Fréttir - Eyjafréttir - 01.05.2008, Blaðsíða 4
4
Frcttií / Fimmtudagur 24. aprfl 2008
Blogghelmar
Eyjamaður vlkunnar:
Kirkjur bazjarins:
Karl Gauti Hjaltason
Að vaða
sorpreykinn?
Flestir íbúar Vestmannaeyja hafa
tekið eftir
reyknum frá
Sorpu. I aust-
lægum áttum ber
þennan reyk yfir
bæinn okkar.
Stundum slær
honum niður í
hverfm hér og á
mánudaginn bókstaflega fyllti
reykurinn miðbæinn svo fólk hélt
fyrir vit sér og erum við þó öllu
vanir frá loðnubræðslunni. Þetta er
að mínu viti ekki bara sjónmengun,
heldur miklu meira.
Það hefur oft verið um það rætt að
þetta þyrfti að laga. Setja síur eða
eitthvað í reykháfana. Mörg ár eru
síðan ég heyrði fyrst um það.
Afar fáir virðast þó kvarta yfir
þessu. Kannski fólk sé orðið dofið
af því að anda þessu að sér?
Þess vegna spyr ég: Er einhver
von um að eitthvað verði gert í
þessu og þá hvenær?
Þorkell Sigurjónsson:
Fleiri álver
minni mengun?
Þetta eru sko frábærar fréttir fyrir
okkur á lands-
byggðinni. Okkur
hér í Vestmanna-
eyjum vantar
alveg tilfinnan-
lega eitthvað nýtt,
sem ekki tengist
vatni eða bjór. Ég
sem einn af
fjögur þúsund íbúum í Eyjum
heimta hér með eilt stykki álver.
Þannig er, að ekki er lengur hægt,
að treysta á þingmennina okkar.
Árnarnir tveir alltaf í því, að koma
sér í vandræði við lög og rétt,
Kjartan í slátrinu og Drífa í fjósinu.
Guðni Ágústsson í útreiðum og
Bjarni bókaormur alltaf að lesa.
Lúlli ratar ekki lengur í heima-
byggðina.
Sá frjálslyndi stundar svo grimmt
líkamsræktina að ekkert annað
kemst að hjá honum og auðvitað er
Vg þingmaðurinn á móti öllum
framförum. Þannig að þið sjáið, að
við hinir almennu íbúar hér í
Eyjum verðum að taka málin
okkar hendur. Ég tel alveg víst að
við fáum alla þá, sem ekki skrifuðu
undir aulalistann hans Magga
Kristins „ströndum strax“ til þess,
að gerast hluthafar í þessu nýja
fyrirtæki. Sem sagt minni mengun
eru gleðilegustu tíðindi seinni ára
og greinilegt, að þeim mun fleiri
sem álverin verða, minnkar meng-
unin ennþá meira.
Helgi Þór Gunnarsson
Tríkot og Lúðró!
Við hjónin fórum á tónleika
hljómsveitanna
Tríkot og
Lúðrasveitar
Vestmannaeyja,
en með meðlim-
um lúðrasveitar-
innar voru
gestaleikarar frá
Lúðrasveit
verkalýðsins í Reykjavík. Þetta
voru hreint út sagt frábærir tón-
leikar í alla staði, og á hann Ós-
valdur Freyr Guðjónsson (Obbi)
mikið hrós skilið frá mér, og allir
sem ég talaði við eftir tónleikanna
voru á sama máli og ég, að endingu
vil ég þakka þeim sem stóðu að
þessum frábæru tóleikum.
Sæki innblástur í umhverfið
Berglind Kristjánsdóttir er Eyjamaður vikunnar.
Nafn: Berglind Kristjánsdóttir.
Fæðingardagur: 08.10.1971.
Fæðingarstaður: Reykjavík út af
því að ég var keisarabarn.
Fjölskylda: Maðurinn minn heitir
Jón Snædal Logason og eigum við
hana Höllu Björk og strákana Loga
Snædal og Sæþór Pál.
Draumabíllinn: Honda CRV.
Uppáhaldsmatur: Kjúklingur og
humar.
Versti matur: Súrmatur og soðnar
kjötfarsbollur.
Uppáhalds vefsíða: Verð ég ekki
að segja mín síða 123.is/BKgler.
Hvaða tónlist kemur þér í gott
skap: T.d Sálin og Simply Red og
flest popptónlist.
Aðaláhugamál: Glerlistin, Hressó
og fjölskyldan.
Hvaða mann/konu myndir þú
vilja hitta úr mannkynssögunni:
Ég veit það nú bara ekki, enginn
sérstakur.
Fallegasti staður sem þú hefur
komið á: Fyrir utan Vestmanna-
eyjar er það Lindos á Ródos.
