Fréttir - Eyjafréttir - 13.03.2008, Side 14
14
Ffgttir / Fimmtudagur 13. mars 2008
STORMSKERIÐ brá sér á flygilinn og spilaði og söng, hafði reyndar
sér betri söngvara til aðstoðar, sjálfan lögfræðinginn og formannn IBV,
Jóhann Pétursson.
ÞEIR Voru meðal gesta, Jóhann, Gunnar, Magnús og Kristján.
Stormsker gerði stormandi lukku
Handknattleiksmenn héldu sitt
níunda herrakvöld um síðustu
helgi. Fyrstu árin voru herrakvöldin
haldin um borð í Herjólfi. En bæði
var að salarkynni skipsins voru
orðin helst til lítil fyrir hópinn sem
sífellt stækkaði. Og það sem réði
baggamuninn, að eftir að skipið fór
að sigla tvær ferðir dag hvem, gekk
dæmið ekki upp. Því var það flutt í
Höllina og þar var það nú haldið í
fjórða sinn.
Öll þessi ár hefur eðalkokkurinn
Kári Waagfjörð Vigfússon haft veg
og vanda af matseldinni ásamt
valinkunnum sælkerum. Og þeir
brugðu ekki af vana sínum og
reiddu fram sérlega vel heppnað
hlaðborð af mat, sem samanstóð af
margs konar fiskréttum, þar sem
ýmsir velunnarar handboltans lögðu
til hráefnið. Einnig nokkrum
kjötréttum fyrir þá sem frekar kjósa
kjöt af landdýrum.
Undir þessum réttum öllum lék
Þórir Ólafsson (Óskarssonar),
nýtrúlofaður, létta tónlist á flygil
hússins. Og eins og siður er á
herrakvöldum var kynnir kvöldsins,
Gunnlaugur Grettisson, með brand-
ara á hraðbergi, sem flestir voru
neðan beltisstaðar og féllu að sjálf-
sögðu í frjóan jarðveg.
Ungur Eyjapeyi, Davíð Agústsson
(Einarssonar), tróð upp með söng
og beat box atriði, dálítið magnað
atriði. Þessi peyi er einnig ótrúlega
göldróttur með spilastokkinn sinn.
Konur langt
að baki körlum
Ræðumaður og helsti skemmti-
kraftur kvöldsins var sá þjóðþekkti
Sverrir Stormsker. Gerði hann að
aðalumræðuefni sínu, hversu konur
stæðu langt að baki körlum á flest-
um sviðum. „Hafa ekki allir helstu
hugsuðir heimsins verið karlar?”
spurði hann og nefndi Einstein,
Edison, Leonardo da Vinci o.s.frv.
„Og hafa ekki öll helstu tónskáld
heimsins verið karlar?" og nefndi
Beethoven, Mozart, Stormskerið,
o.s.frv. Og hann gerði íþróttir að
umræðuefni, þar sem konur vildu
ekki keppa á jafnréttisgrundvelli.
„Iþróttagreinar einsog t.d. skák,
bridge, snóker o.fl. fþróttagreinar
eru deildarskiptar, sem sé í karla-
og kvennadeildir. Finnst það hlálegt
fyrir kvenna hönd. Lítilsvirðandi
fyrir þær sjálfar. Hélt þær vildu
keppa við karla á jafnréttisgrund-
velli, þegar líkamskröftunum
sleppti.
Hversvegna berjast ekki femín-
istar fyrir jafnrétti á öllum sviðum?
Lfka á sviðum andlegra íþrótta?
Augljóst. Kemur þeim illa. Afsaka
sig eflaust með því að segja að
konur séu svo fáar á þessum
sviðum rökhugsunar. En af hverju
eru þær svona fáar á þessum
sviðum? Svar: Ahuginn leiðir
gáfurnar og öfugt.“
Og enn hélt Stormskerið áfram að
ræða um konur, sem honum eru svo
hugleiknar. Og hann sagði: „Hefur
einhver kona barist fyrir aukinni
hlutdeild kvenna í naglhreinsun eða
byggingariðnaði eða öðrum líkams-
kraftlausum störfum? Nei. Þær
nenna þessu ekki. Ekki nógu fínt.
Of erfitt og leiðinlegt þó þetta séu í
raun kvenmannsverk ekki síður en
karlmannsverk. Þær vilja stjórn-
unarstöður, Valdastöður, hafa , jafn-
réttið" sín megin, vilja kynjakvóta,
„jákvæða mismunun" - en samt
,jafnrétti“.“
Karlarnir í salnum vissu vart hvort
við hæft væri að hlæja og litu
undirleitir til þeirra fáu kvenna,
sem í salnum voru, þ.e. þeirra sem
sáu um að þjónusta barinn.
Þá brá Stormskerið sér á flygilinn
og spilaði og söng, hafði reyndar
sér betri söngvara til aðstoðar,
sjálfan lögfræðinginn og formannn
IBV, Jóhann Pétursson. Var það álit
manna að Jóhann hefði frekar átt að
læra til söngs, en þess náms, sem
hann valdi sér, - slík var frammi-
staða hans. Ætlaði salurinn að
„rifna“ þegar þeir félagar tóku hið
þekkta lag Stormskersins, Þórð.
