Fréttir - Eyjafréttir - 17.04.2008, Blaðsíða 2

2
Ffgttir / Fimmludagur 17. aprfl 2008
Heildarvelta ísfélags Vestmannaeyja hf. 6.3 milljarðar:
Hækkaði um rúma
2.4 milljarða milli ára
-hagnaður fyrir afskriftir og vexti rúmlega 200 milljónum
hærri en árið áður eða 1.410 milljónir og var 22,4% af veltu
ársins. Hagnaður ársins 2007 var 1.123 milljónir á móti tapi
árið 2006 upp á 437 milljónir
Heildarvelta samstæðu ísfélags
Vestmannaeyja hf. var kr. 6.301
milljónir á síðasta ári og hækkaði
um rúmar 2.400 milljónir frá árinu
áður. Þetta kom fram á aðalfundi
félagsins fyrir árið 2007 sem
haldinn var á þriðjudaginn.
í frétt af fundinum segir að hagn-
aður fyrir afskriftir og vexti hafi
verið rúmlega 200 milljónum hærri
en árið áður eða 1.410 milljónir og
var 22,4% af veltu ársins. Hagnaður
ársins 2007 var 1.123 milljónir á
móti tapi árið 2006 upp á 437 millj-
ónir. Heildareignir félagsins í lok árs
2007 voru rúmir 14 milljarðar, þar
af veltufjármunir um 2,3 milljarðar.
Heildarskuldir félagsins í árslok
voru 9,6 milljarðar og eigið fé rúmir
3,7 milljarðar. Eiginfjárhlutfall í
árslok var 26,9%. Hreint veltufé frá
rekstri var 1.340 milljónir og hand-
bært fé frá rekstri 1.290 milljónir.
A fundinum kom fram að síðasta
rekstrarár var gott í sögu félagsins
og einkenndist það af miklum breyt-
ingum þar sem margar ákvarðanir
voru teknar til að styrkja félagið til
framtíðar. 1 upphafi ársins var ráðist
í kaup á öllu hlutafé í Hraðfrystistöð
Þórshafnar hf sem rekur tvö upp-
sjávarskip, kúffiskveiðiskip, físki-
mjölsverksmiðju, frystihús og kúf-
fiskvinnslu. Eftir kaupin hefur sam-
eiginlegt félag yfir að ráða rúmlega
20% kvóta í loðnu og norsk-ís-
lenskri síld, 14% kvóta í sumar-
gotssíld og 5% af kolmunnakvóta,
auk veiðiheimilda í bolfiski.
Samhliða kaupunum var starfsemi
í bræðslu félagsins á Krossanesi í
Eyjafirði lögð af. Stór hluti
verksmiðjunnar var fluttur til
Vestmannaeyja síðastliðið sumar og
hafist var handa við verulegar end-
urbætur á FES.
Þeim breytingum lauk undir haust
og hafa þær komið vel út. Skipastóll
félagsins hefur verið í endurskoðun
síðasta árið og má segja að hann hafi
tekið stakkaskiptum á tímabilinu.
Guðmundur VE kom aftur inn í
reksturinn í byrjun ársins eftir
tæplega 10 mánaða fjarveru vegna
breytinga í Póllandi.
Heimaey VE, ísfísktogari félagsins
til margra ára, var seldur í brotajárn
til Danmerkur síðastliðinn vetur. I
hans stað kom fyrrum Þórunn
Sveinsdóttir inn í rekstur félagsins í
upphafi nýs kvótaárs í haust. Skipið
er gert út undir nafninu Suðurey VE.
Tvö uppsjávarveiðiskip voru seld á
árinu, Antares VE og Alsey VE.
Bæði skipin fara til nýrra verkefna
við strendur Afríku. I þeirra stað var
keypt uppsjávarveiðiskipið Delta
sem var í eigu Sjólaskipa hf en er
gert út undir nafninu Álsey VE.
Á síðasta ári var samið um smíði á
tveimur fullkomnum uppsjávar-
veiðiskipum sem verða afhent árin
2010 og 2011. Skipin eru hönnuð af
Rolls Royce og verða smíðuð í
skipasmíðastöð ASMAR í Chile. Á
haustdögum var tekin skóflustunga
að nýjum frystiklefa félagsins á
Þórshöfn og verður hann tekinn í
notkun um mitt árið 2008.
Rekstur félagsins á árinu 2007
gekk vel þrátt fyrir að gengi krón-
unar hafi verið mjög sterkt og
afurðaverð á fiskimjöli hafi lækkað
verulega á árinu. Þrátt fyrir lítinn
loðnukvóta á árinu 2007 kom loðnu-
vertíðin vel út og var nær öll loðnan
unnin til manneldis. Veiðar úr norsk-
íslenska sfldarstofninum og heima-
sfldinni gengu vel og veiddist nær
allur kvóti félagsins.
Bræðslur samstæðunnar tóku við
alls 115 þúsund tonnum af hráefni
og framleiddu úr því rúmlega 21
þúsund tonn af mjöli og um 8.500
tonn af lýsi. Frystihús félagsins tóku
við rúmlega 22 þúsund tonnum af
hráefni til manneldisvinnslu.