Uppáhalds íþróttamaður og
íþróttafélag: Nonni Loga og
bömin okkar og ÍBV.
Ertu hjátrúarfull: Já, ég get verið
það stundum.
Stundar þú einhverja íþrótt: Já,
ég stunda Flressó sem er frábært.
Uppáhaldssjónvarpsefni: CSI
þættimir og American Idol.
Hvað er erfiðast við glervinnslu:
Það er þegar ég er að vinna með
hrikalega stórar rúður því þá er
glerið orðið svo þungt og erfitt að
skera það niður eins að taka rúður í
sundur sem ég hef fengið gefins frá
fólki því límingin er oft svo föst.
Hvert sækir þú innblástur:Mjög
víða eins og í umhverfið, á netið og
í blöðin, stundum poppar upp bara
einhver hugmynd hjá mér þá er líka
gott að punkta hana niður svo ég
gleymi henni ekki. Annars er ég
misjöfn, stundum er ég þvílíkt frjó
og stundum kemur bara ekki neitt.
Er ekki toppurinn að vera
bæjarlistamaður: Jú, það myndi
ég segja því þetta er þvílíkur heiður
fyrir mig og mína glerlist.
Matgozðingur vikunnar:
Heilsteikt svín á teini
Ég vil þakka Darra félaga mínum
fyrir að benda á mig sem næsta
matgæðing vikunnar.
Því miður verður honum ekki að
ósk sinni með Júllasið þar sem Júlli
neitaði að opna uppskriftabók sína.
Það var alveg sama hvað ég bað vel
um uppskriftina að hinu fomfræga
olíuhakki. Það er matur sem
áhöfnin á Frá er búin að rífa í sig
síðastliðna kvart öld og klikkar
aldrei.
Þess í stað bennti hann mér á að
ég gæti eldað beikonvafða drottn-
ingarskinku, en ég tek ekki séns á
henni þar sem hann hefur aldrei
boðið upp á hana um borð.
En þar sem ég er Drullusokkur nr.
1 þarf ég staðgóðan mat eftir
langan hjóladag og læt hollustuna
lönd og leið þá daga.
Þar sem Dmllusokkarnir eru orðnir
svo margir dugir ekkert annað en
heilsteikt svín á teini.
Heilsteikt svín
Takið svínið og þræðið upp á tein.
Framendinn fram og afturendinn
aftur.
Snúð svíninu á 20 mínútna fresti
þar til kjötið er orðið ljóst.
Setjið stórar bökunarkartöflur í
Tryggvi Sigurðsson er matgœð-
ingur vikunnar.
álpappír og setjið á kolin í ca. 1 Vi
tíma.
Gott er að hafa kryddsmjör með
kartöflunum þegar þær em bornar
fram.
Best væri að hafa súru sósuna
hans Júlla með og drekka hana úr
glasi en ég gat ekki fengið for-
múluna að henni þar sem Júlli
liggur á henni eins og ormur á
gulli.
I staðinn sting ég upp á kaldri
piparsósu sem keypt er í plastdollu
og bæta slatta af rjóma út í. Hitið
við vægan hita en ekki láta hana
sjóða.
Ekki er gott að hafa grænmeti
með þar sem það dregur athyglina
frá aðalréttinum.
Eftir að hafa sofið á meltunni er
gott að fá sér staðgóðan morgun-
mat áður en haldið er af stað aftur á
mótorfáknum. Það kraftmesta sem
kemur til greina í þeim efnum er
egg og beikon.
Hitið pönnuna vel. Steikið
beikonið vel svo það verði stökkt
og brakandi. Eggin eru steikt á eftir
í olíunni sem kom af beikoninu.
Gott er að hafa Heinz bakaðar
baunir með því þá lofttæmist
líkaminn yfir daginn. Besti drykkur
með þessu er appelsínusafi. Reikna
þarf með 4 eggjum á mann og
minst einu bréfi af beikoni.
Því miður get ég ekki bent á Júlla
sem næsta matgæðing þar sem
hann er nýbúinn að vera mat-
gæðingur vikunnar en annar skips-
félagi minn er mikill áhugamaður
um mataruppskriftir. Það er Sigmar
Þröstur Óskarsson. Ég veit að hann
skúrar fram flottum borgurum. með
stæl og af miklu kappi eins og
honum er einum lagið
Qamla myndin:
Gróa Hjörleifsdóttir, Raufarfelli?
