Fréttir - Eyjafréttir - 24.04.2008, Blaðsíða 4

4
Fréttir / Fimmtudagur 24. aprfl 2008
Framkvæmdir í
Herjólfsdal:
Laga og
stækka
undir hvítu
tjöldin
Nú eru að fara í gang talsverðar
framkvæmdir í Dalnum. Tjald-
svæði hvítu tjaldanna verður
stækkað talsvert á efri pallinum.
Einnig verða dældir og ójöfnur
sléttaðar, og skipt um jarðveg
framan við Þórs- og Týsgötu.
Þetta er gert til að bæta svæðið í
heild sinni og mæta sífellt stækk-
andi hústjöldum. Einnig er það
staðreynd, að Vestmannaey-
ingum, bæði þeim sem hér búa og
brottfluttum, fer sífellt fjölgandi.
Vestmannaeyjabær stendur að
framkvæmdinni og mun IBV
íþróttafélag taka að sér að tyrfa
og snyrta í lokafrágangi verksins.
Þá verður einnig lokið við mal-
bikun á hlaupabrautinni kringum
Tjömina í sumar. IBV íþrótta-
félag fagnar myndarlegri aðkomu
Vestmannaeyjabæjar að fram-
kvæmdum í Herjólfsdal og vænt-
ir þess að framhald verði á bættri
aðstöðu til hátíðahalda í Dalnum
á næstu árum.
Af www.ibv.is
Yfirlýsing
Slurla Böðvarsson, fyrrum sam-
gönguráðherra og Páll Sigur-
jónsson fyrrum forstjóri ístaks
eru ósáttir við orð Árna Johnsen,
alþingismanns, um Vegagerðina
og þá sérstaklega aðstoðarvega-
málastjóra sem hann sakar um
vond og ófagleg vinnubrögð við
undirbúning að ákvarðanatöku
vegna hafnar í Bakkafjöru.
Segja þeir ummælin ómakleg og
óskiljanleg og hafa sent frá sér
yfirlýsingu.
Árið 2004 skipaði ég undirrit-
aður, þáverandi samgönguráð-
herra, starfshóp til að fjalla um
samgöngur við Vestmannaeyjar í
samráði við þingmenn Suður-
kjördæmis. í hópnum, sem skil-
aði lokaskýrslu 2006, áttu sæti
undirritaður, Páll Sigurjónsson
verkfræðingur, sem jafnframt var
formaður hópsins, Bergur Elías
Ágústsson, þáverandi bæjarstjóri
í Vestmannaeyjum, Ingi Sigurðs-
son, fyrrverandi bæjarstjóri í
Vestmannaeyjum, Páll Zóphón-
íasson, fyrrverandi bæjarstjóri í
Vestmannaeyjum, Gunnar Gunn-
arsson, aðstoðarvegamálastjóri
og Jón E. Malmquist, lögfræð-
ingur í samgönguráðuneytinu.
Starfshópnum var falið að kanna
og meta eftirfarandi þrjá megin-
kosti til þess að bæta samgöngur
við Vestmannaeyjar:
1. Endurbættar ferjusiglingar
með Herjólfi milli Vestmannaeyja
og Þorlákshafnar auk flugsam-
gangna.
2. Byggingu ferjuhafnar og rekst-
ur ferju á siglingaleiðinni milli
Bakkafjöru og Eyja.
3. Gerð jarðganga milli lands og
Vestmannaeyja. Að þessu verk-
efni voru kaílaðir sérfræðingar og
ráðgjafar, ekki síst hvað varðaði
jarðgangakostinn.
Það var sameiginleg niðurstaða
starfshópsins að gera það að
tillögu sinni að skoðuð yrði nánar
sú lausn að byggja ferjuhöfn í
Bakkafjöru.
Með vísun til framanritaðs
hörmum við undirritaðir tilefnis-
laus og ómakleg ummæli um
Vegagerðina og aðstoðarvega-
málastjóra.
Sturla erforseti Alþingis.
Páll er verkfrceðingur.
