Fréttir - Eyjafréttir - 27.02.2008, Blaðsíða 15

Frcttir / Fimmtudagur 28. febrúar 2008
15
Handbolti: Afturelding 28 - ÍBV 25 - Verma botnsætið
Komnir upp að vegg
Á sunnudaginn hélt meistaraflokks-
lið ÍBV í handknattleik í Mosfells-
bæ og mætti Aftureldingu f botnslag
deildarinnar. Búast mátti við
hörkuleik eftir að Eyjamenn sýndu
það og sönnuðu að þeir geta staðið í
þeim bestu eftir glæsilegan sigur
gegn sterku liði Stjörnunnar. Þrátt
fyrir góðan vilja tókst það ekki og
lauk leiknum með 28:25 sigri gest-
gjafanna. I hálfleik varstaðan 18:14.
Leikurinn byrjaði ekki vel fyrir
Eyjamenn. Afturelding tók fljótt
yfirhöndina og náði forystu sem
byggðist á öflugri vörn sem var
grunnurinn að góðri markvörslu.
Leiddu þeir því í hálfleik með fjór-
um mörkum 18:14.
Hálfleiksræða Gintaras þjálfara
hafði góð áhrif, Eyjamenn komu vel
stefndir til leiks og spiluðu góða
vörn. I kjölfarið kom markvarsla.
Eyjamenn náðu að minnka muninn í
GRÉTAR:
Framundan er HK aðra helgi.
Það er leikur sem við teljum
okkur eiga góðan möguleika að
vinna.
eitt mark 20:19 eftir tíu mfnútna leik
í síðari hálfleik. Afturelding tók þá
leikhlé sem hafði virkilega góð áhrif
á þá, þeir náðu aftur fyrri forystu og
lögðu grunninn að sigrinum.
Á þessum kafla kom upp það sem
hefur hrjáð Eyjamenn sárlega í
vetur, slæm sóknarnýting á mikil-
vægum köflum sem leiddi til þess
að Afturelding sigldi fram úr Eyja-
mönnum og vann leikinn með þrem-
ur mörkum 28:25.
Staðan er ekki góð fyrir Eyjamenn
sem enn sitja í neðsta sæti Nl-deild-
arinnar með fjögur stig en Aftur-
elding er einu sæti fyrir ofan þá með
níu stig. Ljóst er að róðurinn verður
þungur fyrir Eyjamenn það sem eftir
lifir tímabils.
Blaðamaður náði tali af Grétari
Eyþórsyni eftir leikinn.
„Stemmningin var bara góð að
sjálfsögðu, það var mikið í húfí en
sú stemmning skilaði sér ekki inn á
völinn í byrjum leiks,“ sagði Grétar.
„Það var ekkert sérstakt sem lagt
var upp með í leiknum. Bara það að
spila agaðan sóknarleik og að vera
fljótir aftur í vöm. Við fórum illa
með góð færi. Burtséð frá því hvað
við spiluðum illa í fyrri hálfleik þá
er það hrikaleg sóknamýting sem
fór með okkur.“
Hvað viltu segja um þessa slæmu
kafla sem hafa kostað ykkur leiki?
„Það er lítið hægt að segja um þá,
þeim hefur farið fækkandi og
vonandi að þeir haldi því áfram.
Framundan er HK aðra helgi. Það
er leikur sem við teljum okkur eiga
góðan möguleika að vinna. Við
erum komnir upp að vegg núna og
þurfum að fara að hirða stig og vona
að Afturelding fari ekki vinna fleiri
leiki.“
Góð þátttaka í maraþonskák
1352 skákir
Vel heppnað skákmaraþon fór fram
hjá Taflfélaginu um síðustu helgi.
Mikill fjöldi tók þátt í maraþoninu
að þessu sinni eða 102 manns, 79
karlar og 23 konur. Alls vom tefld-
ar 1352 skákir á þeim 24 tímum
sem maraþonið stóð, en það hófst á
hádegi á föstudag.
