Fréttir - Eyjafréttir - 19.06.2008, Blaðsíða 2
2
Fréttir / Fimmtudagur 19. júní 2008
Samgöngubylting í Suðurey
Það virðast fleiri ætla að fara að
frumkvæði íbúa Heimaeyjar því
þeir sem hafa aðsetur í Suðurey
hafa ráðist í miklar framkvæmdir í
eynni sem felur í sér samgöngu-
byltingu fyrir eyjaskeggja.
Reyndar voru þeir fyrri til, hófu
framkvænrdir síðasta sumar en
framkvæmdir vegna framtíðar sam-
gangna við Vestmannaeyjar hefjast
ekki fyrr en 1. júlí í fyrsta lagi.
Suðureyingar eru að búa til
uppgönguleið í eyna, norðan megin
í henni eða rétt fyrir neðan kofann
og á þeirri hlið sem snýr að Stór-
höfða. Ekki er um auðvelda leið að
fara, 60 metra þverhnípi tekur á
móti þeim sem siglir upp að
norðurhlið Suðureyjar en nú er
aðeins hægt að ganga upp í eyjuna
sunnan megin.
„Mér skilst reyndar á þeim sem
betur þekkja til að þeir sem upp-
haflega byggðu kofa í Suðurey, hafi
litið mjög til þessa staðar til upp-
göngu,“ sagði Sveinn Magnússon,
einn þeirra sem standa að sam-
göngubótum Suðureyjar. „Það er
nú einu sinni þannig í Suðurey að
þegar það er ófært í eyjarnar hér í
kring, þá er undantekningarlaust
líka ófært í Suðurey. Ég sjálfur hef
tvívegis lent í því að vera veður-
tepptur í þrjá daga í eynni en það
þarf svo sem ekkert að kvarta
undan því enda væsir ekki um
neinn í Suðurey. En þama fyrir
neðan kofann er Vatnið svokallaða
og þar myndast oftar en ekki skjól í
vondum veðrum. Það sem auðvitað
mælir á móti því að ganga á land
þarna er 60 metra, þverhnípt bergið
sem verður ekki klifið svo auðveld-
lega.“
Sveinn segir að búið sé að koma
fyrir stigum og þrepum í berginu
og svo verði kliíið upp og niður
eftir þörfum. „Þetta verður auð-
vitað ekki fyrir lofthrædda en ég
hef trú á því að þetta komi til með
að venjast. Þetta styttir líka leiðina
af sjó og inn í kofa en það er
óþarflega löng leið frá suðurhlið
eyjunnar. Við erum langt komnir
með verkið og klámm það í sumar
og þá verða framtíðarsamgöngumál
í Suðurey leyst að sinni,“ sagði
Sveinn að lokum.
ÞARNA er 60 metra, þverhnípt
bergið sem verður ekki klifið svo
auðveldlega.
Teflt á toppi Heimakletts
s
-Islandsmeistarar Grunnskóla Vestmannaeyja á leið Norðurlandamótið, sem
fram fer á Álandseyjum 12. til 14. september í haust
TEFLT á toppnuni Ólafur Freyr Ólafsson og Karl Gauti takast á með útsýn yfir Eiðið.
Þann 17. júní fór sveit íslands-
meistaranna úr Grunnskóla
Vestmannaeyja upp á topp
Heimakletts og tefldu piltarnir
þar skák.
Tilgangurinn var margþættur, í
fyrsta lagi markar förin upphaf á
söfnun þeirra fyrir ferð á
Norðurlandamótið, sem fram fer
í Alandseyjum 12. til 14. septem-
ber í haust.
Karl Gauti Hjaltason, formaður
Taflfélags Vestmannaeyja, sagði
að á toppnum hefði fyrst farið
fram sveitakeppni þar sem peyj-
arnir tefldu við feður sína. Fóru
leikar þannig að strákarnir
sigruðu með minnsta mun 2,5 -
1,5.
Næst fór fram fyrsta Heima-
klettsmótið og var keppt með
útsláttarfyrirkomulagi.
Keppendur voru átta og fóru
leikar þannig að Kristófer
Gautason sigraði en í öðru sæti
varð Ólafur Týr Guðjónsson.
