Fréttir - Eyjafréttir - 24.04.2008, Blaðsíða 2

2
Frcttir / Fimmtudagur 24. apríl 2008
Höfnin skal byggð og rekin fyrir framlög úr ríkissjóði:
Undirskriftalisti breytir engu
-segir Árni Johnsen - Ráðherra stendur fastur á sínu - Efasemdir meðal
þingmanna - Atli Gíslason finnur Landeyjahöfn flest til foráttu
Samgönguráðherra, Kristján L.
Möller, mælti fyrir frumvarpi til
laga um Landeyjahöfn á alþingi á
mánudag. í 1. grein frumvarpsins
segir: „að markmið laganna sé að
styrkja samgöngur milli lands og
Vestmannaeyja með því að setja
reglur um uppbyggingu og rekstur
ferjuhafnar í Bakkafjöru á Land-
eyjum, Rangárþingi eystra, sem
hefur hlotið heitið Landeyjahöfn."
Samgönguráðherra fer með yfir-
stjórn málefna Landeyjahafnar og
höfnin skal byggð og rekin fyrir
framlög úr ríkissjóði.
Að fullu í eigu ríkisins
I 3. grein frumvarpsins er kveðið á
um eignarhald og rekstur Landeyja-
hafnar sem skal vera að fullu í eigu
ríkisins. „Siglingastofnun Islands
hefur umsjón með byggingu og
rekstri Landeyjahafnar, ber ábyrgð á
rekstri hennar og fer með verkefni
hafnarstjórnar samkvæmt hafna-
lögum. Með rekstri hafnarinnar er
átt við forræði yfir höfn og hafnar-
svæði, þ.m.t. uppbygging hafnarinn-
ar, viðhald og rekstur. Eignum og
tekjum Landeyjahafnar má aðeins
verja í viðhald og rekstur hafnarinn-
ar. Siglingastofnun íslands er heim-
ilt að gera þjónustusamning um
rekstur hafnarinnar og hefur eftirlit
með framkvæmd hans. Um hann
gilda reglur um þjónustusamninga
ríkisins."
I frumvarpinu er kveðið á um að
samgönguráðherra er heimilt að
ákveða að ríkið taki eignarnámi
nauðsynlegt land fyrir Landeyja-
höfn, enda komi fullar bætur fyrir.
Þá ber landeiganda að leyfa efnis-
töku í landi sínu á því efni sem þarf
lil hafnargerðarinnar.
Samgönguráðherra er heimilt að
taka eignamámi land er þarf fyrir
varnargarða meðfram Markarfljóti
og Álunum og sjóvamargarða, svo
og land til þess að gera brautir og
vegi er því tengjast. Landeiganda er
sömuleiðis skylt að heimila upp-
græðslu sands á Bakkafjöru til að
hefta sandfok við Landeyjahöfn og
aðkomuvegi að höfninni án þess að
til komi bætur. „Mörk landgræðslu-
svæðis em frá stórstraumsfjömborði
í suðri, Bakkaflugvelli og upp að
Álunum í norðri, Markarfljóti í
austri og vatnsleiðslu Vestmann-
eyjabæjar í vestri.“
Ennfremur er heimilt að setja
reglugerð um Landeyjahöfn þar sem
m.a. mörk hafnarinnar bæði á sjó og
landi eru nánar tilgreind, „fram
koma starfsheimildir hafnarinnar og
heimild til umferðar á hafnar-
svæðinu auk annarra atriða er varða
öryggi, mengunarvamir og slysa-
vamir í höfninni.“
I 7. grein segir að ráðherra sé
heimilt að setja gjaldskrá til inn-
heimtu gjalda vegna kostnaðar við
þjónustu og framkvæmd einstakra
verka sem tengjast rekstri Land-
eyjahafnar. Kostnaður við rekstur
hafnarinnar greiðist að öðru leyti af
framlögum sem ákvörðuð eru í
samgönguáætlun í samræmi við
ákvæði fjárlaga hverju sinni.
