Fréttir - Eyjafréttir - 27.03.2008, Blaðsíða 9

Fréttir / Fimmtudagur 27. mars 2008
9
Kiwanis gefur umferðarljós undir kjörorðum Kiwanis: Börnin fyrst og fremst
Yfir Heiðarveg á grænu ljósi
Á þriðjudagsmorgun, þegar skóla-
börn mættu til starfa á ný eftir
páskafríið, voru umferðarljós tekin
í notkun á gatnamótum Heiðar-
vegar og Bessastígs. Þau eru fyrst
og fremst hugsuð sem aukið öryggi
barna á leið til og frá skóla og að
íþróttahúsi. Ljósin virka þannig, að
grænt ljós logar stöðugt fyrir um-
ferð um Heiðarveginn, nema þegar
umferð kemur af Bessastíg og
þegar ýtt er á hnappa fyrir göngu-
ljós til að komast yfir götuna.
Ljósin á Bessastíg verða tengd
snertinemum sem settir vom niður í
götuna, á svipaðan hátt og er á
gatnamótunum á Strandvegi og
Heiðarvegi og gefa grænt ljós þegar
ekið er yfir þá.
Umferðarljósin eru gefin af
Kiwanisklúbbnum Helgafelli og eru
hluti af samfélagsverkefnum
klúbbsins. Klúbburinn varð 40 ára á
síðasta ári og af því tilefni var
ákveðið að veita 4 milljónum króna
til verkefna í þágu samfélagsins í
Eyjum. Stærsti hluta fjárins fór í
umferðarljósin/gönguljósin og
fíkniefnahund, sem klúbburinn
ætlar að gefa lögregluembættinu í
Eyjum. Hundurinn er þegar kominn
til Eyja og á heimili hjá Heiðari
Hinrikssyni, lögreglumanni. Er
hundinum, sem heitir Lena, ætlað
að leita fíkniefna, líkt og forvera
hans, sem nú er orðinn of gamall til
að sinna sínu hlutverki, en hann var
einnig geftnn af Kiwanismönnum.
Formlega verður hundurinn Lena
afhentur á Kiwanisfundi 10. apríl
næstkomandi.
Stutt athöfn var á staðnum þegar
umferðarljósin voru tekin í notkun.
Allir nemendur 6. bekkja
grunnskólans voru viðstaddir og
einn nemendanna, Birta Oskars-
dóttir, kveikti á gönguljósarofanum
og tók þar með Ijósin formlega í
FORSETAR Gunnlaugur Grettisson, forseti bæjarstjórnar, tekur við gjafabréfi úr hendi Gísla Valtýssonar,
forseta Kiwanisklúbbsins Hclgafells.
notkun og börnin gengu síðan yfir
Heiðarveginn í halarófu.
Halldór Sveinsson, lögregluþjónn,
var á staðnum og útskýrði notkun
Ijósanna fyrir börnunum og brýndi
fyrir þeim aðgæslu þegar farið er
yfir umferðargötur. Forseti bæjar-
stjómar, Gunnlaugur Grettisson,
veitti Ijósunum viðtöku í formi
gjafabréfs, fyrir hönd Vestmanna-
eyjabæjar.
Árið 1991 gaf Kiwanisklúbburinn
Helgafell gönguljósin á Illugagöt-
una. Þau hafa margsannað öryggis-
hlutverk sitt, enda er þar mikil
umferð skólabarna, sem þarf að
komast yfir götuna til og frá
íþrótmiðstöðinni, auk annarrar
gangandi umferðar. Upphaflega var
ætlunin að koma slíkum ljósum
upp á Heiðarveginn. Þar sem þeim
var ætlaður staður eru hins vegar
krossgötur og því varð að ráði að
setja þarna allsherjar umferðarljós,
sem bæði stýra akandi umferð og
gangandi, með aukið öryggi
skólabarna að leiðarljósi.
Ströndum ekki í Bakkafjöru
Lausnin er hraðskreiðara skip og hafskipahöfn við Eiðið
Grein
Magnús Kristinsson
Höfundur er útgerðarmaður
Mér hnykkti við að sjá að stjórn-
málamennimir okkar stefna í alvöru
á að byggja upp nýja höfn í sand-
inum við Bakkafjöru. Segjast þeir
með því vera að leysa samgöngumál
okkar Eyjamanna í bráð og lengd.
Eg vara við þessari framkvæmd.
Hún er vanhugsuð og skilar okkur
ekki því öryggi og þeim samgöngu-
bótum sem við þurfum á að halda.
Fróðir menn segja mér að erfitt
verði að koma upp ömggri höfn í
Bakkafjöru og þó það takist styttir
það ekki ferðatíma með ásættan-
legum hætti.
I Bakkafjöru eigum við enn ófama
um 120 km til Reykjavfkur. Ferða-
tíminn milli Reykjavíkur og Vest-
mannaeyja verður þá aldrei undir
tveimur til tveimur og hálfri klukku-
stund. Kostnaður er ekki lítill, að
þurfa að keyra langt austur á Rang-
árvelli til þess eins að komast í skip.
Eg skora á Eyjamenn að flykkja sér
um þá hugmynd sem lengi hefur
verið á floti, að byggja upp nýju haf-
skipahöfnina utanvert við Eiðið;
viðlegukant sem geti tekið við
stærstu skipum. Þessi höfn myndi
stytta ferðatímann úr Eyjum í land
um 15 mínútur.
