Fréttir - Eyjafréttir - 29.05.2008, Blaðsíða 6
6
Fréttir / Fimmtudagur 29. maí 2008
-í
Bæjarráð krefst svara um stöðu mála vegna ferju í Landeyjahöfn:
Krafan að siglingar
hefjist 1. júlí 2010
-Þá gerir bæjarráð einnig kröfu um að ferjan beri að lágmarki 400 far-
þega og 68 bíla auk þess að mönnun um borð taki mið af því
þjónustustigi, sem eðlilegt er að gera í siglingum milli lands og Eyja
BÆJARRÁÐ hefur verið samstíga í samgöngumálum. Páll Scheving, Rut Haraldsdóttir, staðgengill bæjarstjóra, Páll Marvin Jónsson og Páley
Brgþórsdóttir, formaður bæjarráðs.
Bæjarráð hefur haldið tvo fundi með
stuttu millibili þar sem staðan í
samgöngumálum var rædd. Sá fyrri
var haldinn síðasta fimmtudag og
hinn síðari á þriðjudaginn. Tilefnið
er að enn liggur ekki fyrir niður-
staða vegna ferju í væntanlega
Landeyjahöfn. Bæjarráð lýsir yfír
áhyggjum af stöðunni.
Á fundinum á fimmtudag var rætt
um fréttir þess efnis að samgöngu-
ráðherra ætlaði daginn eftir, þ.e.
föstudag, að kynna fyrir ríkisstjóm
þá valmöguleika sem sérfræðingar
leggja til vegna tilboðs Vinnslu-
stöðvarinnar og Vestmannaeyja-
bæjar um smíði og rekstur nýrrar
Vestmannaeyjaferju. Ekkert varð af
því að samgönguráðherra kynnti
valmöguleikana á ríkisstjórnarfund-
inum, og var eftir því sem næst
verður komist, vegna tímaskorts.
Málið var síðan kynnt á fundi
ríkisstjórnar á þriðjudag og verður
rætt á fundi á föstudag.
Samgönguráðherra og
ríkisstjórn varist vítin
Bæjarráðsmenn hafa þó verulegar
áhyggjur því ráðið skorar á sam-
gönguráðherra og ríkisstjórn íslands
að gæta hagsmuna Vestmanna-
eyinga í ákvörðunum er tengjast
samgöngum við Vestmannaeyjar. Þá
hvetur bæjarráð samgönguráðherra
og ríkisstjórn til að varast vítin hvað
varðar kostnaðarmat ráðgjafa um
smíði og endurgerð ferja. „Krafa
bæjarráðs er að væntanleg ferja hefji
siglingar í Landeyjahöfn I. júlí
2010. Þá gerir bæjarráð einnig kröfu
um að fetjan beri að lágmarki 400
farþega og 68 bíla auk þess að
mönnun um borð taki mið af því
þjónustustigi, sem eðlilegt er í
siglingum milli lands og Eyja.“
Embættismenn og pólitík-
usar með aðrar hugmyndir
Bæjarráð segir ennfremur að Vest-
mannaeyingar hafi nú í hálft ár, með
velviljuðum aðilum innanbæjar og
utan, unnið hörðum höndum að þátt-
töku í útboði á rekstri og eignarhaldi
á nýjum Herjólfi sem ganga á í
Landeyjahöfn. „Við vinnu þessa
hefur hvergi verið til sparað og
höfuðáhersla verið lögð á öryggi og
þjónustustig í þessum samgöngum.
Leitað hefur verið til færustu sér-
fræðinga innan lands sem utan bæði
við hönnun skipsins sem og við fjár-
mögnun verkefnisins. Þessi vinna
hefur leitt til þess að skilað hefur
verið inn tveimur aðaltilboðum og
sex varatilboðum. Snemma í ferlinu
varð þó ljóst að ákveðnir embættis-
menn og pólitískir fulltrúar höfðu
aðrar hugmyndir um stærð væntan-
legrar ferju og þjónustustig um borð
í henni en heimamenn. Það, auk
erfiðrar stöðu á fjármagnsmarkaði,
gerði tilboðin hærri en kostn-
aðaráætlun ríkisins
Gefa ekki eftir í kröfum um
burðargetu
Bæjarráð og bæjarstjórn hafa
ítrekað lagt fast að fulltrúum sínum
við gerð tilboðanna að hvika hvergi
frá kröfunni um hátt þjónustustig og
öflugt skip. Þannig hefur bæjarráð
ekki ljáð á því máls að minnka skip-
ið úr efri mörkum útboðsskilmála
(69 m lengd og 16 m breidd). Krafa
Vestmannaeyjabæjar hefur verið og
verður að skipið beri að lágmarki
400 farþega og 68 bfla. Bæjarráð
þakkar fulltrúum heimamanna óeig-
ingjarna og vandaða vinnu og þá
ekki síst fyrir að gefa ekki eftir í
kröfum um burðargetu skipsins og
væntanlegt þjónustustig um borð.