Átta ára þingsályktunar-
tillaga
I athugasemdum við lagafmmvarpið
segir m.a. að upphaf málsins um
ferjuhöfn í Landeyjum megi rekja til
þingsályktunartillögu um rann-
Eyjamenn einir með gilt tilboð
Ríkiskaup opnuðu tilboð í rekstur og smíði Bakkafjöruferju í síðustu viku en tveir aðilar skiluðu inn
tilboðum. Tilboði Samskipa var vísað frá enda stóðst ferjan, sem tilboðsgögn náðu yfir, ekki kröfur útboðs-
gagna. Tilboð Vinnslustöðvar og Vestmannaeyjabæjar var opnað og í framhaldinu var tilboðsaðilum boðið
til skýringaviðræðna.
Vestmannaeyjabær og Vinnslustöð skiluðu inn sex tilboðum, aðaltilboð hljóðaði upp á 16.324.019 en
frávikstilboð upp á 12.387.514.258 en kostnaðaráætlun Ríkiskaupa gerði ráð fyrir 10.173.600.000.
Grímur Gíslason sagði að menn færu nú yfir málin og þau yrðu skoðuð. í framhaldi af skýringaviðræðum
yrði svo ákveðið hvort farið yrði í formlegar viðræður.
sóknir á ferjuaðstöðu við Bakka-
fjöm undan Vestmannaeyjum sem
samþykkt var á þingi 2000 til 2001.
Flutningsmenn voru Ámi Johnsen,
Drífa Hjartardóttir, Arnbjörg
Sveinsdóttir, Hjálmar Árnason,
Guðmundur Hallvarðsson, Isólfur
Gylfi Pálmason, Þorgerður K.
Gunnarsdóttir, Kristján L. Möller og
Jón Kristjánsson.
Tillagan var svohljóðandi:
„Alþingi ályktar að fela samgöngu-
ráðherra að hlutast til um við
Siglingastofnun Islands að hún hefji
sem fyrst rannsóknir á ferjuaðstöðu
við Bakkafjöru og öðrum aðstæðum
í tengslum við ferjuleið frá Vest-
mannaeyjum að Bakkafjöru."
I greinargerð með tillögunni kom
m.a. fram að slík framkvæmd mundi
gjörbylta samgöngum milli lands og
Eyja og allri aðstöðu á Suðurlands-
undirlendinu. Ferðir yrðu famar á
30 til 60 mínútna fresti og siglinga-
tími gæti farið allt niður í 20 mín-
útur.
Lokaskýrsla 2006
í framhaldinu skipaði þáverandi
samgönguráðherra starfshóp til að
fjalla um samgöngur til Vest-
mannaeyja. Starfshópurinn, sem
starfaði undir forustu Páls
Sigurjónssonar verkfræðings, skil-
aði lokaskýrslu árið 2006 þar sem
m.a. var mælt með þessari leið til að
bæta samgöngur milli lands og Eyja.
Þegar niðurstöður starfshópsins
lágu fyrir skipaði þáverandi sam-
gönguráðherra, í júlí 2006, stýrihóp
til að vinna að forathugun og
forhönnun ferjuhafnar í Bakkaíjöru
á Landeyjasandi sem lið í bættum
almenningssamgöngum milli Vest-
mannaeyja og fastalandsins. I
skipunarbréfi stýrihópsins var
miðað við að hin nýja ferja hæfi
siglingar milli lands og Eyja árið
2010 ef niðurstöður hans yrðu
jákvæðar.
Stýrihópurinn skilaði skýrslu í
mars 2007 þar sem kom fram að
niðurstöður rannsókna væru mjög
jákvæðar. Var það álit stýrihópsins
að gerð ferjuhafnarinnar væri góður
kostur fyrir almenningssamgöngur
milli lands og Eyja um langa
framtíð. Stýrihópurinn lagði því til
við þáverandi samgönguráðherra að
ákveða að ráðast í gerð ferjuhafnar-
innar og smíði nýrrar ferju þannig
að fljótlega yrði unnt að hefjast
handa við frekari undirbúning að
gerð hafnarinnar.
Ákveðið hefur verið að fara að til-
lögum stýrihópsins og hefjast handa
við gerð ferjuhafnar sem alfarið skal
kostuð úr ríkissjóði og er í sam-
gönguáætlun 2007 til 2010 og fjár-
lögum 2008 gert ráð fyrir hafnar-
framkvæmdum í Bakkafjöru."
Ekki réttlætanlegt vegna
kostnaðar?