Kvöldinu lauk svo með bingó-
spili, sem Magnús Bragason og
Eyþór Harðarson stjórnuðu af
skörungsskap og voru vinningamir
ætlaðir eiginkonum vinningshafa,
ef það mætti verða til að mýkja
þessar elskur, þegar karlarnir kæmu
heim, - seinna en þeir ætluðu sér og
kannski sumir reikulir í spori.
Herrakvöldin eru í senn, skemmt-
un og til að þjappa mönnum saman
í kringum starf IBV, en ekki hvað
síst fjáröflun fyrir starfsemina.
Tilkynnti Magnús Bragason, sem
hefur verið potturinn og pannan í
herrakvöldunum frá upphafi, að
þetta væri best heppnaða herra-
kvöldið til þessa og sem hefði gefið
mestu tekjurnar. Sagði hann í
glettnum tón að nú, þegar hann
hefði látið af formennskunni og
afhent Viktori Ragnarssyni völdin
á herrakvöldinu, væru öll met
slegin, sem segði sína sögu, en
sjálfur liggur Viktor rakari fót-
brotinn heima, órakur.
Formlegri dagskrá herrakvöldsins
lauk upp úr miðnættinu og héldu
þá um 140 karlar heim á leið,
- eða flestir.
Grunnskóli Vm Islandsmeistari barnaskólasveita í skák:
Liðsheild til fyrirmyndar
-segir formaður Taflfélagsins sem er ánægður með sitt fólk
Grunnskóli Vestmannaeyja varð íslandsmeistari barna-
skólasveita í skák annað árið í röð í Salaskóla í Kópa-
vogi um síðustu helgi. íslandsmótið var haldið af
Skáksambandi Islands og Grunnskóli Vestmanneyja
sigraði með 30 vinninga. Mótið er haldið fyrir nem-
endur sem eru 13 ára og yngri og sveitin sem
Grunnskóli Vestmannaeyja sendi núna var skipuð yngri
drengjum en sveitin sem sigraði mótið í fyrra, en þeir
eru komnir í eldri flokk.
I öðru sæti var A-sveit Rimaskóla, einnig með 30
vinninga og þurfti bráðabana til að skera úr um hvor
skólinn yrði íslandsmeistari. I bráðabananum sigraði
GV með 4,5 vinningum gegn 3,5.
Þessir tveir skólar voru í nokkrum sérflokki þar sem
sveit Salaskóla, sem lenti í þriðja sæti, var með 26,5
vinninga. Alls tóku 17 sveitir þátt í mótinu og komu
t.d. 3 sveitir frá Vík í Mýrdal og einnig kom sveit frá
Akureyri.
„Keppnin byrjaði vel fyrir okkar stráka og eftir fyrri
keppnisdaginn voru þeir komnir með vinnings forskot á
Rimaskóla. Voru þá búnir með bæði Rimaskóla A og
Salaskóla A og áttu einungis eftir neðri sveitirnar,"
sagði Karl Gauti Hjaltason formaður TV.
„En það er erfitt að leiða svona mót og sunnudagurinn
varð erfiður, því strax í fyrstu umferð töpuðum við
tveimur skákum á móti B-sveit Rimaskóla og vorum þá
komnir einum vinningi undir, því Rimaskóli fékk þá
fjóra vinninga. Stuttu síðar töpuðu Rimaskólamenn
vinningi og munaði mjóu að þeir töpuðu einnig á fjórða
borði en björguðu á síðustu stundu og voru þá sveit-
imar jafnar og varð svo út daginn.“
Spennan var því mikil og þurfti bráðabana til að skera
úr milli sveitanna. Tefldar voru tvær umferðir á öllum
Qórum borðunum. „í fyrri umferðinni unnum við á
öðru og þriðja borði og gerðum jafnt á því fyrsta og
vorum því komnir með tvo og hálfan og þurftum nú
einungis tvo vinninga í seinni umferðinni. Fljótlega
sigraði Kristófer Dag Ragnarsson á fyrsta borði og
staðan var orðin afar vænleg. Hinar skákirnar drógust
á langinn. Daði Steinn náði peði á móti Hrund Hauks-
dóttur og eftir það tefldi hann af miklu öryggi og
sigraði. Staðan á þriðja borði var lengi jöfn en undir
lokin gaf Olafur Freyr eftir og hann og Valur, sem var
kominn undir, gáfu báðir skákir sínar þegar sigurinn
var í höfn. Glæsilegt hjá þessum strákum, sem allir
eiga eitt ár eftir í flokknum og Kristófer reyndar tvö
ár.“
Urslitin urðu því þessi:
1. GV 30 vinningar + 4,5 vinningar.
2. Rimaskóli A, 30 vinningar (+3,5 vinn.)
3. Salaskóli A 26,5 vinningar.
MEISTARAR, Ólafur Freyr Ólafsson, á 3. borði Kristófer Gautason, á
1. borði, Daði Steinn Jónsson, á 2. borði, og Valur Marvin Pálsson á 4.
borði.