Þvert á hagsmuni Vest-
mannaeyj abæ j ar
Bæjarráð bendir þeim sem koma að
ákvörðunartöku í málinu á að ferjan
eigi að þjóna samgöngum til Vest-
mannaeyja næstu 15 árin og því
mikilvægt að skipið standist kröfur
um ferjusiglingar allan þann tíma.
Bæjarráð óttast að nú sé í uppsigl-
ingu ákvörðun sem gangi þvert
gegn hagsmunum
Vestmannaeyjabæjar. Fari samgön-
guráðherra að tillögum ráðgjafa
þess efnis að hafna tilboði heima-
manna er hætt við að ferjan verði
minnkuð, dregið verði úr
fyrirhugaðri þjónustu og reksturinn
svo boðinn út ntiðað við lakari for-
sendur. Þá er einnig ástæða til að
óttast að þetta komi til með að
fresta samgöngubótum. Öll frestun
á samgöngubótum er með öllu
óásættanleg.
Bæjarráð Vestmannaeyja telur að
Vestmannaeyingar búi yfir víð-
tækustu reynslu af rekstri og notkun
ferja á Islandi og fullyrðir að ekki sé
hægt að bjóða upp á betri kost en
gert er með tilboði heimamanna
fyrir lægri fjárhæðir, en gert er með
tilboðinu. Því hvetur bæjarráð sam-
gönguráðherra til að varast vítin
þegar kemur að vinnu við endur-
gerðir og smíði á ferjum.“ segir f
ályktun bæjarráðs frá í síðustu viku.
Harmar seinagang
Fyrir fundinum á þriðjudaginn lágu
upplýsingar um að ríkisstjóm hefði
fjallað um málið á fundi sínum fyrr
um daginn og enn á ný var af-
greiðslu frestað. Kom fram á fund-
inum að engar formlegar upplýs-
ingar um málið hafi borist Vest-
mannaeyjabæ urn hvað valdi þess-
um töfum og seinkun á ákvörðun.
„Bæjarráð harmar seinagang í
málinu. Nú, þegar flest bendir til
þess að tilboði heimamanna í rekst-
urinn verði hafnað, liggur fyrir að á
ný þarf að leita heimilda Alþingis til
að hægt verði að fara í smíði og
hönnun á skipi. Vart þarf að rninna á
að dragi ríkisstjóm ákvörðun öllu
lengur verður ekki hægt að sækja
slíkar heimildir enda er seinasti
starfsdagur Alþingis á föstudaginn.
Slíkt gæti frestað málinu um að
minnsta kosti eitt ár með tilheyrandi
skaða fyrir Vestmannaeyjar, íbúa og
fyrirtæki.
Bæjarráð hvetur samgönguráð-
herra og aðra sem um málið fjalla til
að vera minnugir mikilvægis máls-
ins fyrir Vestmannaeyinga. Lang-
lundargeð Eyjamanna hvað sam-
göngur varðar er fyrir löngu þrotið
og telur bæjarráð það afar mikilvægt
að staðið verði við þau fyrirheit að
siglingar í Landeyjahöfn hefjist eigi
síðar en I. júlí 2010,“ segir í ályktun
fundarins á þriðjudaginn.
SUMAR- OG
LEIKJANAMSKEIÐ
Fimleikafélagið Rán ætlar að halda sumar- og leik- janámskeið fyrir börn fædd 2002 og eldri. Námskeiðið verður í 6 vikur og hefst mánudaginn 9. júní.
Hægt verður að velja um eftirfarandi tíma: Fyrir hádegi, kl.9.00 - 12.00 Eftir hádegi, kl. 13.00 - 16.00 Skráning á netfangið ahi@simnet.is eða í síma 899-7776 (Anna Hulda) (/m)
ij¥| Bútasaumsgleði 6-8 júní
. Skráning og aliar upplýsingar hjá
Qjdttbúöin Kristrúnu í Quiltbúðinni - Sími 892-6711
UNDIRBUNINGSFUNDUR
Til stendur að stofna stuðningshóp fyrir fólk sem greinst hefur
með krabbamein og aðstandendur þess
Kynningarfundur verður haldinn miðvikudaginn 4.júní n.k.kl
17:00 í Safnaðarheimili Landakirkju. Gunnjóna Una
Guðmundsdóttir félagsráðgjafi hjá Ráðgjafaþjónustu
Krabbameinsfélagsins er gestur fundarins og mun hún verða
með framsögu á fundinum og svara fyrirspurnum.
Allir áhugasamir eru velkomnir.
f.h. undirbúningsnefndar
Krabbavörn Vestmannaeyjum.
13