Fréttir - Eyjafréttir - 27.03.2008, Side 11

Fréttir / Fimmtudagur 27. mars 2008
11
Handboltinn - Leikurinn gegn Akuneyri sá versti í áraráðir - Ekkert getur komið í veg fyrir fall
Fyrirliðinn er óráðinn
Meistaraflokkslið ÍBV í handbolta
hefur ekki staðið sig vel að undan-
fömu og var síðasti leikur þeirra í
deildinni líklegast þeirra allra versti
í áraraðir. Steinlágu þeir fyrir
Akureyri á heimavelli, 28:43.
Liðið hefur einungis tvisvar haft
ástæðu til að fagna í vetur og mun
líklegast falla niður í 1. deildina.
Þegar liðið spilaði í 1. deildinni fyrir
ári síðan var spilamennskan allt
önnur og aldrei gefist upp. Það hefur
ekki verið svo þennan veturinn en
þó vonandi að liðið hysji upp um sig
buxurnar og komi vel stemmt til
leiks á móti Fram á laugardaginn.
Sigurði Bragasyni, fyrirliða liðsins,
líst ágætlega á leikinn. „Mér líst
ágætlega á leikinn en hann verður
gríðarlega erfiður. Fram er enn í
baráttu á toppnum og þeir hafa
einnig verið erfíðir heim að sækja.
Þannig að ég býst við mjög erfiðum
leik.“
Sigurður segir að það sé líklegast
ekki hægt að gera verr heldur en í
seinasta leik. „Hann var hrein hörm-
ung og Gintaras sagði það reyndar
inni í klefa eftir leikinn að þetta hafi
verið lélegasti leikur sem hann hafi
séð hjá okkur síðan hann byrjaði að
þjálfa liðið.“
Páskafrí var í handboltanum en
Sigurður segir leikinn velta mikið á
því hvemig leikmenn koma undan
páskunum „Við æfðum alla páskana
og nú uppskera menn það sem þeir
sáðu. Seinast leikur var til hábor-
innar skammar og sá versti á tíma-
bilinu og spuming er hvort Eyja-
menn ætli hreinlega að leggja árar í
bát og gefast upp eða að klára tíma-
bilið með sæmd. Menn verða að
reyna að halda andlitinu og klára
þetta með smá virðingu. Það er lfka
smá sárabót við því að tapa ef allir
leggja sig fram.“
Næsta tímabil mun ÍBV líklegast
spila í 1. deild en ætlar Sigurður að
spila með. „Það var mjög gaman að
spila í 1. deildinni en ég hef svo sem
ekkert ákveðið um framhaldið, það
kemur bara í Ijós hvemig þetta
leggst í mig. Það er þó víst að það
verður erfitt að hætta."
BENEDIKT Steingrímsson hefur
náð að stimpla sig inn í vetur.
Hér er hann í leiknum á móti
Akureyri.
Firmakeppnin í skák:
Sigurjón
sigraði
Á fimmtudaginn fór fram firma-
keppni Taflfélags Vestmannaeyja
og voru um 60 fyrirtæki með í
kcppninni. Keppt var með
útsláttarfyrirkomuiagi en í lokin
var keppt um öll efstu 8 sætin og
voru úrslitin þessi en í sviga er
nafn þess skákmanns sem tefldi
fyrir viðkomandi fyrirtæki.
Taflfélag Vestmannaeyja þakkar
öllum þeim fyrirtækjum í
Vestmannaeyjum, sem tóku þátt í
keppninni, fyrir stuðninginn:
1. Utgerðarfélagið Frár (Sigurjón
Þorkelsson)
2. Isfélag Vestmannaeyja (Sverrir
Unnarsson)
3. Fiskvinnsla Vestmannaeyja
(Nökkvi Sverrisson)
4. H. Stcfánsson (Jóhannes
Sigurðsson)
5. Heimaey, þjónustuver (Ólafur
Týr Guðjónsson)
6. Vinnslustöðin Vestm.
(Kristófer Gautason)
7. Útgerðarfélagið Glófaxi
(Sigurður A. Magnússon)
8. Steingrímur Gullsmiður
(Jóhann Helgi Gíslason)
1
Hitað upp fyrir knattspyrnutímabilið:
IBV hafði betur í Eyjaslag
Það var hart barist á malarvellinum
við Löngulág á föstudaginn langa
þegar Eyjaliðin tvö, KFS og ÍBV,
mættust í æfingaleik. Báðum liðum
hefur gengið ágætlega á undirbún-
ingstímabilinu og var þessi leikur
bara undirbúningur fyrir komandi
átök í Lengjubikamum. Hún var
ekki falleg knattspyrnan sem var
spiluð enda leikurinn háður við
verstu hugsanlegar aðstæður.
Malarvöllurinn er nýkominn undan
snjó og er alveg handónýtur. Því var
ekki mikið um takta en engu að
síður nóg af mörkum. Hvorki meira
né minna en sex mörk litu dagsins
ljós og voru öll skomð af leik-
mönnum IBV.
Það var nokkuð mikill munur á
liðunum á föstudaginn þá aðallega
úthaldslega séð, KFS hélt ekki lengi
út á föstudaginn og mun þurfa að
bæta úthaldið á komandi vikum.
