Fréttir - Eyjafréttir - 08.05.2008, Qupperneq 1
iiiiiiimimimimimiiimmmmimmiMii*
Bílaverkstæðið BrAGGINN sf. Flötum 20
Viðgerðir og smurstöð - Réttingar og sprautun - Sími 481 3235 Sími 481 1535
35. árg. I 19. tbl. I Vestmannaeyjum 8. maí 2008 I Verð kr. 200 I Sími 481-1300 I Fax 481-1293 I www.eyjafrettir.is
UNGT og leikur sér Mynd Addi í London.
Kippur í byggingaframkvæmdum - Búið að úthluta yfir 20 lóðum:
Erum að nj óta væntinga
fólks um bættar samgöngur
Það trúir á betra og öflugra samfélag í Eyjum með tilkomu
Landeyjahafnar, segir formaður umhverfis og skipulagsráðs
Byggingaframkvæmdir hafa tekið
mikinn kipp í Vestmannaeyjum si'ð-
ustu mánuði og hefur verið sótt um
rúmlega 20 lóðir fyrir íbúðarhús-
næði og undir atvinnustarfsemi.
Fréttir tóku púlsinn á stöðunni í
viðtali við Gunnlaug Grettisson,
formann, umhverfis- og skipulags-
ráðs. Hann segir þetta ánægjulega
þróun sem hann þakkar meðal
annars væntingum fólks vegna bóta
í samgöngumálum með tilkomu
Landeyjahafnar.
„Við erum búin að úthluta rúmlega
20 lóðum síðustu mánuði og er
stærsti hlutinn lóðir undir íbúðar-
húsnæði sem er mjög ánægjuleg
þróun. Þarna erum við að tala um
sex lóðir við Bessahraun, fjórar við
Litlagerði og lóðir við Birkihlið,
Vestmannabraut, Skólaveg, Vestur-
veg, Hilmisgötu og á fleiri stöðum.
Þegar verið er að setja inn ný hús í
gróin hverfi þarf að passa að þau
falli vel að umhverfinu."
Gunnlaugur segir þetta mikinn
viðsnúning frá fyrri árum. „Þetta
sem ég hef talið upp eru allt
umsóknir og úthlutanir á þessu
kjörtímabili. Húsið sem nú er verið
að reisa á Baldurshagalóðinni er
ekki inni í þessari upptalningu en
þar eru um 16 íbúðir sem verða til-
búnar á næstu mánuðum. Þetta
sýnir að fólk hefur aftur orðið trú á
Vestmannaeyjum og þar vegur
þungt bylting í samgöngum með
tilkomu Landeyjahafnar árið 2010.
Það má því kannski segja að við
séum þegar farin að njóta væntinga
fólks um betra og öflugra samfélag í
Eyjum með bættum samgöngum og
m.a. þess vegna má ekkert trufla það
ferli."
Um framhaldið segir Gunnlaugur
að stefnan sé að koma lausum
lóðum í eldri hverfum í úthlutun.
„Liður í þessu er að taka upp
deiliskipulag í Ashamrinum þar sem
gert er ráð fyrir rað- og parhúsum.
Þá höfum við orðið vör við mjög
mikinn áhuga á lóðunum vestan við
Hrauntúnið. Þar gæti verið pláss
fyrir 15 til 20 einbýlishús og raðhús.
Þá hafa okkur borist fyrirspurnir um
svokallaða búgarðabyggð við Norð-
urgarð þar sem hægt væri að hafa
t.d. hesthús við íbúðarhúsin."
Gunnlaugur segir að öll skipu-
lagsvinna verði að taka mið af því
að land á Heimaey er mjög tak-
markað. „Um leið búum við að ein-
stakri náttúrufegurð sem kallar á að
við vöndum okkur og nýtum landið
eins vel og kostur er. Við erum t.d.
komin í vandræði með lóðir undir
atvinnu- og þjónustuhúsnæði og þar
horfum við m.a. til malarvallarins
við Löngulág. Þar er gert ráð fyrir
léttum iðnaði og íbúðarhúsum en
það kallar á nýtt deiliskipulag."
Gunnlaugur telur að verði stór-
skipahöfn norðan við Eiðið að
veruleika opnist miklir möguleikar í
breyttri notkun hafnarsvæðisins.
„Til yrðu lóðir á uppfyllingum við
höfnina og um leið og þunginn
færist inn á Eiði losnar um lóðir
annars staðar á hafnarsvæðinu. Allt
sýnir þetta okkur þá möguleika sem
opnast með tilkomu Landeyjahafnar
og stórskipahafnar sem eru tvö
alveg aðskilin mál,“ sagði Gunn-
laugur að endingu.
Fjölgar í bænum:
Fjórtán
fjölskyldur
á leiðinni
Fréttir berast nú af ungu fólki
sem hefur fullan hug á að flytja
til Eyja á árinu. Þetta er góð
þróun fyrir bæjarfélag sem
glímt hefur við fólksfækkun en
íbúum hefur nú þegar fjölgað á
þessu ári. Þann 1. desember á
síðasta ári voru íbúarnir 4.040
en eru nú 4.056.
Áki Heinz Haraldsson, hjá
Vestmannaeyjabæ, sagði að
eftir því sem hann best vissi
væru miklar líkur á að fjórtán
fjölskyldur flyttu hingað á
árinu. Nú þegar eru fjórar af
þessum fjölskyldum komnar
og ef allt gengur eftir þá eru
þetta um 46 manns í heildina.
Þetta er yfirleitt ungt fólk, fætt
á tímabilinu 1971 til 1980 en
það er einmitt aldurshópur sem
vantað hefur í bæinn Þá sagði
Áki að hér væru um fimmtíu
Pólverjar við störf en þeir eru
ekki taldir með í íbúatölunni.
Á móti kemur að eitthvað er
um að fólk er skráð hér en býr
í raun uppi á landi.
Langþráðar
samgöngu-
bætur í
vændum
Á fundi bæjarráðs á mánudag
var tekið fyrir bréf frá Alþingi
dags. 29. aprfl sl. þar sem
samgöngunefnd Alþingis óskar
eftir umsögn um frumvarp til
laga um Landeyjahöfn.
„Bæjarráð fagnar því að nú
hilli loks undir það að fram-
kvæmdir hefjist við langþráðar
samgöngubætur við Vest-
mannaeyjar. Hvað varðar
fyrirliggjandi frumvarp, vísar
bæjarráð til fyrri samþykkta,“
segir í bókun bæjarráðs og var
bæjarstjóra falið að að óska
eftir fundi með samgöngu-
nefnd.
Eyjamenn, sem sendu inn
tilboð um smíði og rekstur
ferju, funduðu með fulltrúum
ríkisins á mánudag. Ekkert
kom út úr fundinum en aðilar
hittast næsta þriðjudag og þá
gæti dregið til tíðinda.
VIÐ LÁTUM BÍLINN GANGA... ne itáhamar VÉLA- OG BÍLAVERKSTÆÐI
...SVO ÞÚ ÞURFIR ÞESS EKKI
SMURSTÖÐ OG ALHLIÐA BÍLAVIÐGEÐIR / ÞJÓNUSTUAÐILI í EYJUM FLATIR 21 / S. 481-1216 / GSM. 864-4616