I sveit Islandsmeistaranna eru
þeir Kristófer Gautason, Daði
Steinn Jónsson, Ólafur Freyr
Ólafsson og Valur Marvin
Pálsson. Þeir vilja koma þeim
skilaboðum til velunnara og
annarra áhugasamra að þeir séu
með söfnunarrcikning í Spari-
sjóði Vestmannaeyja nr. 1167-05-
1086 á kennitölu Taflfélagsins
550502-2080, þar sem unnt er að
styðja för þeirra á Norðurlanda-
mótið.
Sögusetrið
1627 tekur
við Byggða-
safninu
Vestmannaeyjabær hefur gert
samning við Sögusetrið 1627 um
að það annist rekstur Byggða-
safns Vestmannaeyja í sumar
með möguleika á framhalds-
samningi ef um semst.
Sýningunni „Týrkjaránið og
kristnir þrælar“ eftir Ólaf
Fngilbertsson hefur verið komið
upp á safninu en eitt af mark-
miðum Sögusetursins 1627 er að
gera sögu ránsins sýnilegri í
nútíð og framtíð.
Skúta í
vand-
ræðum
A mánudagskvöldið kallaði
lögreglan í Vestmannaeyjum út
björgunarbátinn Þór vegna skútu
sem virtist vera í vandræðum rétt
norðan við Heimaey eða við
Eiðið.
Aðeins liðu nokkrar mínútur
þar til björgunarbáturinn var
kominn á staðinn en skipverjar
afþökkuðu aðstoðina og sigldu
hægt en örugglega í land. Björg-
unarbáturinn fylgdi þeim þó eftir
til öryggis.
Talsverður vindur var í Vest-
mannaeyjum þá stundina, á
Stórhöfða voru 19 metrar á
sekúndu klukkan 21 og
talsverður sjór. Skútan kemur
upphaflega frá Svíþjóð og ber
nafnið Lena en eldri hjón sigla
henni. Þau báru sig vel við
komuna til Eyja, þaðan höfðu
þau lagt af stað fyrr um kvöldið
en sneru við vegna slæmrar
veðurspár.
Óskar Pétur Friðriksson fylgd-
ist með baráttu þeirra við nátt-
úruöflin og tók myndina að ofan.
Jónsmessu-
ganga
Jónsmessuganga verður farin nk.
föstudagskvöld og hefst klukkan
22.00. Mæting verður í Herjólfs-
dal.
Gengið verður á Dalfjall,
Eggjarnar og Molda og þaðan á
Klif, Heimaklett, Eldfell, Helga-
fell og Sæfell.
Hafdís Kristjánsdóttir og
Agústa Guðnadóttir standa fyrir
göngunni og allir velkomnir.
„Það fer hver og einn á sínum
hraða og menn geta tekið hluta
af gönguleiðinni, allt eftir því
hvað hentar hverjum og einum, “
sagði Hafdís þegar hún var spurð
út í gönguna en þær stöllur
hvetja allt göngufólk til að slást í
ÍJtgefandi: Eyjasýn elif. 480*278-054!) - Vcstniannneyjum. Ritetjóri: Óniar Gaitlarssoii.
Blaðamenn: Guðbjörg Sigui'geirsdóttir, Sigurfíeir Jónssou og Ellert SclieWug. tþróttir:
Ellert Seliedng. Ábyrgðarmenn: Óiiinr Gmðarsson & Gisli Vnltýsson.
Prentvinna: Evjasýn Evjapit'iit. Vi'stinnnnacyjuni. Aösetur ritstjómar: Stramlvegi 47.
Sirnar: 481 1300 & 481 3310. Myndriti: 481-1293. Netfang/rafpóstar: frettir@eyjafrettjr.is.
Veffang: btt]i//www.eyjul'rettir.is
ÍTtÉTTIR komn út nlln fimmtudaga. Blaðið er selt i áskrift og einnig i lausasölu á Ivletti,
Tvistinum, Toppnum, Vörnval, Ilerjólfi, ÍTughafnarvcrshminni, Krónunni, Isjakanum,
verslun ll-ll og Skýlinu i Eriðarböfn.. ERÉTTER eru prentaðar í 2000 eintökum.
FRÉTTIR eru aðilar að Samtökum lnejar- og héraðsfréttablaða. Eftirprentun, hljóðrihin,
notkiin ljósmynda og annað er óbeimilt nema heimilda sé getið.