Kúffiskvinnsla í frystihúsi Hrað-
frystistöðvarinnar á Þórshöfn var
sett af stað aftur vorið 2007 og
unnið úr um 4.300 tonnum af kúf-
fiskskel. Skip félagsins komu með
alls um 152 þúsund tonn af afla að
landi á árinu.
Horfur í rekstri félagsins á árinu
2008 eru ágætar þrátt fyrir að lítil
úthlutun veiðiheimilda í loðnu og
veruleg skerðing þorskkvóta komi
niður á rekstri félagsins. Á móti
vegur að verð á helstu afurðum
félagsins er tiltölulega hátt og gengi
krónunnar loksins orðið viðunandi
fyrir útflutningsfyrirtæki.
Á ársgrundvelli störfuðu 277
starfsmenn hjá félaginu á starfsárinu
og námu launagreiðslur til þeirra kr.
1.671 milljónum króna.
Á aðalfundi félagsins var samþykkt
að greiða út arð til hluthafa sem
nemur alls 200.000.000. □ kr. Stjórn
félagsins var endurkjörin á aðal-
fundinum en hana skipa: Gunn-
laugur Sævar Gunnlaugsson for-
maður, Þórarinn S. Sigurðsson,
Guðbjörg Matthíasdóttir og vara-
menn Eyjólfur Martinsson og Ágúst
Bergsson.
UM ÁSTAND LUNDA- 0G SANDSIIASTOFNANNA
Sunnudaginn 20. apríl 2008, kl. 20:00
í AKÓGES við Hilmisgötu í Vestmannaeyjum
DAGSKRÁ:
20:00 Setning fundar
- Fundarstjóri: Ólafur Elísson, sparisjóðsstjóri.
20:05 Ástand sílis 2006-7 við Vestmannaeyjar
- Valur Bogason.
20:15 Tengsl lundaveiði og hafstrauma
- Freydís Vigfúsdóttir
20:35 Nýliðun lunda 2005-2007 og veiðiráðgjöf
sumarið2008- Erpur S. Hansen
20:55 Opnar pallborðsumræður.
Þátttakendur pallborðs aukfyrirlesara: Bjarni
Pálsson, Umhverfisstofnun; Kristján Lilliendahl,
Hafrannsóknastofnuninni; Kristinn H. Skarphéðinsson,
Náttúrufræðistofnun íslands; og Páll M. Jónsson,
Þekkingarsetri Vestmannaeyja.
Markmið málþingsins er m.a. að kynna niðurstöður um
ástand lunda- og sandsílastofnanna og skapa umræðu um
hugsanleg viðbrögð við verulegri minnkun veiðistofns
lunda.
Náttúrustofa Suðurlands
og Þekkingarsetur Vestmannaeyja
Bjóða upp á 69 metra skip
Kiwanismenn gáfu
nýjan fíkniefnahund
Vestmannaeyjabær og Vinnslustöðin
annars vegar og Samskip hins vegar
bjóða í smíði og rekstur skips sem
ætlað er að sigla í Landeyjahöfn.
Tilboðin verða opnuð í dag,
fimmtudag, klukkan 11.00 í Þjóð-
menningarhúsinu.
Skipið sem Vestmannaeyingar
bjóða upp á er 69 metra langt, 16
metrar á breidd og hámarksdjúprista
3,3 metrar. Fjöldi bfla, ef einungis
bflar eru lluttir, eru 52 á bflaþilfari
og möguleiki að hafa auk þess 16
bíla á lyftu, alls 68 bílar. Hámarks-
fjöldi um borð, farþegar og áhöfn,
verður 399 manns en gert ráð fyrir
átta í áhöfn. Kojur verða 24.
Hægt verður að flytja sex fjórtán
metra flutningavagna með stórum
dráttarbflum og þá er pláss fyrir 18
fólksbíla á bfladekki. Möguleiki er
að hafa auk þess 16 bíla á lyftu, sem
er frávik og þá yrðu bflarnir samtals
34. Einnig er hægt að hafa fjórar
raðir af flutningavögnum í skipinu,
samtals tíu fjórtán metra flutninga-
vagna með stórum dráttarbílum en
þá án bílalyftu.
Ætlun Vinnslustöðvar og Vest-
mannaeyjabæjar er að stofna sjálf-
stætt félag um rekstur ferjunnar og
gert er ráð fyrir að samið verði við
skipasmíðastöð SIMEK A/S í
Noregi sem smíðaði núverandi skip.
f áætlun þeirra er gert ráð fyrir að
skipið geti hafið siglingar I. júlí
2010 eins og óskað er eftir í útboðs-
lýsingu. Áætlað er að skipið verði
afhent eigendum laugardaginn 12.
júní 2010 í Flekkefjord í Noregi.
„Það hefur ótvíræða kosti að hefja
siglingar á nýrri leið um hásumar
frekar en að haustlagi. Þá er til
dæmis unnt að þjálfa áhöfn og
annað starfsfólk í stjóm og rekstri
skipsins við góðar aðstæður. Jafn-
framt kynnast farþegar og við-
skiptavinir nýju skipi við bestu skil-
yrði,“ segir í gögnum um smíðina.