Þá er löngu tímabært að leggja í
hönnun og smíði á nýjum Herjólfi,
sem gengi hraðar en sá gamli. Nýtt
skip ætti að geta farið rétt undir
tveimur tímum milli Vestmannaeyja
og Þorlákshafnar. Þar er líka langt-
um öruggari höfn en nokkum tíma
verður rótað upp í Bakkafjöru. Þar
verður líka alltaf öflug starfsemi og
þjónusta við skip og farþega. Það sé
ég ekki að verði í Landeyjasandi
utan um ferjuna til Eyja.
Það þarf að horfa á samgöngur til
Eyja út frá því sjónarmiði að þorri
manna er á leið til eða frá Reykja-
víkur. Með hækkandi bensínverði
skiptir miklu máli hvað langt menn
þurfa að aka til að komast í skip, að
ekki sé talað um tímann sem það
tekur.
Þetta þarf að vega saman við kostn-
að og nýtingu mannvirkjanna. Eg er
ekki í vafa um að endurbætur á höfn
í Vestmannaeyjum myndu nýtast
langt um betur en höfn í Bakkafjöru.
Þarna gæti orðið nýr viðkomustaður
skemmtiferðaskipa og þannig örvað
ferðaþjónustu hér. Við yrðum ekki
lengur háð því, að einungis minni
fraktskip geti komið til Vest-
mannaeyja. Öflugur og hraðskreið-
ur Herjólfur er eðlileg krafa Eyja-
manna og í nauðsynlegum hafn-
arbótum í Eyjum felst framtíðar-
lausn, öndvert við hugmyndina um
höfn í Bakkafjöru. Þar er stefnt í
strand.
Eyjamenn, berjum á stjómmála-
mönnunum okkar og krefjumst stór-
skipahafnar og nýs Herjólfs.
Vestmannaeyjum 25. mars 2008
Magnús Kristinsson, útgerðar-
maður.
LÖGÍFGMN
í mörg horn að líta hjá
lögreglu:
Tuttugu
vísað út af
skemmti-
stöðum
Það var í nógu að snúast hjá
lögreglu um páskahátíðina og voru
m.a. þrjár líkamsárásir kærðar. Þá
var hátt í 20 ungmennum vísað út af
skemmtistöðum bæjarins þar sent
þau höfðu ekki aldur til að vera þar
inni. Fjöldi bifreiða var stöðvaður til
að kanna ástand ökumanna en um
þessar mundir stendur yfir landsátak
lögreglu með ölvunar- og fíkniefna-
akstri.
Þrjár líkamsárásir voru kærðar til
lögreglu yfir páskahátíðina og var í
öllum tiivikum um minni háttar
áverka að ræða. Tvær þeirra áttu sér
stað á skemmtistöðum bæjarins,
önnur á veitingastaðnum Lundanum
þar sem maður var skallaður í and-
Íitið en hin á veilingastaðnum
Drífanda þar sem ósætti varð á milli
tveggja manna sem endaði með
handalögmálum. Þriðja árásin átti
sér stað í heimahúsi sem endaði með
því að sá sem fyrir árásinni varð
þurfti að leita til læknis vegna
áverka sem hann fékk.
Þrjú eignaspjöll voru kærð en um
er að ræða rúðubrot í Ráðhúsi
bæjarins þann 17. mars sl. en þar
voru að verki nokkur börn.
Aðfaranótt 19. mars sl. var rúða
brotin í húsnæði Islandspósts v/
Vestmannabraut. Ekki er vitað hver
þarna var að verki en lögreglan hvet-
ur þá sem einhverjar upplýsingar
hafa til að hafa samband.
Aðfaranótt 24. mars sl. var lögreglu
tilkynnt um að hurð hafi verið
sparkað upp að Miðstræti 16 þannig
að karmur hennar losnaði. Ekki
hafði verið farið inn í húsið.
Lögreglan hefur ekki upplýsingar
um hver þarna var að verki og óskar
eftir upplýsingum um hver þarna
gæti hafa átt hlut að máli.
Einn þjófnaður var kærður til
lögreglu í vikunni sent leið og átti
hann sér stað við Höllina aðfaranótt
22. mars sl. en farið hafði verið inn
í bifreið sent stóð við Höllina og
stolið úr henni m.a. framhlið af
geislaspilara og sólgleraugum. Eru
þeir sem einhverjar upplýsingar hafa
um hver, eða hverjir þarna voru að
verki vinsamlegast beðnir um að
hafa samband við lögreglu.
Mikið framundan í tónlist
-og góð aðsókn að Hárinu hjá LV
Stórsveit Suðurlands verður með
tónleika í Vélasalnum næsta
föstudag. Með sveitinni eru djass-
söngkonurnar Guðlaug Dröfn
Ólafsdóttir og Kristjana Stefáns-
dóttir en tónleikarnir hefjast
klukkan níu og efnisskrá tón-
leikanna er stórsveitartónlist af
ýmsum toga.
Fimmtudaginn 3. aprfl ætla
Bára Grímsdóttir og Chris Foster
að troða upp í Listaskólanum.
Leikfélag Vestmannaeyja í sam-
starfi við nemendur FIV sýnir
Hárið næstu helgar en verkið
var sýnt tvisvar um páskana og
uppselt á laugardeginum. Þá var
ballið með SSSóI vel sótt í Höll-
inni og mikið fjör eins og við var
að búast.
Síðan geta Eyjamenn litið með
tilhlökkun til sumarsins því
Tríkot og Lúðrasveit
Vestmannaeyja ásamt meðlimum
Lúðrasveitar verkalýðsins verða
með tónieika, helgina eftir
sumardaginn fyrsta.
Þann 18. aprfl verða minn-
ingartónleikar um Guðna
Hermansen sem hefði orðið
áttræður á morgun og Djass um
hvítasunnu verður á sínum stað.
Sýningum verður haldið áfram á
Hárinu sem hlotið hefur góðar
viðtökur.