Tæpar 500 myndir af þeim 10.000 úr ijósmyndasafni
Kjartans Guðmundssonar sem búið er að fara yfir eru
enn óþekktar að hluta eða öllu leyti. Hlutfallið er ekki
hátt, aðeins um 0.05 prósent. Eigi að síður er það svo að
umhugsun okkar, sem viljum fullklára verkefnin, snýst
ekki lengur um þær 9.500 myndir sem fullþekktar eru og
þar með fullskráðar, heldur eru það hinar 500 sem hvor-
ki sá sem nú situr við að merkja myndirnar, Gunnar
Ólafsson, né sá hópur sem á undan honum fór, þekkti
eða gat útvegað upplýsingar um. í anddyri Bókasafnsins
höfum við komið fyrir spjaldi þar sem sumar myndanna
hanga uppi. Jafnframt er þar borð og þægilegir stólar
við.
Á borðinu eru möppur sem geyma ljósrit af stórum hluta
af þeim myndum sem enn hefur ekki tekist að bera
kennsl á. Eg eigra stundum þangað fram og það gleður
mig að sjá að gestir eða bókaverðir að beiðni gesta hafa
merkt talsverðan hluta myndanna. Hér birtum við eina
þeirra mynda og er eins og sjá má sett spurningamerki
við rakninguna. Það merkir að sá eða sú er taldi sig
þekkja segist ekki vera algerlega viss. Því þurfum við
staðfestingu og hennar leitum við að sjálfsögðu hjá
lesendum Frétta. Við minnum jafnframt á að auðvelt er
að hafa samband við okkur í síma 481 1184 eða líta við
hjá okkur, fá sér katTibolla og fletta í gegnum möp-
purnar. Hver veit nema einmitt þú vitir það sem okkur
svo sárlega vantar að vita til að Ijúka þeim áfanga að ful-
Ivinna ljósmyndasafn Kjartans Guðmundssonar.
Landa-
kirkia
Fimmtudagur I. maí. Uppstign-
inardagur, Verkalýðsdagurinn:
ATH. Mömmumorgunn fellur niður.
Kl. 14.00. Guðsþjónusta á degi
aldraðra og baráttudegi hinna vinn-
andi stétta. Fólk úr félagi eldri borg-
ara les ritningarlestur og útgöngu-
bæn, og formaður Verslunar-
félagsins les guðspjall.
Kór Landakirkju syngur undir stjórn
Guðmundar H. Guðjónssonar.
Akstur í boði frá Hraunbúðum. Eftir
guðsþjónustu er kaffi í Alþýðu-
húsinu í boði Stéttarfélaganna.
Sunnudagur 4. maí
Kl. 14.00. Guðsþjónusta. Innsetning
Guðnýjar Bjarnadóttur, djákna, í
embætti. Dr. Gunnar Kristjánsson,
prófastur Kjalarnessprófastsdæmis
annast innsetninguna og prédikar.
Að athöfn lokinni býður Kvenfélag
Landakirkju til kaffisamsætis í Safn-
aðarheimilinu.
Viðtalstímar prestanna eru
þriðjudaga til föstudaga milli 11.00
og 12.00.
Hvítasunnu-
kirkjan
Fimmtudagur
Uppstigningardagur
Samkoma kl. 20:30
Laugardagur
Brauðsbrotning kl. 20:30
Sunnudagur
Samkoma kl. 13:00
Allir hjartanlega velkomnir.
Aðventkirkjan
Laugardagur
Biblíurannsókn og barnastarf kl.
10:30.
Birta í þriðja
sæti
Sjöundu bekkir Grunnskóla Vest-
mannaeyja, kennarar þeirra og
skólastjóri lögðu land undir fót til
Þorlákshafnar fyrir skömmu til að
taka þátt í lokahátíð stóru upp-
lestrarkeppninnar. Þar öttu átta
kappi við nemendur úr Grunnskóla
Þorlákshafnar. Lesið var upp úr
sögunni um Nonna og Manna.
Einnig lásu nemendur tvö ljóð,
annað að eigin vali og hitt eftir
Stein Steinarr.
Úrslit urðu þau að Birta Marinós-
dóttir úr 7. DB varð í 3. sæti.
Tvær stúlkur úr Þorlákshöfn hlutu
1. og 2. verðlaun, þær Ólöf Björk
Sigurðardóttir og Kristrún Gests-
dóttir.
Allir upplesararnir fengu bókagjöf
frá Röddum, félagi móðurmáls-
kennara ásamt viðurkenningar-
skjali. Nemendurnir í þremur efstu
sætunum hlutu vegleg peningaverð-
laun frá Sparisjóðunum á Islandi.
Grunnskóli Þorlákshafnar bauð
gestum sínum í hádegismat. Síðan
var boðið upp á skoðunarferð um
Þorlákshöfn og endað á diskóteki
áður en haldið var heim á leið með
Herjólfi.
Nemendur GV stóðu sig með
prýði í þessari ferð og óhætt er að
óska foreldrum þeirra og kennurum
til hamingju með vel heppnaða ferð
og góðan árangur.
Af vestmannaeyjar.is