Fréttir - Eyjafréttir - 10.04.2008, Blaðsíða 14
14
Fréttir / Fimmtudagur 10. apríl 2008
fesÉÉi
ú.
jw ■! k | \ -
w " 11 fjv ^ 'ms f //y * y
HANN var myndarlegur hópurinn sem fór á sundmótið.
íþróttafélagið Ægir
Ægisdagur, Islandsmót í sundi og boccia
SUNDKAPPAR Dagmar Ósk, Gunnar Már, Ólafur og Guðni Davíð.
Það er búið að vera mikið um að
vera hjá íþróttafélaginu Ægi,
íþróttafélagi fatlaðra, upp á síð-
kastið. Ægisdagurinn var haldinn
með pompi og prakt þann 15. mars í
Týsheimilinu og var það hluti af
fjáröflun félagsins fyrir komandi
Islandsmót í sundi og boccia. Við
heyrðum aðeins í Kristínu Ósk
Óskarsdóttur, formanni félagsins og
fengum eftirfarandi upplýsingar.
Ægisdagurinn
Eftir síðasta Ægisdag var ákveðið að
dagurinn yrði gerður að árlegum
viðburði hjá íþróttafélaginu Ægi.
„Margrét Bjarnadóttir fékk þessa
hugmynd í fyrra og þar sem þetta
sló í gegn, þá var ekki aftur snúið,“
segir Kristín Ósk.
Þannig að laugardaginn 15. mars
var Ægisdagurinn haldinn í annað
sinn. Félagið var með kökubasar,
pennasölu og smá sjoppu á staðnum.
Ásamt aðalatriðinu, að kynna fyrir
gestum og gangandi íþróttina
boccia. Dagurinn heppnaðist vel í
alla staði og voru félagsmenn
ánægðir með frábærar móttökur.
íslandsmeistaramót í
sundi
Föstudaginn 28. mars kl. 16.00 var
haldið með Herjólfi upp á land á
fyrsta sundmót félagsins í lengri
tíma. Það voru þrír félagar úr Ægi
sem tóku þátt í þessari prufuferð
ÞORA á Ægisdegi.
félagsins og voru það þau Guðni
Davíð, Dagmar Ósk og Ólafur. Þau
fóru ásamt þjálfara sínum, Gunnari
Má Kristjánssyni.
„Á laugardeginum var mótið sjálft
og jókst spennan til muna hjá
hópnum þegar sjálf Kristín Rós
Hákonardóttir mætti til að aðstoða
við mótið ásamt því að sjá um
verðlaunaafhendingar.
Mannskapurinn stóð sig vel í alla
staði miðað við sitt fyrsta mót og
var gaman að Jylgjast með þeim,“
segir Kristín Ósk sem kfkti við á
mótinu til að styðja sitt fólk á leið
sinni heim af formannafundi
íþróttasambands fatlaðra.
Á sunnudeginum hélt mótið áfram
og var keppnin mjög spennandi.
Eftir viðburðarríkt mót og frábær-
lega vel heppnað ferðalag þá var
haldið heim með seinni ferð
Herjólfs á sunnudeginum.
íslandsmeistaramót í
boccia
Það leið ekki langt í næsta ferðalag
hjá Ægi, á föstudeginum 4. apríl kl.
16.00 hélt stór hópur upp á land með
Herjólft á Islandsmeistaramótið í
boccia. Með hópnum voru þrír
fararstjórar, ásamt bílstjóra, því alls
þrettán manns.
Á laugardeginum byrjaði svo
mótið sjálft, þar sent allir stóðu sig
ÆGISDAGURINN heppnuðist vel í alla staði og var félagið ánægt með frábærar móttökur.
með stakri prýði og voru félaginu til
sóma! Það voru þrjú lið frá Ægi sem
kepptu í hverri deild fyrir sig. Það er
keppt í þremur deildum og því mjög
góður árangur að vera með lið í
hverri deild. Að sjálfsögðu er alltaf
eitthvað fjör í hverju ferðalagi og
fastir punktar, þar sem farið er í
Kringluna og jafnvel í bíó ef tími
gefst til. Þó er aðalspenningurinn
hjá mannskapnum fyrir sunnu-
dagskvöldinu. Þá er haldið glæsilegt
lokahóf og öllu tjaldað til. í þetta
skiptið var enginn annar en Páll
Óskar Hjálmtýsson sem sá um að
halda uppi stuði kvöldsins. Það voru
því þreyttir en sáttir ferðalangar sem
komu heim á mánudeginum 7. apríl
eftir enn eitt einstaklega vel heppn-
aða ferðalagið.
„Það er að mörgu að huga fyrir
svona stór mót og að sjálfsögðu þarf
að leggja sig fram á margan hátt.
Það er byrjað að æfa markvisst í
liðum eftir jólafrí og svo erum við
að sjálfsögðu með alla anga úti til að
fínna leiðir til að fjármagna ferðir
eins og þessar,” segir Kristín Ósk.
Hún vill jafnframt nota tækifærið
og þakka eftirtöldum aðilum; Gisti-
heimilinu Kríunesi, við Elliðavatn.
Þar hefur verið tekið einstaklega vel
á móti okkur og fáum við hreinlega
að hafa hlutina eins og þetta sé
okkar eigið heimili, getum gengið í
allt og þau hjónakomin vilja allt
fyrir okkur gera, kunnum við þeim
miklar þakkir fyrir. Jafnframt eru
nokkrir styrktaraðilar sem hafa
staðið við bakið á okkur eins og
Lionsklúbburinn, Kiwanismenn,
Vöruval, Toppurinn, Prentsmiðjan
Eyrún, Toyota, Sjálfsbjörg, ásamt
öllu yndislega fólkinu sem hefur
lagt hönd á plóginn. Án ykkar væri
þetta ekki hægt.“ Kristín vill einnig
nefna sérstaklega þau Margréti
Bjamadóttur, Þórínu Baldursdóttur,
Bjarna Samúelsson (bílstjórann
okkar!) og bræðuma, þá Sigurjón
Lýðsson og Ófeig Lýðsson, án
þeirra yrðu þessi ferðalög okkar
ekki að veruleika! Þau eru að vinna
allt þetta starf í sjálfboðavinnu og er
það aðdáunarvert,“segir Kristín ðsk
að lokum.
Það sést hér í máli og myndum að
það er mikil gróska í starfi
Iþróttafélagsins Ægis og hlökkum
við til að fá að fylgjast með félaginu
halda áfram að blómstra.