Hönnun á skipi er í höndum
Polarconsult í Noregi. Ráðgjafar
tilboðsgjafa við hönnun eru
ShipCon í Danmörku
og Maritime Techno-
logy í Noregi og Dan-
mörku auk innlends
skipahönnuðar.
Fremst undir brú er
gert ráð fyrir setu-
stofu fyrir áhöfn auk
skrifstofu. Áttaklefar
eru um borð, þrír
tveggja manna, fjórir
fjögurra manna, sam-
tals 22, kojur og
sjúkraklefi með tveimur.
Aftast verður farþegasalur þar sem
gert er ráð fyrir 45 sætum. Fremst á
farþegaþilfarinu verður sjónvarps-
salur og í honum 100 þægilegir
stólar með hallanlegu baki. Aftan
við sjónvarpssalinn, stjórnborðs-
megin verður farangursgeymsla
fyrir handfarangur farþega.
Fjölda sjónvarpsskjáa verður komið
fyrir í aðalsalnum til að auðvelda
farþegum aðgengi að upplýsingum
af ýmsu tagi. Stórt og veglegt barna-
leikhorn verður aftast miðskips og
blasir vel við þeim sem eru í aðal-
salnum. Sjónvarpsskjár verður í
bamarýminu til að sýna myndefni til
afþreyingar.
Kiwanisklúbburinn Helgafell, fagn-
aði á síðasta ári 40 ára afmæli sínu.
Klúbbfélagar vildu minnast þessara
tímamóta með veglegum sam-
félagsverkefnum, sem kæmu öllu
Eyjasamfélaginu til góða. Var
ákveðið að verja 4 milljónum króna
í slík verkefni.
Fyrir nokkrum árum gáfu Kiwanis-
félagar gönguljós á lllugagötuna.
Það var í beinu framhaldi af þeim,
sem ákveðið var að halda slíku
verkefni áfram og gefa umferðarljós
á Heiðarveg, þar sem skólabörn eiga
oft leið yfir til og frá skóla.
Það var einnig fyrir nokkrum árum
sem Kiwanismenn gáfu lögreglunni
í Eyjum fíkniefnahundinn Tönju.
Sá hundur hefur sinnt sínu hlutverki
afar vel, en nú er hann orðinn of
gamall til fíkniefnaleitar. Það varð
því úr, að Kiwanismenn ákváðu að
gefa lögreglunni annan hund til
fíkniefnaleitar. Sá hundur var
afhentur á fundi klúbbfélaga í síð-
ustu viku, heitir Luna, er af tegund-
inni Springer Spaniel og er inn-
fluttur frá Bretlandi.
Það dylst engum, að fikniefni-
vandinn er ein mesta vá nútímasam-
félagsins. Við afhendinguna á Lunu
Heiðar Hinriksson, Iögreglu-
maður, hefur umsjón með Lunu.
gat Karl Gauti Hjaltasson, sýslu-
maður þess, að fíkniefni væru vissu-
lega til staðar í Eyjum, en í mun
minna mæli en á sambærilegum
stöðum. Það væri án efa ströngu
eftirliti að þakka og Tanja gamla
hefði þar spilað stórt hlutverk. Nú
væri lögreglunni að bætast nýr liðs-
auki, hún Luna, til fíkniefnaleitar og
lögreglan sem aðrir Eyjamenn, hafa
til hennar miklar væntingar.
Þá gat Karl Gauti þess, að auk
leitar að fíkniefnum, væri fælingar-
máttur fikniefnahundsins mikill,
fíkniefnaneytendur og sölumenn
dauðans kæmu síður til Eyja, af ótta
við hundinn.
fjtgefandi: Eyjasýn ehf. 480:178-054!) - Vestnmnnacyjum. Hitetjóri: Ómar (Jarðarsson.
Bkðamenn: Guðbjprg Sigurgeirsdóttir, Sigurgeir Jónsson og EBert Sclieving. Iþróttir:
Ellert Schering.Ábyrgdarmenn: Ómar Gardarsson & Gísli Valtýsson.
Prentvinna; Eyjasýn/ Eyjaprent. Vestmannaeyjum. Aðsetur ritetjómar: Strandvegi 47.
Símar: 481 1300 & 481 3310. Myndriti: 481-1293. Netfang/fafpóstnr frettir@eyjafrettir.is.
Veffang: http/Avww.eyjafrettír.is
FRÉTTER koma út alla fimmtodaga. Blaöid er selt i áskrift og einnig í lausasölu á Kletti,
Tvistínum, Toppnum, Voruval, Herjólfi, Elughafnarversluninni, Krónunni, ísjakanum,
verslun 11-11 og Skýlinu i Fridarhöfn.. FRÉTTIR eru prentadar í 2000 eintökum.
FHÉTi'lK eru adilar ad Samtökum Kejar- og héradsfréttablaða Eftírprentun, hljódritun,
notkun ljósmynda og annað er óhcimilt nema heimilda sé getid.