Þátttakendur voru á öllum aldri,
sá yngsti þriggja ára og sá elsti var
kominn yfir áttrætt. Margir krakk-
arnir tefldu stíft og sum hver fóru
varla heim til sín á þessum sólar-
hring. Um nóttina voru haldin
hraðskákmót á tveggja tíma fresti
og voru þátttakendur oftast á milli
10 og 20 talsins, og létu margir
góðir gestir sjá sig, svo sem bæjar-
stjórinn sem tók þátt í a.m.k. einu
mótinu og lögreglan leit við og
tóku lögreglumenn skák við
krakkana.
Þetta er í annað sinn sem slíkur
atburður er haldinn og tilgangurinn
fyrst og fremst að skemmta sér, en
líka vekja athygli á starfsemi
félagsins og safna peningum.
NA J 1 ‘
1
IrfrA-jjh
Líka var teflt út á gangstétt.
Meistaraflokkur karla í knattspyrnu - Lengjubikarinn og æfingaleikur:
Algjör magalending gegn frískum Völsurum
Meistaraflokkslið ÍBV karla í knatt-
spymu lék tvo leiki um helgina, einn
í Lengjubikamum og einn æfínga-
leik. Fyrri leikurinn var á móti
Islandsmeisturum Vals í Lengju-
bikarnum. Valur mætti með sitt
sterkasta lið en nokkuð marga leik-
menn vantaði í lið IBV.
Leikurinn byrjaði ágætlega hjá
Eyjamönnum sem hefðu líklega átt
að fá vítaspyrnu þegar Alex, einn af
nýjum leikmönnum IBV, frá
Brasilíu, komst einn í gegn og var
felldur innan vítateigs. Þetta átti
eftir að reynast ÍBV dýrkeypt enda
fengu þeir á sig mark skömmu síðar
eftir afskaplega klaufaleg varnar-
mistök. Eftir fyrsta markið opnuðust
flóðgáttirnar og skoruðu Valsmenn
alls sex mörk gegnu engu marki
ÍBV.
Á spjallsíðu ÍBV segist Heimir
Hallgrímsson, þjálfari Eyjamanna,
ósáttur við sína menn. „Ég var ekki
hress eftir þennan leik. Ekki að það
sé skömm að tapa móti Val en 6:0 er
of stórt og það sem verra var að
tölurnar gefa algjörlega raunhæfa
mynd af gangi leiksins. Úrslitin
segja okkur það að við verðum að
herða okkur í undirbúningnum.
Næstu helgi leikum við móti
Breiðabliki sem er ekki síður en
Valur að leika vel um þessar
mundir.“
Seinni leikurinn var æfmgaleikur
gegn Reyni frá Sandgerði sem féll
úr 1. deildinni seinasta sumar. Það
var ekki að sjá í byrjun leiks því
Reynir komst yfir snemma leiks. Þá
spýttu Eyjamenn í lófana. Var það
Ingi Rafn Ingibergsson sem fór fyrir
liðinu og skoraði þrennu og Alex eitt
mark, lokatölur því 4:1 Eyja-
mönnum í vil.
Það er greinilegt að einhver þreyta
var í liðinu í byrjun leiks en því
lengra sem leið á leikinn því meiri
urðu yfirburðir IBV. Eyjamenn eiga
leik við Breiðablik næstu helgi í
Lengjubikarnum en Breiðablik vann
virkilega sannfærandi sigur á sterku
liði Grindavíkur 1-5. Það þýðir að
Eyjamenn þurfa að koma vel
stemmdir í þann leik.
Framtíðarfólk - Róbert Emil Aronsson
Stefni á að komast á AMI
Nafn: Róbert Emil Aronsson.
Aldur: Ég er ellefu að verða tólf.
Fjölskylda: Mamma heitir Hulda
Sumarliðadóttir, fósturfaðir minn
heitir Viktor F. Guðnason og svo á
ég þrjá bræður, þá Guðna, Halldór
og Kristin.
Hvaða íþrótt/ir stundarðu: Sund,
golf á sumrin, svo er ég mikið á
hjólabretti og snjóbretti á vetuma.
