Fréttir - Eyjafréttir - 01.05.2008, Blaðsíða 8
8
Frcttir / Fimmtudagur 1. maí 2008
SAMHENT FJÖLSKYLDA Systkynin Guðmunda og Guðjón með fjölskyldum sínum sem lögðu nótt við dag til að hægt yrði að opna á tilsettum tíma.
Þrjú fyrirtæki undir eitt og sama þak að Vesturvegi 10:
Barnaborg, Volare og Heimaey
HÚSNÆÐIÐ hefur tekið miklum stakkaskiptum og nú getur fólk á öllum aldri fundið eitthvað við sitt hæfi.
Verslanirnar Volare og Barnaborg,
sem eru í eigu Guðmundu Hjör-
leifsdóttur og fjölskyldu, hafa verið
opnaðar á nýjum stað ásamt
Heimaey þjónustuveri. Eru
fyrirtækin nú til húsa að Vesturvegi
10 þar sem áður var Reynistaður.
Sigursveinn Þórðarson, fram-
kvæmdastjóri Volare og Barna-
borgar, bauð gesti hjartanlega
velkomna þegar húsakynnin voru
opnuð formlega á laugardag en
fjöldi gesta var við opnunina.
Sigursveinn fór yfir starfsemina
sem verður í húsinu og sagði m.a.
að Guðjón Hjörleifsson ræki
heitustu fasteignasölu bæjarins í
austurendanum þar sem Heimaey
þjónustuver er með aðstöðu. Auk
fasteignasölunnar er Guðjón með
sölu á tryggingum fyrir Vörð,
skipasölu og umboð fyrir Happ-
drætti Háskóla Islands.
Þá sagði Sigursveinn það sérstaka
ánægju að Útvegsbændafélag
Vestmannaeyja hefur flutt sína
starfsemi í þjónustuverið.
Volare hefur undanfarið ár rekið
tvær verslanir í Eyjum, annars
vegar á Vestmannabrautinni undir
nafni Volare og hins vegar Barna-
borg á Heiðarvegi 9. Sigursveinn
sagði að ákveðið hefði verið að
sameina þessar tvær verslanir í eina
og nú væri rýmra um verslanir og
vörulager. „Volare vörurnar seljum
við um land allt, það þarf stórt
pláss fyrir lagerinn okkar og pökk-
unarþjónustu og er hún bakatil í
húsinu. Mjög rúmt um okkur
miðað við fyrri stað,“ sagði
Sigursveinn og tók fram að það
væri nær ótrúlegt að ekki væru
nema fjörutíu dagar síðan húsnæðið
var afhent.
„Þetta hefði ekki verið hægt nema
eiga góða að og við höfum fengið
ótrúlega hjálp frá mörgum til þess
að gera draum okkar að veruleika,
að ná að opna þennan dag. Svolítið
íslenska aðferðin. Við settum okkur
ákveðið takmark. Þó sumir iðnaðar-
mennimir hafi hrist hausinn yfir
bráðlætinu þá tókst þetta með því
að vinna hér langt fram á kvöld og
nótt síðustu vikumar. Fjöldinn allur
af fólki hefur komið og hjálpað.
Starfsfólkið okkar hefur lagt sitt
af mörkum og eins og sjá má í
versluninni höfum við einstaklega
smekklegt starfsfólk. Jónínu Björk
Hjörleifsdóttur viljum við þakka
sérstaklega fyrir en hún teiknaði
þessa skemmtilegu mynd upp á
vesturvegginn í versluninni. Þórður
Sigursveinsson og Hjörleifur
Þórðarson höfðu yfirumsjón með
framkvæmdum og leystu þau
vandamál sem upp komu Viðbrögð
Eyjamanna miklu betri en við
gátum látið okkur dreyma um og
fyrir það erum við þakklát," sagði
Sigursveinn þegar húsið var opnað
formlega.
Bragginn með
bílasýningu
um helgina
Bragginn verður með bfla- og
mótorhjólasýningu næsta laugar-
dag. Sýningin verður í Bragg-
anum við Flatir og áhugasamir
geta skoðað og prufuekið Honda
og Peugeot bflum. Auk þess verða
mótor- og torfæruhjól frá Honda
á sýningunni.
Gunnar Sigurjónsson, Darri í
Bragganum, sagði að Honda
bflar væru mjög vinsælir í Eyjum
og nú sé algengt að menn láti
gamlan draum rætast og kaupi
sér Honda mótorhjól. Sýningin
verður opin frá 10.00 til 15.00 á
laugardag og allir hjartanlega
velkomnir til að skoða, spá og
spekulera.