við veiðar
og vinnslu.
Æskulýðsdagurinn í Landa-
kirkju verður aðra helgi og þá
einnig kaffihúsamessa og verður
það auglýst nánar síðar.
Frá Landakirkju.
Guðný
Bjarnadóttir
ráðin djákni
Landakirkja hefur í samstarfí við
Vestmannaeyjabæ og Heilbrigðis-
stofnun Vestmannaeyja ráðið
djákna til starfa en um er að ræða
tilraunaverkefni til eins árs.
Guðný Bjamdóttir hefur verið
ráðin til starfsins en hún lauk
djáknanámi sl. vor og sinnir starfi
djákna í hálfu starfi samhliða
ljósmóðurstarfi við Heilbrigðis-
stofnun Vestmannaeyja í hálfu
starfi. Þjónusta djákna er í
meginatriðum hugsuð við
aldraða, börn, fatlaða og inn-
flytjendur.
LOÐNUSKIPIÐ Kap í höfn í sól og blíðu.
SMURSTÖÐ OG ALHLIÐA
VÉLA- OG BÍLAVIÐGERÐIR
<5^ ÞJÓNUSTUAÐIU fOYOTA í EYJUM / VIÐ ERUM Á MÓTI STRAUMI...
FLATIR 21 / S.481-1216 / GSM.864-4616