Við umræður um frumvarpið efaðist
Ármann Kr. Ólafsson, Sjálf-
stæðisflokki, um að réttlætanlegt
væri að fara í svo kostnaðarsama
framkvæmd í andstöðu við svo
stóran hóp kjósenda í Vest-
mannaeyjum og vísaði þar til
undirskriftalistans sem samgöngu-
ráðherra fékk í hendurnar á
dögunum.
Árni Þór Sigurðsson, Vinstri
grænum hefur sömuleiðis efasemdir
um fyrirhugaða ferjuhöfn og Grétar
Mar Jónsson, Fijálslynda flokknum
hefur aldrei farið leynt með and-
stöðu sína við höfnina.
Styðja framkvæmdirnar
Sturla Böðvarsson Sjálfstæðisflokki
styður frumvarpið og Bjami Harðar-
son Framsóknarflokki gerði athuga-
semdir við kostnaðarhluta fram-
kvæmdanna en telur að fara eigi
strax í framkvæmdir.
„Við Kristján Möller stóðum mjög
fast saman um málið í þinginu. Á
sömu leið talaði Sturla Böðvarsson
en aðrir þingmenn sem töluðu um
málið lýstu yfir efasemdum. Eg varð
fyrir vonbrigðum með að einn af
þingmönnunum skyldi tala fyrir því
að fresta þessu. Ég leyfði mér hins
vegar að hafa efasemdir um kostn-
aðarhluta framkvæmdarinnar þ.e.
hvort hægt verði að koma höfninni
upp fyrir þrjá milljarða."
Ámi Johnsen, Sjálfstæðisflokki
sagði að frumvarpið færi í vinnslu í
samgöngunefnd þegar hann var
spurður út í málið. „Ég tel að þurfi
að breyta því og skilgreina betur
markmið hafnarinnar sem sam-
göngumannvirkis milli lands og
Eyja. I raun er hún hluti af Vest-
mannaeyjahöfn og æskilegt væri að
samstarf beggja sveitarfélaga sem
koma að málinu, þ.e. Rangárþings
eystra og Vestmannaeyja yrði um
höfnina."
Byggingarkostnaður van-
metinn
Atli Gíslason, Vinstri grænum sagði
að hann hafnaði ekki Bakkafjöru
sem kosti en hann telji nýja ferju í
Þorlákshöfn, samfara nýjum við-
legukanti við höfnina í Eyjum, betri
kost en Bakkafjöru.
„Ný ferja sem fer í Þorlákshöfn er
ódýrari ferðakostur en ferja á
Bakka. Umhverfislega er það betri
kostur, minni keyrsla og minni
mengun og þjóðfélagslega er hann
ódýrari. Ekki hefur verið farið
nægilega vel yfir þá þróun sem kann
að verða á byggð við Bakkafjöru
sem geti grafið undan byggð í
Vestmannaeyjum," sagði Átli og
benti á að byggðakjarnar hefðu
myndast eftir hafnargerð í
Hróarskeldu og Hirtshals. „Ég tel
að ný ferja sem fer í Þorlákshöfn
væri samfélagslega, þjóðfélagslega
og byggðarlega betri kostur og ég tel
að byggingarkostnaður og rekstur
við höfn í Bakkafjöru sé van-
metinn."
Ég er nú það lýðræðissinnaður að
mér finnst við verða að fylgja
lýðræðislegum ákvörðunum sem
teknar hafa verið í bæjarstjóm og
ríkisstjóm," sagði Guðni Ágústsson,
formaður Framsóknarflokksins
þegar hann var spurður út í málið.
„Nýr samgönguráðherra hefur
slegið jarðgöng af þannig að það var
komin niðurstaða um að ráðist yrði í
Bakkafjöru. Ég held að maður verði
að líta svo á að þessi undirskrifalisti
geti ekki breytt neinu í málinu."
sýning í
Vélasalnum
Nemendur Steinunnar Einars-
dóttur verða með myndlistar-
sýningu í Vélasal Listaskólans á
sumardaginn fyrsta. Þetta er
þrettánda nemendasýningin á
vegum Steinunnar og orðinn fast-
ur liður í menningarlífi Vest-
mannaeyja.
