Fréttir - Eyjafréttir - 20.03.2008, Blaðsíða 10
10
FERMINGAR 2008 / Fimmtudagur 20. mars 2008
FERMINGARFRÆÐSLAN FÉKK
MIG TIL AÐ HUGSA UM GUÐ
:: SEGIR ARNÓR BAKARI SEM FERMDIST FYRIR 40 ÁRUM.
Arnór Hermannsson, bakari,
fermdist á hvítasunnudag árið
1968. Prestarnir Þorsteinn
Lúther Jónsson og Jóhann Hlíðar
sáu um fermingar-
undirbúninginn og ferminguna.
Fermingarbörnin voru um
hundrað talsins, enda voru
árgangarnir mun fjölmennari á
þessum árum en nú til dags.
Fermt var bæði á hvítasunnudag
og annan í hvítasunnu, tveir
hópar hvorn dag og raðað eftir
stafrófsröð. Þó var hægt að færa
milli daga, t.d. ef frændfólk vildi
vera með sameiginlega veislu.
Arnór segist ekkert muna hvernig
veðrið var þennan dag en af Ijós-
myndum sem séu til frá þessum
merkisdegi, sé ekki annað að sjá en
að það hafi verið ágætt. Annars
segir Arnór það nokkuð merkilegt
að þessi dagur sé ekki mjög skýr í
minningunni.
„Þegar ég hugsa um þennan dag,
þá var oft sagt við mig: „Nú ert þú
kominn í fullorðinna manna tölu."
En mér leið bara eins og ég væri
venjulegur ungur drengur og vildi
bara fá DBS hjól í fermingargjöf og
sú varð raunin. Pabbi og mamma
gáfu mér það. Sú er aðalminningin,
mér fannst það aldrei passa við
„fullorðinn". En svo fékk ég líka
skrifborðsstól, flotta blekpenna og
annað sem passaði betur við að
verða fullorðinn."
Veislan var haldin heima, á
Vestmannabraut 22b, bak við
Símstöðina. Arnór var næstyngstur
fimm bræðra þannig að þetta var
engin frumraun hjá fjölskyldunni,
reynslan var til staðar. Arnór segir
að það hafi verið margt í veislunni.
„Reyndar þekkti ég ekki alla, þetta
var fólk sem pabbi og mamma
þekktu en ég man eftir Magnúsi og
Mörtu og svo voru nú einhverjir
fleiri sem ég kannaðist við," segir
hann.
„Mamma stóð í þessu öllu af
fyllstu einlægni og pabbi auðvitað
studdi hana í öllu, allt snerist þetta
um mig en ég átti ekkert frum-
kvæði að þessu. Þetta var bara
eitthvað sem kom og gekk yfir. Ég
reyndi að vera kristinn maður en
fannst ég eiga eitthvað langt í land,
það væri örugglega eitthvað miklu
meira. Trúað fólk gerði almennt
hluti sem ég ekki stundaði, svo sem
að sækja kirkju, biðja og lesa Guðs
orð. Ég man að ég gerði mér grein
fyrir að ég færi ekki bara allt í einu
að stunda slíkt," ssegir Arnór.
„En fermingarfræðslan fékk mig til
að hugsa um Guð og að trúa á
hann. Og í dag, 40 árum síðar, er
trúin á Jesú mín kjölfesta og
tilgangur þess að lifa," sagði Arnór
Hermannsson að lokum.
FERMINGAR 2008::
ELÍSABET BÁRA
MAGNÚSDÓTTIR
Elísabet Bára mun fermast þann 12.
apríl næstkomandi. Hún segir að
hennar undirbúningur fyrir
ferminguna hafi verið ósköp
hefðbundinn."Við mamma fórum
til Reykjavíkurí verslunarferð og
fengum þar allt til alls. Elísabet
gefur í skyn að fermingin sé ekki
jafn flókin athöfn og oft er sagt.
Elísabet ber með sér rólyndisþokka
og og fannst gaman í fermingar-
fræðslunni."Mérfannst bara virki-
lega gaman í fermingarfræðslunni
og hlakkaði til." Elísabet kynntist
starfi kirkjunnar á unga aldri þegar
hún söng í kór." Ég var í kór þegar
ég var lítil og náði þá að kynnast
aðeins þessu starfi en ég hef svo
sem ekkert fylgt því eftir á
unglingsaldri" Þó Elísabet sé róleg
fyrir fermingunni hefur hún þó ekki
látið sitt eftir liggja í
skreytingamálum."Ég ræð öllu, ég
er svo mikil frekja, nei ég og
mamma höfum skemmt okkur vel
saman að skipuleggja veisluna."
Þegar Elísabet er spurð að því
hvaða þýðingu fermingin hafi fyrir
hana skin af henni rólyndið."Ég
kemst í fullorðinna manna tölu,
staðfesti skírn mína, maður er bara
einhvern veginn að fullorðnast. Ég
fæ líka að lita á mér hárið,"segir
hún að lokum og hlær. Borgaraleg
ferming varaldrei inni í myndinni
fyrir Elísabetu sem hefur ákveðnar
skoðanir á þeirri aðferð."Þetta er
auðvitað val hvers og eins en mér
finnst að þetta ætti að vera kallað
eitthvað annað en ferming þar sem
þú ert ekki að staðfesta trú. Ég
myndi aldrei kjósa þessa aðferð
einfaldlega vegna þess að ég trúi á
guð."
FERMINGAR 2008::
JÓN BJARKI
ODDFRÍÐARSON
Jón Bjarki Oddfríðarson mun
fermast 29. mars og segir að það
yrði líklegast engin glæsileg
ferming ef hann hefði ráðið skipu-
laginu." Mamma sér um þetta allt
hún kann á þessu lagið en ég fékk
að ráða í hvaða fötum ég yrði. Það
er bara betra að mamma ráði þessu
hún hefur líka gaman af þessu." Jón
Bjarka fannst fermingarfræðslan
skemmtileg og segir að ferðalagið
hafi staðið upp úr."
Fermingarfræðslan var bara mjög
fín en við fórum í ferð á fermingar-
mót í Vatnaskógi og það var virki-
lega gaman þó það væri fermin-
garfræðsla allann tímann nánast."
Hluti af fræðslunni er að sækja tíu
messur, Jóni Bjarka fannst ekki
mjög gaman í messunum." Þær
voru nú svolítið þreytandi sérstak-
lega þegar þær voru svona snem-
ma. Ég beið bara yfirleitt eftir því
að þær yrðu búnar." Jón segist ekki
vera mjög kunnugur kirkjustarfinu
en hafi kynnst því aðeins með því
að vera í fermingarfræðslu. Jón
Bjarki hefur ekki enn valið sér vers
til að flytja í fermingunni en hefur
auga á nokkrum."Ég er ekkert að
flýta mér að velja vers, hef ekki
íhugað þetta neitt mikið."Jóni
Bjarka finnst stundum einblínt
svolítið á þátt gjafanna í
fermingum." Mikið af fólki heldur
að við krakkarnir séum bara að
þessu til þess að fá gjafir og
peninga en það eru ekki allir
svoleiðis. Ég ætla að fermast af því
að ég trúi á guð og ég vil staðfesta
skírn mína."Jón Bjarki hefur
skoðanir á ýmsum hlutum og því
tilvalið að spyrja hann hvað honum
fyndist um borgaralega fermingu."
Mér finnst hún alveg gjörsamlega
tilgangslaus, þetta er aðeins gert til
að fá einhverjar gjafir."