Eyjamaöcir vlkunnar:
Bakkafjara fallegasti staðurinn
Lúðrasveit Vestmannaeyja og
hljómsveitin Tríkot halda tón-
leika í Höllinni á laugardags-
kvöldið. Boðið verður upp á fjöl-
breytta dagskrá og ekki að efa að
boðið verður upp á skemmtilega
tónleika. Stefán Sigurjónsson er
einn meðlima í Lúðrasveitinni og
er hann Eyjamaður vikunnar.
Nafn: Stefán Sigurjónsson.
Fæðingardagur: 29.01.1954.
Fæðingarstaður: Geirakot, Sand-
víkurhreppi (Árborg).
Fjölskylda: Er í fjarbúð með Jó-
hönnu Gunnarsdóttur. Börnin eru
fjögur: Dagbjört, Sigrún, Gísli og
Kristín. Bamabörnin eru þrjú:
Rebekka Rut, Sveinn Stefán og
Róbert Elí.
Draumabfllinn: Er alltaf að bíða
eftir að verða boðinn díllinn í
draumabílinn.
Uppáhaldsmatur: Allur matur
sem ég má helst ekki borða.
Versti matur: Skata .
Uppáhalds vefsíða: eyjafréttir.is
að sjálfsögðu.
Hvaða tónlist kemur þér í gott
skap: Létt sveifla.
Aðaláhugamál: Þau eru nokkuð
Stefán Sigurjónsson er Eyjamaður
vikunnar.
mörg og sum vil ég bara eiga fyrir
mig.
Hvaða mann/konu myndir þú
vilja hitta úr mannkynssögunni:
Oddgeir Kristjánsson. Eg hitti
hann aldrei en fmnst ég oft hafa
verið honum nákominn.
Fallegasti staður sem þú hefur
komið á: Bakkafjara, þá blasa
Eyjamar við.
Uppáhalds íþróttamaður og
íþróttafélag: Það er ekkert uppá-
hald þar.
Ertu hjátrúarfullur: Já, frekar.
Stundar þú einhverja íþrótt: Já,
göngu og Mullersæfingar.
Uppáhaldssjónvarpsefni: Fréttir.
Hvað hefur þú verið lengi í
Lúðrasveitinni: Eg byrjaði í
Lúðrasveit Selfoss 1968, það eru
því komin 40 ár síðan ég byrjaði að
blása. Eg var svo líka í Lúðra-
sveitinni Svaninum frá 1971 -
1975. Ég hef verið í Lúðrasveit
Vestmannaeyja síðan haustið 1975
eða bráðum 33 ár. Þar af hef ég
stjómað henni í 20 ár. Það hefur
enginn stjómað henni lengur nema
Oddgeir, hann var stjómandi í 27
ár.
Eru lúðrasveitir orðnar
gamaldags: Nei alls ekki.
Hver er skemmtilegastur í
Lúðrasveitinni: Ég kann bara ekki
við að svara þessari spumingu, af
meðfæddri hæversku.
Hefur þú tekið þátt í svona sam-
starfi áður: Nei, ekki alveg svona
samstarfi.
Verða svona tónleikar árlegur
viðburður: Það á eftir að koma í
ljós.
Gamla myndin:
Tíu þúsundasta
myndin
Komið er að þeim tímamótum í tölvuskráningu og
leiðréttingu eða endurskráningu á ljósmyndasafni
Kjartans Guðmundssonar að komið er að ljósmynd no.
10.000. Eru þá eftir um það bil 2.000 myndir úr þeim
42 möppum er Kjartan lét eftir sig auk allnokkurs
fjölda mynda sem annað tveggja einungis em til á
glerfilmum eða sem lausmyndir. Af þessum 10.000
hefur tekist að bera kennsl á um 9.500, m.a. með
dyggri aðstoð lesenda Frétta.
Um leið og þakkað er fyrir stuðninginn birtum við
tímamótamyndina enda þótt okkur sé fullkunnugt um
hverjar horfa þar inn í ljósmyndaop fortíðarinnar.
Systurnar frá Strönd (Miðstræti 9Á) urðu fimm, en er
þessi mynd var tekin var sú yngsta ekki fædd.