Um tuttugu nemendur eiga verk
á sýningunni, nokkrir þeirra
hafa verið með á öllum nem-
endasýningunum og aðrir era að
sýna í fyrsta sinn.
„Við byrjuðum að sýna í anddyri
Bókasafnsins 1995 og 1996 og
voram í Safnaðarheimili Landa-
kirkju 1997, í Tónlistarskólanum
1998 og eftir það í Vélasal
Listaskólans. Það er alltaf jöfn
aðsókn að námskeiðunum og mér
finnst mjög gefandi að geta veitt
þessa þjónustu," segir Steinunn
þegar hún er spurð út í
námskeiðin.
„Mér datt ekki í hug þegar ég
var við myndlistamám í Ástralíu
að ég ætti eftir að kenna hér öll
þessi ár. Ég er með þrjá hópa
núna, tvo sem era í olíu og einn í
vatnslitum. Ég var líka með
grunnnámskeið og fékk ungar
stúlkur sem voru mjög ánægðar.
Okkur langar að þakka fyrir
aðstöðu sem við höfum haft í
Vélasalnum og aðstöðu sem
okkur var veitt í Áhaldahúsinu
seinni part vetrar og bjóðum alla
velkomna á sýninguna sem
stendur frá 24. til 27. apríl.“
Sumardagurinn fyrsti og
fleiri uppákomur
í dag, sumardaginn fyrsta, verður
bæjarlistamaður Vestmannaeyja
heiðraður í Listaskóla Vest-
mannaeyja klukkan 11.00.
Skrúðganga með Lúðrasveit
Vestmannaeyja og Skátafélaginu
Faxa leggur af stað klukkan
13.00 frá Ráðhústorgi að íþrótta-
miðstöð þar sem sumri verður
fagnað með leik og söng.
Kraftur í kringum landið, býður
áhugasömum að fara í tuðruferð
frá smábátabryggju klukkan
14.30 og um að gera að nota
tækifærið.
Nemendur Steinunnar Einars-
dóttur, myndlistamanns, hefja
myndlistarsýningu í Vélasal
Listaskólans á sumardaginn
fyrsta klukkan 14.00. Sýningin
mun standa yfir til 27. apríl frá
14.00 til 18.00.
Það verður líka nóg um að vera í
tónlistarlífinu í tilefni sumar-
komu um helgina. Hljómsveitin
Tríkot og Lúðrasveit Vest-
mannaeyja leika saman á tón-
leikum í Höllinni á laugar-
dagskvöld. Ennisrakaðir skötu-
selir sem E1 Puerco, alias Eh'as
Bjamhéðinsson, fer fyrir, troða
upp á Café Drífanda á laugar-
dagskvöldið. Foreign Monkies
blása til tónleika í Höllinni á
sunnudagskvöldinu og Vörtón-
leikar söngnemenda Tónlistar-
skólans verða í Safnaðar-
heimilinu á mánudagskvöldinu.
fjtgefandi: Eyjasýn chf. 480378-0549 - Vcstmannaeyjum. Ritstjóri; Ómar (Jarðarssou.
Blaðamenn: (iuðbjiirg Sigurgcirsdóttir, Sigurgcir Jónsson »g Ellert Scheving. íþróttir:
Ellort Schcving.Ábyrgðarmenn: ðmar Garðarsson & Gísli Valtýsson.
Prentvinna: Eyjasýn/ Eyjaprent. Vestmannaeyjum. Aðsetur ritstjómar: Strandvcgi 47.
Símar: 481 1300 & 481 3310. Myndrití: 481-1393. Netfang/rafpóstur frettir@eyjafrcttir.is.
Veffang: http//www.eyjafrettír.is
FRÉlTitt koma út alla fimmtudaga. Blaðið er selt í áskrift og einnig í lausasölu á Klotti,
Tvistínum, Toppnum, Vöruval, Herjólfi, Flughafnarversluninni, Krónwini, lsjakanum,
verslun 11-11 og Skýlinu í Friðarhöfn.. FRÉTTER eru prentaðar í 3000 eintökum.
FRÉTTER em aðilar að Samtökum bæjar- og héraðsfréttablaða. Eftírprentun, hljóðritun,
notkun 1 jósmynda og annað er óheimilt nema heimilda sé getið.