ARNÓR ÓLAFSSON ÍBV hefur
betur í baráttu við slaka KFS-
menn.
1
Framtíðar fólk - Alexander Jarl Þorsteinsson:
Kobe Bryant og Frikki Stef í uppáhaldi
Nafn: Alexander Jarl Þorsteinsson
Aldur: 14 ára
Fjölskylda: Foreldrar Díanna og
Steini Vitta, eldri systir Stefanía,
yngri systir Viktoría Rún
Hvenær byrjaðir þú að æfa: í
september 2005
Hvaða íþrótt/ir stundarðu: Körfu-
bolta og körfubolta
Uppáhalds íþróttamaður: Kobe
Bryant í NBA og að sjálfsögðu
Frikki Stef á Islandi.
Uppáhalds íþróttafélag: ÍBV alla
leið.
Uppáhalds tónlist: Óperan er í
miklu uppáhaldi og svo hlusta ég
líka mikið á alls konar metalbönd.
Uppáhalds kvikmynd: Erfitt val en
Coach Carter er ofarlega
Uppáhalds sjónvarpsefni: NBA
leikir, hika ekki við að vaka eftir
þeim.
Uppáhalds matur: KFC
Uppáhalds drykkur: Það vantar
sko ekkert Malt í mig.
Eftirminnilegasta atvik: Sigurinn
á móti Skallagrími í 9. flokki í haust
sem var fyrsti sigur ÍBV í A riðli.
Svo var einstakt að fá að hitta
Placido Domingo þegar hann var
með tónleika á Islandi.
Kom það þér á óvart að vera
valinn í landsliðið: Eg fékk mikla
hvatningu frá liðsfélögum mínum
en fyrirfram fannst mér afrek að
komast í úrtökin því ég er ekki
búinn að æfa eins lengi og hinir
strákarnir í landsliðinu.
Hvert er markmiðið í íþrótt-
unum: Að spila með ÍBV í úrvals-
deild körfuboltans.
Áttu eitthvert gott ráð handa
ungum íþróttamönnum: Nota
æfmgarnar til þess að taka vel á og
taka svo aukaæfingar við öll tæki-
færi því það er ekki æfingin sem
skapar meistarann heldur aukaæf-
ingin.
Eitthvað að lokum: Vonandi verð-
um við svo lánsamir að fá parket á
gamla salinn !!!! Áfram ÍBV.
íþróttir
Alexander
Jarl í lands-
liðshóp
U-15 drengjalandslið, sem er
skipað drengjum fæddum 1993 og
síðar, mun taka þátt í alþjóðlegu
móti rétt fyrir utan Kaupmanna-
höfn dagana 5. til 9. júní í sumar.
Sextán leikmenn hafa verið
valdir til þess að leika með liðinu
en þjálfari liðsins er Einar Árni
Jóhannsson. Einn þeirra er hinn
bráðefnilegi Alexander Jarl Þor-
steinsson. Hann er einn af efni-
legustu körfuknattleiksmönnum
Vestmannaeyja og verður gaman
að fylgjast með honum í náinni
framtíð.
Hermann ekki
með gegn
Slóvökum
Hermann Hreiðarsson dró sig út
úr landsliðshópnum sem mætti
Slóvökum í vináttulandsleik í gær.
Hermann er meiddur og var þessi
ákvörðun tekin eftir samráð við
lækni íslenska landsliðsins. Þetta
var mikil blóðtaka fyrir landsliðið
enda Hermann reyndasti leik-
maður liðsins.
Frederiks-
havn fallið
Guðbjörg Guðmannsdóttir og liði
hennar Frederikshavn tókst ekki
að bjarga sér ffá falli í síðustu
umferðinni í danska kvennabolt-
anum.
Liðið hefði getað bjargað sér
hefði það unnið efsta liðið í
deildinni í seinasta leiknum. Það
tókst því miður ekki og Frederiks-
havn því fallið.
Sigurður Ari
framlengir
Nú er ljóst að Sigurður Ari Stef-
ánsson mun ekki spila á íslandi á
næsta tímabili en nokkur lið hafa
verið að reyna að fá leikmanninn
til liðs við sig upp á síðkastið.
Sigurður Ari hefur skrifað undir
samning við lið sitt Elverum. Lið
eins og HK og Stjarnan þurfa því
að leita annað.
Framundan
Laugardagur 29. mars
Kl. 14.00 ÍR-ÍBV, 10. flokkur
karla, karfan.
Kl. 15.00 Fram-ÍBV, meistara-
flokkur karla, handbolti.
Kl. 16.30 Keflavík-ÍBV, 10.
flokkur karla, karfan.
Kl. 17.00 ÍBV-Grótta, unglinga-
flokkur kvenna, handbolti.
Sunnudagur 30. mars
Kl. 09.00 Haukar-ÍBV, 10. flokk-
ur karla, karfan.
Kl. 11.30 KFÍ-ÍBV, 10. flokkur
karla, karfan.
Kl. 14.00 ÍBV-Grótta, unglinga-
flokkur kvenna
Kl. 14.00 ÍBV-FH, 2. flokkur
karla, handbolti.
Kl. 15.00 Hrunamenn-ÍBV, meist-
araflokkur karla, karfan.