Systumar eru talið frá vinstri: Guðrún og Lilja í efri
röð, Ingibjörg og Jórunn Ella í neðri röð. Sú fimmta er
Erla Unnur. Foreldrar þeirra systra voru þau hjónin
Olafur D. Sigurðsson og Guðrún Bjamadóttir. Tvo
drengi eignuðust hjónin til viðbótar stúlkunum fimm
og hétu þeir Einar og Bjarni Júlíus.
Þess má geta að núverandi eigandi að Strönd er
Frosti Gíslason, en eitt bama hans, Heimasloð.is, hýsir
verkefnið.
Fundað um Sögusetur
Félag um Sögusetur 1627 fékk til sína góða gesti á þriðjudag. Ólafur J. Engilbertsson er höfundur
sýningarinnar „Týrkjaránið - sjóræningjar og kristnir þrælar“ sem sett var upp í Vélasalnum á síðasta ári
og vill félagið í samvinnu við Ólaf finna sýningunni stað að nýju í Vestmannaeyjum. Steinunn
Jóhannesdóttir, höfundur Reisubókar Guðríðar og Ásthildur Valtýsdóttir, skrifstofustjóri Akademíunnar,
koma að skipulagi fjölbreyttrar ráðstefnu sem Sögusetrið ætlar að blása til í haust. Þar verður farið yfir
hvernig byggja má upp þekkingarsetur í tengslum við atburðina sem hér áttu sér stað og efla tengslanet
milli erlendra og innlendra fræðimanna.
Kirkjur bozjarins:
Landa-
kirkja
Fimmtudagur 24. aprfl, Sumar-
dagurinn fyrsti
ATH. Mömmumorgunn fellur niður.
Kl. 20.00. Opið hús í KFUM&K
húsinu.
Föstudagur 25. aprfl
Kl. 13.00. Æfing hjá Litlu lærisvein-
unum.
Kl. 14.00. Æfing hjá Litlu lærisvein-
unum.
Laugardagur 26. apríl
Kl. 14.00. Útför Emils S. Magnús-
sonar.
Sunnudagur 27. aprfl
Kl. 12.00. Vorhátíð Landakirkju.
Hefst með bama- og fjölskyldu-
guðsþjónustu sem barnafræðarar og
prestar leiða. Litlu lærisveinarnir og
Kór Landakirkju syngja. Eftir
stundina verður grillað og farið í
leiki sem krakkar úr æskulýðsfélag-
inu sjá um.
Kl. 20.30. Æskulýðsfélagsfundur í
Safnaðarheimili Landakirkju.
Þriðjudagur - föstudagur
Kl. 11.00 - 12.00. Viðtalstími presta
Landakirkju.
Hvítasunnu-
kirkjan
Fimmtudagur
Kl. 20:30 Biblíulestur.
Laugardagur
Kl. 20:30 Bænastund.
Sunnudagur
Kl. 13:00 Samkoma.
Allir hjartanlega velkomnir
Bœnastundir virka daga kl. 7:30.
Aðventkirkjan
Laugardagur
Biblíurannsókn og barnastarf kl.
10:30.
Vorhátíð
Landakirkju
Næsta sunnudag, 27. aprfl kl.
12.00, verður Vorhátíð
Landakirkju haldin. Hátíðin
hefst með barna- og fjölskyldu-
guðsþjónustu sem barnafræðarar
kirkjunnar og prestar sjá um.
Þar munu Litlu lærisveinarnir
syngja og einnig Kór Landa-
kirkju. Eftir stundina verður
boðið uppá grillaðar pylsur í boði
sóknarnefndar Ofanleitissóknar,
„Láglandaleikarnir“ verða
haldnir, en það eru krakkar úr
æskulýðsfélagi kirkjunnar sem
sjá um þá og fleiri leiki.
Andlitsmálarar verða á staðnum
og mála jafnt unga sem aldna að
hætti hússins. Komum saman og
fögnum sumri með gleði og söng
og „lofurn Drottin með bumbum
og gleðidansi“.