Uppáhalds íþróttamaður: Örn
Arnarson.
Uppáhalds íþróttafélag: ÍBV og
Manchester United.
Uppáhalds tónlist: Hlusta voða-
lega mikið á útvarp og bara ýmsa
tónlist.
Uppáhalds kvikmynd: James
Bond myndirnar eru í miklu
uppáhaldi hjá mér.
Uppáhaids sjónvarpsefni: Top
Gear.
Uppáhalds matur: Hamborgari.
Uppáhalds drykkur: Vatn
Eftirminnilegasta atvik: Eitt sinn
var ég að keppa í baksundi og var
að synda á fullum hraða og skallaði
bakkann á sundlauginni. Kom heim
með risastóra kúlu
Hvert er markmiðið: Markmið
mitt er að komast á AMI, sem er
Aldursmeistaramót Islands. Mig
vantar tvær sekúndur í tveimur
sundgreinum.
Áttu eitthvert gott ráð: Halda
áfram að synda og vera duglegur að
mæta á æfingar.
Eitthvað að lokum: Bjarnarey er
best!
íþróttir
A lands-
liðsæfingu
Kristján Tómasson, hinn efnilegi
körfuknattleiksmaður hefur verið
valinn til að taka þátt í úrtaks-
æfingum hjá U-16 ára landsliðinu.
Kristján hefur þótt sýna mikla
hæfileika undanfarið og ljóst er að
mikið efni er þar á ferð. Þá hafa
Alexander Jarl Þorsteinsson og
Jóhann Rafn Rafnsson verið
valdir til að taka þátt í úrtaks-
æfingum hjá U-15 ára landsliðinu.
Þetta er enn ein rós í hnappagatið
hjá frábæru unglingastarfí körfu-
boltans í Vestmannaeyjum.
Þeir Amór Eyvar Olafsson og
Þórarinn Ingi Valdimarsson hafa
aftur verið valdir til að taka þátt í
úrtaksæfingum hjá eldri og yngri
hóp U-19 ára landsliðsins í
knattspyrnu. Gaman verður að
fylgjast með framvindu mála ef
þeir ná alla leið
Sigur
í þremur
Fjórði flokkur karla í handbolta
spilaði þrjá leiki um helgina og
vann sigur í þeim öllum. Leikirnir
voru gegn Fjölni en sá fór 15:23.
Næsti var gegn Víkingum og hann
vannst sannfærandi 19:27.
Seinasti leikurinn var gegn Fylki
en hann fór 17:20.
Fjórði flokkur hefur staðið sig
vel í vetur og stendur vel að vígi í
2. deildinni. Þeir sitja í fjórða
sæti, aðeins fjórum stigum á eftir
toppliðinu Gróttu.
Að snúa tapi
í sigurleiki
KFS hafði sigur á Knattspymu-
félagi Vesturbæjar 3:4 á KR-vell-
inum eftir að hafa lent 0:3 undir í
fyrri hálfleik. Mörk KFS skoruðu
Sæþór Jóhannesson 2, Egill
Jóhannsson og Hjalti Einarsson.
Þetta er í þriðja skiptið sem
Eyjamönnum tekst að snúa
töpuðum leikjum í sigur og er
Hjalti ánægður með sína menn.
Framundan
Föstudagur 29. febrúar
Kl. 20.00 Afturelding-ÍBV 2.
flokkur karla
Laugardagur 1. mars
Kl. 12.00 Afturelding-ÍBV 2.
flokkur karla
Kl. 17.00 ÍBV-KA 4. flokkur
kvenna
Kl. 18.00 Akureyri-ÍBV Ung-
lingaflokkur kvenna
Kl. 18.00 KA-ÍBV 4. flokkur
kvenna
Sunnudagur 2. mars
Kl. 11.00 ÍBV-KA 4. flokkur
kvenna
Kl. 11.00 ÍBV-Akureyri Ung-
lingaflokkur kvenna
Kl. 12.00 KA-ÍBV 4. flokkur
kvenna